春嬌越南河

营业中

休息中

Knowing that there is a popular Vietnamese cafe at Causeway Bay, my wife decided to go there for dinner tonight. Chun Giu was located at Caroline Hill Road, several minutes walk from Causeway Bay MTR. Even though the restaurant was not considered big, their menu was extensive, offering snacks, noodles, rice, curry, hotpot and drinks etc. Kumquat plum tea - It was refreshing and sour in taste, helping to quench our thirst in this hot weather. Vietnamese coffee - Condensed milk was provided, thus

銅鑼灣加路連山道越來越多新開嘅餐廳🍴呢間越南餐廳餐牌選擇非常多🤤我同朋友決定入去試吓呢間叫春嬌嘅越南菜 餐廳內環境裝飾有花心思😚有別於越南茶餐廳店員好殷勤同熱情招待，而家好少餐廳感受到店員嘅熱情❤️‍🔥 值得欣賞餐廳用智能手機點餐，scan QR code就可以自行點餐啦朋友叫咗香茅雞翼湯檬香茅雞翼即叫即炸 醃得好入味！而且分開碟上，非常細心湯檬湯底清甜，檬粉略嫌有少少碎我叫咗 雞絲扎肉湯檬扎肉分量十足，口感爽口彈牙雞絲唔會好硬 而且浸湯 非常入味另外我哋仲叫咗啲小食越南春卷即叫即炸 非常脆口食落去唔會好油 而且餡料非常足料😚👍🏻沾酸辣醬就最好味！馬拉盞通菜馬拉盞鹹香味十足 好惹味啊！而且炒得好夠鑊氣🤤通菜夠晒爽口

喺銅鑼灣想食越南菜，所以去咗春嬌一試大約7:30去到，唔需要等位，就直接入去店內裝修風格頗為有特色，好有越南風味店員都好有禮貌安排我哋入座呢度嗌餐係要用QR code落單，不過我哋都有餐牌可以睇啲相我同我朋友都好鍾意食喇沙湯麵，所以分別嗌咗個招牌春嬌火車頭喇沙湯檬同埋河內生牛肉喇沙河粉一上菜份量都好多，其實兩碗湯顏色都差唔多，喇沙味道都非常濃郁，但係配料就不一樣火車頭基本有豆卜，牛丸，牛腩同少許生牛肉等，牛丸彈牙同非常有牛味，同埋仲有一大舊花膠，厚身同埋非常爽口至於生牛河喇沙，生牛河份量會多啲，咬落非常嫩滑同好香牛味，我會將啲生牛肉浸喺喇沙度，啲味道更加出眾嘢飲方面我哋嗌左個新鮮椰青，飲落椰青味好香同好清甜，同埋個椰青比較凍，特別消暑，好適合而家咁熱嘅天氣，入邊嘅椰青肉仲可以刮黎食另外，當然有嗌呢度出名嘅志明奶茶，味道偏甜，奶茶味香濃，有別傳統茶餐廳嘅港式奶茶，值得一試

自從老公公司搬咗嚟銅鑼灣之後，多咗喺銅鑼灣這邊搵食，今日捐窿捐罅搵到在加路連山道的《春嬌》食越南菜。店內陳設都好精緻，越南feel。掃QR code手機落單，方便快捷。香茅豬扒湯粉金邊粉~兩大塊豬扒另上，賣相好吸引，連骨豬扒肉質都比較好吃；金邊粉湯底香濃，配料包括芽菜、洋蔥等。馬拉盞通菜牛肉飯~香噴噴的馬拉盞，通菜炒得好有鑊氣，十分爽脆，食落少少辣非常惹味，牛肉入味夠淋。春嬌豬肉粉包(4件)~粉包質地軟滑煙韌，沾少少魚露也不錯。網紙蝦春卷(4件)~熱辣辣炸起，網紙比一般春卷皮更香脆更可口。志明奶茶(凍)~見好多食客都有點，奶味比較重。

之前留意過呢間越南餐廳，佢個名好得意，叫《春嬌》見倒呢個名，一諗就諗倒曾經風靡一時嘅港產片《志明與春嬌》，難道呢間餐廳取名嘅原因，係因為越南有一個胡志明市？🧐🧐進入店內，有淡淡越南嘅簡潔氣息。牆上有多款手繪越南斗笠，牆身嘅廣告板、天花吊燈，都充滿小越南風情。本身蕃薯妹同友人係為咗越南火鍋慕名而來～ 不過可惜老闆表示，因疫情關係越南火鍋暫停供應🥲 小失望。不過一場來到，試吓其他嘢食啦。志明咸滑雞飯 $59超嫩滑嘅滑雞！而且唔會好多油脂，唔算咸，有少少似海南雞😋加配日本荷包蛋 $8蕃薯妹係蛋怪🤤 見倒可以加荷包蛋當然唔會錯過！馬來咖喱牛腩配手抓餅 $78不得了，呢個咖喱好好味！有椰香、微辣，味道濃郁，牛腩口感鬆化，唔會好鞋口，手抓餅沾上咖喱食，非常match～ 而且個咖喱好味到…有想叫多碗白飯嘅衝動😩 可惜我食唔落咁多嘢～炭燒豬頸肉 $62外面燒到微焦有少少脆口嘅豬頸肉，入面肉汁依然保留，肉質淋外脆內軟，口感唔錯，有炭香味😋 值得推薦。志明奶茶（套餐價）$8越南咖啡就飲得多，越南嘅奶茶就未試過～ 同越南咖啡一樣我都係覺得帶有微微嘅班蘭味，唔知有無飲錯😂 味道唔會太甜，唔錯～ 估唔倒《春嬌

今日晏晝響時代廣場同其他市民好緊張咁睇住李慧詩入四強之後，又差唔多係時間去食晚飯，行行下去左間越南餐廳，見佢都好新淨，點左幾樣食物決試吓。招牌蔥油烤牛肉金邊粉好大碗，我同男朋友share都夠食，蔥同芽葉好多，牛肉湯好好味，金邊粉亦都非常爽滑彈牙，menu寫烤牛肉，不過原來係牛肉碎粒，可能自己誤會，不過都幾好味。香茅雞翼一碟5隻，好香香茅味，雞皮炸得好脆，唔會燶，已經冇晒皮下脂肪，雞肉仍然嫩滑，唔嚡，食落外脆內軟，好好味。越南脆炸蝦餅一碟每人3塊左右，唔算細塊，食落都幾彈牙，密度幾高，好有蝦味，而且係剛剛炸起，熱辣辣又香脆，香蔥加上炸蒜令蝦餅更加惹味。網紙蝦春卷賣相同一般越南春卷一樣，一口咬下好脆，幾好味，食到芋頭粒，不過食唔到有蝦，有啲不似預期，一問之下話因為d蝦係磨碎咗去整，可能其他食材蓋過蝦味，建議老板娘用多啲蝦去整，增加蝦味。志明奶茶見餐廳海報寫「成世流流長總會遇到一杯好嘅奶茶」，既然咁樣寫，即管點一杯同男朋友一齊試吓，飲落比一般奶茶甜，但茶味好突出，味道唔錯，久唔久試吓其他味道嘅奶茶都唔錯。總括而言，呢度係抵食又好味，兩個人食到好飽，整體上呢間餐廳都算非常唔錯，希望下次黎時個蝦

我想去旅行😭😭銅鑼灣有條餐廳嘅聚腳街又多咗間新嘅餐廳，係食越南野嘅。好耐冇去旅行，不禁令人懷念越南美食嘅風味😭😭呢一度嘅裝修好有越南feel，第一眼印象分已經幾好。叫咗個滑雞湯河粉，因為見到其他食客都食湯河食得好滋味，於是就心心念念諗起越南嘅生牛肉河粉，個湯嘅清甜美味！呢度雖然唔及越南當地咁清甜，但係都有佢嘅影子，相當唔錯，令人可以懷念下旅行嘅時光。另一樣必推嘅就係咖喱牛腩手抓餅，呢個有啲奇怪係當小食而唔係正餐，因為份量好大好抵食😂😂😂唔知真係會以為係正餐嚟。叫多咗個小食炭燒豬頸肉，邊邊幾香脆，yummy💗嘢飲叫咗兩杯，一杯係龍眼水另一杯係志明奶茶🥤，龍眼水幾好唔會太甜，志明奶茶都同茶餐廳嘅奶茶茶底唔同，加左煉奶幾特別～

老實講 喺銅鑼灣食嘢 消費一定好高所以想平平哋搵一間好食嘅 我會推薦你去春嬌聽個名好似好古色古香 其實係食越南野火車頭大家就食得多 但係有花膠嘅火車頭又食過未呢？只係$68 就可以食到春嬌嘅火車頭湯粉入面除咗有常見嘅牛肉配料 咁加上一塊大花膠完全係索晒香濃嘅湯底 好抵食😆而MY BOSS 就要咗咖喱香茅豬扒飯($58)雖然係咖喱 但都帶有少許椰香味 絕對惹味😋我地額外叫咗兩款店員推薦嘅小食包括酸辣鳳爪沙律 ($52) 係開胃之選唔食得辣嘅朋友都可以一試😍除此之外 河內麻香手撕雞 ($60) 令我喜出望外因為我原本諗住麻香 係芝麻醬😂點知原來係麻辣味 食落去就開始有料到🌶雖然志明奶茶比較出名但我哋最後都揀咗龍眼水($20)同埋荔枝梳打($28)用嚟解喇都係一個唔錯嘅選擇😬-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

上次經過已經想食，今日係附近行完街，我地過黎食晚飯。餐廳主打越南菜，餐廳裝潢好有越南Feel，座位與座位之間不算逼狹。6:00前仲有下午茶，我地仲差5分鍾就6:00，我地拿拿聲點到一個下午茶，因為下午茶價錢好抵食。奶油醬脆豬豬配薯條奶油醬脆豬豬個包如果再脆一點會更好食，薯條用上粗薯條，夠香脆生熟牛肉湯檬粉湯粉可以選擇金邊/檬粉/河粉湯底夠熱，滿滿的香料，香料味突出，牛肉上枱時接近半生熟，靠熱湯浸一浸已經熟晒，牛肉不會太韌，反而熟牛肉比較軟嫩。志明奶茶黎到春嬌，當然要飲下志明奶茶，奶茶夠香又滑。椰汁珍多冰椰汁味濃郁，甜度適中

春嬌位於銅鑼灣加路連山道9A號地舖。由銅鑼灣F出口，步行約5分鐘左右到達。餐牌種類都幾多，有小食、串燒、湯粉、飯類，手撕雞等等，另外下午茶都好抵食，餐廳上QR落單，方便又環保。招牌春嬌小食拼盤有4款小食、扎肉、春卷、鳳爪、炸蝦丸，春卷和炸蝦丸炸得夠香脆，食落不會成口油，炸蝦丸好彈牙，春卷沾上酸辣醬惹味又開胃馬拉盞通菜札肉飯通菜份量夠多，通菜炒得好有鑊氣，通菜幼嫩爽口，馬拉盞醬鹹香惹味，送飯一流，我最鐘意佢夠多馬拉盞。香茅雞翼雞翼夠大隻，香茅雞翼好入味，濃濃的香茅味。越南咖啡

有時身在銅鑼灣，很多餐廳都吃過了，想explore一下附近其他餐廳，其實可走到銅鑼灣外圍的加路連山道。你會發現一排都是餐廳，食物選擇不比銅鑼灣鬧市少，而且食客亦不少。天氣炎熱想吃越南湯粉，於是便是這間名字有點親切的「春嬌」，人流多，相信品質不錯。吃越南粉當然首先要試《招牌春嬌火車頭 （金邊/檬/粉） $68》- 精心熬製正宗牛骨湯底超過十小時，味道香郁不油膩；有生牛肉、一粒牛丸和牛腩等，牛腩嫩腍不韌。《椰青$32》很清甜解渴，椰子肉十分嫩， 輕易刮出，當甜品吃也不錯。《河內麻香手撕雞粉皮 $64》帶辣醒胃，手撕雞份量多 ，粉皮亦爽口不硬。手機下單快捷方便，上菜速度都快，職員態度友善，每個四人卡位坐都用吊簾分隔，裝修有風味。

見呢到個位唔算太就腳但就成日都大排長龍我純終於知道原因喇🤔火車頭有咁大塊嘅花膠見過未？仲要係兩大塊😍😍仲有牛丸、牛腩、肥牛等等嘅配料湯底有清甜嘅牛肉味價錢仲要好相宜😌炸蝦餅好彈牙～好足料店長特別推命麻辣麻醬手撕雞本身諗住咁多麻醬辣味應該唔會好出點知又真係會慢慢滲出黎💕舖頭裝修好別緻～影相真係一流～雖然空間唔算好大但睇得出真係用心去怖置仲有正宗嘅泰式奶茶同越南咖啡☕️價錢又一啲都唔貴唔怪得keep住有人流出出入入😆

銅鑼灣真係好多嘢食，係公司附近又有間性價比高既餐廳。椰青 $38炎炎夏日，當然先黎一個冰凍椰青chill一下，大大個好清甜，作為吃貨，當然連椰肉都唔會放過😋好味牛頂湯蘿蔔浸小棠菜。$48先試個湯底先，很清甜，幸好跟期望既味道一樣，小棠菜頗爽口，蘿蔔清甜。烤牛肉生菜包配手抓餅 $62平時食豬肉碎較多，今次牛肉碎都係第一次食，牛肉碎調味適中，唔會死咸。一共有2大塊手抓餅，餅配上青瓜絲，蘿蔔絲和烤牛肉，口感豐富得黎有層次，當中既蘿蔔絲和青瓜絲中和了手抓餅既油膩感。豬肉串燒。$42/3串好惹味，雖然表層燒得香脆乾身，但食落一點也不柴，仲保留着肉汁，有驚喜。咁多樣嘢食都唔過200蚊，真係好抵食，性價比超高，而且服務態度都幾好，尤其個樓面姐姐，好熱情。

因為想食撈檬而搵到呢間春嬌～餐廳入面既裝修好用心，放左好多越南風既擺設～店員仲細心推介食物，好友善～！食越南野必點香茅豬扒！配撈檬超開胃！！最岩咁熱既天氣食～豬扒揀左碎上，唔洗有骨岩晒懶人haha，豬扒薄薄地，唔會鞋口，亦都好夠味，加分！檬粉加左檬汁，撈埋炸蒜、蔥油真係無得頂。。。另外我地仲叫左個香茅豬扒雞翼蛋飯，今次豬扒無揀碎上，係原塊大大塊連骨既豬扒，一樣好入味唔鞋口～雞翼都炸到外脆內嫩，飯就加左甜豉油，配埋太陽蛋，好快就食晒成碟飯～！小食就叫左麻香手撕雞，醬汁係有少少麻辣既芝麻醬，加左少少青瓜絲，實在好清新開胃～！！雞肉都好嫩，唔錯！飲品就叫左荔枝梳打同奶茶，都算唔錯～雖然地點唔算好方便，但下次會再幫襯！！

呢日冇咩做同女朋友去左南華會打保齡 打完之後就喺附近睇下有咩食 就俾我地發現到呢間新開嘅越南菜😏餐廳嘅裝修都好多東南亞風情🌴坐底左之後店員都好好服務問下我地食咩之後我地就揀左佢地推介嘅雞湯檬粉同我鐘意嘅生牛肉湯檬！•鹽滑雞湯檬🐔•-呢個雞嘅肉質好鮮嫩 而且肉汁仲鎖死曬好Juice雖然係會偏鹹 但浸埋落個湯檬到食就啱啱好👍🏻•生牛肉湯檬🐮•-本人勁鐘意食 因為牛肉生生地先嫩口架嘛🙈同埋個湯底配埋啲檸檬同辣椒 即使咁熱都即刻有番啲胃口🤣之後我地仲叫左個菜•馬拉盞炒通菜🥬•-呢個菜真係冇得輸 雖然一定係泰國當地食嘅特別好味 但呢到嘅味道都能夠頂一頂癮啦！爽口得嚟又惹味🤤泰國野又點可以冇椰汁阿🙈•椰汁冰🥥•-呢個椰汁冰都幾夠味 入口好順滑 而且椰香味都幾重 即刻將頭先嘅辣一次過解曬🤣👍🏻.呢到嘅價錢都幾抵 食物又唔錯 下次打完波都可以再嚟食過😏