明記茶餐廳 (已結業)

呢間老字頭，由細食到大！一到中午，一定好多人食，通常坐滿，不過快餐關係，好快就有位！絕對推介魚香茄子炆米炒得好夠火喉！雖然賣相一般，但茄子煮得岩岩好，唔係太淋，有口感！又有好香嘅咸魚味，成碟炒出嚟好香口、好吸引！加埋杯凍可力，甜味同幼嘅比例一流，一口就飲咗一半！超正！唔係間間茶記嘅凍可力都識沖得好飲㗎！個老闆娘成日見我哋一家嚟食， 每次都會同我哋傾下計，有時爸爸冇嚟，都會問一句『爸爸呢？得你哋３個呀？哈哈哈！』有時同我哋講下笑咁，充滿人情味嘅一餐！Thank you

早餐︰麵呀，包呀都好，都不錯。 *鴛鴦比奶茶出色 =)午餐︰雞好 - 沙薑雞飯香茅豬扒好 - 香茅豬扒飯 (其實似椒鹽排骨)小炒好小炒︰新鮮蓄茄炒牛肉/ 豬扒意粉，真係有蓄茄~ 味道是傳統的味道~干炒牛河，略油，不過好惹味~蝦醬干炒牛河，略咸，但一食唔停~(希望下次試埋炒麵~)===============明記，每日6點左右就收工。雞類，例如蒸雞或咖哩雞，2點半後成日賣哂想食要早些~  

剛搬入元朗，就四出搜羅有咩好食啦，試試試..終於俾我搵倒間啱口味架啦！！雖然要等位要等食，d樓面亞姐好忙，但係有好野食，我唔介意！！我最鍾意佢地d奶茶！對我呢d無奶茶不歡既人士，呢杯奶茶絕對係全元朗我試左甘多間中最正的！！有茶味..又用黑白奶.....正正正！我估佢地既咖啡都正，因佢地咖啡機整咖啡d香味成間鋪都係，不過我唔飲咖啡的食野我就試左呢度有食友推介既椒鹽肉排飯，好味！肉排很鮮味！賣相很靚...d汁撈飯...正！仲叫左蝦醬牛河...很有穫氣！雖然多油，但好好味，下次我會叫佢少油d！蝦醬少牛河，估唔倒d味甘match！仲有，好多牛肉呀！！片片都好大片，俾我覺得好有誠意！唔似得我平日公司d飯盒....得幾丁牛肉..........見倒佢地d餐牌寫新鮮牛肉新鮮豬扒，唔怪得甘好味......新鮮野果然係唔同d......三十多元一個餐吃倒新鮮野...一d都唔貴...抵食！！下次我想試佢地個燴意粉.....寫住傳統茶餐廳風味的............很期待！下次影相俾大家看！總結：抵食夾大件！！！

細妹極力推介! 由街尾行去街頭都要我去試ge茶餐廳?因為午市好多人, 2個阿姐一腳踢, 想食好野就要忍下... (唔好指意好好招待)等左十幾分鐘有得食!$32 椒鹽肉排飯: 有汁ge椒鹽肉排? 仲要有成7-8塊厚厚豬扒! 淡淡肉! 好正! 夠野味~ $31 窩蛋免治牛肉飯: 有香草味, 又夠濃郁醬汁, 唔知係肉碎冇咩味定係冇乜肉碎, 冇留意到有肉咁個餐送熱飲, 我要熱華田~ 比平時d茶餐廳多阿華田粉, 所以好有朱古力香味! 真係唔錯! (平時飲個d太多奶...)我細妹飲熱奶茶, 佢冇形容俾我知點好飲, 淨係用個懶滿足ge笑容當答我...

午餐飯價格適中選擇了窩蛋免治牛肉飯配凍檸茶醬汁份量剛剛好, 味有少少濃, 但影響不大配上雞蛋, 口感滑了一點,凍檸茶的茶味不俗, 典型港式茶餐廳的味道唯獨是檸檬的味道略遜環境方面, 地方淺窄, 多人的時候需要搭抬食得有點不方便服務, 例行公事茶餐廳何來有服務呢?

星期六那天好大雨,本來是打算去第二間餐廳食飯的,但係太大雨,唔想再行到濕晒,所以就近地嚟左呢度食飯,我們兩個人每人叫了一樣野一齊食.我叫左一個蕃茄牛肉燴意粉配熱奶茶加煉奶-都幾大碟喎,好味呀,好多汁,不會太酸,都有好多蕃茄及牛肉呀.牛肉好入味,蕃茄切到唔會好大舊,好食朋友叫左一個常餐,叉燒通粉,多士,火腿奄列,配熱奶茶加煉奶-塊多士好脆好香呀,好味,通粉都好味,叉燒好廋,個份火腿奄列都好大份,都好好味呀.

]其實係明記食野, 都食左好多次!! 次次都無寫到食評. 不得不讚明記, 我食過好樣野, 都覺得好好!! 而家係香港真係好難再搵到, 呢d咁有港式茶餐廳!! 奶茶 - 又香又滑, 真係好飲到不得了呀!!! (我覺得無一間好飲過佢)即磨咖啡 - 咖啡竟然係用咖啡豆即磨架!! 我真係好出奇呀! 無得頂~豬排妙烏冬 - 好野味, 食得出豬排好新鮮豉椒排骨炒麵 - 麵好脆, 排骨又係好新鮮, 好多肉汁其實仲有好多野都好好食架~ 不能盡錄呀!!到而家為止我都keep住成日食~ 呵呵

星期六同朋友來了這裏食下午茶,因好多地方都未開門,我地最想去果間茶餐廳未開,所以近近地來了這裏食下午茶,朋友叫了一個常餐,火煺公仔麵,跟煎蛋牛油方包,我本來想叫沙律的,但佢話今日唔整,因好多人整唔切,所以我叫了一碗餐蛋麵,都好快就嚟,都幾好味呀,有兩塊午餐肉加一隻雞蛋,都幾好味,朋友的煎蛋及牛油方包都幾好,如果改多士更加好味,奶茶都幾好飲,不會太甜,我們是用煉奶的,味道剛剛好呀.

非一般茶餐廳水準！用料十足！叫一個馳名的港式海南雞飯，大大件鮮雞件，好鮮味，只售29元，仲有杯靚絲襪奶茶送，好抵好抵，老闆娘就話鮮雞好搶手，賣完即止。就算食唔倒海南雞飯，食番個好入味的梅菜扣肉飯、好野味的椒鹽骨飯、夠穫氣的蝦醬干炒牛河、一食難忘的星洲炒米、新鮮美味的豬扒飯....都一定有讚無彈，所以我成日捧場！我爸爸最鍾意佢地的咖啡....絕對係靚野！夠香夠濃！住元朗的朋友，絕對應該一試！