春田日本料理 (已結業)

今日同朋友放學食lunch，就去左春田日本料理到食飯，而我們點左學生餐，$29（包送紙包飲品一盒）我點左個日式咖哩豬肉飯，咖哩的味道不錯，d飯就煮得岩岩好，好有咬口，但係d豬肉好似食瘦肉感，而且仲煮到好老，好難咬得開，其實味道是唔錯的。如果加返d蔬菜就更加好。而我朋友就點左個雜錦魚生碎飯，賣相好好，面頭有好多蔬菜，魚生碎，蛋粒，魚子…，好吸引，佢話d魚生都幾生鮮，但d料仲多過飯。

又是團購記錄﹗剛巧這間餐廳是在元朗，在團購網內見到，就抱著不妨一試的心態。一來到，原來這間都頗受歡迎，有不少人已在輪候入座呢，幸好我們是已預訂了座位，不過都要稍等才能入座。清新貝柱沙律甚有夏日氣息，配合二人餐主題「戀之初夏」，而貝柱肉粒雖然是細細粒的，但也有點鮮甜味道呢。海膽花之戀上菜時，覺得「嘩，好大塊海膽呢」，但吃下去，原來海膽完全不新鮮，還有點臭呢﹗大失望﹗但三文魚很新鮮，算是可以補足海膽的缺點吧﹗仲夏和風前菜，原來是辣青瓜粒，水太太不太嗜辣的，讓水爺試試，他覺得味道也可以，但他也沒有吃掉全碟呢。安格斯牛肉炒飯，真的很YUMMY!! 飯炒得不錯，日式炒飯一般不會炒得很乾身，而安格斯牛肉粒當然並非高級的那種吧，但肉質都有鎖在內，咬落去頗juicy。yummy!芝士煙肉燒帶子，其實帶子頗鮮甜的，不差的，但可惜配芝士煙肉搶了其味道，不太合適，帶子還是最簡單的牛油燒最能吃出帶子的鮮味吧﹗原本我們點了燒三文魚扒的，但後來侍應說已售罄了，故我們點了豚肉生薑燒，怎知道這會是意外的驚喜﹗一上菜就覺得很香，豚肉很嫩，被濃濃帶有甜味的薑汁和燒汁包著，真的好好味呢﹗整晚最欣賞是這道菜，超級yummy!

攝於2012年7月29日不錯的一個下午茶，看到餐牌上有合適的東西，沒有猶豫下就進入店內。最好是不需等位，就可入坐。第一個午餐: 魚生切角飯 + 一杯熱飲 ，盛為 HKD34很優惠，而且是超大碗，抵吃呀!雖則魚生不是太鮮味，但只是滿足一下魚生的感覺，是很好的!第二個下午茶餐: 壽司盛盒，盛為 HKD30我想除了元朗可以找到大大舊壽司之外，其他地方都找不到，也算是有一番風味。最值得提及的是，這裡沒有加一服務費。

早前在網上團購了這個日式晚餐, 因為見位置是在元朗, $83 二人餐包加一, 便買來試試~我們大約七點去到,還沒有什麼人,地方也很寬敞~坐下後, 侍應便拿那團購的餐牌給我們選擇菜式由於價錢比較抵, 我們恐防食物是很細碟, 所以主菜都選擇了比較飽肚的金龍卷及魷魚筒飯不久, 前菜鴨胸沙律來了 出奇地是大盤的雖然鴨胸不算多, 但光吃菜也有點飽了,此刻覺得自己有點小人之心之後大蝦金龍卷及燒魷魚筒炒飯陸續上來, 全部也是大大件的金龍卷味道及口感都不錯~魷魚一點也不韌, 飯中也吃到魷魚的味道, 但就偏鹹了一點唯一奇怪就是麵豉湯是最後才上...味道也是偏鹹...但這晚餐的飽足感是爆燈的, 一個絕對抵食的團購

早個星期，十分孝順，幫媽媽把壞了的風扇拿去元朗維修，一年去元朗的次數平均只有兩三次，元朗實在太遠了，而且人十分多，令人窒息。在等待的途中，去了吃午餐，雖然選擇很多，但不想走得太遠，而且沒有地方泊車，那只好隨便揀了。一人要了一個set，分別為雜錦刺身飯和三文魚刺身飯，其實兩者分別都不大，賣相也差不多。雜錦飯多了些希靈魚和不知名的刺身，而兩者刺身的新鮮度也可以接受，至少不會容容爛爛帶點臭味，而且有豐富的蟹子，以$34來說，也不能要求太多，而且坐得都算OK。而份量方面也沒有偷工減料，至少看上去是怖滿刺身的，大家都吃得飽飽的。而飲品則是熱飲免費，凍飲加3元，很久沒有喝過柚子蜜了，而且天氣熱熱的，叫一杯凍飲即時涼快得多。那天只有數枱客，冷氣開得超大，差點冷死了，建議把冷氣較細少少，既環保又慳電，何樂而不為~

晚飯和老公到這𥚃吃飯，叫了壽司、三文魚刺身、餃子、咖喱豬扒飯，當中最好食是三文魚刺身，其餘的真一般。咖喱豬扒飯真的很難吃，豬扒完全沒有肉，只得炸粉，難吃得不得了!!

之前團購用$148買左「戀之初夏二人和風套餐」, 個地址寫教育路金輝徑, 但這間店根本不在教育路也不在金輝徑, 其實是在西裕街, 花了點時間找才找到.坐低選了二選一的菜, 然後食物就極速送上, 一個一個的上來, 好像不用煮的, 非常高速!本來食日本餐是很light, 會吃得很舒服的, 但這間的就很heavy, 沙律醬太多, 油太多, 食肥人, 而帶子貝柱用上差勁急凍貨色, 沒有誠意, 其餘食物也屬普通, 這樣的質素, 我很擔心這食店, 在競爭激烈的元朗中, 能生存多久團購餐送了個「大蝦金龍卷」下次可吃, 眼見鄰桌叫了類似的卷, 十分巨大, 兩個人吃應該也飽了, 試過這麼多道菜, 沒有一個欲再吃, 所以下次應該不會光顧, 只吃免費「大蝦金龍卷」好了!

因為團購買了一張二人套餐券，所以和K先生去了元朗一趟。春田的地點很偏僻，到了金輝徑，還要拐一個彎才看到。六時正到達，店內人不多，但這間「日本」餐廳的招呼很像茶餐廳，女侍應們都是用「啊，靚仔」等等的港式茶餐廳對待客人，K先生對此餐的感覺已經極不良好。味僧湯來了，不是平日日本料理的有蓋小碗，而是一個平日普通小碗配一個湯匙。前菜是帶點酸的蘿蔔，和黑色的蒟蒻，也許是關東煮的東東？總之很奇怪。K先生的樣子一直都非常不滿。之後是燒三文魚扒，六片小小的，用鐵板上，我覺得這碟還可以。再來海膽花之戀，吃不到海膽的味道。芝士焗帶子，普通。安格斯牛肉炒飯，這個簡直是「極品」，K先生形容這是生炒牛肉飯，我說，是沒有生菜，用了珍珠米的生炒牛肉飯。K先生邊吃邊說，我敢打賭這些牛肉一定不是甚麼安格斯，若安格斯牛肉落在這間店內真的是暴殄天物。甜品，某大公司的雪米糍一小粒。吃完我的肚子飽飽滯滯的，可能是油太多？K先生開始擔心之後團購買的日本料理。

春田lee間野我都食過幾次,食物都唔差。但今次我對佢地ge服務態度真係好失望。係咁ge,我本人就好鐘意食牛舌ge。而春田晚上9點半之後牛舌串燒等食物都係一客三串,平時得兩串。我零晨落樓去買牛舌,然後去買m記,因為一般串燒都要等20分鐘。然之後我再返春田攞外賣。本來次次都無事ge,今次一返到屋企打開個塑膠袋見到得兩串牛舌,咁我個人其實都無咩野！唸住可能佢地都係唔小心燒少左串姐,咁係open rice搵到佢地電話就唸住打落去同佢地講聲啦！叫佢地下次燒番多一串比我。點知打左個電話5次都係無人聽,電話最後總好似收fax咁長響,個心就開始興興地啦！個電話無人聽咁裝個電話黎做乜野?咁無計啦！我就為有攞住個外賣,再行多轉啦！其實我真係唔係想計較果少少ge食物,只係想佢地知佢地做錯野！出少左食物,總要電話打唔到先興。係到留意番,我係買左m記ga,成個著條淋曬唔食得囉！但我都係落左去。我同個著便服,上穿黑衫,下身牛仔褲,一條馬尾,可以收銀ge女人講(因為頭先同我落單果個都係佢):「你地個電話打唔通ge?我打左好多次啦！你地夜晚9點半後ge串燒係一客三串ga嘛?我得兩串咋。」點知個女人第一句唔係講咩唔好意

無厘頭地, 最近我好鐘意食日本嘢。哩幾日食完一番同日之味, 都吾錯丫, at least everything's alright.前晚同朋友行經春田, 喺門口睇下有乜食有個女侍應突然喺我身邊竄出嚟, 向我哋猛Sell佢哋既二人套餐當佢講到附送甜品, 我就問係咩甜品, 個女侍應就話喇：『er, 雪米糍, 好吾好食就見人見智喇, 不過壽司好好食架』我又再問(其實真係隨口問)：『咁三文魚呢？』佢又話：『好食(誇張表情), 不過我覺得吞拿魚好食啲(掩半張嘴扮神秘)』我同我個fd其實都覺得佢有啲腦殘, 但最後都入咗去。兩個人, 叫咗炸軟殼蟹($48), 三文魚壽司($12), 芒果蟹籽沙律($28), 鰻魚炒飯($45), 芝士炸蝦卷($3x)我冇食三文魚壽司, 因為睇落啲三文魚都吾多靚, 而且朋友鐘意食就俾埋佢食。炸軟殼蟹, 一啲都吾好食, 林哂, 仲要$48得嗰兩隻細細隻, 食完想爆粗。可惜低處未算低, 沙律原來更恐怖, 啲青瓜絲出哂水, 林哂一啲都吾爽口, 啲蟹籽有一陣腥味, 完全放吾落口！啲芒果又酸, 我朋友仲食到芒果皮, holly disgusting！個沙律好細兜, 完全吾可

呢間野無乜人，食評都相對其他元朗既少好多。但呢間野既質素，係同其他乜田乜中既好囉，加上服務態度良好，係值得一去，值得一食！我諗無乜人既理由係，地方位置比較遜色，因為響千色左邊一條好多野食既街，再走響後面先見到。通常過馬路會見到個宣傳易拉架／有人派傳單。話說我地知道呢間野，係因為天寒地凍，見到佢門口擺左好多火鍋野，價錢又ＯＫ喎，就衝入去。不過最後我地無叫火鍋野。呵呵前菜，送既。三片三文魚，但新鮮！牛柳石頭飯（６８蚊）呢個味道好好呀！！！！好食呀！牛柳雖然有少少硬，不過ＯＫ架仲有，佢附送一碗麵豉湯，同一碗泡菜，個個泡菜好好食呀！唔係韓國泡菜，好似佢自己製架！可以試下雞軟骨（唔記得左幾蚊）應該都係呢度一定叫既野。咁就當然好味道啦～！有少少椒鹽三文魚煎餅（４８蚊）我想講，舊三文魚好大舊囉～而且都唔錯！

食物選擇‧極品蟹皇粥 ($58)‧油揚壽司 ($12)‧醋鯖魚壽司 ($10)‧帶子沙律軍艦 ($28)．三文魚刺身半磅 (食滿$100+$28)環境．燈光比較光猛，也有電視看．頗闊落，不會坐得太迫服務‧侍應態度友善，但人手嚴重不足，沒有人主動收碟和加茶味道．極品蟹皇粥是用石頭碗盛著，夠熱又保溫，粥裡有蟹子和一隻橙色的三點蟹。 粥香米多又有鮮味，不比澳門的水蟹粥遜色．油揚壽司比一般的腐皮壽司更濃味，而且不是很多壽司店有得食．醋鯖魚壽司和帶子沙律軍艦也不錯．食滿$100可以加$28要半磅三文魚刺身，三文魚夠新鮮，切得厚厚的，不過有一半是近腩的部分，比較「餾」

星期日一行三人諗住去元朗食大排檔...點知多人到傻左..見有間日本野又唔係太多人..又比佢個滿$100 可以$28 半磅三文魚刺身吸引住所以就決定食春田la..冇人等位但面full哂..我地等左5分鐘就有位la. $28 半磅三文魚 有10塊估唔到仲要係幾厚...比預期中肥美同新鮮..$28蚊真係超值呀!!! 三文魚蟹子沙律 份糧都唔算少呀..仲有個底有芥辣味..正呀 廣島蠔海鮮炒飯 當然蠔唔好諗會有好大隻la..但成碟飯有5隻都算係咁la $56蚊仲想點 牛油金菇 好香牛油味但我冇 食到因為我唔食牛油 軟x蟹 冇乜特別 雞軟骨 好香口又唔太乾..份量仲要係唔少woo 鰻魚定食 好好食..其實都幾抵...d配菜有泡菜三件三文魚刺身同麵豉湯...個飯熱辣辣...正呀 芥辣八爪魚 yeah....$28 可以話平又得話貴又得...但以日本野黎講係可以接受問題係d份量又係唔少呀~~~~~~~~~~~~~~~lee間野一定會再去..不過佢d待應唔夠...好多人走左都冇時間執枱同加水..但服務係唔差ga..元朗又一好食日本料理la...正!!!!!

I got some spare time this afternoon, and I wandered around YL.It's so cool for me to find a Japanese restaurantI ordered a Eel Fried Rice.In fact,not bad, however, it's a little bit sweet in taste.I don't like sweet to much.Anyway,I spend my time successfully with a dish of cute fried rice

超開心呀~今日同哥哥爸爸一齊去食日本野~HIGH到爆~呢間春田個門面都OK靚，人都OK多，因為唔係假日所以排兩三個就入到去啦~~我地叫左鹽燒青花魚，壽司拼盤，魚生拼盤，同埋象拔蚌~~~我鍾意青花魚多D，因為在下睡骨能力實在十分一般^^青花魚真係一條骨都冇呀~食得超開心，而且勁香口壽司拼盤ARM晒我，D三文魚好新鮮，冇雪味^^而且呢個拼盤係一口SIZE，ARM晒我用來扮淑女~~~我個人來講就覺得SUSHI唔洗大件，飯同刺身ARM比例先好食~呢個一口SIZE先係ARM比例，唔似得其他個D飯多過刺身N倍0既壽司.魚生拼盤都唔錯，一字記之曰：大！MUD都大，三文魚又大，鮑魚又大，吞拿又大……勁大勁大！仲有D我平日未食過0既品種，名就唔UP唔出，但我估係貝殼類象拔蚌我個人就冇MUD點食，但哥哥佢地食得勁滋味又話爽口，又話甜，又話我冇口福！BYEBYE啦！！！我唔食就唔食架啦~理得有幾好食呀！埋單啦~其實呢餐都合理，我最鍾意0既青花魚＄42，魚生拼盤＄288，壽司拼盤勁抵玩，成24件都係＄188姐：D至於象拔蚌幾錢呢？＄88！勁平，因為星期一至四平D~如果星期五六日食要＄118呢~感謝爸爸今日放假