影片
以前系有个ee做舖面，叔叔系入面唔多出嚟，今日天气太热啦！行过想买返杯野饮就去返星辉，甘多年我都唔知佢叫星辉🤣不过ee唔见左，得返叔叔一个，而家都唔叫叔叔啦！系伯伯先岩🙈叫左杯水蜜桃蓝莓$20，平到我都吓亲，仲要打多左果汁，叔叔会叫你饮2啖先，佢倒埋落杯，真系同细个果阵一样🥹卫生环境一定无大舖甘好，但我个人接受到，细舖都系旧旧既感觉啦！但十几二十蚊杯鲜榨果汁，仲要系无加水既，个人觉得真系超值！Ps:叔叔好钟意问你加唔加芦荟，唔钟意既记得say no呀🤣
继续阅读
茶饮店成为了整个饮品市场的主流，难得仲有即榨果汁店，而且价钱仲要系平。呢间由细帮衬到大，无装修无靓门面但有正嘢饮，一向不喜欢食木瓜，10几年前这杯木瓜益力多改变了我的看法。木瓜同益力多的乳酸味咁夹，$20 一杯永远有多无少，无加冰真材实料！其实仲有其他益力多系列，不过木瓜实在太好饮，所以未试过其他。小店生意难做，看著老板夫妇年纪渐大，祝佢地身体健康，我就继续有得饮！今日无自备杯，唯有饮完洗干净个纸杯拎去回收！
继续阅读
叫一杯芒果+菠萝汁，佢问要唔要芦荟，咁我就话OK居然整左一杯非常苦又有啲甘既饮品出嚟（好似苦瓜汁）比我，完全冇菠萝或者芒果味。1)问佢点解，竟然话因为我好热气!! 如果唔热气，就饮唔到芦荟嘅苦味!!返家后，家人全部都觉得好苦好难饮!!冇人饮得出有芒果或者菠萝味!! 2) 咁点解冇菠萝或者芒果味？？佢话因为啲苦味盖过咗…….这样做生意令人完全不可以接受!被骗一次就已经唔会再帮衬极度怀疑佢系将一杯卖唔出既苦瓜汁，加少少芒果汁/ 菠萝汁就拎出嚟卖所以有dd 颜色但系冇味!!! 这样做生意手法难怪冇人帮衬，各位小心免中伏
继续阅读
食饱饭路过决定试下，果汁口味众多，你捻到捻唔到嘅都有，决定唔到时就问下老板推介啦，试左芦荟青苹果汁，原本以为是罐头芦荟粒，结果见到老板娘系面前切新鲜芦荟，真系正呀～～～
继续阅读
👣星辉果汁店荃湾西楼角路170-184号华都中心1楼🔸过百款果汁任你选每次去荃湾行街，都会去星辉果汁店买杯果汁抖下，具有极浓人情味既老店，有过百款水果配搭，而且老板劲好，因为超足料榨汁，每次点一杯就会叫你饮左半杯再斟满😋每次都大满足！城市中用人情味点亮你心的果汁老店🥰🔸五青汁 （$25）今次就点左五青汁，青苹，青椒，青瓜，苦瓜，西芹，加$1有埋芦荟，见到佢个芦荟咁大棵，应该都好甜美多汁，食到饱哂加一杯五青汁，健康美颜又消滞，顺带一提，同老板吹水先知原来佢部榨汁机唔惹少，唔止榨汁隔渣仲可以去皮，所以同出面的果汁味道会唔同d, 呢到尝到既只有果汁的清甜👍👍👍果汁好味度：8.5/10 😋值得回头率：8/10 🤭下次试多几款再分享比大家知😍
继续阅读