明洞屋韓國料理 (已結業)

Wooo，見到圖都吸引呢？ 飯量好多嫁！但係d配菜都好多好多！男仔就一定夠飽！d辣豬肉其實唔系好辣，唔使驚，但係豬肉d汁就好好味，甜甜地，淋落去飯就一級棒！豬肉夠嫩，睇顏色就知道同泡菜料差唔多，味道都似。D泡菜都好味既，有兩款，白菜果一隻辣得來又有d甘甜。中湯就普普通通，有埋餐飲就估唔到，$53就真係fit。

其中一個朋友推介，一行三人，來呢度食晚飯。自助形式，自己出去買嘢拎嘢食。環境好逼，但係款式好多，價錢其實都算偏高，但係啲食物味道頗好。我哋叫咗成４樣餸，原來個個餸都有飯送，份量又多，所以食唔晒。特級牛肋骨飯：超好味，夠晒濃味，牛肋骨肉好LUM；石頭窩飯：都唔錯，唯好辣既我嫌唔夠辣；人蔘雞湯：唔錯，再濃味啲會更好；撈粉絲：唔記得exactly叫乜名，朋友勁鍾意食，佢話次次來都叫，不過我覺得黑麻麻一pat，好甜好漏，又無餸。

其實用餐日期已經係年幾前既事...不過最近食既韓國菜都冇咩特別..反而令我諗起呢間!因為一年暑假先返HK..所以食呢間野既時候都唔記得左係咪07年既summer啦~其實自己通常都係中意韓烤既~因為bbq可以一班人又可以一邊食一邊傾偈~計落條數好似抵d丫嘛不過黎呢一間都係因為一個韓國朋友帶我黎既~咁韓國人食得既~都應該唔差啦?其實同我係韓國食過既差唔多~有前菜啦~即係泡菜啦!不過睇menu都幾貴呀...個韓國朋友就叫左個牛助骨我食~因為我中意食韓式辣辣地既牛肉!其實仲有order其他野...不過食完都冇咩印象..而個牛肋骨就最貴既~但好好食喎!跟住個韓國朋友就話不如叫多客啦~於是又叫多左一客~不過我話有d貴~算啦試左就算啦~點知佢笑笑口咁...跟住就見有個韓國女人走埋黎~問佢:你d朋友中唔中意食?我地先知道原來個老闆娘就係佢娘親啊!咁我地就梗係唔客氣啦~個牛助骨係最好味既呢~

同舊同事食飯，有人話哩間d牛肋骨好正，一行六人就卜位嚟食。地方好大，但只得兩枱人，都有d心知不妙...食物方面真係幾貴，貴過係韓國食好多囉︰海鮮煎蛋餅($100) - 完全唔值，份量細，而且所謂海鮮只係得幾粒魷魚，其他都係蔥、青椒 & 紅椒，又唔好食牛肋骨($200) - 要咗兩份，上枱時已剪開一舊舊，同事忍唔住問點解唔係原條上，剪開咗點知係唔係有一條，個侍應都好無奈話︰「係啦呵，個廚師咁做唔啱啦...」，咁都得？兩份成$400，一d都唔值囉牛舌 - 普普通通炒粉絲 - 哩個比較ok d石頭飯 - 麻麻地仲有個唔知叫乜既辣醬撈米粉(凍) - 冇餸的，份量少，味道麻麻地哩餐又貴又唔係好食，二百一十蚊都唔知食咗d乜咁，到走時都係得兩三枱有人，唔怪得咁大間鋪都係得番兩個待應啦，咁樣拍烏蠅法，應該都唔係捱得好耐

這晚是8月8 日,尖沙咀水盡鵝飛...約了友人十位.定了這裡. 一向認為日式燒烤貴得很,要食飽,還是韓式安穩. 十個人發板不難,樣樣都叫就是了. 但主要還是要牛,牛肋骨要有汁的又要無汁的牛扒就要沒汁的好了,牛脷叫少了不夠分.一般的有味牛肉又要了兩盤.雞肉真的一般. 牛肋骨,切的真好使肉質冧冧的...遺憾的是白飯要另叫...好在跟個海帶湯.無ob 賣飲了cass 又要了蛋包蝦...不大好,比不上鄉村. 但菜蔬餅又好食喎. 要了盤菜包肉食好正下. 爽爽的生菜,生蒜很厲害...包下包下...兩粒鐘.要多兩個石頭飯...唔算好好但都食曬.由於影相會無得食的關係....你影定食？請一個人,九人分單...即人人三百.唔係咁差喎.

4個人叫了5樣野成千元埋單...一個牛肋骨(生) $180一個海鮮拼盤(生) $350一個海鮮薄餅$100一個石頭窩飯(走牛肉) $110一個麵豉海鮮湯$100價錢貴, 份量少, 效率慢, 服務差(冇服務可言)因為同枱有人不吃牛肉, 所以石頭窩飯走牛肉, 但竟然同我地走晒啲料, 連雞蛋都冇, 得啲亂菜碎和飯; 後來叫佢地加番, 分出來4個人每人只有2啖飯, 真的不划算, 貴得離譜。韓燒又冇人幫我地燒埋, 塊板燒到黑晒又吾換, 全無服務可言, 茶又吾幫我地斟...應該快閉門大吉, 以後都吾會再光顧, 勸大家都不要去吧!

我地7點零去到~book左位有房仔坐~果陣仲冇乜客~得果幾枱~但係到叫野食既時候係冇人理我地~我地叫個侍應~佢應左我地又冇入黎房幫我地落單~我地直情要行左幾次出去搵人先有人幫我地落單~叫左野成半個鐘都冇前菜俾我地~其實韓國野應該一入到去無論你叫左野未都會有d前菜俾人食下丫麻~我地又出去搵人問有冇前菜啦~點知果個侍應又唔應我地~之後出去搵經理~又係唔理~再之後又搵多另外一個侍應~佢竟然態度勁差咁答我話你地冇落單我係唔會比野你地架喎~我話我落左單~佢就行開左喇~之後.............我要打電話去呢間野搵佢經理~叫佢入黎我地間房問清楚係咪冇落單~如果冇落我地就走~點知個經理又竟然好悔氣咁話:你地睇到啦,我地得幾個人,但係有幾十枱客,我地點做得切呀........嘩~攪到好似我地唔岩咁~你唔夠人唔關我地事架喎~你咪唔好比咁多客入黎囉~唉~總之~以後唔去~我地叫左個$728餐同埋$350一個好似火鍋既物體~個餐牌最平果樣都要$100細細碟~有好多$同埋好多時間先好去食囉~

又係一年一度既韓國之夜，去年冇來，今年即管試下。HKU連續兩年係度舉辦活動，證明呢度有一定既吸引力，出席既同學好多，幾乎包晒全場，氣氛亦非常好！一六人份量既食物我地八個女仔都食唔晒，每款食物都好好味，包括各式泡菜，泡菜餅，炒粉絲，石頭鍋飯，炒辣年糕，韓式烤肉，不過我地唔識用生菜包住佢黎食，結果還，菜還菜，但咁食都好味既！學校活動不能飲酒，但我地都偷雞叫左兩枝韓國酒，一枝覆盆子酒，一枝清酒。韓國清酒第一次飲，感覺特別。覆盆子酒色澤好似紅酒，又似野莓汁，甜味很重很濃。而清酒亦係帶甜味，味道清香，有人覺得拿喉，可能我飲得少，所以仲受得住！呢次飯局食得好開心，仲有學校既贈品，又可以同老師聯誼下，的確唔錯！

** 此食肆的第八個OK**今日(12-12-2007 Wed)請假同爸媽去香港歷史博物館行吓,我又乘機帶佢o地試韓國菜,想佢o地食人參雞湯.云云眾多o既韓式食肆,就揀呢間吧.約12:45pm,o係呢座大廈o既做o野o既人都放食lunch喇,不過可能呢o度真係有好多食肆,o黎到時客人唔多,女侍應畀o左窗口o既卡位我o地坐,對住公園真係正.爸特別喜愛炒粉麵飯類,可惜韓餐係冇o既,佢就點烤特級牛肋骨飯.我就叫$80.00o既人參雞湯,烤什錦(有齊雞,牛同豬),燒秋刀魚.Order完,侍應畀o左六小碟我o地,有大豆芽菜,豆角,泡菜,鹹魚仔,唔知咩菜同肉.媽第一次食泡菜,我提醒佢辣的,佢試o左話好食,成碟被佢清晒,我覺得呢個酸酸o地,當然人參粉落得唔多.除o左大豆芽菜同豆角外,其餘都被爸清o左.先到o黎o既係烤什錦,落單時,男侍應話用鐵板上,我答應,但其實我做咩會答應?我o地又唔係趕時間,而且爸媽又未試過韓燒,失策添.烤什錦跟白飯同湯各一碗,開頭我以為係海帶湯,但原來唔係,係咸菜湯.我試吓啲烤肉先,啲汁好香,幾惹味o既,而牛幾好味,但我好似食唔到雞肉,豬肉都OK,呢個唔漏.然後到人參雞湯,用石

很久都没有來午饍了, 是次跟朋友來到才發現它比以前的客人少了很多, 可能四周太多新店開了吧前菜的水準好像差了, 變成那些西蘭花、豆角、薯仔絲等, 都是菜為主, 但不是韓式的做法, 而且是超多油的, 通通都給我換個泡菜來~~叫了一客什錦海鮮石頭飯, 新鮮熱辣的來到, 令人好想吃, 海鮮當然不多, 只是數條魷魚及蜆肉, 菜就很多, 有芽菜青瓜西洋菜等等, 感覺健康~這個石頭飯的熱度剛剛好, 還帶有點飯焦在其中, 不錯不錯, 分量亦相當之大, 可以2人分享呢!! 朋友叫了一客牛肋骨肉飯, 這個真的帶有一大件牛骨在其中, 碟中還很”騎呢”的帶有一堆西式沙律, 還有一堆黑漆漆的炸醬伴在旁, 怪怪的……service一向以來都不是太好, 那班外籍waiter不但慢手慢腳, 又不懂中英, 態度又不好, 唉…………….

昨晚同咗朋友到此食晚飯小聚. 這並非是第一次,以來過多次. 因為覺得d食物味道不錯, 而d烤肉又幾Juicy, 所以才多次到訪. 但今次比我的感覺非常之唔好. 唔係d食物唔好或差咗,而係d Waitress嘅態度其差. 特別係d外藉嘅Waitress非常之唔nice(但唔係指韓藉). 佢哋係用個黑口黑面樣嚟招呼客人. 叫佢哋落單又或然者叫佢攞d嘢嘅時候, 佢哋都會唔係好like. 語氣仲非常之負氣, 好似覺得我哋麻煩到佢咁. 仲有D睇唔起人咁. 而且每次都要我哋開聲叫佢哋加茶,佢哋先會好唔願意咁幫我哋做. 哈.....否則見到都當見唔到. 如果以後都係咁嘅態度的話, 真係揾鬼去law…….香港如果再有多幾間咁嘅餐廳, 咁D旅遊業就該會law. 希望佢哋自己檢討吓la.

去了這間食店已好幾次, 但今次的服務態度相當惡劣,其實都是這位高級的女侍應,穿黑色制服,但有兩位wor!比較年長的姐姐就是喇,一看便知,沒有笑容+黑臉!!我只是問她那一款豬肉好,她就很不耐煩樣子及質疑我們order 的牛肋骨是貴價一款, 意思要我們看清楚價錢!! 激氣!! 以前都沒見過她, 不知從那裡走出來.食物味道是不錯且價錢亦尚可接受,但受氣就要問自己頂得住嗎!

座位舒服，服務一般，木口木面。烤肉不錯~ 比任食的好多了~ (不過真係貴好多…)再加上那些小碟，配飯真是一流~人蔘牛肉$140麻麻地，不嫩，沒什麼肉味，但食落ok~雞肉也$80ok...haha叫了個海鮮麵豉湯$90，完全唔掂，幾鹹，海鮮又細粒又不太新鮮~反而佢送的那個湯仲好飲…飯後有碟橙，不錯~但侍應(好似係經理的物體)拿過來，放落枱，一聲不響走了…冇人會幫你加茶o架…我都費事叫…反正有咁多湯…

三個女仔九點幾黎到...無乜人...坐係道既都差唔多食完吹緊水...尖東係咁上下啦..其實自己有幫襯開既韓國餐廳,不過唔試下其他又唔會知自己幫襯開果間係咪最好嫁ma...所以去試下lor我地叫左....1) 特級牛肋骨-肥瘦適中,但唔係我食過最好既,但都ok啦2) 泡菜辣湯- d泡菜酸酸地,不過我個friend話係咁wor,好辣...飲左2淡飲唔到3) 炆牛肋骨煲- 又係果句,都唔係我食過最好既,但都ok啦整體黎講...ok 啦

今晚兩個人去吃,叫了海鮮辣湯及牛肋骨仲有生菜包海鮮辣湯勁勁勁差,無韓國style,唔新鮮海鮮,又晦又黑又難吃,很難想像值$150蚊.我地選了最cheap的牛肋骨,只係細細碟,又係黑色唔新鮮都要$130蚊最好吃最新鮮就係生菜包值$60碟,好爽好甜.服務方面,倒茶不懂自動自覺,叫一次倒一次.