明都餐廳 (已結業)

星期二晚上搵嘢食，見食評幾好，同2個3歲以下小朋友快閃晚飯，一坐低我同伙記講要楊州炒飯，因為小朋友勁肚餓，打算叫個炒飯之後再睇食乜小菜。點菜要乜無乜，牛仔粒又無、牛仔骨又無、炒蜆又無、避風塘咸豬手又無⋯⋯最後勉強叫個石班魚塊加椒鹽豬扒，真係唔明7點未夠，乜都無，客人去食風？之後椒鹽豬扒到，個炒飯都未出現，問佢哋就話無落單，仲賴我地無落，我一坐低同個伙記講，佢好清楚話好，之後仲要我對質，個伙記知自己無落，一句對唔住都無，食咗餐十級勞氣嘅晚餐。食物非常一般，完全比之前食評誤導咗，一定無下次。

嗰晚一大班人在香港仔打完波都已經九點幾, 諗緊有乜地方仲有野食, 好彩這間位在田灣的餐館開到12點, 即去試下椒鹽鮮魷 : 外表香脆, 夠味, 內裡爽甜, 送酒一流海味雜菜煲 : d魷魚鮮甜, 菜亦不會過老燒豬頸肉 : 燒得剛好, 不乾酥炸小棠菜: 墨魚滑鮮甜, 外層香脆黃金蝦 : 蝦肉新鮮彈牙, 不會煮得太老, 咸旦汁剛好, 夠香亦不太重味, 沒有蓋過蝦的甜味豉椒炒蜆 : 惹味香口, 蜆肉爽甜, 避風塘豬手: 不辣, 只有蒜香, 加上豬手炸得外皮脆, 內裡肉剛好, 肥d就肥d總括: 海鮮出色, 貨好, 小炒也不錯, 服務ok(有幫我地換過碟), 價位合理!

係好偶然嘅機會下和數位朋友來這餐廳食晚飯，店鋪位置不錯但店面有點不起眼，應該係做街坊生意為主。 入到去發現有幾多種類嘅小菜，小食如皮蛋，椒鹽鮮魷，香煎蓮藕餅等等。同時亦有川菜，還是幾多元化的。最最深藏不露還是它的海鮮！！由於近魚市場和香港仔海旁(不知有冇關係XD) 發現海鮮也很值得一試！！ 椒鹽瀨尿蝦/琵琶蝦超大隻肉也很甜美！ 其他如炒蟹，虾和蒸帶子也很贊！算是有驚喜嘅一餐！價錢中等，感覺老闆亦不小器，很足料！！

本來想吃少年micheal介紹那咖喱雞及焗豬扒飯,但見今晚氣溫只得8度,天寒地凍有甚比火鍋更合時?這店位於群心正對面馬路,地點稍吊腳,那也好,起碼不用等位。火煱生料價位非常實惠,都是每碟20-35左右。選了皮旦湯拼沙嗲,那知皮旦湯竟有沙嗲味,一反映即時換過,很好!想吃海蝦沒有桶蠔九肚魚和蜆都無緣,唯有點些大路的,美國肥牛孖上、真的很肥牛。不過蘸辣椒豉油,也可。鮮豬潤和粉賜份量是很足的,兩個人根本消滅不盡。粉腸帶韌,豬潤是偏粉的雞件經沙嗲湯盪熟後亦可口鱔片是肉味甜入口爽脆尾段來個濃湯泡飯,吃罷寒意盡除,合時火鍋,正!原來它可自攜海鮮,每款收$30.00費用。

星期日果日，聽細佬講話田灣間明都好似轉左手，光猛左好多，就諗住同媽咪佢地去試下啦!我地8個人，叫左5個菜-羊腩煲(好多肉同枝竹，一d都唔so)-菜圃蛋(好香口)-蒸魚(我唔太like魚所以冇食)-炒花甲(d花甲好大隻，仲冇乜空殼tim)-瑤柱扒豆苗8個人都係食左$300幾，照抵!!!