明苑粉麵茶餐廳 (已搬遷) 新店位置

琴日朝早同左女友去左呢間店食個早餐,呢度早餐竟然有牛腩呀,鮑魚片同炸墨魚片食,太好了,我就叫左個鮑魚片加炸墨魚片公仔麵,太正了,估唔到早餐都可以咁爽,佢d野食都不錯,麵煮得剛好,炸墨魚片必叫,超正,佢d奶茶又係必叫,好香好滑,正,我女友叫左個餐蛋治,塊蛋好厚,厚到接近一個小朋友既拳頭咁厚,蛋味好濃,又一必叫之作,早餐食左呢d野,我諗你晏畫都唔洗食野,哈哈

去了搞搞銀行的事, 搞到又要過了油麻地站出口才搵食. 說明連鎖店暫不想試, 又不想立食街頭或是過對面馬路. 我餘下未寫食評既選擇, 只有呢一間對正彌敦道的粉麵茶餐廳, 明苑.滿是附近某間商科學院的學生, 少量打工仔, 相信近呢一頭既食肆, 都是以招待學生為主. 中午時爆場就真係學生佔半.食粉麵, 近日比較喜歡食牛腩, 是日不想食湯麵時, 就一於整返個牛腩撈, 口味想濃一點. 牛腩加上蠔油, 牛腩本身已經是夠哂濃香, 再加上蠔油, 雖然覺得過份的濃, 但係冇左佢, 食撈麵又好似欠咁D野. 食食下, 撈得均勻了, 又覺得OK播, 而且牛腩夠腍, 入味, 整體上是不錯的. 味道不錯, 不過人太多, 坐得不甚舒服而已.

Wan ton noodles were springy and solid, wan ton were huge with a few prawns and pork - the best I've tried during my 5-day trip to HK. Avoid the five-taste instant dry noodles, sweet and spicy but too bland.

21-4-2009想去的廣華街點心店塞爆了人, 唯有折返彌敦道食碗粉算數. 0係門口見牛雜賣相不錯, 叫了牛肚 + 片頭河, 加杯奶茶 (total $33).奶茶色水勁「奶」, 味道都好「奶」, 真無癮.再0黎牛肚 + 片頭米 (伙計話整錯0左喎, 不過是但啦)... 片頭彈牙香口, 魚味頗濃, 幾好食喎 米粉都淥得爽口, 唔錯唔錯; 牛肚就差好遠, 爽係幾爽, 不過無喱味道的, 無癮, 唯有落點辣椒油 (albeit 辣而不香) 刺激一下.見搭檯阿叔碟芙蓉蛋飯幾靚又好似幾香, 有機會 (?) 再0黎試試吧.