星泰灣 (已結業)

我印象中，呢間餐廳成日改名？但個餐牌就係以前個名，是但喇，同一集團也唔奇，我唔想食，不過同行人士皆貪平，所以又入左去😆講服務：我個電話係餐廳裡面收唔到，於是問下收銀的密碼，但收銀話唔知😤以前就會寫係度，而家乜都無😨講野食：我已經叫左個最普通，又唔難做的香茅雞中翼湯檬。雞中翼得兩隻，我嫌少，而且難食又無香茅味，雞中翼好似炸過，但淋晒，明明係香茅雞中翼，點解會炸過🤔檬粉就真係夠哂多，但湯底係無味，點食😔其實我一向要求唔算高，但點可以整到咁👎

同朋友去聽講座，講座前食個快飯，朋友話都試過這食肆，之前叫星泰灣，叫我都可以試下。入到去環境及職員服務都尚可，不過衛生就麻麻地，算啦，唸住食個快飯，拿拿林食完就走。叫咗個咖哩雞扒飯、有餐湯配，都幾抵食$42咋，味道就咸咗啲，不過配埋啲飯都可以接受，汁夠多，雞扒肉質都ok，唔會係嗰啲一咬落去就好林、好霉爛嗰啲，最吸到精華嘅係薯仔，吸收晒啲咖哩汁嘅精華。朋友就叫咗個泰式椒煲雞飯，配凍飲加$3。我無試，因為怕辣，朋友話都ok，不過汁就少咗啲，尚可接受。快飯嚟講叫ok，不過有進步空間！

慈雲山中心食晏， 一上電梯就見到間香葉灣， 之前叫星泰灣， 主攻星馬泰食物。 基本上內裡環境冇變，門口招聘通告就咁貼張*香葉*就算。食飯時間都冇咩人唔使等位，仲有卡位坐添 XO醬海鮮炒烏冬- 賣相睇落一般，但食落幾好味， 有墨魚仔，魷魚粒， 蝦粒 ， XO醬少少辣。 烏冬爽口唔爛。$42超值特價午餐 送熱飲，羅宋湯或忌廉湯或例湯，有六款， 就阿女都食得，叫左個揚州炒飯飲熱華田-超淡味.唔使十分鐘， 炒飯即送到， 賣相一般，散開咗 ， 好似畀人食咗一匙咁， 用料基本嘅蝦仁 ，叉燒粒， 生菜絲，蛋花蔥花都有，味道係好味既。地板，刀叉匙食具都很乾淨 ，唯獨卡位嘅通花同椅邊，全部鋪滿一層勁厚的塵， 真係好怕。

等位嗰陣已經冇招待冇人理冇人問，唔係帶住又大又細已經走左叫左牛扒2份，海南雞飯跟餐3杯野飲，黎左2杯又唔比埋第3杯仲要糾纏左1陣牛扒黎到問都唔問就落個黑椒汁你唔問都睇下張單啦，仲賴廚房比錯扒你又拎住，張單你又揸住好喇冇辦法叫左5成，實際7成見到門面咁已經唔想食真係好後悔入左黎

叫左兩個下午茶外賣，大伏！！！炒牛河無味，好油，成盒得7-8小件牛星洲炒米非常辣，無乜送！未食過咁少送既星洲炒米得小小豬肉粒&超細粒雪藏蝦，無啦系未我既問題？平時食好多間茶記都有叉燒，旦絲，火腿，呢間乜都無！？凍咖啡夠凍，但勁甜&好重奶味，但咖啡味去左邊？凍檸茶兩片檸檬+一片極極極薄檸檬only一樣夠凍，超多冰，但無茶味，也無檸檬味我懷疑呢間野啲檸檬唔新鮮+太少檸檬啦我飲完，再加小小水想整凍檸水（太多冰）但變成冰水，完全無檸檬味餐具我叫左兩個炒粉佢比一隻spoon比我？但系最重要既快子呢？？如果唔係外賣返屋企，都唔知點食呢間野非常伏！！！我食到一半，真系要停落黎！再打食評！呢間係我食過，令我最嬲最嬲既店！

慈雲山中心新面貌翻新後多左好多食肆 如台日泰菜星泰灣價錢親民 份量多水準高親身食過 覺得冇其他人甘差但感覺偏向茶餐廳 呢樣係真嘅.雞翼喇沙 雞翼炸得嫩滑入味湯底香 微辣 金邊粉夠多.香茅豬扒撈檬🐷都係好大碗雖然豬扒唔同一般的餐廳用炸但食得出好香濃的香茅味肉質都唔會老 醬汁酸咸不會辣.最普通嘅星洲炒米😂呢度都有好夠鑊氣 麵多料都多 真係抵食.炸蝦餅🍤見到好薄以為中伏但食落又好脆 係彈牙嘅蝦膠.慈雲山嘅居民終於有啲選擇除左毓華街 呢度都係不錯嘅選擇

今日係外賣APP叫左尼間餐廳嘅dinner,明明話會奉送湯飯茶，點知黎到得個小菜，冇飯冇湯，2杯野飲倒瀉曬，要奶茶，比左朱古力，仲有個小菜得好少，仲要難食

啱啱幫襯完呢間餐廳外賣，叫左兩個晚餐，其中一杯飲品叫左熱咖啡，點知返到屋企，我媽咪一打開杯熱咖啡，就已經聞到好大陣煙味，仲遞比我問我聞唔聞到，佢未遞到黎我已經我聞到好大陣煙味，我地一致懷疑有人沖咖啡時跌埋d煙灰落去，所以即刻倒都倒唔切啦，由於我地已經返到屋企，所以都唔打算追究，不過希望籍住呢篇食評令餐廳老闆及食客留意一下，我就以後都一定一定唔會再幫襯呢間餐廳!!!!! Black List!!!!!!

兩個人入去坐低叫常餐A餐 京都豬扒飯 點知尼碟菠蘿咕嚕肉飯 望望隔離個個都係咁隔離 個frd叫焗意粉(定係通粉唔記得) 裡面有水既 好奇怪 可能唔係泰式dish先咁伏啦 大家去既話食返泰式野呀

難得星期天又沒有特別事做，同媽媽來到慈雲山中心新開既餐廳食早餐-「星泰灣」！ 門口沒有人接待，所以我們自己直接入到餐廳內搵位！一入到來，人山人海，很熱鬧、而且很嘈吵！餐廳有圓檯有卡位，我們很難得找到卡位享用早餐！餐牌上選擇都算多，有麵餐、有西式早餐、有三文治餐& 蕃茄濃湯餐！我點了肉丁香茅豬扒通粉；餐飲熱朱古力！這種香茅豬扒不太韌，味道也可以，但浸了落湯裡來，好像浪費了塊豬扒既特別之處！而肉丁就太硬，不好吃！熱朱古力就一般茶餐廳水準！

話說我之前就去左泰國旅行, 返到黎香港最掛住泰國D椰青, 日日買一個係條街到飲 真係好正架咁我見到呢間野新開,好似泰國菜、新加坡菜都有,仲有椰青飲, 就去試試啦~menu~ 有二人/四人套餐的~裝潢都幾光猛、感覺干淨~朋友叫左個清湯雞絲湯河, 感覺無咩特別~我就叫左個冬蔭公香芧豬排金邊粉~ 首先d粉係超級多既, 真係多到食唔哂@@ 但我就覺得個湯底偏淡、無泰國個種酸、亦唔夠辣, 不過就可能岩唔太食得辣既地道香港人既.... 而佢個香芧豬排竟然浸埋落去個湯到, 無分開上, 咁就令到個豬排林左, 無左個種香脆味道....... 但4十幾蚊有咁大碗野係好抵的~泰式炸蝦餅~ 炸得好香脆, 熱辣辣, 蝦味口感就正正常常啦跟餐加錢轉特飲, 呢個係朱古力沙冰~ 消暑真係一流阿, 佢又唔太甜wor , 有香濃既朱古力味! 岩哂唔鍾意飲太甜野既香港人!呢個椰青就無得加錢既, 要比原價28蚊! 但係呢個係全餐最正個樣野! 因為夠凍得黎又好鮮甜、而且一D酸味都無! 我之前去泰國飲個D椰青都有部分帶小小酸味! 而佢呢個就一D酸味都無、仲好飲過泰國當地個D阿! 同埋佢D椰子肉好容易不到出黎~ 大家見到我地連椰子

閒日夜晚去食個晚飯，見佢新開去試下，超級失望！4個人叫個4人餐，樣樣精彩！1. 例湯：味精味精加味精2. 例牌海南雞：細碟，唔夠4人食，普通雪藏雞，個汁唔正宗3. 西蘭花炒蝦仁：份量整少！味淡！4. 京都骨：份量可以，但味道太酸5. 白飯：太硬，大大碗飯都冇用，跟本唔夠餸食6. 青檸梳打（+$8）太酸...好難飲間野新開，坐得舒服既，但食物同服務完全唔掂！明明咁大間野得4、5枱客，呀姐叫極都唔黎，最後一個餸又勁遲都唔黎，要食晒其他野追佢先黎成間野跟本係中廚扮星馬野，無論係味道定份量都完全唔掂價錢又唔係平，不可一，不可再100%真心分享

夠鐘食lunch見唔洗等位，又未食過呢間，就試下啦。入到去見到都多人，揀左一張客人剛離座既卡位。Lunch set都算抵食，有湯有熱飲，個忌廉湯麻麻。叫左菠蘿海鮮炒飯($47)，上枱見到份量好多，可以夠2個人食。同出面食開既好唔同，好大陣咖哩味，而且微辣。個人就唔係甘鐘意，有少少失望。海鮮方面，除左一隻青口，飯入面仲有好多魷魚，細舊既魚塊。另外叫左個上湯香茅豬扒金邊粉($44)，唔係lunch set，冇湯但有熱飲配。個湯底同豬扒都唔係好夠味。香茅雞翼($28)即叫即整，好香口，就算擺左陣都仲好熱，點埋泰式辣醬入面都好多卡位，但就有少少迫，今日天氣熱，冷氣唔係好夠，食到出汗。但勝在免加一，款色多，可以再一試既。

聽朋友話她居住慈雲山嘅街市巳裝修好了，而家好乾淨又有冷氣，貨物琳瑯滿目，有好多嘢買，於是放假同媽咪去逛逛。街市位於慈雲山中心一樓，附近有好多食肆，行過有間門面好企理嘅星泰灣餐廳；入面地方寬闊；有好多雅座，裝飾優雅和燈光充足。啲間星泰灣有曬星、馬、泰國家嘅食物，唔洗搭飛機都可以食齊👏🏻㕑師介紹啲味星洲海南雞飯必定要試試，有雞、飯、菜、湯和飲品加埋醬料都只係$68元，雞肉入口好滑嫩、飯質感煙煙靭靭，成碗都食曬。湯還可選擇西或中湯，好夠材料又熱辣辣好好飲😋。德國咸豬手配有薯菜，薯條夠大條;炸到好香脆。鼓汁蒸鯧魚即叫即蒸都只係$58元,人囗感覺新鮮又鮮味👍杯珍多冰有好多料係入面，夠濃味；料煙煙靭靭好有趙口。

今日天氣勁勁....差 落雨都落左兩日 今日仲要暴雨 ⛈️ 12點 就天黑到夜晚8點甘啊！！！都系落街搵嘢食啦 😌 同朋友一齊行行下見到呢間 新開張既 “星泰灣” 多國美食餐廳 幾吸引下 入去食先 呢間既午餐 以套餐為主 分別會有 : 湯，餐包，飲品，主菜 鴛鴦扒餐 豬扒+雞扒 ，洋蔥汁，餐包，熱檸水，羅宋湯 (其實我叫忌廉湯㗎 🤦🏻‍♀️ 問咗三次都黎錯 ) 扒有兩大塊 肉質淋淋地 飯既分量幾多架 有成兩三碗添 ！ 不過食落冇驚喜 同普通茶餐廳味道一樣 🤷🏻‍♀️XO醬豬頸肉炒烏冬 忌廉湯，凍奶茶 ☕️呢個烏冬 炒得幾有鑊氣 有大排檔嘅味道 豬頸肉都有好多塊 相比兩個餐 呢個好食好多 有少少驚喜🤣🤣