星洲名廚 (已結業)

好耐未有幫襯，就搵今日去試試，3人行叫3個餐，海南雞飯套餐、豬扒叻沙和燒豬頸肉抄公仔麵。先講海南雞，如果你食過聚寶，呢間就唔好食喇，雞有骨有＂鞋＂口，唔好食，飯又太油，唔好食。另外個叻沙，豬扒係好好食嘅，厚切啦！爽口啦！好味道啦！但個喇沙湯底就失敗，喊到不得了⋯⋯完全都唔係叻沙的味道。最後炒公仔麵，豬頸肉一樣啦！爽口！味道唔錯！炒個公仔麵味道都唔錯但就油咗啲。總括來講，以前好食啲啦囉！格咗一段時間來食，係覺得好多野都喊左好多。

朋友介紹呢度有間好好吃的豬扒，約我吃過一次，一星期吃2次吃同一樣食物😬。今日由我帶朋友來個late lunch, 我當然推介豬扒飯、今次加咗隻蛋，豬扒鬆軟綿密、外脆內䁔、味道恰到好處，呢個係佢地嘅招牌食品。如果是大胃王，可以叫老闆加飯，一塊豬扒可以切到8件，果然大件夾抵食。朋友叫了豬頸肉撈丁、豬頸肉唔太肥，煎得好味，撈丁鼓油醬汁，ok的。有樣嘢應該無乜人提，係午餐同晚餐會有例湯送, 飲2次都係赤小豆扁豆老黃瓜湯、見唔到有魚但湯有魚味，非一般的老火湯。上次吃過咖哩豬扒及串燒、咖哩汁好味㗎，串燒好得，食完咁濃味的食物，竟然唔口渴、正。但口氣就難免。

今晚吾想行咁遠，食屋企樓下的食肆，選了呢間。點左肉骨茶餐同豬頸肉撈麵，晚餐配野飲。肉骨茶味濃，香，配左炸油條，讓食客放在湯內，吸湯食，ok!!!亦有辣鼓油俾您可以點，幾體貼。不過我自己比較嘉歡豬頸肉撈麵，配是日列湯，青紅夢白豬骨湯，好飲，豬頸肉爽口，配他們的酸辣汁，開胃。

午飯時間又到，專程行過黎就係為了塊厚切豬扒。午餐menu 主要分飯、撈麵同喇沙。隨飯及撈麵附例湯，喇沙除外。A9 招牌豬扒煎蛋飯$52-碟上附有白醋辣汁同豉油汁豬扒厚度不容忽視，醃得非常入味而且用煎嘅烹調方式，唔會覺得太乾或鞋口。咬落去係豬扒嘅全部，無任何粉漿之類混和住。豬扒喇沙$52-上碟依舊招牌厚切豬扒，與喇沙分碟上。喇沙可以選油面，米粉或1半1半。喇沙湯底今日水準不穩，味道不夠濃郁。配料有3塊彈牙魚片，半隻雞蛋，仲有大量爽口嘅芽菜。平時食量都不少嘅同性友人表示食剩3塊豬扒都已經飽晒

一向出街食飯都驚多人，要排隊之餘又嘈，食完又要急急腳走。現崇山商場開咗之後，有次路過見到呢度好多選擇，人流唔算多，平日 LUNCH 唔要求食好野只求唔多人嘅我就諗起過黎呢度食餐廳以星馬泰菜做主題，本身鍾意食濃味野，兩個人叫咗豬頸肉叻沙同咖哩牛腩農夫包先黎叻沙，聞落好香，賣相都唔錯個湯當然唔夠新加坡嗰啲咁濃啦，但比出面其他餐廳濃好多，豬頸肉又香又脆仲好入味，睇番其他人嘅相下次黎要試下海鮮叻沙先農夫包需要單點，冇 SET LUNCH 嘅。兩個人 share 完碗叻沙之後已經半飽，農夫包黎到時畀佢個 size 嚇親大大個包焗到外脆內軟，有 extra 咖哩汁另上唔驚食食下覺得乾。牛腩份量超級多，咖哩味好濃，用黎送包一流！因為包拎走嘅話會又濕又淋，所以我地兩個人即場 KO 晒成個包。牛腩就真係食唔晒，最後外賣拎走，可能我比較細食啦，打包嘅牛腩夠我一個人食左兩餐本來冇乜期望走入黎食，點知好味之餘份量又大性價比之選

今次係黃大仙現崇山分店 例湯 都係一般味精，加咩料都係呢種味道嘅湯 凍拉茶+$13拉茶唔滑唔係好分到同正常凍奶茶有咩分別 巴東牛肉醬三拼飯 $68東南亞嘅材料：肉醬係香，未必最似原本巴東牛肉嘅味道，但有少少大馬食椰漿飯同街邊炒麵嘅參巴辣醬嘅味道，都係 非常重香料味道（有無白飯啊？咁多醬得咁咁少飯，但如果真係俾錢叫多個白飯，應該會食白飯）雞扒煎香，有香茅味道台灣嘅賣相：咪即係台灣肉燥飯嘅效果香港嘅配搭：應該唔會有地方咁溝法————返到屋企要繼續飲水 $60呢個咖哩個樣都似濃味嘅，唔會好似泰式黃咖哩得食，但之後畢一羹，居然無味道

过来去黄大仙拜拜，所以随着搜索了下附近美食，因为特别喜欢海南鸡饭，所以来到这家！真的是意想不到的收获啊！！！！海南鸡升级到脾，份量大方吓人！！！！！味道也超级棒！妹妹要的咖喱猪扒饭，猪扒炸的超级嫩，份量也是超级多！总之非常满意！

今日心思思想食海南雞飯，搵到呢間下午茶都有，就即衝入去食😍😍坐低咩都唔諗就叫左海南雞飯餐($48)一兩分鐘，檸水到左，得兩片薄薄檸檬😖😖不過海南雞飯先係主角😉-青瓜醃左少少，但都仲係好清新👍👍-雞好滑，唔點汁都有味，點左更惹味👍👍👍-油飯不過不失啦，得好淡既香味同調味🙈下午茶時間唔多人 都好靜👍仲要職員都好快手 好好禮貌總括黎講 都好值得再食😉😉

First up, the soup. Very nice, but a bit greasy. I like the choice of papaya and fig to cook the soup with.The nonya laksa is lacking the rich flavours that come with a laksa. Not too bad. It came with fried chicken which was another oily dish.Hainanese chicken was a generous serving. Rice and side vegetable is very oily. Not for the faint hearted or if you are on a strict diet. Chicken is quite good and tender. A very hearty lunch. Needs a certain flavour missing in the overall dish.

今日先發覺自己真係好鍾意食雞甚至到達無雞不歡的境界今次自己一個去到黃大仙一個新式商場係芸芸禁多間餐廳入面就簡左呢間星州名廚睇完餐牌 結果都係簡左我的最愛雞扒喇沙$53 凍飲加$2本身想試拉茶 但熱要加$10 凍要加$12就立刻放棄了雞扒新鮮炸起 熱辣辣炸到金黃色 我一貫食雞唔食雞皮的作風～喇沙湯味濃 椰汁味份量加得剛剛好而且大大一碗 配菜又多個人最喜歡吃配菜大愛這間喇沙可惜位置不太近地鐵站大概不會再來了

朋友提議食星洲野，屋企附近有呢間餐廳，門面幾靚，決定一試。鮮蝦喇沙，非常好食。好足料，大大隻鮮蝦，又有好多配料。湯底食得出係好有誠意既製作，好香濃既海鮮味，好惹味，唔係預製既罐頭野。最驚喜係米粉，好幼滑，吸哂湯底既精華。反而，肉骨茶令我好失望。肉未煮淋，藥材味不足，又有莫名奇妙既苦味。0係呢度食飯，係咪天堂，好在乎你既選擇。

其實mama想食海南雞飯好耐，但要好味有水準既海南雞飯都要去到幾遠下……所以揾到間幾近既現崇山，就嘗試下。如果你6:00-6:30到入座會好空間舖，唔係個種好多人去食既餐廳，至少不用等位。叫咗海南雞飯同咖哩厚切豬扒飯，份量真係唔錯，絕對會好快飽，如果要另叫串燒食就真係三思了，唔好浪費食物嘛~海南雞飯好似一個套餐set咁，飯到前會有湯比你先，幾好味，仲有料響裏面，唔會齋湯咁，而海南雞飯唔係無骨的，有點減分，肉比較係瘦個類，唔係好肥美個類，好快咬完咁，另帶點血紅，另外仲有一碟細菜。味道普通，唔係個種一食落去覺得好味個種，普普通通。咖哩厚切豬扒飯既豬扒真心唔錯，真係厚的，而且唔會係個種好難咬既，易入口且有煎過既口感，好味咖哩我覺得味道偏個啲乜野葉（煮咖哩用個種葉，唔知乜名）味既濃過本身咖啡種辣味，食耐咗會有點濟……不過你可以叫人幫手添咖哩汁，唔錯仲有野食真係好快手就上到，大概唔過5分鐘~整體上:份量好夠，價錢值得，唔洗等位，野食快上，服務態度還可以但味道普通，試過一次未必會特登再去。

喺現崇山開左咁耐都未試過今次就同家人去左試估唔到啲野又煮得幾好食【海南雞飯】雞肉食落熱辣辣唔會好似其他舖頭咁擺到凍曬食落好嫩好滑雞皮仲唔肥好薄可以過下口癮油飯唔會太油但有油香仲好大碗添以晚餐尼講價錢幾經濟仲唔洗加一【福建蝦湯麵】超多隻蝦愛蝦人仕必點飲落個湯有蝦嘅鮮甜但係你話超濃就唔會麵底用左油麵食落索滿湯汁又爽口加埋啖啖蝦肉正呀【咖喱羊扒飯】羊架食落幾juicy但係燶左少少同埋羊架得兩支唔係好夠喉好彩有帶橫香嘅咖喱咖喱唔辣而且偏甜仲俾左好多咖喱你撈飯【豬頸肉喇沙】先講豬頸肉燒得岩岩好外皮帶微脆內裏Juicy鬆化加上甜甜蜜汁唔會過咸就咁食都得至於喇沙湯底好濃帶椰香仲唔辣架加上索湯嘅米粉同爽口嘅魚片真係可以勁快食曬不過叫多碗就免唔好睇佢細細碗食完會好飽唔會有唔夠汁嘅問題

天氣凍凍地，點左果咖哩豬排飯食暖暖身!!豬排經過煎烤，香味十足，咬落脆口!但就比較油膩!同印度咖哩唔同，星馬式既咖哩椰汁較多，香料用量較少!!宜個咖哩汁好正宗，不但夠椰香味，仲夠辣!!辣得十分滋味，愈食愈上癮，用來伴飯一流!!

Honey在黃大仙附近工作，我來陪他晚飯。想到黃大仙，便想到龍翔中心和黃大仙中心，要不，就是酒樓。上Openrice瀏覽，係喎！還有現崇山商場。差點記不起！我曾到過這裡幾次，覺得現崇山商場內的食肆，人不多，較靜，正合我倆心意。然後，看到大家對星洲名㕑的評價，都不錯。好喇！就相信大家的評語，來試一試！Honey喜歡海南雞飯，加$8可轉雞腿。有老火湯、油菜、油飯、海南雞和飲品，很丰富！而且，每一樣都好味。Honey飲白咖啡，都不錯。嘩！啖啖肉！好滑、好嫩！加$8，物有所值！我不太「能」吃喇沙的，胃部對椰汁會敏感。但，因為知道Honey愛吃，所以，我點了喇沙。我也吃了兩口，椰汁好香！有魚片、牙菜、獅蛤、雞蛋和Samba Chili醬，幾好味！雖說遷就Honey，但其實我喜歡煎得香口的食物。煎雞扒即起，好香脆！Openrice的「朋友」們，謝謝大家的好介紹！