星點心專門店

营业中

休息中

今天去咗九龍城逛街，見到星點心，不用等位，入去試試。叫咗鮮蝦腸粉，蝦很新鮮彈牙，腸粉口感就一般。乾蒸牛肉一般，over蒸了。同樣，煎釀青椒，也是overdone，不好食。同時一提，服務員木口木面，一點熱情都無。隔離枱要豉油，服務員第一次沒有回答，客人再問，她們就說，枱面有囉！

外賣點的蔬菜和煎蛋牛肉飯，看樣貌感覺一般般，一定要澆醬油汁，不然味道好淡，澆了汁之後拌在一起會比較香。牛肉像早茶牛肉丸的味道包裝盒一般，收到時發現殼爛了一個角TAT

早起身有咩做？梗係去飲茶啦。呢間點心專門店雖然款式唔太多但係勝在嘢食大件夾抵食！介紹三樣我覺得超好食嘅嘢先！.棉花雞飯 （$2-3x）唔記得幾錢棉花雞肉好滑，白飯唔會太軟太硬，加上冬菇同埋魚肚作為襯托。加埋豉油就真係perfect，令到我想嗌多一個.鳳爪 （$2X）勝在夠大隻，汁甜易入口，三個人食每人1-2隻，加埋其他點心就夠晒啦.鮮竹卷 （$2X）唔會太鹹，好有咬口，食完再想嗌多一件嚟食。.其他蝦餃燒賣嗰啲都好好食，不過就冇影到相。同出面酒樓水準差唔多！

本來約了吃早餐的結果大概是溝通不良對方還！在！睡！所以在下只好享受自己的早餐（那早知道便選吃西式不過好像西式沒那麼早開門的 🤔）進店先坐下可能有點早的原故雖然坐滿了一半而客人都一樣是剛坐下枱上是空空的店員也忙著他們的事沙嗲金錢肚味道很夠淋淋的 只是怎麼感覺還未夠呢卻是說不出有什麼不好的地方蠔皇鮮竹卷泡著一點汁的三條鮮竹皮有點脆脆的裡面包裹了滿滿的冬菇 竹筍 蘿蔔咬一口沾點汁能吃到更多的豐富瑤柱灌湯餃好像真的每次都會下意識點上這道倒入紅醋 令人開胃餃皮包很得好 薄而不破 帶煙韌餡多而不膩 融會湯中口感豐富 味道清鮮最後加份杞子桂花糕一如以往的夾不到証明在下的拿筷子功力有待改進呢咬下去是明顯的桂花和杞子的口感對在下而言是稍甜的正好做為一餐的結尾也沒想到這樣不知不覺吃了個半小時看到頭轉客人都離場去在下才發現原來坐著吃了一段時間早輪的公公婆婆都離開後下一轉是中年的上班族光臨在下就先行告退啊

難道三個齊返早！不如一齊嘆個早茶！好耐都冇食點心飲中茶！忙碌的工作讓人總是處於緊張狀態！三個女人決定一大早起身食埋野先返公司！緊張前的放鬆！公司附近這間人氣不錯👍👍👍！D點心又新鮮！師傅的火喉工夫做得十分好泰國同事好鍾意！話冇得頂！蝦餃燒賣真係好新鮮！魚肉釀青椒🫑口感好特別！中式天婦羅！我哋都食咗鳳爪排骨飯真係好好味😋部份嘅濕度軟硬都掌握得好好！同事食完話要打包俾個女！！我哋仲話如果下次三個人齊齊返早的時候！會再來🥰🥰🥰

今晚我到貴店想外賣兩個腸粉同埋兩個油菜收銀女士話要等25分鐘左右因爲我哋那麼多客人(五成滿)不可能做你張單先你自己考慮一下我收其他人錢先只可以怨我沒有福氣享受你們貴店的美食

今日同朋友係九龍城食早餐，因為朋友住九龍城，佢介紹我泥呢間星點心到食。時間大概10am 唔洗等位掃左安心出行同針卡就可以坐低。事不宜遲即刻睇menu 點心選擇唔太多，加上時間尚早得兩個人所以只叫了4個點心😋蘿蔔糕就咁睇樣都幾吸引，不過食落感覺上比較粉，個人麻麻地，不過入面都有一條條蘿蔔絲食到，正常發揮既蘿蔔糕鮮蝦菜苗餃啲蝦爽口陣牙，皮夠薄又唔會太黏，容易夾得起個皮唔會爛，好驚啲餃個皮好黏，夾幾下爛曬啲餡就跌曬出泥😮‍💨 呢個唔會👍🏼👍🏼鮮蝦腸粉呢個本身一碟係有6件，不過一擺低嘅時候因為晚上太吸引急不及待食左兩件先記就影相🤣🤣 同埋本身啲豉油係on side 比，自己要幾多加幾多。 啲蝦一樣爽口彈牙，腸粉皮太薄，加埋豉油又唔會太鹹。流沙奶皇包麵包皮鬆軟，入面流沙餡味道濃郁，上枱嘅時候熱辣辣，我鍾意將佢搣開一半慢慢食😝

而家我都少去啲傳統酒樓，因為開咗好多細細間嘅中式點心專門店，啲點心好味好多，即叫即蒸/炸～確實係好食好多，而且價錢都不相伯仲，有啲性價比仲好高添👍🏻👍🏻👍🏻今日同大家介紹位於九龍城呢一間，我自己係成日去㗎！因為啲嘢次次都好好食，係唯獨是等位就可能要啲時間🫣依家就同大家介紹幾款點心牛柏葉係我每次都必食嘅，點埋辣椒油，簡直冇得頂呀🥰🥰🥰黑松露鳳尾餃～你哋食嘅時候一定要小心啊，因為唔係好熱㗎😂😂😂上邊係黑松露同埋蟹籽，下面有一大舊蝦膠，口感非常豐富呢個係流心煎堆仔～超級熱🔥🔥🔥食嘅時候小心辣到嘴仔！尤其係小朋友🙏🏻原隻鮮蝦腸粉，大家都見到見到係幾大隻㗎喇😂😂😂腸粉又夠滑👍🏻👍🏻👍🏻👍🏻我冇記錯都係$30咋😍😍值得推介下次有機會大家都去試吓啦，佢其他點心都好好食㗎

堂食去返10點，平時坐到密密麻麻既呢度，今日竟然比我比包場，上次幫襯係晏晝，枱同枱之間有隔板但係非常之近，今次坐到卡位而且近打烊冇人，疫情下食得安心！店舖所有點心水準都很平均，價錢就普通中規中矩，今日點咗七個點心，可惜掛住食有幾個都冇影相，最出色係灌湯餃….通常灌湯餃一夾開就散晒，但係呢度整得好實淨！裏面嘅鮮蝦新鮮，湯底鮮味唔係味精湯！牛肚係我嘅至愛，非常之爽！沙爹汁味道適中！脆皮蝦腸亦都係必叫㗎！入口鬆脆，食得出係即整優點門口仲好多車位！晚事平日9點左右過嚟，基本都有位泊！揸車人士可考慮

今晚再訪《星點心專門店》，繼第一次食過星點蝦餃皇、瑤柱灌湯餃 & 四寶鮮雞扎後，感覺良好，於是再試下其他款式 —— 鮮蝦燒賣皇 & 燒汁釀茄子鮮蝦燒賣皇即叫即蒸，新鮮滾熱辣！第一次食完就係鍾意佢哋嘅點心調味啱啱好，唔會太鹹，亦冇油膩感！燒賣皇果然冇令人失望！冇肥肉，鮮蝦同肉嘅比例適中👍🏻燒汁釀茄子先講茄子，啲油爆到個茄子皮脆脆地有啲煙靭，香口之餘茄子肉仲係好嫩滑！釀喺上面嘅墨魚滑好彈牙，好有口感！個燒汁亦調配適宜，好味而且濃度剛好，完全唔覺油膩😋不過新鮮炸起嘅釀茄子都非常熱，要小心慢慢食唔好辣親咀呀～🔥👄我估我好快會嚟第三次試埋其他點心～不過燒汁釀茄子絕對係一個encore嘅選擇～😚

即叫即蒸愈黎愈少 依間 咁岩我地一心都想食點心點知 疫情下 想去個間無開俾我地遇上 即叫即蒸一點 點左成8碟 （打算 回埋聽日lunch）我地叫左好多野 睇相先首先緊係要講 我最愛食既 鳳爪 nice 👍🏼 虎皮尖椒 好食 😋第2日 用氣炸鍋翻熱都好食鮮竹卷 好足料 3舊牛柏葉 爽爽 蘿蔔無渣 唯獨是個汁 清清 食點心點可以無佢地呢岩晒貪心既我地 2人 想食既野太多叫一整籠又太多好彩佢有 鴛鴦點 （雖然係fixed)但 都好過 每樣叫一碟既 人少 最鐘意就係搵 美點雙揮 哈哈但 點解 從來都無 為1-2人 任點雙拼既 咁咪拼得好開心😃我飲茶 成日都會點 咸水角 尤其是咸水角是麻麻最愛👌🏼 不得不介紹依個 比想像中好味既 奶黃真菠蘿🍍包 佢真有粒菠蘿係奶黃包住 我第2日又用氣炸返佢 好好食 😋真心整得好好又起了貪心念如果佢3個係 唔同涵料 會唔會更開心即一個义燒、奶黃、紅豆/椰絲keep菠蘿面 ！但要 放菠蘿 🍍真的只有 奶黃 襯到Yummy 係疫情中止止點心癮

疫情下的星期日早上，打算買幾個點心外賣比屋企人一齊嘆下茶，見疫情關係個個都買返屋企食，正所謂居家抗疫，動態training。嗌咗十個點心，大部份點心都正正常常，不過不失，無乜驚喜，講到驚喜就當然係個藥膳雞腳，一打開盒外賣，嘩，見到得三隻雞腳真係嚇一嚇，睇嚟依家啲雞腳真係好矜貴，我都知呢排疫情關係未必有活雞嚟香港，但都應該有急凍雞腳掛$26一盒仲要外賣盒加$1竟然會得三隻雞腳比客人以後點有信心再幫襯你外賣

前排經過九龍城嘅福佬村道，見到間好似新新地嘅點心舖，門面光猛整潔，今晚再訪九龍城，一於試下首次到訪《星點心專門店》，叫咗3款點心：星點蝦餃皇、瑤柱灌湯餃 & 四寶鮮雞扎星點蝦餃皇🦐🥟蝦餃皮爽滑，雖然唔係超皮薄，不過呢個厚度都OK, 蝦彈牙，夾雜住筍嘅甜味😋瑤柱灌湯餃🥟未食隻餃先飲啖湯，估唔到啖湯幾清甜啵😌 至於隻餃呢～～ 餃皮薄滑，餡料調味啱啱好，可惜有我唔食嘅芫荽😭😭 otherwise, 呢隻”瑤柱灌湯餃”會更好四寶鮮雞扎四寶分別係粟米仔、魚肚、芋頭同滑雞無我唔鍾意嘅火腿✌🏼😬粟米仔幾甜、魚肚入味又唔覺油膩，芋頭好粉、雞件夠滑總結，《星點心專門店》嘅點心溫度夠熱，調味適中，無油膩感，感覺健康，即刻晉升為我去九龍城食點心嘅首選🥇🏆*因為即叫即蒸，需耐心等候*

經過九龍城， 去食早餐，見 福老村道有間新開，環境衛生都好的點心。 唔駛排長龍， 等2張枱， 5分鐘入得。2人坐到卡位，由於新開幾個月， 店內都好乾淨。 點了1＞叉燒腸粉【6分】腸粉皮太厚， 如皮薄滑d, 會高分d. 2)牛肉球 【7分】ok,唔會好粉。 3＞蝦餃粉果雙手拼【8分】2樣都好味， 皮薄， 最重要夠熱， 讚。4＞燒賣干蒸牛肉雙拼【8分】同樣2樣都好味， 點心又夠熱， 讚。 5＞北菇棉花雞蒸飯【8分】飯餸少d, 不過味道ok, 棉花及雞夠滑。6＞煎蘿蔔糕【8分】好味。 7＞蝦春卷。【8分】炸得脆， 又夠熱， 只是用水杯裝， 怪左d有蝦肉， 如可以4條春卷就最好。 總評- 8分食物質素中上， 最重要點心夠熱， 服務及衛生唔差。非常好的點心雙拼， 2人去食， 1人1粒， 1籠有2款點心， 唔駛爭又可食多幾款。 推介・。去食。

10月頭打風個日落咗去九龍城食午餐之後睇戲。雖然打風，但係都好多人嚟食，要等位。餐廳好細間吓，得十多張4人枱，而且放得好逼吓。裝修係幾乾淨明亮嘅，但太逼好扣分架。3個人叫咗9個點心，水準唔錯，尤其過牛肚，每件也好大件，唔韌，香嘅滷汁入曬牛肚，好味。蝦餃燒賣水凖同酒樓食的差不多，食得過。菜苗餃大大舊，餡料好多，菜味好多，推介。點心水準唔錯，所以都吸引到後生嘅嚟食。希望佢哋可以更進步，做得好點，因為點心同酒樓嘅水準差唔多，大家會去酒樓食。因為價錢會更平，座位會更舒適。