春嬌越南河

营业中

休息中

- 鴛鴦春卷叻沙 六點前送熱龍眼水或熱茉莉綠茶 趕得切有野飲送順便提前食晚餐越南春卷兩件 米網蝦春卷兩件 叻沙入面有豆卜 豆卜充滿叻沙 好好味🤤個叻沙湯底我幾鍾意 唔會太濃椰奶味

春嬌是我以往的飯堂之一。現在因為回歸銅羅灣上班，這裡再次成為我每週必去的飯堂之一。但食物的份量似乎有些偏少....咖哩牛腩飯：薯仔份量算豐富，整碗飯上堆滿了美味的薯仔塊。牛腩的份量就只有大約有3-4塊，每塊都經過緩慢燉煮，肉質鮮嫩多汁，搭配著香濃的咖哩醬汁。香茅豬扒雞翼煎蛋飯：包含了兩隻雞翼和一塊豬扒。雞翼經過煎炸處理，皮脆肉嫩，帶有香茅的香氣。豬扒質地嫩滑，但相對較薄身，欠缺了口感。咖哩豬扒：豬扒同樣十分簿身，好彩有濃郁的咖哩醬汁伴飯。小總結❤️❤️❤️📌味道不錯📌肉的份量偏少

想當年銅鑼灣間春嬌啱啱喺肺炎嘅時候開，都有幫襯過堂食。直至最近叫袋鼠外賣送貨又突然order返，但同之前真係相差好遠！我哋叫咗牛肉pho 加底+蔥油豬扒飯。豬扒飯還可以，蔥油味幾香，但係豬扒過度落鬆肉粉變得太淋冇質感。 牛肉pho 叫得外賣要求不會太高，但係得兩塊牛肉片，好似真係少咗啲。湯底偏淡，諗住清清地食一餐都還可以，但食到最尾，以為咬到不知從何而來的魚骨，一望！竟然發現係一條鐵線！！唔知係洗碗嘅鐵布定係任何工具鬆脫嘅鐵線，但真係好彩冇吞落去，如果唔係入院都似！附上圖片俾大家驚嚇一下。袋鼠外賣已經退錢，但係餐廳仲未有回覆！特登上嚟OP再提醒吓大家。

黎過呢間舖食過幾次，晏晝時段一定會嗌生牛肉河同香茅雞翼豬扒煎蛋飯，飲凍志明奶茶同埋凍龍眼水，杯奶茶好似泰式奶茶，好好飲👍🏻👍🏻下午茶嘅時候，我嗌咗洋蔥牛肉包黎試下，牛肉同醬汁都好多，不過都係最鍾意食香茅雞翼豬扒煎蛋飯，塊豬扒好大塊，雞翼都係啱啱炸起，勁好食，個人比較推薦呢個飯😋👍🏻👍🏻而生牛肉河嘅份量好多，湯底仲要好濃，一啖湯一啖粉勁好食🤩，兩個人可以share一齊食。店舖環境唔錯，每日嘅客量都好多，有時候要等幾分鐘先可以入座。

間嘢非常難食，價錢不平，下午講6 70一個飯，隔籬就有一間茶記，50蚊質素不差。數到最差一定係態度十分差，欠佢咁，完全沒有禮貌冇寫最長用餐時間，呃呃氹氹話可以慢慢坐，入到去完全不是咁回事，杯嘢都未飲完叫我地走，坐低都冇40分鐘當自己澳牛？同佢對質，完全沒有歉意，唔想人坐點解唔寫限時，點解唔做外賣店，市面就是充斥這些垃圾店家，同詐騙冇分別。希望各位顧客睇到這篇食評後，想清楚自己是否小林尊，否則你最多食到半個飯大家千萬不要去，附近大把選擇！不會下次再光顧！謝謝

平時都好鍾意食越南嘢，間唔中都會想食，不過銅鑼灣區選擇唔算多。呢間春嬌試過幾次都keep到水準。位於銅鑼灣，喺有不少餐廳嘅加連山道，非常方便👍🏻╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟ 河內生牛肉叻沙非常推薦佢地嘅叻沙湯💛橙橙紅紅嘅湯底，椰香濃郁，少少辣唔會好刺激，獨有香味令你一啖接一啖，大推🤤！因為湯底夠濃郁，每條麵都掛到湯汁🥢配料有豆卜同蔥花，豆卜索晒香濃嘅叻湯湯，超級惹味！每次去都會食叻沙湯！▶ ∗︎*ﾟ 雞絲扎肉撈檬另一樣我食越南嘢每次都會叫嘅就係雞絲撈檬，春嬌嘅撈檬都好唔錯😆有滿滿嘅雞絲同札肉，青瓜同紅蘿蔔絲令到檬粉好fresh👍🏻重點係上面嘅炸蒜、蔥同花生碎一啲都唔馬虎，令碗撈檬層次同香味都更上一層樓🥺✨雞絲好味唔柴，札肉更加特別，黑椒味香濃！撈檬都大推！▶ ∗︎*ﾟ 越南黑咖啡另外加左越南黑咖啡，係加煉奶嘅咖啡。上枱勁大杯😳仲可以煉奶另上，自己調整甜度。╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 春嬌可以話係我嘅go-to越南菜同叻沙，唔同分店都試過，一樣好食！💛💛💛

今日在聖保祿醫院附近，3點左右，想揾個地方食下午飯，因為食完早餐後未食晏，一心想揾有飯麵的下午茶餐。在門口見這間泰國野有下午茶迷李豬扒飯，就走咗入去。見到餐牌雖然寫迷你，都有一塊豬扒，便選了。我同友人都點了同一個餐。QR code 自行落單，原來奶茶咖啡要加$12。因為一心平平地食個tea 先入嚟就飲不用加錢的茶和龍眼水。兩樣都正常。但豬扒飯上枱，一碗有一塊，一碗得半塊，半塊的size 大約身份係咁大。其實佢個碗都唔大，塊豬扒得兩啖仲紙咁薄冇嘢好講，冇下次，兩啖豬扒同一片肉片差不多，食淨大半碗飯冇餸，覺得食白飯好可憐咁，只好放棄，餓住再去第二度食過。環境同衛生都一般正常啦，$42得白飯多，仲要冇得包奶茶咖啡，冇下次了。

春嬌係其中一間我lunch 會經常幫襯嘅餐廳。座位比較多，唔駛等太耐，岩哂lunch 得一個鐘嘅打工仔。嘢食嘢飲都上得好快。今次叫左鴛鴦春卷湯檬同埋志明奶茶。鴛鴦春卷分別有炸米子卷同埋炸春卷，頗有特色。湯檬大大碗。一定夠飽。志明奶茶，入邊有花奶同煉奶，略嫌有啲甜。下次order可以試下揀返少煉奶。

今日突發到銅鑼灣做嘢，行過希雲街附近，見到部分小店很多人排隊，所以行到丹麥餅店入啲既食肆望望，見到「春嬌」人不算多，就呢間😝試試。今次一人食晏，簡單叫左個招牌春嬌火車頭檬粉😉可能我無咩期望，竟然碗粉送到我面前未放低已聞到越南湯香味！碗粉特色係有花膠😍，條花膠好認真☺️，估唔到都幾大塊，亦有口感唔係薄薄，煮得軟稔適中👍🏼；另外，除牛丸牛腩肉外，仲有碟生牛肉，份量好足，質素肉質都不錯🥹🥹，檬粉都夠幼細🙂，好食呀！第日有機會都會再去食🤓

銅鑼灣抵食越南菜招牌蔥油烤牛肉撈檬睇落去好豐富有好多牛肉粒、紅蘿蔔絲、青瓜 、蔥油 、炸蒜 、花生碎。牛肉粒已經預先醃製，有啲似似韓式牛肉。倒檬汁落去，再撈嚟食，連埋啲配菜一齊食，好清新開胃。鐘意食辣嘅可以加少少辣椒粉，食落去更開胃。餐廳：春嬌食物：招牌蔥油烤牛肉撈檬 價錢：$56（午市）地址：銅鑼灣加路連山道9A號地舖#銅鑼灣美食 #hkfoodie #hkfood #food #美食推薦 #美食推介 #香港美食 #銅鑼灣 #hkig

整體評價高👍🏼👍🏼👍🏼網上落單方便，速度快🤭🤭必食推介：大塊豬扒喇沙湯金邊粉$66 （份量多-兩大塊豬扒）豬扒好林，甜甜地👍🏼湯底非常濃郁👍🏼入面有兩粒豆卜，吸晒湯底精華無得頂👍🏼👍🏼👍🏼香茅雞翼喇沙湯金邊粉$66正常🤭冇特別驚喜粉面份量好多😂午餐包嘢飲凍龍眼水（超推薦👍🏼👍🏼👍🏼）服務超好👍🏼吾洗加一🤭回頭率⭐️⭐️⭐️#春嬌#銅鑼灣味道（4/5）環境(4/5)＃港島區_跟dada食玩

聖保祿醫院附近有好多隱世小店春嬌係其中一間我哋行過 有個姐姐響門口不停介紹好丫 咁就試下喇我點咗火車頭生牛肉鮮嫩 牛丸彈牙爽肚好好食 可惜只有一小片朋友點咗扎肉雞絲河完全合格水準 好食另外係豬頸肉湯河真心必須吃 湯味香濃河粉彈牙入味加配咗牛油雞翼薯條雞翼very juicy 薯條係新鮮炸嘅💯之後再點埋春卷薯條 都係💯呢啲全部係下午茶餐 全部免費有杯自家製花茶好醒神㗎店內裝修簡潔越南風舒適舒服嘅🥰大家路過不防一試應該有滿意👍嘅

有間越式小店經常去食，所以今次就嘗試一下吃第2間。春嬌在銅鑼灣卻偏離點鬧市，但客人也不少的喔。裝修亦幾有越南風格，特別是掛在牆上的斗笠增加了點氣氛。有實體餐牌，不過下單是用 QR Code，另外上餐速度都快。魚腐叻沙 ($62) 可以選河粉或者檬粉，選了後者。是厚實的魚腐，吃落不錯也不會吃到有碎骨。這間的叻沙就是辣味多一點，椰味不算重，整體來說很惹味。幼細的檬粉口感滑溜溜亦很好吸湯，份量都算多的喔。河內生牛肉湯粉 ($60) 第一次見生牛肉是用另外一個碟上。有被嚇到了呢，怕太生的話建議快點放進湯來比較好。馬拉盞炒通菜 ($60)對比下這個價錢有點貴。炒得幾香，但菜梗部份不算脆。志明奶茶 ($38)  喝開少甜會覺得這個是稍微甜了些，奶味香甜比茶味更濃。朋友是覺得超甜的要直接加水。

🍜春嬌鴛鴦春卷撈檬+志明奶茶酸酸甜甜幾開胃～檬粉略為有略碎不過用料份量剛好～春卷用兩款不同煮法～小編覺得看似有層薄網面較為好味😋😋叫左杯志明奶茶～味道偏香濃亦唔算好甜👍好飲香茅雞翼河粉·生牛肉+柚子蜜梳打湯底略為啖口～河粉有點碎😮‍💨食落易散·牛肉份量多亦較有肉味～雞翼非常香口惹味😋小編推介要試雞翼一試～熱辣辣咬落味道剛好唔會太咸😃柚子蜜中規中矩無特別越南脆炸蝦餅一啖咬落口幾香蝦味～份量唔算多都勝在大塊👍又係可以叫黎試試🤡盛惠💰$2xx好味指數(7級最佳)▁ ▂ ▃ ▄ ▅ —————————————————☻非專業食評·純個人口味☻—————————————————📍總結:有時間下次再黎食過～打緊食評又諗返起碟雞翼🤣真係幾香口惹味👍👍

出餐速度快，味道普普通通，唔算太差！但真係好趕時間，一放低筷子就馬上有人問你仲要唔要，明明今日星期日，門口又無人等位，可能已經習慣咗呢種速度個火車頭竟然有一大片花膠，呢樣真係好驚喜，另外燒牛肉撈檬同咖喱豬扒包飯都一般般，如果趕時間食佢就真係好好，夠哂快