星泰灣 (已結業)

首先 等位 明明裡面一堆位置沒人 但是卻沒人去收拾殘局 服務員聚在一起聊天 其次 小炒沒有了 未經通知及同意就將小炒轉成了小白菜？ 完全沒有問過客人的意見而且也沒有通知客人 將近六十蚊就為了吃碟炒小白菜？然後 食物太重口味 油多得讓我懷疑廚師是不是手滑了最後 衛生差 桌子底下很多紙巾 餐具也沒有洗乾淨 超級並且強烈的不建議來這間餐廳 除非你真的餓得不得了而且其他餐廳沒有位置只想說 去太興也不要來這裡 簡直是無法比較好嗎？簡直不要太伏

依間茶記開張無即時試試,今早終於可以試佢嘅入口好似酒樓嘅接待處留咗等候區,入內都唔算少座位。因為時間11:20am啱啱可以趕及食吓街坊早餐平平哋。叫咗5份C餐。牛扒都有驚喜嘅,估佢唔到好過樓上"大xx快餐"好多喎。味道調較適中,而可以保持"溫度"上檯最可取。牛扒本身肉質唔差,有牛肉味又唔韌。豬扒就比較無咁好,味道略為平淡而肉身偏硬。吉列魚上檯最遲,但係熱騰騰。非常香口撲面而來,入口魚味好濃煎蛋+方包就一般水準。奶茶就唔似快餐店貨色,有返茶記嘅水準。茶色靚,入口茶味香濃,奶偏少。其他午餐價錢就唔算平宜最後一提,伙記服務水準算唔錯

週末嘅下午茶時段，目測都有7成full，下午茶menu都幾多選擇，order完之後好快就嚟咗個湯，咁就飲住等啦，飲完好耐碟粉都未有影，連後到搭枱啲野食都上咗，一追之下先發現係冇落到/唔知落咗去邊。其實廚房出嘢都幾快，但係就白白等咗近半個鐘，完全唔明白點解既然落得個湯，主食同餐飲係會失咗蹤。啲staff好似從來冇做過餐飲業咁，好簡單嘅一張圓枱搭枱都搞到冧哂檔，講極都唔知咩事。食完去收銀埋單，個收銀又失咗蹤，搞到好幾個人圍喺度等埋單，到個收銀呀姐終於慢條斯理返翻嚟，又有兩個疑似supplier嘅叔伯要畀佢簽單，拖住啲架撐夾硬逼埋個櫃枱，完全無視啲客（姑勿論客唔客，前面咁大個人企喺度你會唔會係當佢係透明就咁夾埋去？）其實啲食物都中規中矩，炒金邊粉夠酸幾開胃，但係啲人（廚房係冇問題，指緊樓面同嗰位著住史偉莎衫嘅人士）嘅質素實在不敢恭維，以致成個用餐體驗可謂係災難級，稍為有啲要求嘅人建議三思而後行。

新開餐廳，下午茶諗唔到食咩就試一試佢。有港式，泰式，新加坡食物選擇。環境唔錯幾舒服，坐位夠大夠闊落，可能新開，暫時睇落都仲係光淨整齊。下午茶唔想食太飽就叫左個泰式炒金邊粉同吉列豬排薯條。炒金邊粉味道唔差，夠酸，好開胃，正常金邊粉味道，唔會太濕，太油。吉列豬排薯條都係新鮮炸起，唔會好似有啲餐廳咁炸定或者翻炸，豬排外層夠薄，啖啖肉，加配千島醬，因為鍾意點醬，所以覺得配合起黎好食。叫左2杯特飲，跟餐要加$8，芒果沙冰淡左啲，小芒果味，青檸冰味道唔錯，唔會太酸。整體黎講唔錯，下次會再黎試下其他野食

由於係新開餐廳，所以同屋企人去試下。冬陰公海鮮湯金邊粉，金邊粉帶硬，海鮮應該唔係新鮮有一鼓腥臭味。嚴重不推薦。而午餐大致尚可，不過不失，比較好食既應該係海南雞飯。以屋村餐廳黎講尚算可以。正餐加飲品同餐包，50幾蚊，價錢合理分量大份。但有一個好嚴重既問題，成間餐廳好熱，屋企人老人家一路食一路出汗。餐廳室內設計為靚而唔實用，啲冷氣出晒出去外面，完全感受唔到仼何風。啲服務員哥哥姐姐可能因為新店又多人有少少亂，但服務態度就好好啦。值得讚揚。