時新快餐店 (已結業)

沒想到真係咁好食喎...個飽雖然係細個, 但勝在可食兩款試下不同口味...超讚!!!!!魚柳大塊到跌左出黎, 又有魚味又淋滑, 完全沒有"梅"既感覺雞肶都唔錯, 但好多地方都可食到; 我覺少左D 鹽差少少, 唔合我口味沙律醬太好味了, 加埋牛肉蛋同芝士... 太完美了...真係想一食再食呀!!!!

因為搬左屋既原故,好耐無黎食,今日食完仍然好味!照舊叫左個漢堡加蛋，份量十足,起碼好過m記多多聲肉汁好足夠! 質地又ok,係個蛋嫌熟左少少....加埋杯飲品,每人都係$30左右! 超值!!!!

Famed for its Hong Kong style hamburgers, Si Sun has been in business since 1963. It’s pretty clear from the interior of the place that not much has changed since then in terms of the furnishing, as we scrambled for seats in the tightly-packed, dimly lit, yet extremely atmospheric restaurant. There’s just something so nostalgic and special about eating in one of these places that keeps me coming back for more.I ordered the Double Cheese and Egg Hamburger (雙層芝士蛋漢堡) which cost $19- a complete barg

想試好耐好耐既快餐店~ 果然名不虛傳！懷舊既感覺同味道~~ 雖然環境一般，好舊，但重要係價錢抵又好食，又有料！叫左隻熱狗，炸雞脾，漢堡扒麵 + 芝士漢堡扒包~~熱狗-好食，個沙津汁係精髓，條㕑師腸既味道好耐都無食過！炸雞脾-無炸粉既炸雞脾，十分香脆！漢堡扒麵同包-嗰塊漢堡扒香到不得了，再加上有洋蔥同啲肉汁喺裏面..woo..好正~~

服務態度差得很薯條唔熱唔脆 好似炸好左好耐咁漢堡細塊汁少包唔熱等候時間唔耐 但叫餐服務態度非常差 而且所以嘢只有散叫 咁既質素去食mcdonald,mos burger仲好

 之前聽過朋友推介, 咁啱經過紅磡就試下, 買了最簡單的芝士漢堡就一路行一路食, 塊漢堡扖果然好正, 入面有一粒粒的洋蔥 ,扖身厚而且肉的質感仍保留, 明顯是用人手刀豖碎不是用機攪碎的, 所以當我食第二啖的時候, D肉汁已流滿嘴, 芝士就冇咩特別, 不過食牛肉漢堡點可以冇芝士增加味雷嘅惑覺, 加埋佢配合少許酸味的醬汁 簡直爽, 再爽D大家可以試埋雙層芝士或雙層牛肉, 不過我估計個麵飽皮係用嘉X較全統有芝麻面的飽所以冇咩特別, 整體來說ok~

本來約了十多人一起吃時新，可是最後只得我和另外一個朋友來吃。不打緊，就讓我們把他們那份全都吃掉吧！朋友吃過時新，他說漢堡包新鮮即製，配上醬汁，很是美味。從紅磡站走過一條天橋，便能找到時新快餐店了。還以為店子很多，進去以後才發覺跟普通熟食店差不多。店內裝潢很有八十年代的風格，主要色調是橘色，讓人覺得很精神。既然是快餐店，需要自己先到收銀處付款點餐。即叫即製，待五分鐘左右後便可以自取食物了。我和朋友每人點了一個包。若是正餐，份量的確有點不足，可是我們只求讓肚子不太餓便足夠了。我點的是沙拉汁漢堡蛋。上層有點芝麻的麵包是嘉頓出品，把它烘熱後再夾上煎蛋、漢堡排和塗抹了沙拉醬。最欣賞的是店家自製的漢堡，厚厚的牛肉碎充滿咸香，更有點肉汁流了出來，比某大型快餐店的扁乾漢堡好吃。整個漢堡包的味道沒有太特別，只是普通的餐點而已，可是卻滿有港式風味。我沒有吃過朋友點的黑淑汁芝士漢堡。聽他說，很好吃，就是這麼簡單。好吃與否，真的見人見智。吃過後，我覺得還可以，但也不至於能夠得獎。可是，對於在八十年代成長的人來說，這或許是他們回憶過去的好地方。

因為有朋友在附近活動的關係到此一趟，其實看見餐廳的佈置與衛生環境已經無咁大期望不過可能食落係另一回事? 就聽朋友話試一次啦點左個芝士蛋漢堡 朋友既雙層芝士漢堡我要左黑椒汁阿 但唔香唔濃而且少麵包大家都知係用邊d 有咩特別?煎蛋普通，牛肉都無咩肉味，全部料都充滿了油阿真係咁好食? 朋友話普通炸如果你問我佢同連鎖店既分别，我唸係人手少d比人吹棒得勁d 同利潤高d lo本土出產係要支持，但我唸值得讚既未必係尼間或者佢有改善既空間?

那天差不多下午二時, 剛巧在附近，想起這家出名的漢堡包店，看過食評加上現場環境(約10多人)，已有心理準備要等，只是沒想過這個包的外賣等了差不多35分鐘。。叫了雙層芝士漢堡，原來只有一塊芝士的(我沒問清楚所以失望吧。。) 。。兩塊漢堡扒 ，很少量沙律汁首先，包並不熱。。其實第一口甚至覺得有點冷。。漢堡扒味道並沒有失望，的確很好味，鮮，痛肉汁，可惜大小只有不足麵包的4分之3..沙律汁少得令我吃到一半時在找有沒有沙律汁。。芝士沒特別。。。有沒有也沒差的感覺。。之前沒試過所以不知是否一向是這質素，可能吃漢堡扒的其他餐會更好吧，但等待的時間令我不會再試了。。

其實小弟已經對該快餐店久仰大名了，從O記上眾多好評來看，想必好吃程度也一定有咁上下，也因為這樣，小弟也想一試它那著名的港式漢堡包，可是因為時間不足，故此每次經過，都只能緣慳一面。上星期六，小弟終於痛下決心，無論等多久，都要一試它的港式漢堡了。走到時新，小弟當然二話不說，叫了一客漢堡包。等了十五分鐘左右，終於取到漢堡包了。小弟一路向著港鐵紅磡站走，一路吃，評價如下：麵包－鬆軟！漢堡牛肉－鮮腍嫰滑、有點熱燙燙，內裡還夾雜青瓜粒，爽口無比！最緊要的是它夠新鮮，絕非連鎖店流水式生產出來的標準化漢堡牛肉可比！當然，少不了鮮美的白汁及芝士，令這一餐加倍滋味！小弟終於明白，為甚麼時新的港式漢堡，會有這麼多人讚好了！果然沒有去錯，下次有機會再到紅磡，一定要再試，才不枉此行！

這裡資料話營業時間係早上6點到晚上9點。其實最新資料應該係早上11點到晚上9點。最諷刺係仲有早晨menu，11點開門，吾知仲叫乜早晨？叫了一份雙層芝士蛋，漢堡還是以前既漢堡，但份牛肉就明顯細咗，價格就升咗，我好懷疑單層牛肉漢堡只適合小孩分量。我記得這裡以前出名只係因爲近理工，因爲學生貪這類價格平加上有水準，屬於超值，先會甘紅，但現在加價后，反而食物變細，食物只係一般，甘樣就失去原本吸引力。都叫了一份魚扒漢堡，塊魚一定吾會跌出來，因爲只佔個漢堡包三分二面積。薯條就一般個一般，與之前食開有點距離。D枱係唯一保持水準既一環，就係一樣甘地道，有潔癖就最好有心理準備。加多兩杯凍飲，埋單73. 吾貴但吾係物超所值那種。山長水遠來就真係。。。

如果有住在紅磡十年以上的朋友，應該知道以前時新隔離（現在已頂手的聯記川菜）做的漢堡比現在時新做的不知好食多少倍！還記得當年聯記做的漢堡，肉厚，香煎，秘制沙律汁，飽牛油輕煎，可說是我在紅磡童年的美好童年回憶!當聯記轉手後，時新才得以奪紅磡漢堡王之名，卻無之實，要是你當年食過聯記的漢堡，現再食時新的（少型板，醬少而稀，肉薄而煎定）你就會有同感！時新漢堡只不過是被傳媒吹捧，在有聯記年代，沒人幫襯時新，就知優勝劣敗了

最近到了紅磡一間薄有名氣的漢堡包店吃漢堡包，怎料收銀哥哥(相信是太子爺)態度奇差，我問：「要多醬對係呢度講(收銀處)定對廚講？」收銀哥哥沒有任何回答，不耐煩地只用筆指指收銀機上的字：XX醬/XX醬/XX醬，如沒有要求就自動選為XX醬(大概如此)。簡直不禮貌及問非所答。至於食物方面，點了一個雙層芝士漢堡包，並沒有如外界般說的好吃，牛肉淋，不是太Juicy，油淋淋的。不會再幫襯。

20-12-2012(四)小時候( 80 年代尾)，媽媽帶我去過「時新快餐店」，當時也不覺它是一間很多人幫襯的小食店。記得 DJ 森美 2008 年在 TVB 節目內，講過他從小已喜歡吃「時新快餐店」的漢堡包，又說它好吃過 M 記漢堡包很多。不知是否森美效應，還是經過一眾網上評價後，這幾年「時新快餐店」的知名度大增，真的多了年輕人認識起來！是日放工後，我和同事來紅磡一帶 happy hour。來到紅磡，我帶他去「時新快餐店」，順度緬懷那些年的日子！它位於九龍紅磡黃埔街 1A 號，即香港理工大學學生宿舍對面，若從都會廣場步行約 5 分鐘便到達，不難找的。餐牌，價錢相對也很便宜。店內提供小量座位，可容納約二十多人用膳，進入店裡時，撲鼻而來的香氣，會讓你有種食指大動的感覺。我們點了豬柳漢堡、熱狗及熱檸水。豬柳漢堡：夠熱辣香，味道真的是一流，又嫩肉，醬汁又夠多，吃起時醬汁也流出來；麵包不軟爛，烤過外層稍微酥脆卻又不會太硬，嚼起來香味絕不比內餡遜色。熱狗：可以，但沒有太大驚喜，中環「永樂園」較出色，但也不過不失，一試無坊。一種帶著上世紀七、八十年代氣息的香港人餐店，讓我停留在過往的回憶中。

呢晚黎到紅磡, 朋友話想食時新. 之前我已經寫過一次食評, 講過俾一次機會大家. 呢日就重來呢個地方.同平時一樣咁多人. 今次見到落單已經轉左用infrasys, 心諗: 呢間餐廳開始對食物認真起黎...可能今次會食返次好!就叫左一個漢堡排蛋公仔麵, 炸薯條同檸檬茶.出餐都算快, 雖然人多, 都見到佢地做野好快手, 十分好.可惜公仔麵唔算熱, 漢堡排好食, 係厚厚既牛排, 面且好香. 但公仔麵仲係硬, 未煮得熟就出果隻.薯條仲慘, 唔熱加唔脆! 明明人好多, 但d薯條好似放左一排先出咁, 已經唔係新鮮出爐既感覺.檸檬茶一向都唔好飲, 呢一次都無例外...唔得話人地唔俾機會你, 係你自己唔憂做, 愈做愈差. 依家唔明既, 係點解做都咁都仲咁好生意?