影片
食家推介
牛肉面就食得多喇，今日就试下主打羊肉面嘅明记啦!!!💛驰名黑山羊米线配炸鱼皮以$54呢个价钱有咁多羊肉，未食已经加咗分，个汤极重羊味但又唔算膻，试一啖就觉得有10只羊喺口入面跳舞😂。黑山羊偏瘦而肉质结实，食哂全部羊肉都唔觉得肥腻!!! 米线偏弹牙爽口，有别于其他面店，怪唔得系招牌米线啦!!💛特盛牛羊双并上海面 配菜甫蛋厚切红烧牛𦟌非常入味，而且炆得够腍，筋肉相间，十分有口感。汤同羊同驰名黑山羊米线一样，但因为加咗红烧牛𦟌，令到汤底多咗少少红烧牛肉味，羊同牛都一样咁出色，如果拣唔到食咩好，拣呢碗就啱哂喇!!!最近舖头做紧234优惠，加$2有紫菜，加$3有炸鱼皮，加$4有神秘车仔𩠌😋舖头上个月俾食环罚咗$16000，大家用荷包惩罚翻老板啦!!!味道: ⭐️⭐️⭐️⭐️服务: ⭐️⭐️⭐️⭐️ 环境: ⭐️⭐️⭐️价钱: ⭐️⭐️⭐️⭐️⭐️
继续阅读
最近天气麻麻，所以食lunch都不愿行得太远，到东广场竟然有一间食黑山羊米线的小店，一向钟意食羊的我就去试试啦。午饭时间店舖人流不绝，疫情之下冇探热、我呢啲一个人更加冇距离可言，不过小店生存艰难，当然只眼开只眼闭。可惜的是服务环境都不尽如意，叫了阿姐五六次都未肯show我，地方狭窄到成餐饭不断有人踢到我张櫈，环境细到阿姐冇野做时系成个人贴左喺我个位。叫了一碗招牌黑山羊米线，速度来说是完胜的，落单先付款然后一分钟以内已经上菜。羊肉有点儿韧，但份量算多而且大块。肉质本身其实不太骚，反而汤底骚味十足，可惜的是除了骚味便尝不到其他味道，感觉不到标榜无味精的姬松茸虫草花羊骨汤底。这款米线较幼身和爽身口，却少了点滑溜的口感，喜不喜欢就是个人口味，我则觉得还算不错。个人很喜欢加店舖一些自制的菜甫、酸菜等配料，通常都是店家有信心的产品，而看到这里有些像是雪菜的配料也加了点。可是却成为了这一餐的败笔。见到有些辣椒在内，可是吃下去完全没有辣或是任何雪菜味。而且不知是否下了很多调味料，吃过后口渴得不得了...值得一赞的是米线竟附有半只糖心蛋，口感不俗，叫是挽回点分数。以$50这价钱（比我系openrice见到又加了价），论食物质素、环境都不及同区另一间黑山羊老字号，小店似乎仍须努力。
继续阅读
叫左羊肉汤饭同米线，都系各五十零蚊，饱肚嘅。菜上得好快，应该都系直接盛上来。羊肉唔差，但如果有多些菜更好。汤就话唔落味精，饮落去后唔颈渴。最后招呼唔错，成日好踊跃甘拉客。
继续阅读
终于的起心肝继续写«观塘觅食系列»瑜珈堂已经上完很久了，但我都会负责任写返食记的，今次系东广场内的明记。明记食粉面为主，主打无味精汤底。🔹三𩠌自选米线配金华火腿椰子鸡汤🔹我就点了椰菜饺，牛腩和猪扒，本身想食韭菜饺的，可惜卖完了。试一试汤底先，清澈嘅汤底，椰子味道唔太浓，淡淡的金华火腿咸香味，单饮都唔错!! 椰菜𩠌人手做，调味刚刚好，好健康。明记仲有提供一大兜酸菜喺枱面，加少少酸菜，味道又有另一番方味。🔹驰名厚切红烧牛肉上海面🔹唔记得影相有惊喜呀!!! 红烧牛肉用上牛展肉，炆到好软熟，牛展间的胶质软化的，好味!!! 汤底一样系招牌金华火腿椰子鸡汤!!晚上7点帮衬，但自选𩠌都有少售罄了，想食嘅朋友记得早啲!!!
继续阅读
冻柠茶一攞嚟，发现得三分二杯，揸落手感觉系暖暖地，可能佢地冰唔足够，所以落得好少，但茶又唔想畀太多，所以整咗杯又细杯又唔冻嘅冻柠茶;碗面味道系几有水准，食落感觉真系无乜味精，只不过D红烧牛肉咬落好腍，简直腍到好似食豆腐咁嘅感觉，怪怪地。
继续阅读