影片
营业时间
今日营业
17:30 - 02:00
星期一至日
17:30 - 02:00
以上资料只供参考，请与餐厅确认详情
招牌菜
一坐低阿姐极力sell我地饮蓝妹，但我哋三个人叫咗一枝生力加一枝嘉士伯，佢攞完啲啤酒嚟之后就冇睬过我哋呢枱客，叫咗4次落单都有意避开，谷鬼气，埋单走人！！！！！
继续阅读
该店女服务员服务态度极差，不顺她意就叫到唔啋，揾气受食饭不二之选。Absolutely poor service. The female waitress response no one. It would be a good choice if you have sadistic appetite in having your dinner
继续阅读
系超级失望的一餐...先旨声明，我今晚系好想好想食有镬气的小炒... 因为我系大尾督食下午茶时，见到隔离枱食个啫啫鸡煲，又热又香，同埋个炒蚬都好靓.. 谂住好耐都谂唔到边度有大排档可以食有镬气小炒，于是谂不如去东宝，拿，我谂因为有呢一份期望，所以特别失望...去到见到要等位，又见到呢间都坐满，不过唔使点等位，亦见到佢有煲仔菜，就谂住俾个机会佢，好食第日可以再帮亲...我地叫左- 啫啫鸡煲- 豉椒炒蚬- 炒菜个鸡煲令人好失望，原本谂住系热腾腾的瓦煲，但来到时，是一个铁煲，呢个都唔紧要，最重要系佢冇乜烟，唔系好热... 跟住见到对面枱刚上枱的鱼煲，一D烟都冇，心谂我地都未算最差... 夹左旧鸡，发觉唔系好熟，然后检验下，发觉猪润仲有少少血，点呀？煲上的食物都可以唔熟... 叫佢地翻热... 最后出翻来的，系好够热的煲，不过个汁多左，我谂佢加左水去煮... 于是连本来觉得OK 的汁，都冇乜味...豉椒炒蚬，要赞下个蚬冇沙，但系个豉椒唔香，个𩠌唔够热，上枱亦唔觉有香味，更加唔好话有镬气啦... 个蚬亦冇乜蚬味... 系冇沙 lor....个炒菜都系一般啦，不过食到一条长头发，所以都停左手.... 我个人都好容忍下，最近食面都食到头发，但因为个鱼汤米线实在太好食，我都唔同佢计较，但今餐咁多唔满意，我都冇乜胃口食落去....下次都系咪贪快... 每件事都总有原因的...
继续阅读
今晚有同事突然约食饭，左谂右谂，最后都系决定去北角街市食小菜。我哋今次去咗东宝隔离嘅明记饭店，其实大家都系第一次嚟哩间食，我们四个人点了蒜蓉半边虾、豆腐斑腩煲、通菜炒牛肉、豉油皇鹅肠、鱼云汤及豉椒炒蚬。首先来的鱼云汤，一窝大概分到每人两碗仔，见到汤渣里都有鱼云，几滑，而个汤清清地，味道不过不失，在所不免加了少许味精~接著来的豉油皇鹅肠，店员一放底𠮶下，大家都"哇"一声，因为鹅肠嘅颜色十分之红，红得有点假，而且我都系第一次见到红色嘅豉油皇鹅肠，不过吃落很爽口，每条鹅肠都均匀地沾上了豉油，斋吃会有点过咸。不过与压底的芽菜一起食用，芽菜的清甜又中和了豉油的咸，很开胃的一道菜!然后陆续来了通菜炒牛肉及豉椒炒蚬，通菜牛肉属一般大排档水准，菜青肉嫩，够晒镬气。至于豉椒炒蚬，虽然用的是细只嘅蚬，不过份量比想像中多，调味方面带点微辣，不过部份蚬肉鲜味一般，不够爽，味道一般。接著来的蒜蓉半边虾是全晚最好味的，虽然此店用的是细虾，不过份量很足，开了边的虾铺满了一只长瓦碟，而且十足的蒜蓉也多得盖过了白蜤的虾身，再在上面分散的洒上适量的葱花，卖相一流!!!虾很新鲜，吃落弹牙，蒜蓉应该是落锅爆过的才铺上虾身来蒸，再加上少许豉油，香口之余更吊出虾的鲜味，赞!!!!!!最后来的豆腐斑腩煲亦很不错，豆腐很嫩滑，而斑块算是新鲜，酱汁味道亦不赖，带豉汁香，感觉不错!!!!!!其实北角街市唔系净系得东宝，有很多食店的水准也不差，只是名气没东宝那么大而已。今晚这一餐，有汤、有海产、有小菜，平均每人都不过是$80元左右，大家吃得很饱，味道亦算中上水准，感觉十分满足。撇除名气效应，大胆尝试，不难会找到意想不到的惊喜，今晚，我就找到了一点点......
继续阅读
今天是我们的大日子, 去了一整天海洋公园已经累爆, 本来另一半提议了去九龙塘食意大利菜, 都系我衰啦, 心血来潮想起东宝... 原来冇订位系唔驶指意食由于太累太饿, 我们选择了旁边的这间, 见都多人 (可能太多等唔到位的人牺牲了)由入座, 落单, 上菜... , 服务都很慢. 我们都冇乜期望, 只系当普通小菜的晚饭... 点了蚬芥鲮鱼球、豉椒少大蚬、海味什菜煲、啤酒同白饭前两味都是横观店内最多人叫的, 所以才叫, 稳阵点嘛味道ok, 蚬芥鲮鱼球几好食, d 大蚬就一d 都唔大啰, 白饭好硬同有饭焦, 但佢都肯换最好都系啤酒够冻, 实在冇咩其他可能赞了. 相都费事影
继续阅读
您可能会有兴趣的...