星點心專門店

营业中

休息中

環境比起另外點心專門店光猛舒適，坐位不算擠擁，有卡位坐得舒服😌。即制點心新鮮熱辣，唯獨美中不足是「鮮蝦菜苗餃」的問題。看着點心紙相片中美麗精緻的「鮮蝦菜苗餃」，滿心歡喜地等待，誰知奉上了鮮蝦「韮菜餃」，不吃韮菜的我，大口咬一啖後，滿口韮菜的味道，令我感到不舒服。當時找來店員，希望他們將來可以提示客人，菜苗=韮菜的道理。但卻換來的回應是，出面d點心店都有人用「韮菜」啦。其實真心想講，真係有人好唔喜歡食「韮菜」，所以很多店，也會將點心改為「鮮蝦韮菜餃」。等客人小心去選擇。食客的真心意見，卻換來忽視。。。。。鮮蝦「韮菜」餃

九龍城主要有三間飲茶小店，是日蜜桃小丸子嚟到最近新開嘅一間，因為唔係午飯時間，一嚟到就有位。舖頭新裝修但枱面偏細，兩人枱真係肥少少都坐唔落，嗌咗五個點心基本上張枱係完全放唔到，仲要啲呀姐係你隔離行嚟行去好近好近，除非你係坐梳化位，如果唔係真係唔會可以安安落落歎個茶。講返啲點心先，佢就話係即叫即整，但個焗菠蘿包一嚟我就好懷疑係放左幾耐，因為唔熱囉！都唔係第一日食焗菠蘿包，但佢完全冇個種岩岩焗出嚟好鬆脆嘅感覺。唯一好嘅係佢個餡唔係流心，一咬落去成pat嘢流出嚟個隻，但當然有人係鍾意個種多啲啦，唔會太甜，但都冇驚喜。招牌蝦餃細細隻，正正常常，但係九龍城食過更大更新鮮的，所以又係覺得冇咩特別。鮮竹卷一咬落去係腐皮多過餡，真係不予置評。鴨腳扎就係鴨腳扎，冇異味，唔會太咸，但除此以外就冇咩抵讚了。最好味嘅係呢個腸粉入面包咗春卷，口感較豐富，個腸粉都叫薄皮，啲餡都係新鮮同脆嘅，成個九龍城得呢間有得食，但其他點心就真係普通，價錢亦比其餘兩間貴，性價比唔算高，試過就算了。

今晚正我是他們店的一人坐上客。講真，啲嘢唔算平，但都唔算貴，但啲嘢食就 不敢恭維嘞.. 我叫了三樣野，菜乾排骨粥，燒賣，籮白榚。先講下菜乾粥，味精都唔少，而且唔夠熱，你知道食粥嚟講，唔夠熱係好難食的。再講燒賣，我食出應該唔係佢哋自己 製作的，都是來貨番蒸的，因好多地方都食到這個味道，都係帶有味精。最後蘿白糕，其實蘿蔔糕真係 好蝦人整， 一係 好削， 一係好硬，而佢哋就係前者，並且煎出嚟，好油。但環境係清潔的, 員都好ok的。

取代九龍城煲仔飯添樂園的新貴，星點心專門店，在開張日的花牌已經係星光熠熠，吸引到我要搵日幫襯。在8號風球下，早上的早餐時段，我們選擇到此店光顧。九點多的時候，客人不算太多。外賣川流不息。店內光線充足，高樓底，店內裝潢簡單時尚。我們二人分別叫了原隻鮮蝦腸$30、乾蒸牛肉燒賣$24、懷舊馬拉糕$20、北菇棉花雞飯$28，後加了瑤柱灌湯餃$34，茶介每位$6，沒有加一，盛惠$148。真材實料，即叫即蒸，水滾茶靚，地方、食物乾乾淨淨。腸粉的豉油香甜，馬拉糕食到黑糖的甘香，蒸雞飯米香，不過份量比想像中少，灌湯餃料多大隻。價錢優惠，值得再次幫襯！（平日客人不少，要耐心等候。）