明記甜品 (已結業)

開設在銅鑼灣的分店，首次幫襯，店內陳設簡單，感覺舒服！點選了芒果涼粉，分量頗足！芒果， 味道甜美，夠滑，冇根！兩份，豆豆、夠結實、有咬口！只是整體略嫌甜少少！是值得再次幫襯的甜品店

食飽飽，友人話飲過酒食過辣野，就一定要食返個甜品中和下。唔強好甜食嘅我跟佢嚟左明記，跟手佢推介埋芒果小丸子。見到咁大兜，第一時間要撈大大啖芒果蓉同小丸子一齊擺入口，煙煙勒勒配濃厚芒果，兩種口感最夾最好味。至於球雪糕，要俾啲耐性，等佢溶左，撈一撈先係最好味。其實餐牌都好多選擇，即使食緊芒果都聞到隔離枱榴連香。。。 下次要試榴連系列

一班朋友吹水食完飯 最岩就去食個甜品本身諗住去聰嫂 但見到條長龍就驚左再加上見到明記有一系列榴連甜品 身為榴連控既我點可以唔去試下我叫左榴連小丸子 有榴連蓉 雲尼拿雪糕 同小丸子榴連蓉冇我想像中咁濃味 冇啖啖果肉既感覺小丸子係最令我失望既地方 平時食開既小丸子都係好有咬口但呢度既小丸子係比較稔身 有種粉粉既感覺雲尼拿雪糕就正正常常 不過不失如果以榴連甜品來說 呢個唔係一個好選擇希望下次如果再泥既話可以再試過其他好評所推介既甜品啦

原本去天后店，點知等極佢都唔開門，唯有轉戰銅鑼灣。$168兩個人 1.5 小時任食，包括大約一半正價 menu 嘅嘢食，唔包括嘅係嘢飲，榴槤，同一啲特色嘅甜品。試咗嘅有芒果窩夫綠茶窩夫紫薯窩夫楊枝金露芒果小丸子芒果奶凍芒果攪珠梳乎厘芝麻糊加合核露 (熱)紫薯心太軟首先講講窩夫，紫薯偏軟唔濃味綠茶唔夠綠茶香芒果係普通窩夫嚟，加啲芒果伴碟芒果系列比較出色，尤其係小丸子梳乎厘算合格嘅，唔太甜芝麻糊同合桃露就唔太得，出面一碗十幾蚊嘅都做得好過佢，稱唔上係招牌菜心太軟就真係唔夠流心，大概係焗多咗小小時間。整體上如果你用 80幾 90蚊任食價食到4至5樣嘢，計返 20蚊一款，係抵食嘅，不過如果要俾 50幾蚊食一款嘅，就略嫌偏貴。

同朋友夜晚食飽飽，諗住去聰嫂食糖水。點知去到，9:30已經排晒長龍，估計要等半個鐘。見到對面有間明記糖水，於是就試吓。唔使等位直接入去坐，同行4人叫咗四個甜品。包括紅豆沙、杏仁芝麻糊、朱古力心太軟、雪糕窩夫。$30/朋友話紅豆沙淡左少少，食晒。$36/芝麻杏仁糊就冇咩芝麻味同杏仁味，味道偏淡，朋友食淨一半。$60/朱古力心太軟我試左一啖，確實令人失望，雪糕好勁雪味，朱古力心太軟有膠味，不值＄60呢個價錢，建議不要再試。但朋友話好好食，食晒。$48/半份最後係我點的朱古力雪糕窩夫，原本生果係香蕉，但因為缺貨，轉咗做蜜瓜。配搭怪怪地，雪糕也是好勁的雪味，但窩夫熱熱的，好軟熟，味道不錯。

一行4人食完飯就食糖水，本身諗住去一間好出名嘅，點知出面排曬長龍，就過黎呢間。點咗3個芒果西米露，1個香芒小丸子，（今次顧住傾計忘記了影相）首先講講個環境，唔知點解聞到好大陣抽煙味，對呢樣野好反感再講講芒果西米露,芒果幾甜，但係佢個汁搞到太酸，所以食落普普通通，分量正常，36蚊然後香芒小丸子,等咗有d耐，朋友快食完西米露我個甜品仲未上，整體味道唔係太夾，芒果都係好甜幾好，但個汁襯唔起個芒果，因為個汁偏淡，個甜度嘅反差搞到個汁有d失色，同埋小丸子本身冇味道，搞到個味道差距更大，呢3樣野撈埋有少少唔太夾

食完晚飯 行經見呢間糖水未食過 咁就去試下人不算太多 所以坐都較寬敞見到有抹茶窩夫- 當然想試下叫左抹茶窩夫 同 香芒小丸子- 抹茶窩夫 沒有要雪糕筒 ~ 賣相睇落好好食但食落去 雪糕好淡 不好食 (應該叫綠茶窩夫 . . . )窩夫又不是太出眾  - 失望-香芒小丸子芒果不甜的. .丸子不夠煙韌雪糕可以 . . 都過得去 . .  - 希望之後會好D ...

我是聰嫂的粉絲，但今晚時間實在有點趕，見聰嫂門外的人群之多，實在沒45分鐘都不可能輪到我們，但又好想食甜品，見對面有間明記，入面有位完全沒人排隊，心諗夠膽喺聰嫂對面開，無番咁上下質素都唔得啦，所以入去食，都係抱住有聰嫂七成質素都得㗎啦，點知一樣好失望。我哋叫咗兩個甜品，一個係芒果撈珠，我不愛水晶珠所以走咗佢，芒果是甜的，這是我唯一的positive comment, 整碗甜品加上好多室溫的黑珍珠，爆珠同細粒的青蛙蛋，令成碗甜品都變成室溫，唔凍的，最慘係黑珍珠，好"梅"好"冧"，其實從肉眼都睇到黑珍珠的周圍已化哂有些透明了，好難食，仲要完全冇味，大佬呀，珍珠都要有甜甜哋先好食㗎，係咪？不過算啦，都唔係好嬲。到另一個甜品朱古力梳乎里就真係好失望。落單時店員提醒要等30mins, 好合理，即係即整的，好期待。係人都知焗梳乎里唔係咁易，材料成本好少，反而係時間，技巧同心機，所以先至要五十幾蚊。個梳乎理嚟到個心都沉一沉，因為整個梳乎里只升高咗唔知有無2cm,即係打得唔好，又焗得過咗龍，面頭係硬硬哋燶燶哋的，匙羹一"吉"入去整個梳乎里就已經同我個心一樣，沉哂，冇哂心機，而入面呢，就係實的的，少少韌

唔知你有冇呢個經歷，就係入糖水舖食糖水，比左幾十蚊，但出到嚟係勁細碗。糖水比我既印象係「價貴量少」，所以多數都係想同一班人有個聚腳點先會幫襯。但係今次呢間又真係...有驚喜同一位朋友夜媽媽，想坐低傾偈，所以嚟到食糖水。當我準備好接受「比四十幾蚊食細細碗」時...好多生果呀好滿呀生果搭到高過碗呀今次既好評係因為份量而比。再睇埋款榴槤撈珠真係滿瀉出嚟至於味道...今次重點地講個份量，可見味道唔係亮點(笑)。西米露都係普通出面食開既味道，榴槤撈珠就較淡味。如果你係啱啱食完飯唔夠飽，就可以去呢間為自己寫返個滿足既句號

同朋友在銅鑼灣吃完飯，吾夠喉想去食個甜品，見到對面個間勁多人排隊，吾想等，就食呢間！我叫了朱古力窩夫（半份）$48這裡的窩夫也不錯，雖然端上來是不算很熱，但還是脆脆的，也挺有朱古力香味。雪糕是不易溶的，但味道是普通的雲尼拿味，但有雪糕筒，外觀加分但認為這間的價錢略貴。而且店舖很細，坐得稍有點逼。

銅鑼灣要搵甜品店話難吾難話易吾易，平時想食甜品都要諗好耐先諗倒去邊間食，見呢間未食過，就即管去試下，重點係吾洗煩去邊間🙈👁‍🗨 楊枝甘露 💲36雖然而家既天氣凍凍地，但係食完飯點都係有衝動想去食番個甜品🙈呢間既楊枝甘露都幾足料，芒果汁又甜又濃，絕對吾係果d假芒果味既芒果汁🤤而且楊枝甘露上面既西柚肉意外地吾苦，簡直岩哂我🙈果然楊枝甘露係多數吾會點中伏，點都會係味道吾差既甜品之一😂🔛 整體評分（7/10）

I came here on an afternoon and did not have to wait for a seat at all. I ordered a mango dessert with lots of toppings along with a dragon fruit juice. Both were fresh and tasty, so good! Compared to the other place across the street, this place is so much better. Highly recommended!

食飽飯總是心思思，想吃番點甜野，甜品確實係有另一個胃。兜兜轉轉黎到耀華街，本身係想拜訪一下聰嫂，可惜實在太太太太多人。就係呢個時候比我發現到對面呢間明記，見佢咁孤零零同我一樣楚楚可憐，決定試試佢叫左個招牌香芒小丸子，盛惠48蚊，而家食個甜品都唔平，價錢可以食到一餐飯。先講芒果汁底甜度適中唔會甜到喊～小丸子有咬口，芒果果然係非常之甜，不知是否浸過糖水? 另外雪糕雪到好似起晒冰咁，成碗野真係超冰凍！夏天食既話一定夠消暑！作為單身漢，食完呢個甜品，不但填補了我內心果種空虛，且令我更強烈更渴求一段甜蜜愛情的來臨！香芒的感情線 正等我為你蔓延.....

今日又嚟到銅鑼灣搵食，離朋友收工重有些少時間，一於就決定自己去食個甜品醫下肚先～身處times square，本身打算食聰嫂，但又見到隔離明記，係就係聽過呢間老字號，但原來都無食過，今日就試下！揀完又揀，最後決定試下榴蓮系列嘅榴蓮撈珠。甜品一上台就覺得好大碗！份量非常足，有榴蓮肉、珍珠、Chia Seed、水晶珠同埋最特別嘅益力多爆珠。講真，真係幾特別，但你話同榴蓮夾唔夾就.......我覺得都係同frozen yogurt/台式野飲夾啲啦。總括而言，不過不失，但如果下次要食甜品，就未必再試啦～

食完飯想去食聰嫂，點知排長龍，就去食左對面的明記真係完全想5到糖水可以咁恐怖以為有不少明星來食，應該不會太差誰知一個字形容：差，一生人未食過咁難食的糖水點的三個都是招牌，誰知都難食到咁可想以知如果係普通產品應該完全不可入口一入就比左個位對住洗手間，d人出出入人去廁所凍餅一到，就知到伏，完全係芝士餅加芒果汁，重要凍到硬曬，叉都叉5入蛋白杏仁茶冇蛋白，稀到連杏仁粉都5願落芝麻糊係又稀又苦真係不可一，不可再