時代冰室 (環球工商大廈) (已結業)

原本諗住去大渣哥食 但太多人排隊了 就轉咗去蕭生開嘅呢間「時代冰室」食餐牌上面嘅選擇好多 諗食咩都諗咗一段時間🤣 唔知係咪因為選擇太多 令到食物味道失準 做唔出出色嘅水準 但價錢平民叫咗兩個王牌•瑞士雞髀 一個配蔥油撈麵 另一個配叉燒滑蛋飯 講下雞髀先 雞髀肉質太乾 唔夠鮮嫩 撈麵同白飯嘅份量都算多 面頭均佈滿蔥油 但叉燒滑蛋實在失色 佢嘅蛋唔滑嫩 叉燒亦太乾身同咸 失望呢😣 餐飲配咗杯「冰啡樂」 可能之前喺其他茶餐廳飲過好味嘅 所以覺得呢一杯麻麻地第一次去「時代冰室」嘅經歷唔太完滿 所以應該支持同體驗一次就算了

葱油厚切豬扒配叉燒炒蛋飯 $62豬扒多汁有口感，但有d多肥膏，叉燒偏瘦味道正常，葱油同豉油係撈飯既絕配，足料豐富。秘製薑黃咖喱牛腩配薑黃飯 $68薑黃味非常濃烈，每啖飯都滿有薑黃味，有少少辣。牛腩淋又香，薯仔都入味。重口味，有d咸，但特別風味。防疫套餐係限定既，例湯足料，味精味道比較重。

今日放假又過左海活動,難得黎到九龍灣當然要去一去人氣食飯熱點食晚飯💛#時代冰室 請大家原諒我上一個post同宜家哩個post都要介紹同一樣野😄無錯！又係我既最愛💛之一———————————————-All Day breakfast 🥞🥗🥩厚切豬扒🐷配3.6牛乳炒蛋🥚+司華力腸+沙律🥗+牛角包🥐+薯餅🍟+茄汁豆豬扒幾香口,肉質都夠鬆軟！其他就正正常常,但條司華力腸得半條,如果有番完整一條會開心D🥳———————————————-重量級.美國西冷牛扒可加配飯🍚麵🍜薯菜🥗🥔醬汁可選：黑椒汁🖤/蒜蓉汁🧄/意式茄汁🥫一上枱既時候,真係覺得好似pepper lunch咁！牛扒都好貼心咁俾你揀3/5/7成熟,預計食到後期會熟多一成度啦💛醬汁方面,今次揀左最正路既黑椒汁,估唔到係超級濃味！岩晒重口味既朋友仔！跟餐既薯角🥔🍟份量都唔少！口感都👌🏻！————————————————飲品方面就比較🆚一般般了！希望下次去既時候會再好D啦！

😷疫情再爆發，大家記得注意個人衛生💪🏻💪🏻 無必要就減少外出啦😉 不過飯都係要食嘅，叫外賣都好都要支持良心小店啊!!💛今日就同大家介紹下呢間抵食夾大件嘅時代冰室，位於九龍灣工業區，喺果邊返工嘅朋友記住支持下👍🏻👍🏻👍🏻 (❗️不過由於係工業區，入門前員工會同你講暗號，你答係丫係丫就得架啦🤣🤣)早排去到其實夜晚都幾多人，排隊都大概要15分鐘左右。內部裝修都好有70-80年代氣氛，有唔少當年電影廣告作為裝飾，好有香港味道架。菜色選擇非常多，鐵板扒類、中式小菜、西式意粉，碟頭飯都有好多唔同種類，不過黎得就梗係試下佢招牌 -- 蔥油厚切豬扒伴三眼煎蛋飯啦😎😎 一黎到三眼煎蛋非常吸晴😍，三隻半生熟嘅煎蛋鋪滿飯嘅表面，黃蛋慢慢流出黎同飯混合，雖然簡單，不過真係食指大動😋👍🏻豬扒都好重份量，兩塊都差唔多手掌咁大，但係都非常鬆軟，加埋蔥油一齊食真係好夾，抵得試下架🥰🥰除左厚切豬扒，我地仲叫左佢地嘅招牌王牌雜扒，有齊雞扒、豬扒、腸仔、火腿同煎蛋，仲可揀跟薯角/ 飯/ 意粉，同四種醬汁任君選擇味道方面，可能係因為我地想試新口味揀左照燒汁嘅關係，會較蔥油厚切豬扒略為失色，不過份量真係無得輸，性價比一流👍🏻兩個

11:45 落左order, 最後到1345先有外賣哎左兩個all day breakfast, 漏曬salad, 牛角包哎左兩個常餐， 麵個湯變左常溫哎左N杯凍飲，得一杯有冰過埋office lunch hour先有野食都係第一次D野凍到似一早整起擺左成個鍾無人送， 無人送都叫我落黎ling都好la 

11點幾叫Lunch外賣，等到晏就2點先送嚟。過程中已幾次問係咪漏單，幾時會送到。只係交行貨回覆。外賣送到上嚟，餐又唔齊，all day breakfast 冇左個包，冇左個沙律。麵餐浸到漲卜卜，食物凍冰冰，又乾，野飲好似溝水咁。完全冇交帶，問嚟問去都係得個吉，一啲歉意都冇。如果係冇人送外賣，講聲丫大佬，我哋落嚟拎囉。個餐俾你擺到唔知食好定唔食好，叫你換過份，我驚到天黑先有得食。食lunch變食下午茶，仲要唔知食左啲乜落肚，谷鬼氣。

燒山開既呢間餐廳 黑洞聽講抵食夾大件👀難得經開九龍灣 排隊都要一戰好彩等15分鐘到就入座🤪-🔸招牌芝士流心西多士（$30）西多士厚切🤩即炸好脆口 芝士加糖漿 一咸一甜幾惹味😋不過流心效果係完全無😂-🔸巨人雞脾扒拼雙火腿（$68）大大隻雞脾啖啖肉加埋雙火腿啱晒食肉獸🤓不過伴碟薯條唔夠新鮮 淋晒唔太好味👉🏻👈🏻-🔸蔥油厚切豬扒配瑞士雞翼飯（$56）蔥油豬扒好香口 邊位連脂肪正👅瑞士雞翼入味得黎唔算咸白飯量又唔係話好多 不過一般夠食⭕️

經過門口成日見到好多人排隊，當然都要支持一下啦，話晒都係香港人冰室。當然入去坐低之前都要量一量體溫啦，雖然好多人，但係落完單等一陣就有得食，話晒都係焗飯等一下係正常嘅。茄汁焗豬扒飯。熱辣辣送到枱上，芝士同蕃茄醬都仲係會吱吱聲咁叫。裏面有洋蔥西芹甘筍，蕃茄味香濃而且帶點甜味，配上雞蛋炒飯底，然後仲有焗到脆面既芝士，嘩，真係不得了。‼️仲有主角豬扒吖‼️肥瘦均勻，厚薄適中，即使焗完之後，咬落口依然juicy，

受到蕭生嘅召喚，去試吓九龍灣新開嘅時代冰室🤣 估唔到呢間新式嘅冰室，都係貫徹着大件夾抵食嘅傳統！望遠一日，去食大大碟嘅碟頭飯，或者撈麵，都係一種大滿足！瑞士汁雞翼撈麵，特餐仲配埋炒蛋同牛角包，淨係個面底已經大份到完全食唔晒！炒蛋唔會乾爭爭，都幾滑☺️☺️ 另外仲帶咗個三色蒸水蛋配飯，但係餓得滯一上就食咗🙈另外值得一提喺餐廳嘅內在環境，真係做足懷舊復古嘅設計🤩 有好多八九十年代嘅電影海報，好似係蕭生做導演添🤣

臨時約嘅收工飯， 近近地食時代冰室， 我太耐冇出去食晏， 成日都附近take away返公司食， 所以都唔知有間時代冰室~ 咁今次可以試吓我地around 7 點到， 都唔駛等好耐就入得， 坐得好舒服， 因為佢唔搭枱， 好寬趟~ 我揀咗個厚豬扒all day breakfast, 其實我想食佢個鐵板餐， 但係我地要去食甜品， 驚太飽， 所以想輕食晚餐。。。。 但係原來都好飽嗰塊厚豬扒真係冇揀錯， 好淋， 好好味~ 正呀喂~ 下次真係要食佢個厚豬扒鐵板餐， 好期待呀我本來唔鍾意食牛角飽， 但係佢個細細牛角飽又ok喎，我成個餐食晒 fd叫既常餐都ok~ 唔錯唔錯， 好抵食！

夜晚有野做 約左個FD食個快Dinner6點左右 近近地見有位 就呢間啦拎起個餐排 勁多選擇...小菜 常餐 咖哩 鐵板 碟頭 乜都有價錢都要幾親民好似呢碟先係62 連杯野飲塊豬排好似我個頭咁大62呢個價錢  係九龍灣商業區黎講 佢剩係得塊排都唔過份 但竟然仲跟埋叉燒炒蛋 勁抵食味道方面豬排醃得幾入味 好淋 加埋蔥油 好香 但又唔會太咸叉燒炒蛋就中規中矩 叉燒少左D不過咁既價錢 仲想點Overall 平靚正 九龍灣諗唔到食咩就揀佢

#時代冰室 午餐好抵食，份量勁多又唔貴口水雞放左好多辣油辣醬，好惹味有少量前菜同一碗無味精既住家湯！招牌既三眼仔豬扒飯真係冇得輸豬扒肉質嫩滑又鬆軟，唔會好鞋好乾豬扒仲要勁大塊！三隻半熟蛋配埋蒽花鼓油，撈埋一齊撈飯食好正

幸運地趕得上了下午茶，選擇眾多😋 價錢亦合理叫左雞脾加三文治，雞髀皮炸得好脆，唔會好油，皮上加左啲蜜糖，更添美味。雞髀肉亦juicy，唔會好乾。三文治麵包好厚，入面夾左炒蛋，如果三文治係烘底同蛋係滑蛋會更好味🌝仲加左$5 要個細既蕃茄通粉，份量有點細，但加埋雞髀三文治一個女仔係夠食既☺️另外仲叫左蔥牛鐵板飯，牛肉份量多，上枱後要馬上撈混佢，如果唔係啲牛肉會有點燶，佢飯既份量岩岩好，加左啲胡椒同粟米連汁帶飯撈埋一齊食，好味，仲有飯焦添👍

🎶家私之旅III see yolks of yellow, red cha-siu tooI see them cooked for me and youAnd I think to myself what a wonderful world當你將點餐重任全權交付一人，他就會點滿滿一枱自己鍾意的食物，除了蛋還是蛋，除了豬還是豬三眼仔豬扒飯，三隻太陽蛋油亮亮，白黃分明，厚身豬扒灑上蔥花，視覺效果一流，味道如何?蛋汁白飯軟滑，好味，可是蛋香一般，比不上日本蛋，蔥油雞變奏蔥油豬扒，調味略嫌健康，惹味欠奉，虛有份量，不夠嫩滑彈牙，但整體叻過連鎖快餐店滑蛋叉燒飯，色彩繽紛，一見口胃，大飽口福前之飽眼福。黃色叉燒蛋餅覆蓋整碟飯，與蔥花再會，白飯乾爽，叉燒夠多，冰鮮大蝦, 偏少, 原片(大大片)上，偏瘦，色淡固然無碳火香，亦無鑊氣🙊搵食後記：環境方面誠意滿滿，懷舊香港，五六張八十年電影海報，一部大電視，視覺取勝茶餐廳

蕭生開既時代冰室無理由唔幫襯！咁岩九龍灣有新店，可以先食為快，平時lunchtime都好踴躍、好多人排隊，不過勝在效率夠快，等大概15分鐘可以入座。餐廳掛滿左舊時代香港的電影/電視劇poster，雖然好多都無睇過，但懷舊氣氛特別濃厚。冰室食物類型眾多，常餐、湯麵、All Day Breakfast、烏冬、撈麵、焗豬扒飯，真係講得出既呢度都食到。瑞士雞全翼撈麵配火腿奄列、牛角包，雞全翼大大件好入味，皮薄肉質嫩滑，雞槌部位亦唔會鞋口，而撈麺分量真係落重本，感覺多過一個麵，口感彈牙有d似平時食開既Indomie，每條麵都沾滿醬汁。傷風感冒餐 – 特濃番茄雜菜滑雞通粉，特別中意菜色名，顧名思義傷風感冒就要吸取多d營養補充體力，湯底有別於平時的雞湯，用上健康的番茄雜菜湯，味道酸甜濃郁，不過雞件就有少少失色/淡味，可能平時慣左食火腿/沙嗲/餐肉，整體黎講呢個確實係一個健康之選。全日歐陸早餐 – 香煎蜜糖雞扒配3.6牛乳炒蛋、司華力腸、薯餅、沙律、牛角包 終於試返個邪惡Big Breakfast，味道不比Café遜色，而且賣相精美，用料豐富，平時常餐既多士就以牛角包代替，重點係價錢非常親民👍🏻