星洲名廚 (已結業)

跟親友行完街， 帶佢黎呢到食晚飯。我們一行四大人一小朋友。叫了一個四人餐，大概四百五十蚊。個餐有1)海南雞半隻2) 咖哩牛腩配農夫飽3) 一個拼盤 4) 炒蝦麵5) 四個飯海南雞好滑， 好大碟， 我地四個大人每人都食了三四件， 真的一贊味道很好。個咖哩牛配農夫飽， 我自己覺得麻麻， 因為個牛煮得太過火， 老了， 不大好吃。其實可以選豬或雞。拼盤好豐富， 有串燒， 春卷， 咖哩角， 豬頸肉。因為個咖哩牛同海南雞已是肉， 我再吃串燒已覺得好漏， 但個豬頸肉配個魚露就好醒胃， 其餘的春卷同咖哩角就普通。個蝦麵好油， 但食落好重蝦味， 原來有四隻大蝦， 仲有一些星加坡魚蛋。果四個飯可選油飯或加兩蚊做椰漿飯， 我們要了兩個油飯及兩個椰漿飯。 兩種飯都好正。 油飯一點都唔油， 而且好香雞油味。 椰漿飯就當然唔油， 但白得很， 我每樣吃了半碗， 所以所很快飽晒。嘩， 呢五樣食到我地飽晒， 仲要打包回家。 但這裡的冷氣唔夠， 食到好熱。

去黄大仙站揾食, 行下行下去左現崇山商場。商場非常小, 人流又小, 食店只有幾間。揀無可揀下, 揀左「星洲名廚」。半開放式設計可以看穿餐廳, 裝潢不算得上特別, 但是佈置充滿星加坡風味情懷。星期六日竟然有晚市套餐, 價錢實惠。海南雞飯$65 (轉脾+$8)老火湯: 青紅蘿蔔豬骨湯, 湯料足, 味道濃郁, 果然是完全沒有味精的老火湯。用老火湯替換了雞湯有些失色。十分回味正宗雞湯的味道...用浸雞後的湯及雞骨再加入蔬菜熬製出來海南雞的精華, 莫非要再到星加坡才能品嚐得到?雞油飯: 這個雞油飯有光澤，每粒米被雞油包覆，粒粒分明。顏色呈淡黃, 賣相對辨。咬下去, 米濕潤而不爛，估計是溝米才能做出這效果, 入口好香的雞油飯。味道不錯!海南雞: 這兒的海南雞有四份一隻雞之多。雞表面光滑, 沒有令人討厭的雞毛, 沒有令我恐懼的又大又突出的毛孔。雞皮下脂肪不太多, 咬下去不怕不健康, 雞皮略嫌不夠爽脆。雞肉烹煮時間剛好, 雞骨位置依然是血紅的。雞肉嫩滑，有淡淡的雞味。水準不錯的海南雞。沾上海南雞飯的三色蘸料: 薑茸、辣椒醬及黑豉油, 特別惹味。馬來咖哩羊扒飯$782件羊架表面灑上氣味芳香又濃烈的孜然粉

屋企人去哂旅行, 得番自己一個人係屋企, 懶得煮野食!!所以落樓下食, 食完又唔洗洗碗!星期六日晚餐都有特價, 仲要唔洗收加一服務費!!超抵食!!!餐廳佈置好有星馬風味!雞扒喇沙, 雞扒同米炒分開上, 雞扒包呂會版湯浸軟, 好細心唷!雞扒炸得合度好處, 唔會太燶。上碟時熱辣辣, 十分香脆!米粉浸係喇沙湯底, 慢慢吸收, 每啖米粉都食到湯底既榔香同辣味!米粉既份量都唔少, 而且仲有己豆腐卜, 魚片, 同雞蛋作為配料. 非常抵食!!!

有次見這店多人排隊 , 想必好食又實惠 , 一於試下 !本人不甚吃辣 , 只挑喜歡的~此店于黃大仙 , 商場冷夠又新 ! 是該區豪它咖喱豬軟骨 , 小辣 , 咖喱味濃上面特厚鷄扒煎旦, ok厚 , 配甜酸醬醒胃 , 煎旦剛半熟有心思下面海南鷄飯 , 油飯有些太咸的感覺 , 鷄肉夠軟 , 我鍾意 ! 不過鷄味欠逢~餐湯足料有誠意 , 是花生眉豆豬煲冬瓜 , 好濃縮 , 深不見底牛奶紅豆冰跟餐要加$15, 好飲的不甜 , 加牛奶淡味些不過夠健康嘛 !有酒賣 , 不過只供十八歲以上人士 , 附近都有間酒吧 , 這店都不輸蝕星加坡師令個名幾有趣 !是Singapore Restaurant 啊編輯大人 ! 不是sina~

現祟山落成左咁耐都未試過o係度食野,聽人介紹呢間野好好食,就特登端午節黎食下~先黎海南雞,雞肉肥美,連瘦肉都做到好軟,好有味,讚!再黎巴東牛肉椰漿飯,呢間鋪頭好有誠意,係用左坑腩到做,特別易咬,而且相當夠味,d椰漿飯亦做得好香!豬肉沙嗲串燒亦係另一意外驚喜!好易入口好juicy,個沙嗲醬應該係自己整o既,所以好好味,好特別~但奈何冇牛肉或羊肉沙嗲....成晚比較唔好o既係個喇沙,個湯雖然已經比出面好多鋪頭濃,但仍然係差少少

有時好得意，有些地方，一係好日都唔去一次，一係就短時間內到訪幾次。我想講的，是黃大仙。人在黃大仙，先找吃，不如行多兩步，去現祟山商場，看能否發掘新的美食點。走遍整個商場，最有興趣的，就是吃星馬菜的餐廳，就佢吧！今次無揀海南雞飯，反而選了福建蝦湯麵。循例先呷啖湯，是有些蝦味，卻沒半點辣勁，已是敗北。麵條只用上油麵，而材料則有肉片，蛋和幾隻蝦。蝦肉質地還可，尤其是蝦頭，最好吃。飲杯拉茶，跟星洲喝到的，是兩碼子的事。

上一次吃飯，見鄰桌的「焗麵包咖喱雞扒」好吸引，心思思又想來星洲名廚食晚飯了。還好，平日9時，沒甚麼人。點了餐，又細看餐廳環境：雖然舖位擠逼，但佈置得還算優美，很吸引，但這就是扣分位了…將食過的餐具放在一個盤上，個盤又放得非常高，而且隔住堵牆係有座位架！大大破壞了店內的氣氛！半開放式水吧先來恐龍美祿($20)：外間的餐廳甚少提供美祿，而星洲名廚卻主打美祿作特飲。只不過，一來太多冰，二來飲不出有甚麼「恐龍」的特色，失望！主角是焗麵包咖喱雞扒($72)：我點這個的原因，一來上次見鄰桌的食客，吃得好滋味，於是心郁郁試下。而來，麵包沾咖喱，應該不錯的配搭吧！加上我特別鐘情雞扒，這裏的雞扒非常可口。首先品嚐沒包住雞扒的麵包真係好脆，咬落去「卜」一聲！雞扒應該有2塊，外皮好脆，好嫩，但是依然非油膩！包住雞扒既麵包就冇咁脆啦。新加坡咖喱，係好辣，辣味在舌頭上不散，結果要飲美祿解辣！到底是新加坡咖喱不合我口味，還是真的太辣呢?最後吃不下包住雞扒的麵包，因為已經很飽，而且不夠軟，光沾星洲咖喱也足以辣死我！

有數個月未曾在星洲名廚吃過飯了，上一次吃「檳城椰漿飯」，至今仍回味無窮。今日又試試吧！星期六的晚上8時多，等位的人不少！然而一個人，幸而有座位可立即入座。這一趟嘗試其他新鮮、較有「新加坡風味的食品吧」。這一次點晚餐的「雞扒喇沙湯麵」配凍檸茶：凍檸茶還可以吧，主菜來了：雞扒雖然份量少，但好嫩，雞皮帶脆。但是，極多油，是扣分位。喇沙湯麵的配料多：豆卜、魚片、豆芽、半隻全熟蛋…麵是金邊粉。先講湯底─好有喇沙風味，應該是用了不少配料熬製的，好香，忍不住飲多幾口！但雞蛋好冷，似是上桌前才加的預先製成品。其實這間餐廳的美食可真不少，已經是第2次品嚐了，還想多試幾次！

今日經過現崇山，見到有間星洲餐廳，裝潢幾好，就入到一試，果然幾好!豬扒前蛋飯。豬扒不太粗糙，少少油油的感覺，加上清爽的青瓜減輕油膩感，十分合式，值得一讚!檳城椰漿飯。飯的椰漿味十分濃郁，椰子的清香加上淡淡的飯香，令人齒頰留香。豬扒撈公。味道幾好，但嫌太油膩，如可減少油份就好。咖哩豬扒飯。咖哩做得幾好，不太辣，適合不太能吃辣的人。

海南雞飯好好味，D雞就肥左D，油飯就好味。肉骨茶就mama 地。咖哩超好味，D肉唔硬，D咖哩汁好味，唔算辣。佢D餐有野飲，仲有碟生菜。lemon tea 都好味！！GOOD

最近一年現祟山內多了幾間餐廳, 而星洲名廚便是其中一間.星洲名廚是唯一一間長期一到晚飯時間要排隊的餐廳.為了避開人龍, 今天我6:30PM便去到, 好彩真係不用排隊, 馬上便可以入座了.我左看右看, 最多人叫的便是肉骨茶, 所以馬上便點了這名物.一上台, 果真不令我失望. 熱騰騰大大碗, 仲要配埋油條及生菜. 只係看都很滿足. 肉骨茶很有藥膳的味道, 碗內的排骨煮得十分淋, 而且分量也很多.不用飯都已經吃得半飽了.友人點了海南雞, 因雞煮得實在太生了, 所以我們叫了幾杯熱水以圖把雞弄熟.可惜真的太生了, 更熱的水也不能整到全熟, 所以吃了一點便放棄了.海南雞的油飯, 沒有油香, 確實是令人失望. 而黑油是辣的, 同我們預期既甜黑油有所分別. 所以看見友人沒有把東西吃曬便停手了.更加不用問也知咩事了.最後要說一句, 為了吃肉骨茶我還是會再去星洲名廚的.

餐飲：特式，用即溶咖啡粉(很少餐廳使用即溶咖啡粉沖泡咖啡)第一次遇到，比較新奇。海南鷄較生，不乾身有 肉汁，且有血水流滲出。但鷄味很清淡，肉質不會有驚喜。招呼中規中舉，問佢才會比半杯水給你。

又係同小學同學一年一度的聚會,為了方便大家工作地點,最後又是選擇到現崇出商場..由於同學一早訂了位.所以一入就有得坐..由於一早己做定功課,所以好快鎖定3款食,一齊分來食...海南雞飯$55,海南雞雖是冰鮮貨式,無甚味道...猶幸雞件尚算多和嫩滑....至於飯是沒有甚麼味道也稍硬卻大碗,男生吃也夠飽...生菜正常,湯是節瓜湯,夠熱...豬頸肉叻沙$50,豬頸肉同叻沙分開上,豬頸肉薄切,燒得好香口,好味..至於叻沙帶點微辣....有椰香,但可再加多點椰汁..叻沙份量比較小,多一點比較好...麵包豬扒$72,豬扒切條上,醃得夠味.....份量也夠多..汁的咖喱味香濃,用來蘸上麵包,真的十分美味..前兩者是套餐,可加3元至15元的飲品,由於沒有喝,不便評論總括來說,這裏食物水準平均,價錢經濟,豬扒包最出式,有機會再試其它食品3人吃了195元

發現領會接手左現崇山商場之後，多左好多食肆。約７點半左右去到，剛好見到呢間店有一張吉枱，唔洗等位。 海南雞飯：油飯好香，主角海南雞份量足，而且雞肉鮮嫩，好滑，但個人不喜歡雞骨見血。 豬扒喇沙：喇沙同豬扒分開上，豬扒唔會浸到淋哂，very nice 喇沙唔會好辣，而且好香豬扒炸得靚，外脆內軟，juicy得黎又夠厚身，份量仲好多，絕不欺場 肉骨茶套餐(包括:白飯、肉骨茶、油條、油菜)：中藥味濃，甘中帶苦。不過，排骨有點老，油條令我ｏ左咀，油條有３粒，每粒約３cm x ３cm x ３cm...真係"大手筆"-__- 串燒沙嗲：串燒燒得太乾；但沙嗲很香。