春城銅鍋米線

营业中

休息中

旺角好多米線店 呢間春城好似係新開 之前經過都唔係好覺眼🤔原來店名春城都有典故 「雲南昆明 四季如春 又名春城」即係雲南米線嘅意思☺️店內用QRcode落單 米線可選套餐 有湯有撈 有辣有唔辣 亦可自由配搭 主打嘅銅銅米線顧名思義就係用銅鍋盛載嘅米線🍜🍜豬扒酸酸辣辣銅鍋米線 💰52酸辣湯有分辣度 初次食呢間唔知佢個辣有幾辣 所以叫咗少少辣🌶️有辣又唔會好辣 平時唔食辣嘅朋友都食到 仲要覺得幾好味 豬扒另上 煎得好香 啲肉都唔會嚡 配料有腐皮酸菜 味道豐富🍜紫菜蠔仔肉碎米線 💰60好少見米線有得揀蠔仔肉碎 所以見到就即叫👍🏻同樣可選辣度 呢個揀咗唔辣 蠔仔同肉碎份量都唔少 粒粒蠔仔都好飽滿脹卜卜 味道鮮甜唔腥 肉碎唔韌 湯底都幾清甜 加咗紫菜好香 🍡炸脆脆蝦膠豆卜 💰35第一次食蝦膠豆卜 好似好特別咁 外面係脆脆嘅豆腐皮 入面係彈牙嘅蝦膠 即炸熱騰騰 配上泰式辣醬更好味🍡爆漿紅糖糍粑 💰30超好味嘅糍粑🤤口感軟糯 加上流心爆漿嘅紅糖餡料 甜度恰到好處 一份五件我就食咗三件🍹龍鳳可樂 💰+11🍹咸檸七 💰+11

放工行過旺角，離遠見到有間光猛，門口企滿好多人等位米線，上網睇查下食評讚好，見裏面餐廳裝修企理，我係米線迷，價錢合理，就一於試吓。見入面坐滿人，等位10分鐘左右。可以接受，我叫左碗向門口影個張照片，非常吸引嘅草蟲花椰子雞米線，再加生菜和竹笙食，都算大碗，雞有好多件，可惜生菜放底，加$7蚊得2條大大條嘅生菜，都幾貴喎⋯⋯電話落單後，等大約5分鐘左右就上麵，眼看同張相差唔多，當然先電話食先，再飲一口湯，有好香椰子味，但可惜帶甜味，湯唔夠熱，我感覺係椰子和雞味係分開上咁，味道好難形容，唔似係平時煲湯個種椰子雞湯味⋯感覺係人造溝出出來個種味，個下期待心情減左3分一，再食件細雞髀肉，件雞係唔滑，好「鞋」口，好油和好靭，我的食肉再減3分一，但係米線有加分嘅，好滑和好幼，我食晒米線，好彩有一樣主菜可以令我保留3分一，好大碗嘅米線，食剩雞肉⋯如果趕時間又想食米線，可考慮去試吓。

旺角砵蘭街新開米線，想挑戰辣椒既程度可以黎一戰‼️🌟蟲草花椰子雞米線 轉雞髀 (＋$8)🌟椰香味好重，湯底甜甜地，雞脾亦好嫩滑🐔~~~~~養生之選 🪄🪄🌟招牌春城銅鍋米線🌟 ($36) 🔹️小小辣🔹️自選 3款小食：新鮮蠔仔😋、肉眼筋肉、竹笙🌟炸脆脆蝦膠豆卜🌟炸到個豆卜收乾哂水再炸，外層既豆卜皮充滿空氣感，份外鬆脆。蝦膠唔係蝦蓉，食到粒粒蝦肉，夠咬口~~必點小食‼️💟➡️平日放工黎都要排隊，去食既朋友要做足心理準備呀~~📝除左試下個勁辣湯底，盛載食品既銅鍋夠賣相之餘，仲可以保留米線既溫度，食到最後都仲係暖笠笠~~

今日路過旺角砵蘭街, 發現這一家新開的銅鍋米線！門口雖然有幾個人等位, 但流轉很快一試之後,發現它提供幾款湯底, 包括一定有的蕃茄、麻辣及酸辣； 但它提供唔辣的口味為椰子雞湯底.無論口味、選擇及小食都精彩各款米線, 原煲熱辣辣用銅鍋上菜, 亦見心思！ 小食有試他們的脆脆蝦膠釀豆卜及紅糖糍粑味道及賣相均上佳, 值得一試店內提供多款冷熱飲品, 賣點不是特別的花巧飲品, 但見店家對品質有要求,他們的熱奶茶竟然也不錯, 只是怱忙間未有影相, 下次再來時補拍

經過旺角見到又開左間新嘅米線店，好多人排隊，我當然5會放過啦睇下佢咩料，原來係食銅鍋米線，我地order左肉眼筋、竹笙、菜心麻辣湯底$61、火腿、肉眼筋、竹笙農鄉蕃茄湯底$60(肉眼筋好淋好味，火腿真係即時煎，可惜蕃茄湯底5夠濃郁)，如果要熱飲加$3凍飲加$6，另外再order左一個小食，炸脆脆蝦膠豆卜$35（炸得好脆d蝦係好新鮮同好爽，必食)，可能新開太多人座位坐得比較5太舒適，店員服務態度都好好

旺角新開既米線舖，環境企理乾淨，食物好味份量多，可謂米線界既春雨甘露。今次叫左招牌銅鍋♨️同麻辣銅鍋🌶️，再加上炸雞件，炸豬扒，腩肉同雞肉。🐥🐷呢碗米線有住細滑嘅質感，彈牙又有口感。🤤米線可以揀爽D，每一口食落去都可以感受到米線嘅滑順同埋彈性，令人欲罷不能。😋唔止米線本身，配料都係呢道美食嘅一大亮點。✨木耳、生菜、酸菜、肉碎、腐竹🥬等豐富嘅配料一齊出場，帶嚟多層次嘅口感同風味。木耳嘅脆滑、生菜嘅清爽、酸菜嘅酸辣、肉碎嘅香濃、腐竹嘅嚼勁，相互輝映，令人食到停唔住口。🤩腩肉爽口唔肥膩，浸落熱湯溶化既豬油更香口。雞肉本身非常嫩滑，同米線非常夾。🥺而湯底係呢碗米線嘅靈魂所在。湯底鮮美微辣，帶有濃郁嘅香氣，為整碗米線增添咗豐富嘅味道。不論係單獨飲湯底，定係同米線一齊入口，都可以享受到湯汁嘅美味。😝細滑嘅米線、豐富嘅配料同美味嘅湯底結合埋，帶嚟獨特嘅口感同風味。如果你鐘意食辣同米線，咁呢碗米線絕對值得一試！👍🏿小食就叫左豆卜炸蝦膠🍤，豆卜反轉包住蝦膠炸，外型好睇之餘，口感都十分脆口。蝦膠非常新鮮，兩者可謂相輔相成。炸豬扒同炸雞調味不錯，新鮮炸起非常多肉汁。💦小食方面，豆卜炸蝦膠作為唔常見既小食，而且呢

一入到店就覺得好正，光光猛猛，唔似其他有d名嘅米粉店昏昏暗暗咁。空間咁十足，都幾舒適。本身份人比較細食，但一飲到個蟲草花椰子雞渴底就食到停唔到口。超正！仲有個炸脆脆蝦膠豆卜，唔多食煎炸嘢嘅我哋(仲有2位同事同我一樣怕上火)，都搶住食，完全唔夠平均分1碟5粒...咁唯有聽事頭婆推介叫埋個爆漿紅糖糍粑....真係有爆漿㗎。 另外有幫同事叫咗外賣，酸酸辣辣銅鍋米線，佢話個粒貢丸真心好味，好彈牙，但彈牙得嚟又唔黐牙，真心其他台灣貢丸真係冇得比。總之就係正啦～

最近好多foodie介紹呢間用銅鍋上嘅米線，作為米線關注組嘅骨幹成員(自稱)，一定要黎會一會呢間米線🍜當日係平日嘅6:45，去到都要等7-8張檯🥸大概等左30分鐘就成功入到去喇🥳我就叫左腩肉竹笙酸辣小辣，上檯到走嘅時候啲米線都keep到溫度，啱晒食得慢嘅朋友🔥味道方面幾唔錯，食晒都唔會口渴！最緊要係夠酸！！！唯獨係竹笙好似有啲散開左(?)總之佢唔係完整一舊啦，呢個位有啲扣分😢腩肉就厚切嘅，同譚仔嗰啲完全唔同，可以一試！可惜嘅係當日試唔到佢地個蝦膠釀豆卜😢有機會下次要再黎試下個蝦膠釀豆卜😤Revisit!?: Yes🫶🏾

旺角新開銅鍋米線，加上仲要係地鐵站附近咁方便，米線控梗係要去打下卡啦果然，首先門面已經好乾淨闊落，坐低唔會好逼，加分雖然係QR code 落單，但侍應都幾好吖重點嘢食黎啦，佢主打銅鍋 咁梗係要食咗銅鍋先啦招牌春城銅鍋米線 ($36) 微辣自選 雞肉（$9)炸海蝦寶（$16)最鍾意佢可以揀微辣，有少少酸，好開胃，正真係唔可以睇少，一鍋米線加埋原本嘅配菜，超大份量，一定飽炸海蝦寶 睇落少少貴，但真係好足料炸脆脆蝦膠豆卜 ($35)呢個一定要推介，真係炸脆脆，好香口同埋真係好多蝦膠，仲係彈牙㗎一定要試下(連匙羹都有店鋪嘅名，小小心思）

招牌三鮮銅鍋米線🐷$61(腩肉、豬潤、螺旋藻)呢一間米線最特別嘅之處就係用銅鍋😗所以一上菜先可以保持個熱力🤩熱辣辣嘅米線都幾好食😇另外佢仲配有特別嘅辣醬😊所以好惹味😜呢一個米線仲有好豐富嘅配菜☺️包括肉碎😊酸菜😀木耳😆腐竹😍所以材料豐富😋腩肉同埋豬潤都好肥美同埋大嚿紫菜蠔仔肉碎米線🦪$60蠔仔配米線呢個配搭都幾特別😙都幾多蠔仔🦪同埋啲肉碎都好香😆加上佢有海量嘅芫荽😍所以僻左本身海鮮嘅腥味😜呢個配搭都幾新奇炸脆卜卜蝦膠豆卜🦐$35新鮮炸熱辣辣外脆內軟😜估唔到呢個配搭Perfect match😍仲有佢個甜酸醬😎食極唔停口特飲: 凍龍鳳可樂+$11原來呢個可樂係鹹檸檬再加普通檸檬😆所以好Fresh好開胃

蟲草花椰子雞米線，湯底濃郁又足料黑膠豆卜（香脆可口，必食）爆漿紅糖糍粑（唔會太甜，外脆內軟）試咗以上三款，好耐未食過一間咁有誠意嘅米線，用料足，湯底正，米線爽又彈牙，連小食都做得好好，價錢又公道，一定encore

朝聖新開張春城銅鍋米線，見到華嫂冰室老闆娘都嚟幫襯🤩啲米線原來真係銅鍋熱上，足冷氣食熱辣辣嘅米線，同埋啲米線可以揀爽啲同淋啲都幾好米線啲餸份量好多，我女話啲餸食極都有，多過譚記2倍🤭同埋食完吾會好口渴我最仲意炸脆脆蝦膠豆卜，豆卜包住蝦滑，脆卜卜又彈牙又香，忍吾住叫咗2碟🤣好食😋我女就仲意食醬爆紅糖糍粑，糍粑包住流心黑糖，未影相俾我女已食咗2件，三母女3x+11+14歲👩‍👧‍👧有啲眼闊肚窄，叫3個米線4個小食，食到勁飽🤰下次試下叫2個米線，留肚試食埋其他小食😆

講到comfort food 米線絕對係佔據數一數二嘅位置，惹味湯底加上自選豐富嘅配料，簡簡單單食一碗都相當滿足😌。依碗招牌銅鍋米線用左銅鍋盛載，令米線食嘅時候依保持熱辣辣辣，揀左少辣味道剛好，蘿蔔吸湯夠淋，滷水雞翼都很入味，仲有特式湯底蟲草花椰子雞米線，湯底椰香十足相當足料，雞𩨨肉亦銀軟滑，撈米線加左酸菜麻辣汁非常惹味，豬扒大大塊份量十足，記得仲試埋佢個小食，脆脆蝦膠豆卜一啲都唔油膩，外層香口蝦膠彈牙，配少少甜酸汁味道非常夾😋。

話說剝完智慧齒之後唔係好食到嘢🥹，米線簡直係我嘅恩物🤩，就去發現一間新既銅鍋米線鋪試試😯～米線分為「昆明媽媽推介米線」同「自選米線」，我同朋友懶得諗😂，就揀咗兩碗都係「昆明媽媽推介米線」😋。而且有五個辣度可以揀，啱曬我呢啲唔係好食得辣既人😝。之後仲叫咗個小食同甜品share🤤！🥢招牌三鮮銅鍋米線：$61我哋揀咗小辣🌶️，內有腩肉、豬潤、螺旋藻，非常足料👍🏻！配料份量都好豐富，有肉碎、芽菜、腐皮、酸菜、木耳絲。而且啲腩肉、豬潤幾厚身，幾有咬口，食既時候仲吸收埋個湯底精華（老闆話啲辣椒原來係自家炒‼️）雖然小辣對我嚟講都有啲辣🥵，但越食就越停唔到口🤣👍🏻。加上配料甜酸菜可以解辣，辣得嚟好食😋。成碗米線仲要用銅鍋載住，所以食到尾個湯仲微微暖，好滿足😌🤤！🥢紫菜蠔仔肉碎米線：$60先飲咗啖蠔湯，好觧甜🤤，啲蠔隻隻都好大粒😍，又無沙，非常正‼️好多肉碎‼️，最鐘意佢配料有好多紫菜😍。如果只係叫咗碗米線無叫小食同甜品，我應該可以飲曬啲湯🤣。🦐脆脆蝦膠豆卜：$35每粒豆卜入面都有好大隻蝦😍，炸得金黃色，啱啱好，好食😋！🥢爆漿紅糖糍粑：$30無諗過米線鋪都有甜品食呢🤣🙈，朋友一咬糍粑，煙煙韌韌，入面啲紅糖慢慢

旺角經過見到呢間新開米線鋪，係用銅鍋上😯小食款式又多，即刻試試佢🌶️春城麻辣銅鍋米線 $36要左腩肉(+$9)同竹苼(+$9)同叫左小辣，唔會好辣感覺似5小辣咁🫣另外仲有肉碎、甜酸菜、木耳絲等，腩肉好厚物份量又多，竹苼吸哂湯咁食一流😍銅鍋上熱辣辣食落特別有風味❣️🍅農鄉蕃茄泡椒銅鍋米線 $36要左小小辣，但感覺同小辣差不多😂要左肉眼筋(+$9)、炸海蝦寶(+$16)，呢個湯味道更加有層次，有蕃茄既酸甜同泡椒辣辣地咁，好開胃😋肉眼筋好淋滑，炸海蝦寶唔會食麵粉咁，好有蝦味👍🏻🍤炸脆脆蝦膠豆卜 $35店員推介❣️有5件，炸豆卜好脆，裡面包住滿滿既蝦膠🦐外脆裡面好彈牙 ，推介!🍯爆漿紅糖糍粑 $30必食❗有5件，一咬開就爆哂漿咁😂糍粑口感煙韌，加埋溫熱既紅糖爆漿好正🥰🐟涼拌芥末魚皮 $38唔食魚既我都食到，完全無魚腥味🙌🏻好似豬皮咁，魚皮夠爽口彈牙同有淡淡芥末味🥢 Overall餐廳價錢實惠，中意佢地米線有得揀要爽或者淋d😛另外小食亦幾出色，銅鍋米線真係第一次食，推介