星海．譽宴 (The ONE)

营业中

休息中

今日同屋企人去左飲茶 黎左呢間係the one嘅「譽宴 星海」試下酒樓內環境吾錯 都比較大同乾淨而且可以睇到維港景色 有加分！！點心亦都比較新鮮 點心方面：黑松露蝦餃好新鮮 食落爽口彈牙帶子腸粉 啲帶子都算大粒而且都鮮甜但燒肉凍咗少少 叫咗白飯但係半個鐘都未到 可能因為人比較多 但尚可接受鳳爪味道中規中矩 但山竹牛肉就比較一般而芝士蝦春卷脆薄有咬口 味道吾錯！推薦！總括而言都算係值得一試嘅酒樓

飲茶☕️必選之地由元朗到尖沙咀都好方便，趁著今日假期，就相約家人到尖沙咀The One 「譽宴-星海」飲茶🫖，那裡的落地玻璃窗讓陽光透入，加上看見開揚的景觀，心情也特別好🥰雪山叉燒包，上枱時仍熱辣辣，皮面甜甜地好香好脆，叉燒又嫩。最喜愛的分蹄每片薄度一致，味鹹鹹地，配上爽口的海蜇，吃時沾上醋汁，開胃好味😋黑松露鮮蝦餃，黑松露味濃，它的味道有點像蘑菇香味，蝦肉鮮美，整體味道不錯👍山竹牛肉球，有爽口馬蹄，口感淋有咬口。 薑蔥蒸牛柏葉，視覺上無甚麼特別，只有一堆薑蔥絲鋪在上面，平平淡淡，吃下卻有濃郁的薑蔥味，而且口感不錯，爽脆可口。蠔皇鮮竹卷，餡料有椰菜、木耳、紅蘿蔔🥕和蝦等。香茜叉燒腸粉，外皮滑 內餡香 ，廚師👨‍🍳以幫客人切成一小件，方便夾取。最後食番一個灌湯餃，餃皮簿，湯底鮮甜，美味😋

來到尖沙咀 The One 的譽宴星海午膳，擁有寬闊海景露台可從高處俯瞰迷人景色，而室內亦有著高樓底的優勢及店內有開揚落地玻璃窗，既有空間感又能飽覽不同景象。坐下先點了黑松露蝦餃皇～蝦餃加了黑松露提升其鮮甜味，爽口彈牙；然後再選幾款餸菜：蜜汁叉燒～厚切脢頭肉表面少許燒焦，香脆多汁，入囗鬆軟；沙薑豬手粒～ 惹味而不肥膩， 軟硬度適中，皮爽彈牙；孖寶🔸籠仔金銀蒜蒸龍躉頭腩飯（炒飯底）～炒飯已經夠香口再加金銀蒜蒸龍躉頭，啖啖肉又嫩滑，將金銀蒜均勻塗在魚腩及炒飯上，滋味無窮；孖寶🔸還配了蝦乾節瓜粉絲煲～簡單做法卻非常美味，味道鮮甜，蝦乾有嚼勁卻配上節瓜軟冧，感覺軟硬並兼嚼感截然不同。這裡檯與檯之間的擺設相隔很寬敞，在疫情期間令你坐得安心又舒適，食物質素尚好，這裡確實適合婚宴及大型聚餐。

我真係好內都無出去飲茶，咁岩今日老闆請食午餐，緊係要嘆下茶先啦！午餐時間真係人山人海，爆晒場，好彩都係等左一陣就有枱。侍應拿了一個裝滿熱水既大盤給我們簡單清洗碗碟，非常方便。酥皮雪山叉燒包熱辣辣既叉燒包，酥皮香脆，麵包鬆軟，豐滿嘅叉燒肉餡，非常滋味，吃了一個停不了口。黑胡椒安格斯牛肉腸一碟有6小件既腸粉，內含淡淡黑胡椒味，牛肉味香而多，好明顯同平時食既牛肉腸有極大分別，下次都必定要再食。蟹籽燒賣皇燒賣爽口彈牙，內含豬肉，蝦和冬菇，再添上少許蟹籽做襯托，賣相吸引。紫金醬蒸金錢肚金錢肚比較大碟，相比一般食開既份量還要多，醃得入味之餘又唔會太咸，非常惹味。飲茶必點之選就一定要叫鳳爪，雖然肉唔多，但夠晒入味，仲可以過下口引。木魚花燒汁茄子茄子都幾大件，夠淋同好juicy，上面還有魚肉夾在一起，魚肉彈牙又唔腥，再配上適量既木魚花，好有日式風情。款式選擇多，價錢合理，再配埋靚景，簡直一流，令人放鬆之餘仲好有家既感覺。

我哋今日叫左黑松露蝦餃之王 ，味道幾香，花菇棉花雞，味道一般，水晶鮮蝦莧菜餃，味道可以，鮑汁鳳爪，做得唔錯，XO醬蘿蔔榚，呢個都OK，地方夠大，坐得舒服，應該擺酒都唔錯

講到靚環境嘅中餐就令我諗起譽宴·星海，今次去呢間係位於The One高層，坐擁無敵靚景，不少人都特登出去打卡，而且室內環境裝修樓頂高，感覺寬敞一啲都冇壓迫感。而且價錢方便其實同出邊普通茶樓差不多，食物質素較高，款式亦非常多，午市與下午茶都有不同菜式。媽媽點咗魚翅，用料十足，上枱時熱辣辣仲起緊煙，好味😋招牌胡椒雞湯灌湯餃，高湯濃郁，灌湯餃煮得啱啱好唔會溶溶爛爛。小籠包爆汁好味，另外重點左兩款滋潤甜品，一款係焦糖燉蛋，燉蛋非常軟滑，另外一款係杏汁燉桃膠，有營養又好味，塗膠仲可以補充好多骨膠原添🥰

下雨天，最好就是去大型商場內飲茶，飲完順道在商場shopping 。這間酒樓在尖沙咀，可看到維港海景，又有下午茶優惠，有點心，食物唔錯，是我至愛去飲茶地方之一。-南翔小籠包 這店製作的小籠包，非常貼心，平時 用筷子很容易弄穿包內湯汁流曬出來。但他們將小籠包逐隻放在小籃上，拿出來不會弄穿。小籠包更是皮薄多汁。 -豉油王煎腸粉-碧綠帶子腸 腸粉餡是帶子，面上加點芥蘭片，很 清爽鮮甜。-叉燒酥 叉燒餡料多很juicy-香脆脆麻花 脆卜卜加埋糖漿，甜甜地好味！

呢度係the one 18/F，係正市中心，好方便啊！最正係佢可以望到出尖沙咀海傍，飲茶都可以睇住海景，享受😎平日下午茶時間價錢仲平d🤭 2個人叫左成枱野食，包括牛肉球、鮮竹卷、牛仔骨 、乳鴿、大蛋撻、黃金糕、叉燒包、流沙包 、芝麻流沙球、燒賣皇、鳳眼餃、蘿蔔絲脆網腸。我最中意係鳳眼餃，佢有松露味架，燒賣、牛肉球都唔錯！一食就諗起細細個全家去飲茶既回憶，芝麻流沙球外層糯米皮超級脆、入面係爆哂漿既流沙奶黃，一定要嗌，不過小心辣親個嘴，同樣流沙既奶黃包都係必叫。估唔到乳鴿都好脆口，睇黎小菜都okay! 本身仲想食雪山叉燒包，但已經賣哂啦🥲 轉戰蒸既叉燒包😛 食完捧住個肚真係好滿足~

譽宴．星海 位於尖沙咀 The One 的18樓，室內裝潢十分雅致，座位安排舒適。户外的露天位置可飽覽維多利亞港兩岸景色。❣ 餐前小食：涼拌黑白木耳醋香爽脆的開胃小菜。❣ 冰鎮花雕南非鮑魚5頭南非鮑魚現以推廣價$68/隻。 冰鎮南非鮑魚，口感爽脆不韌，花雕酒味恰到好處。❣ 招牌胡椒濃雞湯灌湯餃香濃的胡椒雞湯。灌湯餃以鮮蝦和豬肉作餡料，鮮蝦肉爽滑，豬肉鮮味。❣ 黑松露鮮蝦餃蝦肉鮮甜爽脆，黑松露增添獨特香氣。❣ 蟹籽燒賣皇皮薄餡料足，肉質爽彈，粒粒飽滿。❣ 碧玉鮮蝦腸粉腸粉滑溜，每件腸粉內都有一隻爽口彈牙的鮮蝦。在鮮蝦腸粉上淋上鮮甜美味的豉油，倍添滋味。❣ 銀杏胡椒味菜豬肚餡料非常豐富，處理得宜，豬肚沒有一點膻味。香辣的胡椒味道突出，散發着一種幽香的氣味。❣ 紅燒脆皮乳鴿皮脆肉嫩，就是骨頭都入味。❣ 金箔黑芝麻流沙球表面是香口黑芝麻小煎堆，內裡是熱呼呼的黃金奶黃流沙。甜度適中， 奶香四溢。

呢間The One 18樓既譽宴，望位維港景同九龍公園，幾開揚，好天望住靚景幾寫意。入座職員會一煲熱水烚住餐具上枱，以示高溫消毒過。.點心即叫即蒸，落單後等大概廿分鐘出餐，等待時間出去望下景就啱晒啦黑松露鮮蝦餃 特幾香黑松露味，中間仲有粒迷你蝦餃，同樣有餡不過皮太厚。蟹籽燒賣皇 大正正常常無乜特別，算係足料結實。南翔小籠包 大用蘿蔔墊底但夾起時都會穿底漏汁，失敗。薑蔥蒸牛栢葉 大個醬幾杰，好似薑蔥雞咁，味道唔錯，幾大碟。黑醋柚子蜜牛仔骨 特平時酒樓食開黑椒牛仔骨，呢個有淡淡的柚子味幾清新，酸酸甜甜幾好味。而且牛仔骨幾大塊，幾多肉。安蝦鹹水角 中正常無特別。.以往去譽宴飲茶覺得幾抵，不過呢間星海用料可能好啲，價錢都貴啲，兩個人茶錢連六個點心埋單$370，性價比我覺得唔算高。

若下午有空閒時間，一定會去尖沙咀這間中式酒樓，因這間酒樓有大大的玻璃窗，可看到無敵的海景。內裏裝修華麗，樓頂很高，掛了很多水晶燈，平時晚上多數以婚宴為主。中午以飲茶為主，而飲茶可嘆一個下午。我們多數叫幾款點心，已經可食飽飽了。點心大多是傳統的點心，大部份都能保持水準。-蟹籽燒賣 蟹籽鋪面，燒賣餡料有蝦肉很爽口-雪山叉燒包 皮薄香脆，餡多。-叉燒腸粉 腸粉不厚香滑-山竹牛肉-黑糖馬拉糕 圓圓很大件，黑糖很香甜，很傳統的 馬拉糕

位於尖沙咀 The One 嘅「譽宴 • 星海」，不單環境優美，兼且可以一邊食一邊遠眺海景，真係寫意！☺️食飽後還可以與朋友行出酒樓露台嘆風景，一樂也！🥢餐前小食，黑白木耳，又爽又脆！🥢冰鎮花雕五頭南非鮑魚 $68/隻 ～ 我的至愛，非常爽甜彈牙！🥢黑松露蝦餃之王 $41 ～ 外貌精緻、皮薄餡靚，🦐肉爽甜彈牙，兼且滿有黑松露香味添！🥢豉椒味菜蟶子皇煎米粉底 配 醋香拍蒜香瓜 $198 ～ 蟶子肉厚肥美鮮甜，用紅青椒、洋蔥、豆豉煮芡汁，更加惹味可口。另外煎米粉外面脆卜卜，裏面鬆鬆軟軟，加埋蒜香瓜，味道豐富，真係食到舐舐脷！🥢銀杏胡椒味菜豬肚 $58 ～ 胡椒味芳香，豬肚爽滑，配料有芹菜、香蒜、木耳、紅椒，味道超夾！

今日放自已假，各兩老去尖消咀行街街，和兩老行街就當然少不了去飲茶啦，我們來到The One商場，聽朋友說有一間譽宴在樓上，來到這裡就不如近近地去這裡飲個茶先。上到去就已經被他們的大露台吸引著，出面可以盡覽香港海景，很美麗！第二就是他們的高級裝潢，加上沒有柱位設計，對於婚宴來說是一個很理想的地方。我們安排坐下後就點點心了。餐前小食是一黑一白的木耳，很爽，有點辣，未食過白木耳，和黑木耳一樣的爽口，辣辣地，幾開胃！碧玉鮮蝦腸粉，一口一件腸粉，每件都有一隻蝦，蝦都很爽，腸粉都頗滑，味道不錯！黑松露蝦餃之王，４隻蝦餃加一隻小小蝦餃裝飾，隻裝飾本以為只是蝦餃皮而已，誰不知原來裡面都有少少的黑松露饀料，果然沒有馬虎！蝦餃精緻，裡面的黑松露味濃，喜歡吃黑松露既就不會放過！沙薑豬手粒，廚師將豬手切成一粒粒，還去了骨，放便入口，吃落一陣陣沙薑味，啖啖肉，非常過癮！鮮蝦腐皮卷，腐皮卷卷成幼幼的，很別緻，裡面的蝦膠很爽口，腐皮都炸得很脆口，再沾上醋吃真的一絕！招牌胡椒濃雞湯灌湯餃，我和兩老每人一客，大大隻灌湯餃，加上熱騰騰的胡椒味濃的雞湯，雞湯味濃，胡椒味也很香，灌湯餃裡饀料豐富，皮也做得很薄，吃完都很飽肚！

同長輩茶聚，找間交通方便，食物質素好很重要，「譽宴 星海」應該係個好選擇。店內環境一絕，可飽覽維港美景，可惜當日天氣欠佳未能欣賞到美景。但我們下午兩點到店，剛好是下午茶時段，點心、小食和粉麵選擇一樣很多，但價格就有特惠，我們連忙選了好幾款，不用等多久巳送到桌上，讓我們品嚐到熱騰騰的點心，真的不錯。黑松露蝦餃蝦餃皮薄得能透出一點點黑松露的顏色，咬開鮮蝦爽口，再有陣陣的黑松露香氣。山竹牛肉球口感嫩滑，配上喼汁一起食，正！南翔小籠包 餡汁豐富，食時要小心燙口，配上帶有薑米粒的醋，真是絕配。花菇棉花雞厚滑的魚肚吸收了雞件的鮮味，再加上厚滑的花菇，真係無械可擊。碧玉鮮蝦腸粉腸粉皮薄滑，捲入爽口的鮮蝦，可算是點心中極品。香茜叉燒腸粉食完一碟蝦腸未夠，要多點一碟叉燒腸，叉燒咸甜適中，又是另一種的美味。金沙南瓜條外層炸得金黃酥脆，內層的南瓜香甜，再混合咸香的咸蛋醬，甜中帶咸，十分可口。鮮蝦腐皮卷外層脆卜卜，內層鮮味爽口蝦仁，組合成不能抗拒的美食。紅燒脆皮乳鴿乳鴿皮顏色均勻，皮脆肉嫩，肉汁豐盈，各人都追着食，還點了再點，真係令人食指大動。

父親節同屋企人去咗飲茶😌聽朋友仔講呢間酒樓好靚一於去試吓，好驚喜派到一個靚位😉可以睇住海景飲茶!黑松露鮮蝦餃王 黑松露竟然用喺中式點心上面😱蝦餃一上枱已經散發出香松露味，蝦餃嘅皮幾薄身。蝦肉與黑松露混和帶黏性，蝦肉爽口😍南翔小籠包賣相靚，咬落口鮮甜湯汁滿瀉😙而且皮薄~蒜蓉鮮蝦春卷蝦春卷係我嘅最愛☺️每次飲茶都會食，呢度餡料比較厚身，蝦肉係原隻，大推金箔黑芝麻流沙球熱辣辣勁流沙😋面頭仲有啲金箔，靚得黎又好食。酥皮雪山叉燒包一定要趁熱食，外層甜甜地脆卜卜，內餡有叉燒，十分鬆軟，完美配搭!蟹籽燒賣皇足料又彈牙，最重要就係唔會成舊粉，起大大大粒。花菇棉花雞中規中矩，棉花超大件😉黑胡椒安格斯牛肉腸竟然係用上安格斯牛肉🤪不得了，牛肉味極香濃，而且牛肉量都唔少，唔會剩係得個粉團。香芒糯米卷忌廉香甜軟滑😌食落去唔會過甜，非常推介