星巴克咖啡 (已結業)

由於食左甜既泰昌蛋撻，放棄了XTC ON ICE GELATO改為去睇CHANEL MOBILE ART，途中見到滿載攬球的電車為HK SEVENS 宣傳(型爆)，雖然沒有門票，也在場外行了一圈，外形相當CYBER 的展館呢! 乘船到了尖咀，在太空館及科學館中作了抉擇，決定出發到科學館一遊，於是一直行星光大道，發現星光大道近新世界中心方向竟然開了Freshness Burger 及Starbucks，其中星巴克更加座擁無敵海景，我們便入去飲杯咖啡，我更點了自北京之行後首杯mocha 星冰樂($32)，正呀，海風吹著的休息，是人生一大享受!

食完餐地獄晚餐後...去了starbucks以撫慰受驚的弱小心靈...因為在練歌場地附近, 所以自然地去starbucks. 一路在行去starbucks的途上, 一路在心中迴響著: "一早去食starbucks都無咁嬲", 以及"早知就唔貪平..."low fat mandarin cheesecake:一直都在想starbucks會點令個cheesecake low fat...今晚食完好像想到了點, 因為佢唔係成件用cream cheese, 而係用海綿蛋糕夾住D CHEESE餡~咁就當然會俾成件都CHEESE的LOWER IN FAT了...中間的CREAM CHEESE也比FULL FAT的CREAM CHEESE無咁膩口...用料也會是LIGHT點的CREAM CHEESE嗎? CHEESE味也夠, 還好~tall skimmed latte:真係...正如一眾食評所論, 是咖啡味的飲品而已...想真係飲同欣賞coffee, 一定唔會揀starbucks.當晚在cashier當值的2位男生...是新手的關係吧? 好似唔知我點緊乜cake之餘, 收錢時也挺混亂的...=___

呢個禮拜, 我做了星巴克的奴隸獸...好可怕呀~!!呢日(12月12日) 要去文化中心為音樂會作最後的綵排, 見有d時間剩, 又~~~~去starbucks... 呢一個"DINNER"是個好薑的DINNER, 有GINGERBREAD LATTE搭GINGERBREAD CAKE, 一聽個名就知我又玩應節晚餐...我亦好EXPECT我呢餐好夠薑...點知...薑味不足...GINGERBREAD LATTE唔夠薑之餘襯上CINNAMON的味道...更是有點怪怪的...@__@" 我本身還頗支持CINNAMON的嘛...這也算了...GINGERBREAD的蛋糕, 我EXPECT佢都幾有薑味的...可惜...佢上面層CUSTARD狀的物體的CHEESE味比GINGER味更能引起我味蕾上的注意...原本是很薑的一頓...點知佢唔夠薑...=0="""

放工後，主人與奴隸獸匆匆忙忙趕去文化中心聽音樂會。（目的是要提高奴隸獸的藝術及文化水準。）因為時間緊迫，及為免奴隸獸食飽後會瞌睡，於是在附近的Starbucks解決了這些問題：1. 黑莓抹茶忌廉星冰樂（大杯HK$36）黑莓、抹茶、忌廉配合得很好，不錯的飲品。2. 雞肉牛油果New Club Supremo （HK$32）麵包雖厚，烘後脆而軟身。三文治內可能加了basil 葉增加了三文治的香味，比想像中好。奴隸獸雖然沒有吃飽，無奈地…..

紅豆scone可能人多, 所以焗得唔係好耐, 好彩不至於話又凍又實, 雖然好鬆化,但係一啲紅豆味都無, 如果當佢係一個plain scone, 我會覺得好好味, 但係如果係紅豆, 就係好唔掂, 因為都突出唔到紅豆呢個主題…

那天看concert前到了文化中心的Starbucks吃了點東西。先買了個吞拿魚硬包-- 再三問店員有沒有洋蔥﹐他們再三跟我肯定沒有﹐就買了-- 叮熱後的包真的很好味﹐個人很喜歡硬皮的包﹐它做到﹐還要很香﹐裡面的吞拿魚餡真的沒有洋蔥(哈哈)﹐但有一點酸菜﹐很好味(surprisingly!!!)。叫了一杯Earl Grey﹐還可以。後來友人來後﹐我又忍不住叫了件蛋糕-- 本來叫Tiramisu的﹐但到了凍櫃前又給我看到這件Mandarin Cheesecake (他說是low fat 的﹐哈哈)﹐就叫來一試-- 又是出乎意料的清香﹐不太甜﹐很好味。 Service也很好(好過Habitu!)﹐但不可以坐太久﹐因為有蝨咬的!!!!!!

約了１位新識朋友見面，４個人去完九龍酒店食ｂｕｆｆｅｔ，本來想去樓下間星巴克，點知ｆｕｌｌ到不得了。最後轉了去星光行的分店，等了一陣位子就有了！５個人都唔肚餓，但係冇理由霸人地２張木台大家齋坐咁樣衰，最後每人都叫了一杯飲品。我就買了一支檸檬汁，想飲ｄ酸野消化一下，怎料佢酸都唔酸下，仲帶甜＞＜飲完個口仲黏黏的，噢．．．

早餐時間想吃個咸味的早點, 好像選擇不多, 眼見有這個Pepper Ham Scone便買下來份量不算大, 但總算熱辣鬆化的, 一點點的火腿粒都蠻吸引的. 一口咬落, 火腿粒焗得已硬硬的, 仺仍可以接受, 但scone的超級勁濃的黑胡椒味, 雖然scone小小咸加上十分鬆化, 但是這個超勁的黑胡椒味, 真的令人很口渴,但說真的, 味道咸咸又鬆化, 都頗好吃的, 但這個勁胡椒味, 到底要不要再吃下去呢?

落TST Branch 開會後，巳經四點半。沒mood 回公司，遂四處逛逛。趁藝術中心未關門，享受週三免費入館優惠。睇完身價相當的古代文物，跑到這間新新地的星巴克。見洋人小孩子，雙手拿半枚scone，吃得滋滋味味。於是，選定scone作吃的。飲了店員推介的新產品「果凍冰咖啡」。芝士洋蔥英式鬆餅（$12）：香酥惹味，牛油味濃，有D 肥膩，但無辦法啦，cheese scone 嘛。咖啡果凍配冰牛奶咖啡（$32；Grand Size）：咖啡果凍粒甚有咬口，唯咖啡偏淡。即是有coffee jello 的iced latte。

17.4.2006 6:30p.m.約了朋友到文化中心看戲但未夠鐘,一個人本想到九龍酒店那間Starbucks坐坐,怎知full得不得了,等位時忽然想起這裏都有一間,馬上轉場. 果然這邊人流少得多,地方較闊落亦較多梳化位,好舒服,看過雜誌知道這裏有時會搞一些文化活動(如音樂分享),更有coffee seminar教咖啡迷揀選最適合自己的咖啡,跟其他分店有點不一樣. 食物都是一貫那些,但這裏好在夜晚都有sandwich等咸食供應,要了一支lemonade和一片turkey toast都幾好食. 在尖沙咀行街shopping累了,這裏是充電的好地方~

粗人一名的浚, 附庸風雅地往看藝術表演, 平安夜晚上七時, 旺角往尖沙咀的地鐵中, 人數絕不比上班的繁忙時間少, 沒有車水馬龍的尖沙咀, 有著肩磨臂接的人潮, 原來平安夜有這麼多人往找尋平安及不平安.店外人聲鼎沸, 坐在這間新開不久的星巴克咖啡分店, 出奇地有一番寧靜及和諧, 要了心愛的熱Latte , 熱朱古力, 雞批及聖誕節特製朱古力蛋糕, 全部都保持著星巴克的穩定水準, 沒有因為新店的運作未熟習, 或大節日的額外人群而失準. 侍者都是年青人, 每位皆笑容滿面, 既積極, 且主動, 相比她的主要競爭對手太平洋咖啡, 真的要佩服美國式的管理文化! 經營牛肉麵店的“名咀”( “名咀”與否, 只是見人見智) , 看看星巴克三十多年以來的成功經驗吧, 這是一個很好的參考個案, 個人品牌並不是成功食肆的保證.