星洲總廚 (大全街)

营业中

休息中

大角咀好出名嘅星洲總廚，今次試咗 A04 滿堂椰漿飯拼盤HKD 68（配咖哩牛腩、爐燒豬頸肉、無骨雞肉、火熱煎蛋），配上無糖烏龍茶。先講個飯，幾乾身同柔軟度適中，唔會太濕或黏，又散發椰香味，幾吸引飯嘅配料花生好好食，幾可口平時我食好少飯，呢盒飯都清左2/3！呢個飯每個配菜都幾出色火熱煎蛋呈半生熟狀態，撈埋飯食一流無骨雞肉，調味適中，唔會太咸，幾開胃，好岩送飯爐燒豬頸肉，好似有4塊，每塊都幾大件又厚身，咬落爽口彈牙，燒得幾香咖哩牛腩，濃味但唔辣，都有2~3件，無咩特別肥或脂肪，不過其中一件少鞋身。～～星洲總廚 Chef de Singapore港鐵奧運站 C3出口，步行約7分鐘電話號碼：35903326

大角咀出名新加坡美食🥰😋黎到大角咀一定要黎試下佢出名嘅招牌豬扒喇沙同埋印度牛腩咖哩🍛 成日都見到排哂長龍就知道一定好好食啦🙌 職員好快手，好快就幫我安排有位坐🤣睇下佢嘅豬扒幾厚切，同埋整得好脆，配埋我最鍾意嘅喇沙簡直係一流！😋😋 咖哩牛腩都好好食，好入味🍛 佢仲有海南雞飯，肉骨茶等等，全部都想試！😊價錢合理，份量一定食到你飽唒😝 最緊要整得好食😋好似返左去新加坡咁😆一定會再次黎食野！

都隔咗一段時間無嚟喇今次約咗個舊朋友嚟開餐👻#招牌厚切豬扒 🐖 ★★★★★唔洗多講，驚為天人嘅炸豬扒繼續咁好食#海南雞飯 配 #雞油香飯 🐓 ★★★今次係第一次食呢度嘅海南雞雞肉幾嫩滑，味道就同其他地方食嘅差唔多至於個飯就真係食得到有香味，唔錯~#風味串燒 (羊肉) 🐐 ★★★有啲餐廳嘅串燒會好柴皮，呢度嘅唔會有羊肉味得嚟唔會好羶 (雖然我鍾意羊羶味🤪)#凍鮮椰青 🥥 ★★★配返個冰凍椰青成件事更加有東南亞風味

𝑪𝒉𝒊𝒆𝒇 𝒅𝒆 𝑺𝒊𝒏𝒈𝒂𝒑𝒐𝒓𝒆 星洲總廚-🍽 海南雞飯 配雞油香飯🍽 焗星加坡咖哩雜菜農夫包 配厚切豬排大角咀係美食既集中地，今次係專食星加坡菜既星洲總廚！性價比極高，而且多選擇٩(˃̶͈̀௰˂̶͈́)و首先必叫既海南雞飯，雞肉十分嫩滑，而且啖啖肉，份量算多(⁎⁍̴̛ᴗ⁍̴̛⁎) 再配埋signature 既油飯，充滿雞油香同埋椰汁味！再加上秘製黑豉油同辣醬，味道更加濃，中意食濃味既你一定愛上♪(´ε｀ )然後到十分期待的農夫包！大過我塊面！so crazzzzy(^｡^) 十分香脆，脆得來唔乾，內到外都好好味！今次選擇厚切豬排，真係浪得虛明！厚得來唔會乾唔會韌，炸得香口，浸滿晒咖喱汁嘅農夫包都唔會浸到個豬扒淋哂( ´▽｀)咖哩汁好入味，唔會太辣，農夫包內嘅雜菜，更吸晒所有嘅咖喱汁！久違的星加坡美食，可以頂頂忍(⁎⁍̴̛ᴗ⁍̴̛⁎)性價比超高，位置又方便，諗唔到一個原因唔嚟探店！( ͡° ͜ʖ ͡°)📍 Cosmopolitan Estate Tai Moon Building, 43 Tai Tsun St, Tai Kok Tsui#jcfoodgasm

今次weekday夜晚(仲有晚市堂食時)👦🏻👧🏻就想出大角咀行下，👧🏻就想Encore星洲總廚嘅厚切豬扒！估唔到閒日都要排20分鐘先可以入座😩🌟馬拉風味鴛鴦雞椰汁飯鴛鴦雞係有星加坡咖喱雞🥘同埋蔥油香茅雞🐔。首先要讚下呢到嘅炸物幾出色，雖然醃料都比較上色，但炸完唔會有燶味，亦炸得非常香脆🥠香茅炸雞扒醃得入味都幾重香茅味，加上蔥油非常惹味。咖哩汁容易入口唔辣，雞肉用上雞脾位，雞肉嫩滑啖啖肉👍🏻椰汁飯係比預期地重🥥味，估唔到熱食椰漿飯都可以咁好味😋🌟招牌厚切豬扒叻沙(摻摻)帶骨豬扒保持水準，豬扒嘅邊緣都帶有少量肥膏，真厚切又嫩滑多汁。叻沙湯底相對重椰奶味少辣，略略聞到蝦米同紅蔥頭味，味道非常濃郁🤩配料非常足料，有索湯嘅豆卜、溏心蛋、魚蛋，全部正常發揮。配上掛湯嘅油麵加米粉，真係忍唔住清碗🤪

有一天，路過大角咀，平時大排長龍，那天剛好有位。在星洲菜館，一定先試基本盤，海南雞飯。海南雞飯，一定要配油香飯 $68。雖然雞脾要加錢，但是有時候好彩都會有雞脾送，油香飯好味，好味到要加飯，配咖哩。 傳統小印度咖哩牛腩，這裡的咖哩出奇好食，牛腩唔硬。那天我們叫了兩客，其中一客咖哩配油飯，更好食。咖哩好食，唔夠飯，叫了一客印度烤餅，他們又送咖哩汁。招牌8安士厚切豬扒飯，豬扒，好厚，好脆，好大件，抵食。配油飯都好，這裡的油飯是暖的。飲品有美祿恐龍，其實是美祿。總評味道：咖哩配油飯，更好食；環境：大角咀小店，舒適；服務：店員有禮貌；衛生：可以。喜出望外，出自宋·《與李之儀》：「八年，豈謂復有見日？漸近中原，辱書尤數，喜出望外。」

🐽招牌厚切8安士咖哩豬扒飯 $64咖哩有小印度同埋星架坡 揀咗後者侍應話會比較辣 餐牌雖然寫兩隻辣椒 但食落一啲都唔辣係偏甜味嘅咖哩唔太過癮炸豬扒份量驚人 炸粉薄薄一層 炸到外脆內軟 肉質鬆軟仲好juicy 唯獨係因為帶肥膏所以有啲油膩呢個餐絕對係男人都食得飽🍜爐燒豬頸肉喇沙 $64配料有2粒魚蛋 1隻切咗半嘅溏心蛋 豆卜 同埋芽菜豆卜索晒啲湯汁好入味喇沙湯底就超重椰奶味但比較稀 食完成碗會有少少膩 豬頸肉燒得焦香 邊邊位都好脆🍣鮮奶魚湯三文魚頭米粉 $68俾鮮奶同魚湯深深吸引著想清清哋所以就嗌咗佢媽媽平時都會煲魚湯 呢度嘅魚湯飲囉落感覺真材實料 加埋牛奶特別香滑 不過無諗過原來魚頭係炸嘅 所以絕對唔係清清哋。3舊三文魚頭炸到金黃色 肥膏多肉就唔太多

今日黎到大角咀食晚餐，見到呢間餐廳有晚餐Set十分抵食，所以就試下！ 佢既晚餐set係星期一至五供應，主要係飯類同埋麵類，合共有大概十幾個選擇，價錢都係六十幾至七十幾蚊，十分抵食。個set仲要配老火湯或者飲品。馬拉肉骨茶配飯($68): 可以跟飯或者跟米粉，我揀左跟飯。估唔到仲有一碟菜送，十分健康。另外，加$9可以配豆卜及金菇，用另一個湯碗上。肉骨茶好入味，肉骨份量亦好多，一個人食唔晒！而家去唔到旅行，呢個肉骨茶可以幫我止住痕先。招牌厚切豬排叻沙摻摻($64): 呢個都係十分推介，豬排即叫即整，仲要勁厚身，好熱好脆好好食。叻沙好濃味好正宗，入面既豆卜索晒湯汁勁大味。凍馬拉三色奶茶(跟餐另加$12) : 因為想試下特色飲品，所以叫左凍馬拉三色奶茶。杯野飲勁靚，真係見到三色。不過飲品真係偏甜，唔似地道既拉茶。食到勁飽，埋單唔洗$200，CP值好高，下次經過大角咀會再黎食下！

一直以來對喇沙都情有獨鍾，今次同老公去到大角咀既星洲總廚試下佢🤩睇睇餐牌價錢唔貴，而且望見份量又大🤤我中意鮮味梗係叫番個海鮮喇沙摻摻，黎到睇見色水似樣，香味似樣，好有期待🤭上枱喇，第一件事梗係試下呢個望落咁濃郁既湯底，濃濃既蝦香配上其他惹味香料，再滲出陣陣椰香同埋少少辣。呢碗海鮮喇沙再配合其他海鮮料就鮮上加鮮，口感好濃厚🤤另外叫左海南雞喇沙，喇沙一樣惹味冇得輸，但係就想講下個雞，三個字“好普通”，但唔鞋口都算滑，但係真係冇咩味道😅怡保白咖啡，雖然冰多，但KEEP住濃咖啡味，白咖啡比較偏甜，真係好岩女仔飲❤️🤭環境企理，價錢合理，味道幾好，可以再試👍

今晚6時半，經過星洲總廚門口， 竟然冇人排隊。我老公泰拳教練唔鍾意等位， 佢通常唔會選擇要等位和限時嘅餐廳。今晚佢見到咁方便就話入去食，之前食過兩次， 知道佢嘅食物有質素和特色。厚切豬扒飯好好食， 豬扒好鬆脆， 由於泰拳教練太肚餓喇， 所以幫唔到啲豬扒打卡。其實呢間餐廳嘅擺設都好有特色， 舒適嘅環境， 可以減壓， 心情可以放鬆吓。食物方面， 感受到主廚嘅心思， 好有heart, 我見到其他人嘅食物，都擺設得好靚， 值得加分。

成日聽朋友介紹，大角咀有一間食星馬菜好出名嘅小店，今晚決定帶個老友嚟一齊食食。一去到門口，都有五到六個人排緊隊，為咗食好嘢，等一陣冇所謂啦。入去坐低之後，掙扎緊食喇沙好，定係海南雞飯好。最後我哋大家各自嗌咗喇沙，一個係厚切豬扒，一個係炸雞扒。厚切豬扒👍🏻非常好食，炸得啱啱好，肉質豐富，又juicy. 炸雞扒👍🏻亦都好好食，佢哋對肉類嘅處理非常好，唔會乾爭爭，好食。喇沙👍🏻👍🏻👍🏻真係不得了，全香港我唔敢講，但係喺九龍來講，絕對係我心目中嘅頭兩位。喇沙最緊要係個湯底，味道濃郁，有豐富嘅層次，一定要食。****************👍🏻好食 | 👌🏻可以 | 😔 難食評分 : 9/10簡評 : 九龍一既喇沙

朋友介紹去呢間餐廳食午餐，佢表示呢間餐廳的 喇沙好好！ 食完發現真係好好食！介紹下先【 香茅雞扒咋喇沙（ 慘慘）】喇沙香濃，椰香味不會太過份， 仲有糖心蛋添！呢樣相當驚喜😆而雞扒炸得外脆內嫩多汁！ 成個餐份量好多即使係男仔食都好飽😂😂【 馬拉白咖啡】跟餐熱飲免費， 而且幾好飲，朋友則推薦美祿恐龍相當濃郁好喝。回頭指數：🐒🐒🐒🐒抵食指數：🌕🌕🌕🌕🌖

以往訂咁多次單都未曾比漏野，今次訂左9個餐啫，居然比漏左1罐忌廉，雖然比少左，但1罐飲品不足以令我再行咁遠去取回。而且今次落單沒有額外既飲品可以加單，以往可以加錢揀其他餐飲，有點失望不能加3色奶茶。希望下次叫餐有餐飲跟之餘，還可以額外再加其他飲品啦！今次海南雞脾飯食到最後時出現好多雞油沉底，而且只供油飯，冇得揀白飯，有點失望。整體而言，食物在味道方面很好，份量充足，相反在服務方面應該加以改善，希望下次不要重覆犯錯比漏野，但下次都會繼續光顧他們的午餐。

呢間餐廳係一個住喺附近嘅朋友介紹佢嘅原句係：「呢間冇一樣嘢唔好食」見佢咁高嘅評價 點可以唔試我嗌左一個肉骨茶套餐另外再+8蚊配左一碗肉骨茶配菜因為我勁鍾意食豆卜我男朋友就叫咗一個咖喱豬扒飯雖然嗰啲豆卜同埋金菇係另上但都一樣煮得超級入味 好正！啲菜心雖然好粗但都煮得好林個豬扒飯我男朋友食完之後冇咗表情然後佢好認真咁叫我試吓我仲以為有伏佢下一句係超好食🤣笑死 以為自己演技派？豬扒厚切 炸得啱啱好個咖喱汁係少少辣不過我唔食辣嘅男朋友都話好食最後就係美祿恐龍好肥但好好飲🤣

星洲總廚都係大角咀熱門餐廳之一一到食飯時間門口總係大排長龍如果晏晝想嚟食 最好就12點左右要到如果唔係要等比較耐.🌟招牌厚切豬扒叻沙摻摻呢樣係餐廳嘅招牌菜 豬扒真係如佢茶名所講非常厚切 炸到非常脆卜卜 🙆🏻‍♀️仲配埋一隻糖心蛋 豆卜同埋魚蛋 材料非常豐富而叻沙湯底好creamy 仲有濃濃嘅椰奶味 少少辣 好開胃麵底就係米粉加油麵 10分掛湯好好味😋.🌟凍馬拉三色奶茶見到其他人叫 杯嘢飲有漸層好靚飲落奶味幾重 但係叫咗少甜我都覺得好甜😂對面落咗馬拉椰糖 入落比較香