明記麵食

营业中

休息中

三個餸有菜底有面底都唔洗$50😱可以去邊度搵最鍾意佢呢間啲豬紅一片片好鬼滑 喺出邊真係食唔到仲有佢啲豬大腸都大大嚿 好煙韌有口感另外佢啲水魷魚都幾爽口 今次冇叫到 但平時都食開嘅全部都係我鍾意食嘅餸🤗呢個係我老地方！可能大家下次去食都撞到我呢～～雖然呢間係小小舖頭 但係都好受街坊歡迎地方淺窄位置有限 食好就讓位啦🫶🏼不過我就鍾意佢夠晒地道支持小店🙆🏻‍♀️

放假假期出旺角一趟買漫畫，可惜天公不做美，下着不大不小的雨，買完漫畫決定放棄信和回家。途經明記，有位唔洗等，就食番個「例牌」！油麵 豬紅x2 蘿蔔x2，每次都係呢個組合！最鍾「黑鼆鼆」嘅豉油蘿蔔，越黑越腍越入味！仲有可能係全香港最「滑捋捋」嘅豬紅，味道雖然偏淡，但冇影響口感，豉油湯再加少少牛筋or牛腩汁，配上橙色辣醬，一碗懷舊又好味嘅車仔麵就此誕生！是日消費：油麵 豬紅x2 蘿蔔x2 $45 忌廉$9共 $54

#明記麵食喺網上搵到呢間小店，真係唔講唔覺。有時行過咗都唔知，自己都搵咗一陣先搵到，門面非常細，座位唔多，亦都冇餐牌，基本上生客唔會去。網上好多人話佢嘅豬紅好食，豬大腸都唔錯，嚟到嘅時候見到門口有水魷，當然唔笑得係我至愛嘅油麵。就係咁三餸一麵$38，比一般車仔麵平。粉嶺唔算好多，勉強可以接受。豬紅真係如與技滑捋捋，好似食豆腐咁，豬大腸就比較爽身，唔會淋曬，水油預咗係冇味，但就非常爽口，一般係會加辣汁或咖哩汁，不過因為啱啱病好所以就原汁原味。呢度比較特別係冇匙羹提供，想飲啖湯都要舉起個碗相對唔方便，但整體質素係唔錯的，依類小店真係買少見少，識路嘅就會自己去。@foodiehck2022 #港飲港食平靚正 #旺角美食 #車仔麵 #小店 #豬紅 #豬大腸 #魷魚 #油麵

呢啲就真係好食又抵食啦$9/餸， 大大份。 每種配料都有佢本身味道，正如周星x當年所講，魚有魚味，雞有雞味。 唔會好似坊間車仔麵咁，所有嘢只食到辣汁味跟我尾買個位嬸嬸，佢仲一次過叫三份豬紅，佢話得呢到食到佢細個時嘅味道

呢間車仔麵係我去到旺角區，而想食車仔麵就會必去，記得第一次去係媽咪帶我去，之後每次想食車仔麵，就成日都會想去食，佢店舖位置唔多位，只有打宜一排長枱及及門口2位置，佢嘅餸款式唔算好多，但樣樣都煮到好食，湯底係走清清地路線，但佢啲餸都好入味，必試一定佢嘅係豬紅，超水潤又嫩滑，好似台式鴨血咁，牛筋都燜到好腍，剛好入口嫩中帶一啲爽彈，仲有豬腸洗到好乾淨，仲要又燜到入哂味，如果鍾意食豬皮蘿蔔都一定要試，我會加啲咖喱汁更好食

一間其貌不揚嘅小店，立立太子好幾十個年頭，冇裝修冇打卡位，但賣的係街坊人情味道，而且亦都係大部份人的兒時味道⋯車仔麵我最鍾意水魷魚，貪佢爽口又彈牙嘅感覺，配上咖喱汁真係一絕⋯佢哋冇豬紅，但係有鴨血，大大塊又係另一口感！食車仔麵又點可以唔叫豬皮，張所有湯汁吸住，一啖咬落去果種口感真係非筆墨可以形容⋯今日叫咗粗麵，煮得唔會太淋，而且麵好掛汁，一口一啖又係另外一個境界⋯最後緊係要飲多啖湯，D湯加咗咖喱汁，又再提升到另外一個層次，大滿足✌🏻

早兩日到太子明記朝聖，3餸一麵，豬紅腍滑，豬腸和牛筋唔夠腍，份量細，店舖侷促，沒匙羹提供，食和坐都唔舒服，企檔態度差，性價比低。原見食評唔錯，但試過後連不外如是也稱不上，真係失望，見面不如聞名，一次就夠了！🚁🚁🚁

網友介紹. 話呢間車仔麵好老土. 去到真係見到好老土. 餸唔多. 同細個食d 差不多. 最後揀咗豬血,豬皮,羅白. 最緊要加辣汁豬血好滑, 豬皮啱啱好. 羅白好入味. 真係懷舊味. 呢d 車仔麵真係買少見少.

尋日同個朋友去開旺角，帶佢去我由細食到大嘅車仔麵店，每次必食豬紅、豬腸，魷魚。今次仲叫埋雞尖。味道依舊冇變，豬紅一樣超滑，豬腸好入味，魷魚爽口。雞尖我第一次食，原來都唔錯，我見佢冇浸係啲湯度，應該有烹調過。湯底味道剛好，唔會太鹹，味精就應該點都會有嘅，但食完唔太口渴，大讃！朋友都話冇得頂。我哋入去時問老闆可唔可以寫紙仔登記，佢話可以。咁我就放心排隊食，心諗即時俾個like佢🤣🤣，繼續支持老店，加油💪，懷舊老店真係越來越少啦⋯⋯

這家明記麵食真係由細食到大，小朋友時期係跟父母一起去，到讀書就同同學一起去，人大了竟然是自己一個人去，食麵都別有滋味在心頭。這店的裝修一直都保持得好好，沒有改變過，高高木櫈長長木板做枱面，牆上的掛扇依舊運作。🥢三餸麵豬紅是必食，薄薄的豬紅口感似涼粉，滑嘟嘟一滴不留口，水魷魚爽口彈牙，豬腸更是另一個必食，必看到肥膏就怕怕，食落甘香軟腍而不韌正👍😋。

今日試咗,格局似灣立食車仔麵明記好少少有張坐得唔舒服的高身木櫈豬紅真係好滑，我覺得似雞紅老細話兩溝。蘿蔔好入味又唔太淋牛根炆得好食不過細粒左啲麵餅係好普通無乜味不過老細煮得軟硬適中呢度嘅舊裝修舊枱舊木櫈加上個鹵水湯底同枱面嘅辣椒醬真係食番細路仔時嘅味道

呢間超迷你店由細食到大，聽聞真係推住車仔檔賣麵賣到上舖。(今次仲唔係貨真價實嘅車仔麵？ ）-咁多年嚟，佢來來去去幾款餸，麵嘅選擇亦都唔多，唔係油麵就係米粉，唔好預會有上海麵薯粉菠菜麵。但好嘢唔需要多，蘿蔔入味清甜、豬腸乾淨嫩滑又有咬口，好地獄，好正。-識叫一定叫豬紅，我敢講，你喺出邊唔會食到同類型嘅豬紅，又滑又大件，好厚身，秘製汁料咸咸香香，打緊字都流緊口水〽️美中不足係份量有啲細，座位就更加係超迷你，又細又迫，肥咗少少🤏都要減肥先入到去。如果住附近或者附近工作，建議外賣。

讀緊書嘅時候呢間鋪頭已經開業歷史悠久咁多年都屹立不倒細個個陣 豬紅 / 豬大腸 / 魷魚真係好出色今次難得途經太子就去回味一下豬紅 係一片片的，並不是市面常見的一般一粒粒個種豬紅，一粒粒的通常都比較鞋口味道又不新鮮，但呢間真係非常嫩滑，真心一個唔小心件豬紅就會直接滑進食道，味道一流。豬大腸非常入味，豬大腸厚身得來有咬口煙韌，大腸入面又非常嫩滑，仲有份量十分之多，一碗麵數埋都有10舊豬大腸。正！魷魚非常爽口，味道適中，唔算話好重魷魚鮮味，但個種爽口已經令我非常滿足以前不嬲食開粗麵，所以今次試吓個幼面，我個人食面口感比較喜歡硬身少少，今次面就比較軟身，但整體都非常之良好，行開呢頭都一定會返去再食。

講開食車仔麵又點少得呢一間食店? 呢間食店根本上由師傅細細個食到而家，真係食咗幾十年，睇住佢嘅變化都唔少。最近都有一段好長時間冇嚟食過，既然寫得車仔麵食評，當然唔少得佢啦，趁著今日下晝有少少肚餓，就嚟食個下午茶 ，順便認真品評下佢嘅質素。由於係下午茶時間，五點鐘左右，所以人唔多，行入去就可以即刻柯圢，對住個哥仔，先揀麵底，師傳是日就揀咗兩個幼麵，等佢煮完之後，佢就會攞個碗個隔比食客揀餸，師傅一口氣就嗌咗幾款餸，分別係 豬紅，豬皮，豬腸，蘿蔔，牛筋五個餸，揀完比埋錢就可以攞碗麵返去，面壁思過食碗麵。一如以往，師傅先試下佢個湯底，坦白講湯底並非什麼出色嘅嘢，但係硬係覺得佢個腩汁好好味好吸引，所以次次食嘅時候都會飲多幾啖。之後再食下佢個豬紅，呢度嘅豬紅係比坊間嘅車仔麵更為特別，最重要嘅其中之一個因素，就係佢唔係一粒粒，而係一份份咁，好似啲豆腐一份份咁，薄薄嘅大大份長方形咁，樣望落去係幾吸引，入口發覺豬紅好滑身，但係可惜係冇乜味道，即係個滷得唔夠入味，通常師傅都會加少少辣醬黎食，豬紅除咗滑之外，就冇其他特別嘅野，所以呢度嘅豬紅係會有滑溜溜嘅口感，有種好似食緊豆腐嘅感覺，咁多年嚟唯一冇變嘅相信就

由細個開始，每次嚟親旺角，阿媽都會帶我食明記，佢話呢間舖喺花園街屹立咗好多年，早於廿三年前已經開始食呢度嘅豬紅(由於第度食唔到咁滑，我哋每次一話食滑滑豬紅，大家就有默契）。跟佢嚟得多，而家我久不久經過旺角都會口痕嚟食返碗同大部份嘅車仔麵檔一樣，先揀麵底，再揀餸，畀埋錢就自己搵位坐，見住老闆熟練地煮麵加餸加腩汁都係一種藝術。雖然一直都唔知每樣餸嘅價錢, 但我哋叫咗兩碗雙餸麵平均每碗都係$24，認真經濟呢度啲豬紅滑嘅程度係第二度食唔到架！！佢嘅質地介乎蒟蒻同啫喱之間，就算攞筷子用力夾住都夾唔散，滑得嚟好有彈性，而且能夠鎖住湯汁，一咬落去啲湯汁就湧出嚟，有時要嗌兩份豬紅先夠喉！！豬大腸煮到入曬味，而且洗得乾淨冇豬味。厚肉得嚟冇肥膏，有時會食到好似瘦肉嘅一絲絲，有時又會好似筋膜咁有咬口，口感豐富豬皮發得好好，爽口同時吸曬啲湯。最重要係掹乾淨曬啲豬毛，令人食得好暢快食得辣嘅話，落啲辣醬仲好食！欣賞呢度無論裝修定食物味道都堅持保留以前嘅風味，食物種類雖然唔多，但樣樣精，到我第日有小朋友都會帶佢嚟延續食滑滑豬紅嘅習慣