春田日本料理 (已結業)

第1次去春田食野點解黎？係因為地方幾大我地同個BB1齊食野所以想揀坐得比較舒服既餐廳食野見到春田D位幾好坐+唔洗等位+有電視睇就試下喇叫左2客3文魚壽司12蚊1客2件半磅3文魚刺身28$仲有1碗吉烈豬扒拉麵$38正如我地所料春田位坐得真係比較舒服而且有BB凳提供唔係間間日本餐廳都會有而且食得唔洗快冇時間限制坐幾耐都得唔會比人趕唔好處係3文魚壽司細到冇得再細不過3文魚刺身還好另外吉烈豬扒又係好硬好唔新鮮不過拉麵就還好總括黎講1分錢1分貨啦

上星期六, 倆口子打算食日本嘢, 因為去開的幾間已經食過很多次, 有些悶了, 所以改去了另一間叫春田的店子. 點了一碟咖喱吉列豬扒飯, 一碗滑蛋牛肉飯和一客栗米沙律軍艦. 結果是....中招收場.咖喱吉列豬扒飯, 除了飯多份量大之外, 其他全部唔掂. 豬扒唔夠熱, 表面一點都唔脆, 肉質"鞋"到死, 一食就知是下價之雪藏貨. 咖喱汁唔香之餘又唔熱, 其實連啲飯都唔夠熱, 總之碟飯任何東西都只是暖的. 老婆的滑蛋牛肉飯更差, 牛肉中肥肉佔了大部份, 完全唔健康, 攪到好多都食唔到, 就算食到的牛肉都是淡而無味, 都唔知有無調過味. 那個滑蛋更加不知所謂, 個蛋汁稀到不得了, 毫無蛋味, 飯底竟然有很多水, 完全唔似食滑蛋應有的口感. 栗米沙律軍艦整得非常"求其", 圍邊的紫菜都唔合埋, 散開的, 其中一件放下來時還"塔"下了, 完全唔認真. 睇見就眼唔開胃.除了食物唔得, 環境又嘈到不得了, 想坐多陣都頂不順, 食完嗱嗱臨走人. 總之無樣得, 不會再來.

同朋友飯聚, 朋友介紹0黎呢度! 舖面好大間, 同田中比, 呢度舒適好多! 冇咁大壓迫感~ 而且, 冇限住你時間食0野. 不錯! 朋友話呢度都係大件夾抵食, 所以係咁叫! 1 磅三文魚 – 都幾新鮮, 而且有幾種切法, 厚切, 薄切, 角切, 大片小片, 各有唔同口感! 正!!炸芝士 – 一口一口的! 幾香口~軟殼蟹 – 都好多0下呢~ 我諗都有兩隻蟹0係度!而且香脆唔油口, 唔錯!海膽 – 一板, 我個人覺得較腥, 但老公話以香港0既質素算係咁啦~ 唔可以北海道比較呢… 分量都算多!牛柳 – 都幾大碟, 但少少靭, 如果唔煮咁熟會好少少… 山葵八爪魚 – 個人唔食山葵, 唔知… 但朋友話好新鮮. 同埋, 都好大碗~玉子燒 – 分量唔算多, 而且乾身0左0的, 燒汁又唔夠多, 搞到成個玉子失色不少, 但… 都好味0既!因為7點前食夠$100, 可以加$1 換餐牌上面指定的4款食物, 我地就點0左三款: 1蚊鯛魚 – 切得算薄, 同埋分量都自多! 最好係真係新鮮~ 一0的都唔腥!! 1蚊池魚 – 跟足日本食法, 用薑葱撈池魚, 老公話好新鮮! 超值!!牛肉窩 – 以為好細窩, 但一0黎到

义燒拉面包飲品一杯 $30面實在太太太少!!!! 得兩著仔...义燒有兩少片...但味道口感還可以~ 炸牛肉薯餅烏冬包飲品一杯+三文魚壽司一客 $40份量又係太少!!!! 要另外再多兩客三文魚壽司... 三文魚壽司 $12x2細舊左d...無人地d食評影得咁大舊...三文魚又真係切得薄左d...差唔多8妹自己食晒...但都還新鮮，色水ok，味道還好~同8公仔去完附近健康院打完半歲針，大家都肚餓(我/ 媽咪/ 8妹/ 8公)，就到就近搵野食，8妹一見到三文魚就發晒癲話要食，所以就入左去。全場連埋我地得兩枱客，所以完全唔洗等~埋單$100鬆d...但係好似完全無野落過肚咁...所以下午茶...無下次!!!! 下次試埋晚市睇下點先~

經過春田見到佢既3文魚刺身勁抵17蚊有4塊奈何我地1早已經決定要食拉麵而且友人同過我地講黎間野完全唔好食所以我地就放棄左當臨返屋企之際我地都係決定外賣1份返屋企過下癮1份4塊味道唔錯但有小許雪味但咁既價錢有咁既質素還是OK的有機會或者會去試試堂食壽司及刺身

尋找日本料理店@元朗~最新發現:春田!堅抵+OK好食!"1) 三文魚剌身$17四片厚切, 新鮮, 切身有肉感, 無雪味, 有魚油香味!!!2) 海老天婦羅X5+日本南瓜天婦羅X1 =$30, 蝦已挑蝦腸, 有海味, 蝦肉跪甜!!" 南瓜日本貨原條連皮上, 咬下淋甜無渣!" 尾中不足天婦羅皮略微小厚, 但仍不損其跪口與口感, 十分香口可人!!3) 巨型三文魚壽司$14一舊, 沒什麼特別, 只飯大舊, 充饑一流... 三文魚身亦較剌身薄切... 感覺像吃了一大碗飯...4) 北海道燒蠔$50兩隻, 蠔超巨型, 不連殼只計蠔肉也有半隻手板咁大... 入口爽滑, 汁料夠濃, 有牛油沙律汁香!! 尾中不足其中一隻蠔變了, 但與店員反映後立時取消壞的那一隻的價錢, 態度良好"!5) 牛柳粒$29, 叫左之後沽清-.-... 無食到...食物4環境4(卡位FOR2人)服務5(自動主動加水!)抵食5(大量食品半價,免加一,食夠一舊送COUPON)整體4.5十分滿意的一餐~OVERALL以咁GE價錢食到咁GE質素+環境算超值... 有下次!

這間在元朗未打響名堂。我也是經常馬路時瞄到「春田日本料理 」的易拉架，上面子寫住大大個＄８８日本火鍋任食任飲……後來就決定試一試。我們沒有吃火鍋，只是選擇吃壽壽司，原來７點前落單，是有７折，７點後則要８折。味道，整體上，材料也很新鮮，比我預期理想。待應服務態度很好，每個也很會聊！我們剛好７：００入去，那個女待應還很幫我們盡快落單，令我們有７折。

如果打邊爐.我數過只係五種食物係最大路壽司同刺身大大件...料就不是很新鮮.而的飯有的硬...環境大...唔錯.....服務就..的店員都有禮的...但好似剛剛出來做.末接受訓練.由落單...上菜的店員都係生手.

之前同朋友食過壽司,印象不錯,見天氣有d凍,再去試下個88元任飲任食火煱~ 仲送壽司拼盤食火煱,叫刺身壽司半價~ 所以叫了牡丹蝦,蟹子墨魚同甜蝦 牡丹蝦肉厚,有口感 蟹子魷魚同甜蝦都乎合水準主要的火煱,叫了豬骨湯, 味道一般, 配合打邊爐的調味欠奉...一開始自動送上的邊爐拼盤,賣相ok,但配料超唔新鮮,越打越無胃口,而且配料選擇好少,全都是日式拉麵配菜,天婦羅的材料, 青口,蜆,冬瓜,豆腐.肥牛,蝦,多春魚, 其實都覺得好無誠意!! 失望到極反而想推介前一次食了的蕃薯天婦羅, 超好味! 所以今次評分真的好難,火煱真的做得好差,但小食,壽司,刺身其實可以試下,可以拉到ok的分數...