星輝果汁店

营业中

休息中

以前係有個ee做舖面，叔叔係入面唔多出嚟，今日天氣太熱啦！行過想買返杯野飲就去返星輝，甘多年我都唔知佢叫星輝🤣不過ee唔見左，得返叔叔一個，而家都唔叫叔叔啦！係伯伯先岩🙈叫左杯水蜜桃藍莓$20，平到我都嚇親，仲要打多左果汁，叔叔會叫你飲2啖先，佢倒埋落杯，真係同細個果陣一樣🥹衛生環境一定無大舖甘好，但我個人接受到，細舖都係舊舊既感覺啦！但十幾二十蚊杯鮮榨果汁，仲要係無加水既，個人覺得真係超值！Ps:叔叔好鐘意問你加唔加蘆薈，唔鐘意既記得say no呀🤣

茶飲店成為了整個飲品市場的主流，難得仲有即榨果汁店，而且價錢仲要係平。呢間由細幫襯到大，無裝修無靚門面但有正嘢飲，一向不喜歡食木瓜，10幾年前這杯木瓜益力多改變了我的看法。木瓜同益力多的乳酸味咁夾，$20 一杯永遠有多無少，無加冰真材實料！其實仲有其他益力多系列，不過木瓜實在太好飲，所以未試過其他。小店生意難做，看著老闆夫婦年紀漸大，祝佢地身體健康，我就繼續有得飲！今日無自備杯，唯有飲完洗乾淨個紙杯拎去回收！

叫一杯芒果+菠蘿汁，佢問要唔要蘆薈，咁我就話OK居然整左一杯非常苦又有啲甘既飲品出嚟（好似苦瓜汁）比我，完全冇菠蘿或者芒果味。1)問佢點解，竟然話因為我好熱氣!! 如果唔熱氣，就飲唔到蘆薈嘅苦味!!返家後，家人全部都覺得好苦好難飲!!冇人飲得出有芒果或者菠蘿味!! 2) 咁點解冇菠蘿或者芒果味？？佢話因為啲苦味蓋過咗…….這樣做生意令人完全不可以接受!被騙一次就已經唔會再幫襯極度懷疑佢係將一杯賣唔出既苦瓜汁，加少少芒果汁/ 菠蘿汁就拎出嚟賣所以有dd 顏色但係冇味!!! 這樣做生意手法難怪冇人幫襯，各位小心免中伏

食飽飯路過決定試下，果汁口味眾多，你捻到捻唔到嘅都有，決定唔到時就問下老闆推介啦，試左蘆薈青蘋果汁，原本以為是罐頭蘆薈粒，結果見到老闆娘係面前切新鮮蘆薈，真係正呀～～～

👣星輝果汁店荃灣西樓角路170-184號華都中心1樓🔸過百款果汁任你選每次去荃灣行街，都會去星輝果汁店買杯果汁抖下，具有極濃人情味既老店，有過百款水果配搭，而且老闆勁好，因為超足料榨汁，每次點一杯就會叫你飲左半杯再斟滿😋每次都大滿足！城市中用人情味點亮你心的果汁老店🥰🔸五青汁 （$25）今次就點左五青汁，青蘋，青椒，青瓜，苦瓜，西芹，加$1有埋蘆薈，見到佢個蘆薈咁大棵，應該都好甜美多汁，食到飽哂加一杯五青汁，健康美顏又消滯，順帶一提，同老闆吹水先知原來佢部榨汁機唔惹少，唔止榨汁隔渣仲可以去皮，所以同出面的果汁味道會唔同d, 呢到嘗到既只有果汁的清甜👍👍👍果汁好味度：8.5/10 😋值得回頭率：8/10 🤭下次試多幾款再分享比大家知😍

叫左杯橙汁🍊阿伯隨手係枱面拎咗個入面有綠色渣痴住嘅紙杯用咗一個半橙就滿咗隻杯我同佢講個杯入面本身有野佢駁我 話個杯本身冇野本身係裝奇異果🥝咁到底係有定冇😐我算數唔想同佢坳照比左18蚊一飲落去好明顯係溝水我大啖飲完兩啖啲綠渣出返黎我比佢睇佢話，係咁㗎喎橙色綠色係Halloween嘅顏色

荃灣星輝果汁店絕對良心企業一間平賣又真材實料嘅小店，抵佢有光環。間果汁店已經好耐歷史，咁耐以來都係真材實料，記得嗰次飲蘋果蘆薈汁佢真係係我面前攞咗條蘆薈出嚟，去青切粒，雖然冇用糖水浸過嘅蘆薈汁咁好飲。但係果次係我第一次飲到真材實料嘅蘆薈汁。

無意間和honey經過了華都中心在角落處小小間的果汁店引起了我的注意幾乎都是女仔在排著隊打著正宗美國蘆薈的招牌一般飲料才10元左右立即點了我最愛的蘆薈+藍莓果汁老闆娘在台上現切著蘆薈,再加入新鮮的藍莓粒,不加糖也不加冰塊如此新鮮健康的飲品,在市面上真的難見~像是在葵涌廣場賣的飲品,幾元一杯,加了不少冰和水,也吃了不知幾匙糖第一口喝下去~其實沒什麼驚喜淡淡的蘆薈味道,藍莓味道是純正的,不是藍莓果醬但健康.新鮮.純的蔬果味道,才是最美味的第一杯不到5分鐘喝光轉了一圈華都中心,出來時又再買一杯蘆薈+士多啤梨汁這口味就較藍莓濃香點,士多啤梨味還是比藍莓搶味點無論如何~我愛蔬果.我愛天然.我愛健康我會常常來試試新果汁身體排毒.皮膚也會美美啊^^

同女友食完越想食後，經過呢度就試下D果汁，覺得絕對要介紹多D人黎試。首先D野一D都唔貴，平均都係10-12蚊，而且係即叫即榨，仲要係向你面前榨，令人飲得放心。而且個老板娘好NICE，我同女友揀緊飲咩野果時，佢表現得好友善，保持笑容；見我話鍾意蘆薈，仲即時介紹D蘆薈飲品比我，價錢都係10到，絕對唔係SELL貴野。但後來我都只係飲左杯橙汁。仲有一樣最IMPRESSED，就係當我女友叫左杯薑母蔗汁果時，佢就即時整俾我女友，佢見整果時份量預多左，就叫我女友飲一啖先，然後將剩餘既都比埋我女友。其實果度都幾多，佢一D都唔吝嗇，俾我感覺真係做緊良心事業。叫完之後我都女友對佢印象都好好，仲有D驚佢做唔住，因為果度都幾隔攝，人流唔多，好想幫佢宣傳一下。而且D野飲份量都好足，味道OK，絕對值得一試。

潮流興瘦身！！我試過好多方法！天然o既果汁療法我覺得最放心！！lee度o既老板娘介紹我飲五青汁！！Ok wor~~飲完腸胃真係好o左！所以我隔日去飲一杯！又唔係太貴wor~~~~$10 好新鮮！睇住佢榨！！好Fresh!!!!可以一試

由於工作關係，差不多個個星期我都會路過此地﹗次次我都會去星輝度飲番杯果汁﹗呢度水果種類繁多，即叫即揸，完全無加糖水等等，比較熱賣的係蘆薈拼果汁，見有好多人都飲﹗我就比較喜愛平時出街比較少飲的楊桃汁，潤喉滑溜，在寒意濃的乾燥天氣下，對自己好0的﹗睇住佢揸個感覺最好，感覺完全無比人呃錢，老闆娘阿姐亦都相當友善，有講有笑，飲得開心﹗