明記海鮮酒家

营业中

休息中

好混亂，儲埋幾枱先一次過炒，肯定唔係分開遂碟煮。附近3枱唔同時間坐低，不過一齊上同一碟餸。我最慘，最早果枱坐低，等有排都未有得食。味道冇特別，好後悔去呢度。好迫，好嘈。我試過咁多間，呢度環境最差明明訂左枱，又冇人清楚安排，周圍點我

暑假已經去了一半有多，一於係返學前同d家長朋友同細路去飲飲食食 happy下。一行六日遊咗去流浮山食海鮮。以往去流浮山食嘢通常都係一日遊食團餐。今日係自由行，無佐旅遊團，流浮山海鮮街顯得好清靜。 搵咗呢間係中間網傳味道不錯嘅明記海鮮酒家。呢間酒家嘅魚缸水好清潔，魚缸裏的海鮮亦生猛乾淨。 我哋叫咗粉絲蒜蓉蒸象拔蚌仔丶酥炸生蠔丶椒鹽鮮魷丶 豉油王煎大蝦🦐🦞🦀🦑🍤 丶 咕嚕排骨丶 招牌炒飯及乾燒伊麵。象拔蚌仔鮮甜厚肉，蒜汁和着粉絲十分可口，使人垂涎三尺😋😋。酥炸生蠔亦可口鬆脆不會反油，件數也不少。椒鹽鮮魷味道也不錯，若鮮魷厚身d更好。 大蝦入味，濃濃醬油味十分鹹香。招牌炒飯的（叉燒及蝦）料多又粒粒分明爽口。不過菠蘿咕嚕骨就麻麻地，骨多又較硬，菠蘿用嘅係罐頭。乾燒伊麵又偏油。老闆好人額外送咗一大窩大地魚豆腐芥菜湯俾我哋飲，淡湯好鮮甜味亦好。仲有我最仲意嘅前菜蕎頭同花生。特別嘅飲品有菠蘿啤同天地一號陳醋。 由於冇咩旅遊團，人唔多。 環境算係清幽乾淨。，食咗咁多嘢，人均消費都係$280咋。 由於份量大，食唔曬仲要打包添。 今日真係大滿足！😄😄

今晚同朋友去流浮山食海鮮，樣樣都好好味😋1️⃣豉油王炒大蝦🦐以個好好味！炒到好入味好有鑊氣，我食左8隻2️⃣蒜蓉蒸扇貝每次食海鮮都必叫🙈我食左兩個🤪好味😋3️⃣一魚兩味之龍躉腩啖啖肉，岩曬我食又唔腥又冇骨4️⃣一魚兩味之炸龍躉骨平時我唔中意食骨，但以個餸炸到脆卜卜又幾好食5️⃣蝦醬腐乳炒通菜兩樣中國芝士炒埋一齊好惹味😋6️⃣薑蔥蒸蟶子d蟶子新鮮又爽口，成碟多到好似河粉咁🤣我夾埋d薑蔥一齊食勁正！7️⃣米芝連炒飯之前我媽都有打包以個飯俾我食！隔夜已經覺得好味！今次堂食更加出色啦！d飯炒到乾身又多料😌8️⃣椒鹽鮑魚第一次食以個食法，估唔到又幾夾，結論係椒鹽炸咩都好味🤣9️⃣鹽焗奄仔蟹🦀朋友話係野生既，所以蟹肉都特別鮮甜，蟹膏又多！勁正🤫🔟仲有一個魚湯🐟（識我都知我唔中意食魚）個湯煲到奶白色，好鮮甜，好好味😋

到流浮山食海鮮雖然比較遠，但亦都係一個唔錯的選擇。流浮山的海鮮酒家真的非常之多，之前都食過幾間，不過覺得這間明記酒家的價錢比較公道。當然……可能有些食店比明記還好，因為真的太多食肆選擇了。有車的朋友揸車去當然方便，而且泊車超抵。我通常泊在面對迴旋處洗手間左邊的停車場，這停車場比較闊及大，亦無需放低車匙(因有些要放低車匙的)，泊好車後先收$30，食飽飽後同明記攞張卡片交回 停車場，停車場就會退回$20，即是$10可泊一日。芝士龍蝦伊麵，芝士味唔會太濃，我就比較喜歡，因為唔會蓋咗龍蝦d鮮味，亦無咁"溜"。椒鹽鮮魷使用新鮮魷魚，非常好味麵包蟹啖啖肉非常有鮮味，比起自助餐的冷盤好好多除了食海鮮外，都order一、兩碟小菜， 菠蘿生炒骨d粉漿不太多，我就喜歡酸多少少就更加好，同埋菠蘿多少少就好啦……因為個個都鍾意食菠蘿這碟忘記咗是什麼班，是兩食的，兩碟都好大碟。東風螺沒有沙，正……金豪， 只是乾咗少少，不過無比較都唔覺嘅……， 因為上次比今次好食，而且上次還要大粒。通菜好嫩椒鹽奄仔蟹，必食，煮得好好味。不過蟹膏就不及上次多。壽包就普通通，因為他們都是買回來的， 如果用翻個竹籠及排返靚少少就好啦。

平同貴嘅定義好多時都因人而異。不過呢一間比起街口前面兩間比較多人識嘅海鮮酒家，的而且確，冇平一半，都起碼平三分之一！食得海鮮，基本上都預咗唔會係人頭兩三百蚊就走得，除非食set! 我哋一坐低基本上係憑信心，連走出去揀海鮮呢一步都冇做到就直接點菜！結果係，估唔到咁好！蠔分別係 薑蔥 同埋 酥炸：水準之上！ 必食!上湯龍蝦伊麵，唔使多講睇圖就知足料炒聖子，可以肯定唔係雪!花甲，冇沙，大隻！見到隔離幾枱都有食奄仔蟹，食到中段我哋都係叫咗幾隻試吓，唔試猶自可，隻隻啲膏都係爆膏！唔明白點解以前係其他地方食嘅係冇膏㗎囉！始終有D地方文化唔係好習慣啲客左問右問，作為顧客，有時都大方D，食得都開心啲！5個人，total 1800 , 另外仲有炒菜！

每款海鮮問佢價錢佢都好似唔想講咁，秤海鮮又唔喺你面前秤就報價，龍蝦佢報1斤8，叫佢秤多次原來係得1斤7両，問左好多次先肯答你煮工$60蚊一斤，有個呀叔問龍蝦點整加唔加伊麵，我問佢加伊麵要幾錢佢即刻唔睬我，最後我有加但都係唔知伊麵係幾錢既食材係新鮮既，但手勢唔多好，煮得唔好食！有海鮮湯送但唔算得好飲埋單同三聖差唔多價錢但三聖好食得多，下次都係去返三聖算！其實問價錢係好正常既事，一陣你唔講，我食完你收我天價唔通我照俾？流浮山蠔$100南非鮑魚$280一斤黃蟶子$148一斤西澳龍$240一斤椒鹽鮮魷$120一碟

難得星期日天朗氣清，去了流浮山逛了圈。去到流浮山已經差不多下午四時半，人流比疫情前少了很多，起碼沒有了旅遊團。逛了一圈，買了大地魚粉和蝦醬做手信，始終山長水遠來到流浮山，怎麼也要買點流浮山名物才不枉此行。大約五點半，天未黑，我們肚子餓了，在流浮山正大街逛著，苦惱著應該光顧哪間餐廳，很多餐廳還未開夜市，於是看到哪間開著，便入哪間。最後隨便入了一間海鮮酒家，就是明記海鮮酒家。一坐下，侍應便給了我們一壺茶和小食，花生和蕎頭，味道不錯。我們最後點了三樣菜色，分別是豉椒炒蟶子，椒鹽鮮魷和薑蔥炒生蠔，也點了一枝藍妹啤酒。等不一會，侍應端上一大碗魚湯，這是送的，很甜的鮮魚味，魚是先煎過的，奶白色的湯，還有豆腐和菜，喝完湯，胃也開了。喝完魚湯，很快又上菜了，炒生蠔很惹味，很多葱，因為我很喜歡吃葱，所以對這味餸十分滿意。豉椒炒蟶子上菜時，我們也嚇了一跳，很大碟，很多蟶了，鹹辣適中。椒鹽鮮魷很惹味，襯上啤酒，簡直絕配。結帳五百多元，三碟餸也很美味，物超所值。

唔知因為係疫情關係？定係因為呢間係良心海鮮酒家，去過流浮山食過幾次海鮮，呢間價錢係最平。上次食嗰兩間，一樣叫咁多碟海鮮，但係代工費差唔多要二千幾蚊。而呢一間代工費只係$750。埋單$3534。其中以$750係代工費。$2410係海鮮，$120係椒鹽鮮魷。其他就係汽水白飯茶芥啤酒錢！除了價錢以外，食開重口嘅人就請跳過喇，因為呢間係一間減鹽酒家，對於一個腎病患者來講都覺得清淡。芝士龍蝦伊麵：絕對唔覺得有芝士，冇芝士味豉椒炒蟶子：食唔出有豉椒味椒鹽賴尿蝦：好食，正常油鹽水焗奄仔蟹：好多膏好食，同事讚不絕蒜蓉蒸竹節蝦：唔知點解成日聞到有浸美極鮮醬油嘅味椒鹽鮮魷魚：小菜呢碟就貴咗少少，差唔多要$120豉椒炒花甲：食唔出有豉椒味炆頭骨腩：好食，正常西芹炒石斑塊：炒得太耐，石斑冇咩口感，淋咗豆腐魚芥湯：店家送贈

端午節一行八人到流浮山吃海鮮，明記是我們一直幫襯的店，價格合理🤓我們一向在最盡頭那間海鮮檔買海鮮，非常新鮮，價格也合理，這個最重要😎今次吃了白灼蝦（好甜好鮮，因為是休漁期價格會貴少少，店主兒子老實的告訴我👍）、炸蠔、蒸斑（生熟剛好，忘記斑名字，老闆兒子介紹）、炒蟶子炸粉絲底（這個超級正，粉絲脆口）、蒸蚌（熟度剛好口感一流）、在明記加了生炒骨（不建議叫，只有粉沒有肉的排骨，非常乾🙄）、腐乳炒生菜（叫👌啦），明記年輕老闆例牌會送個魚湯（一般啦，送的就不要太多要求了）😉還有是店舖衛生差了，蒼蠅十分多，整晚一路吃一路趕烏蠅🙄不知是否我們坐在地下那層，之前坐二樓三樓冇咁多蒼蠅，老闆要改善衞生哦，希望下次去乾淨番，這才吃得安心舒服啊😌

流浮山食海鮮出名就大家都知，今日係朋友介紹之下就試下明記海鮮酒家，今日就叫左6樣餸，分別係鹽焗螺、椒鹽魷魚酥、鹽焗奄仔蟹、豉椒炒蟶子配米粉底、上湯蝦配米粉底、同一個炒通菜。我哋一坐低佢就會上一個例湯俾你，飲得出應該係魚湯。再黎佢d野食，其實佢樣樣餸都好好味😋尤其係鹽焗奄仔蟹、炒蟶子配米粉底同埋鹽焗螺，佢個奄仔蟹好多膏而且好鮮甜，炒蟶子就夠晒惹味，啲汁配埋米粉一齊食簡直冇得彈，如果鹽焗螺就覺得啱啱好唔會太鹹而且食到螺嘅鮮味！間餐廳坐得舒服嘢食質素唔錯，價錢方面我就覺得可以接受，起碼唔會比鯉魚門食海鮮咁貴。大家咁啱去開流浮山食海鮮可以試一試明記😌

計計下都幾年冇入流浮山了，家人生日，我哋專登揸車入流浮山食海鮮今晚啲海鮮全部都好生猛，忍唔住嗌咗好多樣😝個姐姐見我哋嗌咗咁多嘢，即刻送咗成大碗海鮮豆腐湯畀我哋，好飲，但應該都落咗唔少味精瀨尿蝦：超大隻好入味好有肉地， 可惜入面冇膏🥺扇貝聖子：新鮮夠彈牙南非鮑魚：超級大隻，超厚肉要用刀叉食😮 但冇咩特別好味嘅感覺🤔辣酒煮花螺嘅味道一般般，無辣油嘅香味， 而且酒味亦都同平時食開嗰啲唔同，麻麻地象拔蚌兩食： 象拔蚌蛋拎咗嚟炸， 唔會有好腥嘅感覺👍🏻 刺身新鮮好大碟，正常味道重點來了鹽焗奄仔蟹： 第一次食呢種煮法嘅蟹，細細隻鹹鹹地好好味， 而且仲要有膏， 佢嘅殼好薄所以唔會話好難先食到👍🏻😍金蠔： 大大隻，外脆內軟，好juicy而且好有鹹香味，十分之高質😳😳😳💗👍🏻👍🏻👍🏻成餐飯都好滿足💗🤪

一家久違去食海鮮，老闆好熱情介紹好多生猛海鮮俾我地食，介紹左啲今季好食既海鮮，可惜我地得四個人食，食唔到多！炸蠔；平時餐廳都多，但新鮮既超超超好食，而且炸粉唔多，薄而香口又油膩，推介聖子：以為煮完會細粒左，點知仲係好大舊，加埋蒜蓉粉絲，正！龍蝦：龍蝦伊面食唔少，但新鮮既真係好好味，清甜，而且伊面唔算漏！鮑魚：好大隻，用果皮蒸好香，而且新聞有咬口！炒大蝦：呢味菜平時係屋企食得多，但新鮮蝦係好易甩殼，香脆多汁！食海鮮預左唔平，除咗海鮮新鮮，餐廳都好有人情味，而且大廚廚藝好好！有機會一定會再返黎食！

流浮山一向是食海鮮之地，成條街都有好多間，但依間朋友推介，所以去試。果皮蒸鮑魚鮑魚夠大隻，味道可以，食起來有啲煙韌掩仔蟹大隻又多膏，表面的鹽份加上蟹肉非常鮮味椒鹽賴尿蝦蝦的肉質尚算爽口，椒鹽好惹味，送啤酒非常美味粉絲蒸扇貝扇貝大隻，肉質彈牙，加上蒜香粉絲，好味鼓汁炒蟶子蟶子肉質鮮嫩，入面完全冇沙，配少許醬汁，不搶去蟶子原本鮮味

昨天和朋友兩人到明記，點了鹽焗奄仔，清蒸花英班，薑蔥焗大蠔，清蒸粉絲大象拔蚌，每一樣都好好味。服務也不錯，附送的魚湯和鮮橙也很好，會再來的。最近市面10分蕭條，有空多多支持本地酒家。

黎到流浮山迴旋處, 最出名既應該係海鮮市場. 一落巴士已經大大個入口係正面前, 行入去長到好似時光隧道咁長既走廊, 每一間都係賣海產或者海鮮酒家 (每一家店舖都差唔多, 我有懷疑過係同一個老闆). 見到間間都一樣就不如求其入一間食下海鮮. 今次我地就試左酥炸蠔, 豉油皇炒蝦, 鹽酥瀨尿蝦, 同埋海鮮炒飯. 佢第一味先上個蠔, 炸皮好薄唔會成口粉, 但油就比較多, 蠔呢就好JUICY, 基本上都唔洗好點個醬. 然後就係炒蝦, 蝦夠新鮮又大大隻, 加上夠鑊氣, 我地連蝦殼都一齊食埋. 然後就係瀨尿蝦, 一樣又係好新鮮大大隻, 但係因為瀨尿蝦D殼較硬又重手, 所以份量唔多. 不過因為我地好少食, 所以當然係覺得好好味啦! 最後就係炒飯, 雖然叫左個$70 細既炒飯, 點知原來都係大大份, 炒飯就正常發揮無咩特別啦. (提醒一點: 因為流浮山太出名, 海鮮價格比出面貴, 加上有傳海鮮都係由國內運送落黎, 所以有無劏客就大家自己定斷. 我地埋單$800多, 有無海鮮價就真係唔知, 因為單上無寫海鮮重量, 但係味道好好, 加上都係豪一次半次, 所以都係值得推介!)