明記黑山羊專門店 (已搬遷) 新店位置

牛肉麵就食得多喇，今日就試下主打羊肉麵嘅明記啦!!!💛馳名黑山羊米線配炸魚皮以$54呢個價錢有咁多羊肉，未食已經加咗分，個湯極重羊味但又唔算羶，試一啖就覺得有10隻羊喺口入面跳舞😂。黑山羊偏瘦而肉質結實，食哂全部羊肉都唔覺得肥膩!!! 米線偏彈牙爽口，有別於其他麵店，怪唔得係招牌米線啦!!💛特盛牛羊雙併上海麵 配菜甫蛋厚切紅燒牛𦟌非常入味，而且炆得夠腍，筋肉相間，十分有口感。湯同羊同馳名黑山羊米線一樣，但因為加咗紅燒牛𦟌，令到湯底多咗少少紅燒牛肉味，羊同牛都一樣咁出色，如果揀唔到食咩好，揀呢碗就啱哂喇!!!最近舖頭做緊234優惠，加$2有紫菜，加$3有炸魚皮，加$4有神秘車仔餸😋舖頭上個月俾食環罰咗$16000，大家用荷包懲罰翻老闆啦!!!味道: ⭐️⭐️⭐️⭐️服務: ⭐️⭐️⭐️⭐️ 環境: ⭐️⭐️⭐️價錢: ⭐️⭐️⭐️⭐️⭐️

最近天氣麻麻，所以食lunch都不願行得太遠，到東廣場竟然有一間食黑山羊米線的小店，一向鍾意食羊的我就去試試啦。午飯時間店舖人流不絕，疫情之下冇探熱、我呢啲一個人更加冇距離可言，不過小店生存艱難，當然隻眼開隻眼閉。可惜的是服務環境都不盡如意，叫了阿姐五六次都未肯show我，地方狹窄到成餐飯不斷有人踢到我張櫈，環境細到阿姐冇野做時係成個人貼左喺我個位。叫了一碗招牌黑山羊米線，速度來說是完勝的，落單先付款然後一分鐘以內已經上菜。羊肉有點兒韌，但份量算多而且大塊。肉質本身其實不太騷，反而湯底騷味十足，可惜的是除了騷味便嚐不到其他味道，感覺不到標榜無味精的姬松茸蟲草花羊骨湯底。這款米線較幼身和爽身口，卻少了點滑溜的口感，喜不喜歡就是個人口味，我則覺得還算不錯。個人很喜歡加店舖一些自製的菜甫、酸菜等配料，通常都是店家有信心的產品，而看到這裡有些像是雪菜的配料也加了點。可是卻成為了這一餐的敗筆。見到有些辣椒在內，可是吃下去完全沒有辣或是任何雪菜味。而且不知是否下了很多調味料，吃過後口渴得不得了...值得一讚的是米線竟附有半隻糖心蛋，口感不俗，叫是挽回點分數。以$50這價錢（比我係openrice見

叫左羊肉湯飯同米線，都係各五十零蚊，飽肚嘅。菜上得好快，應該都係直接盛上來。羊肉唔差，但如果有多些菜更好。湯就話唔落味精，飲落去後唔頸渴。最後招呼唔錯，成日好踴躍甘拉客。

終於的起心肝繼續寫«觀塘覓食系列»瑜珈堂已經上完很久了，但我都會負責任寫返食記的，今次係東廣場內的明記。明記食粉麵為主，主打無味精湯底。🔹三餸自選米線配金華火腿椰子雞湯🔹我就點了椰菜餃，牛腩和豬扒，本身想食韭菜餃的，可惜賣完了。試一試湯底先，清澈嘅湯底，椰子味道唔太濃，淡淡的金華火腿咸香味，單飲都唔錯!! 椰菜餸人手做，調味剛剛好，好健康。明記仲有提供一大兜酸菜喺枱面，加少少酸菜，味道又有另一番方味。🔹馳名厚切紅燒牛肉上海麵🔹唔記得影相有驚喜呀!!! 紅燒牛肉用上牛展肉，炆到好軟熟，牛展間的膠質軟化的，好味!!! 湯底一樣係招牌金華火腿椰子雞湯!!晚上7點幫襯，但自選餸都有少售罄了，想食嘅朋友記得早啲!!!

凍檸茶一攞嚟，發現得三分二杯，揸落手感覺係暖暖地，可能佢地冰唔足夠，所以落得好少，但茶又唔想畀太多，所以整咗杯又細杯又唔凍嘅凍檸茶;碗麵味道係幾有水準，食落感覺真係無乜味精，只不過D紅燒牛肉咬落好腍，簡直腍到好似食豆腐咁嘅感覺，怪怪地。

嗌咗三餸上海麵（$36)牛輾（97分）白菜仔 (正常）豬扒（正常，90分）羊湯（95分）羊 (100分）（一份羊+$12)整體：95分食完有啲感覺嘅感覺勁勁超超超級好食唔識講

今日經過東廣場樓下諗住搵下有咩好食啦見到入邊嗰個姐姐咁好招呼係咁叫入黎食抵受唔住佢嘅熱情叫咗個黑山羊羊肉米線，印象中好似40幾蚊小小樣嘅蘇味湯底勁清甜羊肉份量都好多一條條絲咁唔會太un鍾意食羊或者食米線嘅朋友，又唔想食得咁濃味都可以嚟食下呢一個湯底勁清甜嘅米線嘅

去完髮型設計師電髮後是晚餐時間，髮型師介紹了附近呢間麵店，在商場入面一處像美食廣場的位置，環境熱鬧，麵店外桌椅佔地都幾大，好平實的裝潢，摺枱膠櫈，預了要跟其他人搭枱，店家貼滿食品介紹！男店員非常爽快，一腳踢八面玲瓏馳名黑山羊米線🍜🐐（$45）姬松茸蟲草花羊骨湯底，膠碗平實，材料除羊肉還有滷蛋及生菜，蔥花用匙盛著，由客人自己決定落湯，羊肉好多片，瘦肉片都不會硬及嚡，連皮的較彈牙，一點都不膻，湯底非常清甜不油膩，同羊肉好夾，滷蛋蛋黃有點溏心，讚👍🏼，生菜爽脆，米線嫩滑好夾羊肉湯味道，可以落一點枱面醬菜吊味，醬菜略嫌太爛，自己喜歡爽脆的醬菜多一點熱檸茶（$6）無耳膠杯，茶餐廳feel，茶底都係茶餐廳風格，夠濃唔澀！草根街坊好味羊肉麵

觀塘購物商場「東廣場」，「東廣場」環境跟旁邊的大型購物廣場「apm」有截然不同感覺，感覺不同在於「東廣場」沒有大型商場的架子，比較容許食店範圍內外，自由擺放檯櫈位置。例如「東廣場」裡面有一間小型的車仔麵食店的，名稱叫做「明記」，「明記」主要舖位面積都留了給廚房，所以只能夠把檯櫈搬出店外擺放。幸好「東廣場」正正就不是什麼規模龐大的購物商場，所以對於商場裡面的食店，食店擺放檯櫈出店外跟商場通道，「東廣場」看似都沒有加以干涉。「東廣場」容許食店可以選擇擺放檯櫈出店外，對「明記」的最大影響，就是光顧「明記」需要先付款購票，然而才能開始享用「明記」廚房製造的食品。我繼續受制於西貢舖頭，舖頭裡面一眾阿媽阿姨們對我的「牛肉」禁令，所以只能夠在「明記」的車仔麵餐餸菜裡面，尋求一點點來自的「安慰」。今次我在「明記」三餸車仔麵裡面的餸菜就，除了蘿蔔之外，其餘餸菜全部都選擇了牛肉，牛腩加切成粒狀的牛，成為我在「明記」必食的食品。「明記」的牛雖然被切成粒狀，但是「明記」預先煮到不算太熟，再經過都車仔麵的滾水熱湯灸熟後，牛實際上的口感，口感總算做得不算太硬和太韌。至於「明記」的牛腩，也都被「明記」預先煮到

今晚喺觀塘上完堂，喺附近睇下有咩食，東廣場真係好多嘢食，行咗個圈之後，見到呢間舖食黑山羊幾得意就坐底試下，叫咗碗黑山羊米線，另外一碗紅燒牛肉麵黑山羊米線用咗姬松茸蟲草花湯底，個湯好似真係飲緊老火湯哎，超濃，第一次食黑山羊肉唔太蘇，煮得又夠淋，好味！而紅燒牛肉上海麵用金華火腿椰子雞湯底，濃郁既椰子味，紅燒牛肉軟淋，好味！老闆亦介紹佢地自家既配菜進食，增添層次感！依家小店越黎越少，有特色而又好味既梗係要繼續支持下，可以再食過！

2019年5月21日 當晚和朋友稍後時間會去另一間SAKE BAR飲酒吹水， 見時間尚早， 先去附近食飽D打個底。 東廣場地面果層上次試過另一間煲仔飯， 今次在左近試下羊肉米線， 地方不大，位置有點像坐在大排檔的感覺。 呢間食店專營羊肉米線，紅燒牛肉面和車仔面， 因為我有一整個冬天無食羊肉， 所以我就直接點了羊肉米線加凍檸茶少冰少甜。 羊肉米線$45加凍飲$6 羊肉米線 羊肉份量多，不算騷， 鹵水蛋很入味，滲到蛋黃之中， 面未煮得夠身， 有點硬， 最正係個湯，姬松茸蟲草花羊骨湯底， 無乜味精，但很好喝， 不過姬松茸和蟲草花一點都看不見。 酸辣雪菜 店舖既獨門秘製雪菜 稍嫌酸辣度不夠刺激 凍檸茶少冰少甜 一般茶餐廳水平 $45一個羊肉米線來說 價錢適中，只是並沒有很好吃， 性價比一般。

喺觀塘廣場入面星期六嘅下午茶時間，見到呢間明記好多人幫襯於是我同我朋友就決定食呢間！果然冇失望 😀 我哋一日人叫咗一個佢嘅招牌牛肉麵同黑山羊米線，🐂 牛肉麵係配金華火腿椰子雞湯底，🐃 羊肉米線係配姬松茸蟲草花羊骨湯底的，鍾意食羊肉嘅朋友一定好鍾意個湯底，淨係個湯底已經有好香嘅羊肉的味道 ！而我係唔鍾意食羊嘅都還可以接受呢個湯底。紅燒牛肉麵湯底有好濃的金華火腿味而且飲落去係冇味精的！正！紅燒牛肉好淋好入味，好食過茶X個啲 😂 不過我就覺得上海麵有少少鹼水味，我唔太鍾意，但係米線就好好食，下次會選擇轉米線，而且佢鋪頭都有寫明佢哋米線嘅做法同其他鋪頭唔同，口感堅韌唔散 👍🏻 ，跟其他面都唔使加錢 👍🏻 而且下午茶時段仲免費送嘢飲，仲有得無限添飲！🤤實測！我飲凍檸茶，飲完除咗fill茶俾我，仲會加埋檸檬🍋 好專業 😂如果你有AlipayHk 埋單 店員仲會好好 感提你拎埋勁數賞平 2$ 😁

我一向都食開另一間羊肉米線的，但自從在附近工作的關係，發現了這間小店除了買車仔麵之外，還有羊肉米線和金華 火腿椰子湯底米線，羊肉米線非常出色，令我有驚喜意外，一試難忘，首先羊肉湯底非常濃鬱，但騷味不太強勁，米線是自家製的所以非常爽口彈牙，就算放 在湯內很久亦不會變軟，另外羊肉份量挺多，而且肉質嫩滑，再配上他們自家製的酸菜，味道實在太夾了呲牙而且在下午茶時段享用時，送一杯飲品而且可以無限 添飲，如果你很欣賞他的羊肉湯想喝再喝，還可以免費添加羊肉湯呢〜哈

🥢觀塘無咪精黑山羊米線🥢喺觀塘東廣場食飯選擇越來越多，發現了這間標榜沒有味精的黑山羊，一於去試一試🥢馳名黑山羊米線 配姬松茸蟲草花羊骨湯底 $42🥢今次不食米線轉了淮山麵，個人比較鐘意食麵多過米線，配一隻糖心蛋，蛋白煮得有味幾不錯🥢湯底有羊肉香味帶少少油份，而且飲完不口乾，湯底清淡自然，應該覺得食開比較濃味的朋友會覺得淡，但只全因是沒有味精🥢羊肉味道軟滑無渣，夠曬羊味，只是份量比較少，有點點不滿足🥢檯上有一樽雪菜可以任落，辣辣地幾開胃明記 地址: 觀塘成業街7號東廣場地下G60號舖 

平到喊出嚟， 36蚊港紙有三個餸揀，平過譚仔勁多。 譚仔呢個價錢都係得一個餸。味道嚟講呢，就係一碗正正常常嘅米線，其實同譚仔係冇分別。 所以話，食譚仔不如去呢度食仲好啦。 要食辣嘅話，佢會有辣醬畀你加落啲米線度，所以根本同譚仔冇分別，仲要多幾個餸。我今次叫咗餃子，墨丸同埋魚皮餃。 啲餃子真係好似係自己包咁樣，菜肉餃子嚟，呢個我覺得幾好食。魚皮餃同墨丸就正正常常。管檔口嗰個哥仔同姐姐幾有禮貌，唔該前唔該後，我諗我都會嚟多幾次。