明記粉麵茶餐廳

营业中

休息中

明記粉麵茶餐廳屹立係黃大仙鳳凰新村多年，主要係食粉麵，不過明記仲有提供早餐同埋常餐，所以都算係一間茶餐廳。明記營業時間好長，開到好夜，住附近的居民真係唔怕無宵夜食。………………………………………………魚蛋雲吞河⭐️⭐️⭐️⭐️⭐️魚蛋彈牙有魚味，雲吞偏大粒，有原隻蝦肉，雲吞皮好滑，湯底都清甜鮮味。河粉都滑，但係就偏厚，唔會好油膩。魚蛋牛腩麵⭐️⭐️⭐️⭐️牛腩好霖好入味，麵爽滑彈牙。不過一隻牛個腩都唔細，所以牛腩都係撞手神嘅食物，今次個牛腩就略為無之前幫襯過咁好食。凍奶茶 （少冰少甜） ⭐️⭐️⭐️⭐️茶味稍為偏重，飲落順喉好味。………………………………………………

中學讀書甘多年，一直好鐘意食同埋經常呢間，出來做野之後有時仲會由屋企特登搭車過來食!除左價錢平，食物水準亦是高出好多間牛雜粉麵專門店!之後食過好多間牛雜粉麵專門店，發現都係呢間最好食，牛腩半肥瘦，口感肉質不會韌，湯底夠味，而且佢地d辣椒油一直都好出色，夠香夠辣，食唔到辣建議滴小小，因為對比好多餐廳，真係比較辣!近排呢一個月食左3次，發現十幾年來水準依然keep到!十分推薦大家呢間!然後睇翻各大外賣平台評分，尼間評分相當高!辣油:5/5湯底:5/5牛腩:5/5牛筋:5/5牛肚:5/5生菜:4.5/5魚皮:4/5飲品:4.5/5

因為住附近，所以真係經常會食呢一間餐廳，之前都寫過佢嘅常餐啦，其實除咗常餐之外呢佢都仲有好多其他非常出色嘅嘢食嘅，而今次呢就叫咗佢一個豬扒米線。本身呢其實唔知道佢有呢一個米線啦，但係有一次曾經見到隔籬枱呢叫咗呢一個豬扒麵喎，好神奇啦覺得，所以呢就一試，點知呢一次都愛上，佢嘅湯底呢就係一啲比較淡啲嘅湯底，而佢嘅豬扒呢就係炸得非常之好食啦，唔係包住炸粉嗰隻豬扒嚟嘅，所以呢佢肉汁係非常之Juicy，最重點係要跟佢嗰個辣椒醬去食，佢嘅辣椒醬呢係非常之辣嘅，所以呢唔鍾意食辣嘅朋友呢，可能都未必啱食呢一個麵啦

住呢一度附近，經常都會嚟呢一間明記食嘢，一來係一個習慣，二來呢間嘢味道都非常之唔錯。放假星期六日就一定會食佢嘅常餐，朝早叫嘅湯常係雪菜肉絲米線，米線都係最近先發現嘅，唔知原來佢都有米線叫，個質地都OK，但係鍾意食硬身嘅可能就唔會太鍾意，因為都比較腍嘅，另外呢就會叫返煎蛋再加午餐肉，不過佢有時會比較飄忽一啲，有時佢會將佢撈埋炒成奄列，有時就會分開，但係重點係兩隻都好食嘅，奄列會係有少少生嘅感覺，個質感呢就會更加美味啦，而且佢個奶茶係非常之好飲。

黃大仙明記粉麵 - 一碗香濃美味嘅牛腩粉我上個星期決定落黃大仙逛下街遇到睇到呢間明記粉麵,就即刻外賣尋嚐了。首先上嚟一碗香濃滑溜嘅牛腩粉,粒粒牛腩都十分軟爛,肉質鮮嫩,完全溶化咁入口。湯汁濃郁醇厚,仲帶著隱約酸甜嘅醬油味,真係令人齒頰留香!難怪佢係咁受當地街坊歡迎㗎。另外,麵條煮得水準很好,QQ彈牙,同粉麵襯托得無比完美。碗中仲有一些蔥段同芫茜葉,增添咗份清新感同層次,好幫襯咗牛腩濃郁嘅味道。最後,粉麵嘅分量都十分足,非常飽肚,性價比相當高。對於喜歡牛肉煲仔嘅食客嚟講,呢碗牛腩粉絕對係唔可以錯過嘅。只係佢因為人氣太旺,所以有時會要等，不過我認為等d嘅時間值得嘅,因為呢碗牛腩粉真係太好味嘞!

以潮州粉麵來說，明記的粉麵是上皆之作，特別欣賞他的牛腩、牛肚、牛筋及牛雜，當中牛腩滋味鮮美，肉質軟嫩入口即化；牛肚帶有濃厚的口感，彈牙有嚼勁；牛筋富含膠原蛋白，口感彈性十足；牛雜粉麵濃郁的湯底配上多種牛雜，豐富的味道令人回味無窮。其次，雲吞、墨丸、魚頭及魚片頭，鮮味十足。每次經過也見到職員在包雲吞。不者曾試過買生雲吞、魚片回頭打邊爐，十分滋味。特別是可用魚片頭炒西芹。而且這間店舖的辣椒油及朝十分吸引放上粉麵到，其香氣十足，好似將食之魂魄放在此刻。油菜方面如點粉麵可加八蚊一碟。

之前天天路过没觉得啥，后来发现连着两个门面➕门口闻着牛腩汤很香，而且一到饭点人头攒动，心想肯定有点东西。前几天鼓起勇气进去尝了一碗牛三宝，汤头浓郁，确实很不错，不输那些名店。价格大概30-50之间，算抵的，社区之光！

本區歴史悠久粉麵店 連住兩個鋪位 生意好好外賣成日要等我最喜歡牛肚河（走蔥）牛肚唔韌 無騷味 配埋潮式辣椒油加埋D辣椒渣 係食粉麵嘅精髓所在 另外再叫咗個淨雲吞 大大粒 好足料 蝦肉彈牙 平時在家打邊爐我都會買D新鮮返屋企十十下 （$48/12粒）

山上面嗰間由細食到大😊😊主要食牛雜粉麵鳳凰邨呢間一直都比較少幫襯個人比較鍾意local茶餐廳多個連鎖品牌好似明記呢啲就啱晒我心水😉😉雖然裝修永遠都唔夠連鎖店靚仔同乾淨企理但係唔知點解人情味絕大部份都係小店取勝今日都係嚟食個快靚正嘅早餐沙嗲牛肉麵個沙嗲味唔算十分濃郁🍜🍜火腿蛋蛋唔係好夠熱同埋油咗少少😏😏連埋杯凍齋啡成為$35個大洋今次個早餐並不是重點😂😂主角其實係佢個辣椒油🤭🤭堅係正同埋真係辣辣地😋😋鐘意辣既不妨過嚟試吓👍🏻👍🏻

深夜恩物，已接近23年冇食過明記了！openrich內一堆食家什麼評論也好！大家切勿相信，包括我！小弟較早時間已食聯興茶餐廳，未夠飽！大約深約1點又開始肚餓！巡視鳳凰邨一帶，隱約記得明記這餐廳！深夜1點時，還營業的餐廳廖廖可數！當然，附近還有少數選擇！但牛腩粉麵店，僅此一間！兒時常光顧的牛腩河店舖但自從小弟搬離黃大仙接近20年後，已開始淡忘明記的名字，證明不太吸引小弟果晚約凌晨1點小弟叫了一份牛腩河！等了約10分鐘終於到我，即時打開，打開後十分失望，好多牛腩粉麵店會分開上！唯有拍照留念！（即係一盒下層放湯，上麵有膠分隔器放河粉牛腩）回公司10分鐘路程，湯已經有7成被河粉吸收！唯有盡快吃吧，不想浪費食物牛腩屬一般正常舖頭應該有的淋度，有肉味，掛汁！冇菜，剩芫荽 及 葱粒！ 葱粒還可以接受，芫荽多此一舉！在沒有湯的情況下，好難食！ 河粉太碎！唯一合格就只有牛腩，剩下的3成湯，食完呢碗野既情況下所剩無幾！飲埋個湯...味道好淡，味精，腩汁！（清湯腩？）36蚊....假設有為食家著想，應該分開裝上！另外加錢也沒問題，可惜，可惜！呢間野，唯一可取之處就係開到深夜，叫做擺得入口！屯門大把牛腩舖比佢

在十日之内揾食肥華食過坊間三間名氣店嘅魚旦粉，今日6月25日肥華特登返鳳凰村，主場明記粉麵店食碗魚旦粉，睇下同啲名牌店有冇得拗下手胍，點知唔試尤自可一試就後悔咗，原來最啱自己口味嘅魚旦粉就在自己主場，論魚旦明記比田記，長發更有魚味及爽口彈牙，魚片亦勝過長發，湯底更完勝上述兩間名氣店外，亦比獲肥華高度評價的合利潮洲粉麵店強，單論魚旦粉質素合利係俾名記高少少，但合利没有套餐，一碗粉加一杯涷飲要$48元，而在明記衹須$40元所以用整體來計，明記碗魚旦都比上述三間明氣店強👍👍👏👏👏

已經唔係第一次嚟食呢度嘅牛腩河，之前試過今次特登返嚟嘅🐥牛腩河今次我叫咗牛腩河多腩汁，個湯底真係好野味😆上面沈左好多蔥花，又有幾條菜。最緊要係牛腩真係好足料，有好多舊，食落啖啖肉而且肥瘦均勻。最緊要提一提，一定唔好唔記得加埋佢個自家製辣椒油，真係好香好辣，每次都會落好多😂令到成個河粉更加出色😆所以都會睇到好多後生仔入嚟食 同埋晏晝會滿座🙈最緊要係就算叫外賣都唔會影響佢嘅質素。食完一碗已經好飽好滿足

坐低叫咗一碗牛腩河一碗牛筋河牛腩肥瘦好平均，牛味好香，而且份量唔少🤤牛筋好爽口彈牙，平時出邊食嗰啲有啲會好痴牙，但呢個完全冇呢個感覺而且份量亦都好多每碗河粉都附送生菜，呢樣嘢都好細心值得加分👍🏻另外嗌咗一碟蠔油生菜 (嗌粉麵+$8) 同兩杯凍檸茶，好滿足😆雖然佢冇豪華裝修、淨係喺黃大仙做街坊生意，但呢間牛腩河係我食過咁多間數一數二最出色嘅，比起一啲大集團呢度性價比高又有水準，下次想食牛腩河一定會再返嚟！

吾知係吾係，人怕出名，豬怕肥，曾經為咗一碗牛腩粉，不惜嘥時間，浪費車錢，專誠到中環個間乜記，或大埔個間物記，食佢哋譽滿全港食評嘅牛腩粉，結果乜記，物記都係食到一肚氣，價錢貴，要排隊，食物似預期美味之外，更可以用差來形容，總知你睇過D食評，會覺得吾食過呢兩間店嘅牛腩粉，就會一生後悔，但食過之後你就會後悔一生，為碗咁嘅嘢而浪費時間金錢，反之在我住所附近，開業已有多年嘅，明記粉麵店一直以來，都走平實路綫，此店出品吾會令作有特別驚喜，但亦吾會令人失望，保持一貫街坊食店作風，同時在名氣店食一碗粉價錢，在明記可以食到兩碗粉麵加一杯凍飲，所以呢間食店能在鳳凰村趷立多年，係有理由嘅

呢間牛雜麵由細食到大，味道從一而終，十分美味通常我只會叫牛雜河粉或雲吞麵最出色莫過於個湯底，相信個湯都餚左好多年，日日都煲，幾十年不變，非常濃厚既牛肉味而且d牛雜好爽口，唔會太淋或咬唔開，無騷味雲吞雖然感覺比以前細粒左才少，但味道都keep到，蝦味十足個辣椒油都出色，辣度十足，加一兩滴油都已經夠辣，食得辣既非常推薦呢個辣椒油價錢黎講無得輸，街坊價錢，三十零蚊一大碗食到飽，同埋佢開到好夜，掂哂d收夜既人士黎食