春水堂 (太古城中心)

营业中

休息中

📍太古, 春水堂正常講起好食嘅炸豬排，都照例係load到啲日式炸豬排店之類㗎嘛😅但今次竟然俾我喺春水堂發現驚為天人嘅炸豬排便當🍱話說有一日嘅午餐無咩calling又俾人發辦喇(今次係同事仔)咁好吖食台式嘢都好似幾開心🤓雖然春水堂登陸香港已久，但其實我都仲係未食過嘅，所以就叫同事推薦吓自己嘅心水喇😌❤️點知人地一開口唔係講嗰啲咩牛肉麵，而係炸豬排便當😅於是我就半信半疑咁落咗單🤔最後我係超感恩自己有聽佢建議嘅 - 份炸豬排肉地半肥瘦，炸得鬆脆得嚟完全無乜油膩感又乾身🤭加埋啲他他醬簡直係無敵😳誠意推薦呢道錯曬fo嘅春水堂單品俾大家🫣#完全錯fo地好食嘅炸豬排便當 #春水堂 #炸豬排便當 #太古 #taikoo #øhhejfoodie

18/11 晚上想晚飯！兩個人因有較大背囊及手袋！詢問可否座四人枱！但侍應堅持人多只可座二人枱！但目視只有六成客人空枱有好多！最後唯有選擇離開！晚上7:30 還要求有多少客人！給客人小方便也不可以！失敗！

春水堂都間中會幫襯下, 平時都係食開便當好少食招牌 - 紅燒牛肉麵, 因為唔係話好鐘意食, 始終濃味, 食完要飲好多水! 但今日唔想食炸豬排; 終是係唔知簡咩既情況下就叫紅燒牛肉麵!紅燒牛肉麵（半筋半肉） -  $82要自己一個完成整個麵係有D漏 (平時都係食朋友果個碗一兩啖), 牛筋半透明好似啫喱咁, 牛肉亦都煮得好入味好淋, 牛筋食多件就會張住個口, 加上湯底濃郁多油, 食到尾就會漏! 麵底係幼麵, 偏淋身, 如果硬少少更好呢個麵如果你本身係鍾意濃味, 其實係幾好食既胚芽奶茶 - $29我認為胚芽再多少少更好, 太少唔夠香, 另外, 奶味幾重, 但未算好好味, 只係普通既台式奶茶!

🍜 紅燒牛肉麵（半筋半肉） $82濃味之選👍🏻湯底濃郁，會油啲，牛肉牛筋夠腍又入味，牛筋系啫喱狀，有咬口，配幼麵，麵索汁😝仲有小棠菜🥬，另外會有碟酸菜，整體份量都唔少😉🍅半筋半肉番茄牛肉麵 $92番茄湯底，唔會好酸，會健康啲，牛肉牛筋一樣咁好食，估唔到系配闊條麵，更有口感😝一樣會有小棠菜同埋酸菜✨空間大，有好多卡座坐得舒服，QR code點餐，上菜快

企咗好耐，冇人帶位嘅以為要自己搵位坐，最奇怪係店內不是太多人，餐廳是0服務的，但又要收10%服務費，一坐低要自己scan QR code自助下單，淨係拿碗麵過嚟都要收10%？食物水準是好的，份量也很多，只是連埋10%貴了一點點！

又係黎左春水堂，每個月坐底都一兩次，無計，太古城中心真係選擇唔多。兩個人晚餐order左麻辣牛肉麵、紅燒牛肉麵、麻辣青瓜、椒鹽雞翼同茶香肉燥生菜。麻辣牛肉麵：半筋半肉，都好大舊，湯底唔錯，但係BB辣，麵亦偏林，我自己ok，但我個friend麻麻地林麵。紅燒牛肉麵：基本上同麻辣牛肉麵一樣，湯底很濃很甜，甚至比麻辣的更出色。椒鹽雞翼：中等size，唔算好大隻，但個皮炸得好鬆脆，比鹽酥雞更好食，個人認為係encore之選。麻辣青瓜：夠大舊厚身，夠凍夠酸，非常爽口，麻辣只係普通辣度，賣相一般但係意外地好食。茶香肉燥生菜：花椒八角味重，肉燥不特別好食，只屬一般。埋單三百零蚊，仲要㩒住唔叫野飲，真心係貴。

春水堂係台灣品牌，我記得台灣旅行係見過既，個樣都好似幾高級（相比起普通街邊台灣野黎講），咁所以我對佢都有幾大期望。失望：1）可能期望愈大失望愈大啦，太古城呢間春水堂面積都唔細，不過啲位真係迫迫地唔舒服，可能因為防疫要加板，搞到好壓迫，兩個人食真係俾細細張台仔，佢個裝修同價錢我期望係想舒服少少，真心坐得唔舒服就打左個折。2）另外，唔知係咪裝修有問題，吸音超差，變左其實又唔係好多客，但個個客講野就變左街市咁嘈，可能客人質素都有點兒大聲左少少，或者佢室內設計太差，呢樣係耳仔唔舒服。3）職員態度唔係咁親切，可能真係成個環境又嘈又迫，職員既心情都麻麻地，想要杯水都少少黑面唔滿意咁。以上既野都打晒折，餐廳黎講食野先係重點。牛肉麵份量都足，牛肉幾淋，不過唔算太出色。正常一般啦。飲品：鐵觀音珍奶，少見啲既口味，飲落都唔錯。茉香奶茶，茶底唔夠香，味道一般。整體來講，呢個價錢，呢個味道，呢個環境應該有下次既機會都好微。我唔排除其他分店可能裝修好啲無咁迫無咁嘈，但太古城呢間就可一不可再。

突然好想食台灣嘢，附近近近地又好食嘅應該就係春水堂，因為我都係最忙嘅lunch hour去食，所以排隊就一定要，但都唔算太耐，等一陣就到喇。入到去見到個meun都真係覺得貴，成90蚊一個便當，仲要無野飲，所有野都係散叫我地3個朋友分別叫左兩個便當同一個牛肉麵，朋友仲加多杯珍珠奶茶。兩個便當中規中矩，無乜太大驚喜，但又不至於話差，不論雞翼定排骨都炸得好好，咬落脆，入面係有肉汁，但價錢真係貴左啲。至於牛肉麵，朋友就話個麵質比較淋身，但湯底個味係濃嘅！但係呢個價錢我就未必再食下一次了。

春水堂開左咁耐今次都係第一次食，太古城分店坐位都比較多，唔洗點樣等就可以入坐。麻辣牛肉麵(半筋半肉)，牛肉好淋，份量比較少，湯頭濃郁，少麻少辣，唯獨麵底冇得揀粗麵，可惜左啲。新品小食蒜泥白肉，並唔係好似想像中嘅傳統蒜泥白肉，豬肉比較厚切，爽脆，醬汁唔多，蒜味唔夠。愛玉檸檬綠茶，愛玉Q彈，加左檸檬唔太甜，好大杯。整體來講，無想像中咁好，加上入坐時間清靜，員工都比較鍾意圍埋傾偈，有人想落單，都唔知大唔大聲叫你哋好。。。作為顧客，大聲叫人落單，果啲地方係大排檔

一直都想試吓食春水堂嘅食品，尤其甜品，望落好吸引。因為午餐都未食太肚餓，就順便喺度食埋正餐。正餐選擇不多，分為牛肉麵或便當系列，我自己就叫咗個蕃茄牛肉麵，老公就嗌咗個炸排骨便當，個仔就叫咗個迷你肉燥飯，竟然係個肉燥飯係最好食嘅，蕃茄牛肉麵，面嘅質感係刀削麵，牛肉係半斤半肉，總共有六舊，但蕃茄好Hea，得兩舊仲要係生生地既，炸排骨便當更加唔好講，好難食！ ！ ！ ！ ！無論前菜同肉都係冇味嘅！ ！ ！ ！已經唔再抱有希望嘅我，甜品終於到喇，就係鐵觀音雪糕多士，咦！又幾好食喎，雖然個雪糕好快溶，但上邊有黑糖珍珠，塊多士係外脆內軟，係好味嘅。而因為太口渴，就嗌多杯珍珠奶茶飲下，味道都係正常幾好飲㗎，所以總結，呢度都係食返甜品同飲珍珠奶茶好過啦，正餐唔好諗啦！

相信鍾意食台灣嘢嘅一定有聽過春水堂嘅珍珠奶茶🧋因為真係幾好飲🤩 除咗招牌台灣牛肉麵之外，仲有台式便當，有好多款式選擇😋 紅燒牛肉麵必定要食！覺得佢嘅湯底好香，牛肉當然唔使講都好食啦👍 便當就試咗滷汁排骨便當，食完之後覺得好似返咗台灣旅行咁😂😂 我最鍾意就係飲春水堂嘅鐵觀音奶茶🧋奶茶香濃好飲👍 如果鍾意鐵觀音都可以試吓佢嘅鐵觀音拿鐵，覺得分別在於奶味比較多少少，不過都好飲嘅😊 值得推介！😊😊

唔算係好食到dum一聲，覺得都係名過其實。🔸黃金香酥雞(💰52)(6.5/10)👌🏻🔸魯肉飯(💰32）(6.5/10)👌🏻我覺得好多店都做到呢個水準。🔸珍珠招牌紅茶雪糕吐司（💰59）(5/10)之前喺apm食過一次幾好味，今日再叫實在失望！佢三分鐘就上到菜，好明顯唔係即整！然後咬落去，係韌架！又硬！😒然後我叫佢換一個俾我，呢個好好多，個吐司硬熟好多。不過佢俾啲擺耐咗啲吐司客人食真係唔得喎！🔸珍珠鐵觀音奶茶（💰36)(7/10)🔸珍珠紅豆鮮奶茶(💰39)(6/10)點解個圖係有一大球紅豆喺上面，但拎到黎都唔同樣。不過佢都有好多碎紅豆喺奶茶入面。Btw, apm店啲食物好食過太古城店好多！

見今日齊腳返工，所以plan好左一齊去食春水堂飲珍珠奶茶🧋～預左lunch hour要排隊等位，出奇地好快有位入座，入到去幾乎滿座咁濟…春水堂就無lunch set嘅,全部都要散叫，最後我就叫左照燒雞便當($ 82)加珍珠鐵觀音奶茶($ 34),便當會附送埋一碗肉丸湯，但個湯就好似滾水咁⋯清淡💧；便當份量大大份，有大量雞肉再有菜/菇/雞蛋等等嘅配菜，食極都食唔完😌。食物質量係多嘅…不過味道就唔覺有咩特別，好似一個普通照燒雞飯（仲要小汁😫）咁。而野飲方便都不過不失嘅珍珠奶茶🧋。總結： 因為之前食過一次係好好味，杯台式奶茶真係好有台灣嘅味道，但經過今日呢個lunch之後，我諗無咩必要都唔會再encore了❌

成日黎幫襯。最鐘意佢地杯薑汁奶茶，可惜可能季節問題，依㗎冇得飲啦同埋好鐘意佢個地瓜條，夠哂脆同熱氣餐餐食唔停口。另外，佢個辣豆腐粒我都好like,重口味既朋友一定啱食。之後循例叫佢個半筋半牛麵，不過不失啦，其實就碗滷肉飯仲好吃（不過細碗）。佢仲有個滷肉麵線，好老實，啲油多都嚇親我。最後叫咗佢個珍珠雪糕多士。我食過哂兩隻味，其實就冇咩分別。不過，食完野大家share個甜品又幾滿足。唔係好甜，不過幾多cream,我反而覺得最好食既部份就係件多士

完全係花錢買難受。1.入門口等帶位完全無人理（企係旁邊吹水），要我主動叫人先問我地幾位，食物上桌毫無口碼介紹，放低走人。2,食物品質一般，大腸洗唔乾淨有騷味，牛肉麪太淋入口即溶果隻，奶茶仲俾外賣裝我地（其它臺係玻璃杯裝）。3.問某個黑衫齊陰冬菇頭瘦員工摞兩個碗，超黑面想打人咁，叫四次先有反應，食飯全程見距發脾氣，扔托盤，打爛只杯（失戀？），埋單又係距，繼續黑面，死魚眼+完全無眼神接觸，講完幾錢後零出聲尷尬等埋單。唔知係公司待遇問題定其它問題，全部員工士氣低到冰點，叫唔郁人幾乎想要自己黎，仲收10%服務費，真心請我去都唔會再幫襯。