明星皇宮

营业中

休息中

呢度裝修完都係第一次嚟, 屋企人話試過佢晚飯都抵食, 於是今日同家人再嚟食下, 食佢地上次想食, 但人少食唔到的菜式~裝修完果然係光猛同感覺上寬敝d, 雖然呢晚係星期一, 但都好多人幫襯, 可能真係抵食掛?  薑蔥焗桶蠔記得好似有6只, 而且只只都好大只, 煮完之後都有成3吋幾, 算係咁啦~ 而且又夠肥美, 最正係佢個脆漿皮都係脆, 又唔太厚粉,但汁又唔太杰, 唔會一pet pet汁吊住, 再用薑蔥爆香個煲, 然後原煲上, 一打開蓋時真係超香~  片皮鴨做緊特價, 但只限一食, 可能佢個殼同d肉留返整火鴨絲炆米~ 全部都係响廚房片好哂先拎出嚟, 唔似以前咁, 响你面前慢慢片, 廢事你地又要佢片深d, 又呢樣果樣? 不過佢都片得好深, 圍邊的全部啖啖肉, 中間果d雖然大大塊片, 但都連住d肉, 所以都覺得幾抵食, 唔會淨係得層片, 但如果鍾意食正宗淨食皮的, 咁就唔係太啱, 但我怕肥唔鍾意食皮, 呢個就啱哂我, 有少少皮得嚟又唔係好肥, 佢只鴨應該都幾瘦下~用嚟夾片皮鴨的叫做"麼麼", 我見張單係咁寫, 有好多塊蒲餅皮, 可能個蒸籠唔夠大, 將佢開半, 由於皮實在太薄, 而且見佢有咁

昕昕農曆年廿二生日，我地一家人晚上去明星食~~~今次晚餐叫咗好多五餸一湯，有京式片皮鴨、上湯龍蝦伊麵、蝦仁炒多、貴妃雞、金銀蛋浸菠菜和是日例湯~~~湯算ok，蛋次次都如是，雞就比較韌咗d，昕昕跟爸爸兩個差不多食晒成隻片皮鴨皮算不錯，肉就主要肉眼見到果d，不過部份的皮依附太多肥的脂肪，我地食剩果d肥的皮~~~金銀蛋浸菠菜不錯，平日少食菜的我就食咗唔少，始終食菜有益~~~最後我地切蛋糕，今次去咗附近的聖安娜買咗唯一的卡通蛋糕，晚餐食飽飽會有一碟橙送上，埋單總數七百幾，五大一細都算是可以吧！

新年開飯~有老有少點都係要揀番中餐。呢方面真係要交比爸爸媽媽先識揀！佢地揀得既都一定係抵食兼唔會差既～唔係不如屋企煮啦！今日既主題係清蒸阿拉斯加蟹～平時得4-5個人點食都食唔到，今次有12個人!黎啦! 真係清蒸已經係最好食! 不過講到食蟹~身邊一定要有個開蟹好手幫大家拆件先得 --- 爸爸! 拆完大家都方便食~個蟹腳大到...... 食一條都好飽!! 如果多人食既話真係可以一試~不過記得預早訂呀~ 唔係假期真係食唔到嫁!蒜蓉粉絲蒸元貝~我一個食左2隻~其實只要新鮮~呢味小菜係零難度! 平日食既話$58/4隻~ 真係抵~又大隻!!個個食蟹食飽~ 我一人食左半條魚~出街食~養龍躉~算係咁!!假日$168~閒日先係$138!!!都OK嫁~

連續兩日去明星飲茶，真係夠晒誇張，元朗差唔多最旺場最大有兩三層嘅酒樓，約阿毛飲茶一定係呢度等。我哋呢啲懶人來講，點心拼盤就係最啱心水啦。一次過滿足好多個願望，飲茶一定要有嘅蝦餃燒賣叉燒包，全部一次過食晒，係粒蝦餃就細咗啲魚肉茄子係我另一最愛，如果矮瓜再煎香啲就好啦！上枱時已經係涼了。最後就係鍾意呢個鹹肉糭，豉油加白砂糖，好懷舊嘅食法。真係要大叫我愛飲茶

今晚到明星皇宮食飯，點左多款菜式，有讚有彈片皮鴨 $68：呢個價錢，算係不過不失，無咩鴨味，但我鐘意唔太咸，加埋醬就剛剛好蒸海班 $138: 蒸得幾好，都幾新鮮薑蔥焗蠔： 個人認為最好一道，薑蔥味入哂落每隻蠔，好香薑蔥焗蟹$176： 普通，肉質麻麻，蟹唔夠新鮮沙薑雞 $58: 雞夠大隻，但over cook, 好'鞋' 和唔夠味蒜蓉扇貝：好細隻，無肉食，唔入味流沙包和蓮蓉包： 成$10 一隻，完全唔值，似急凍包點的貨式間中的晚飯食堂，絕無驚喜，只算係普通的質素

今天跟老公奶奶來這裡吃個晚飯明星的片皮鴨真的出名的抵吃, 可是每間的水準都不一樣今次在這間吃的片皮鴨, 切得比較厚了一點而且有點乾~大蝦伊麵倒是很不錯, 大蝦也很新鮮上湯汁亦弄得很好~份量也非常足夠! 魚香茄子煲, 很香, 亦非常入味~不過油多了一點~

同屋企人響附近酒樓食晚飯, 叫左賣點既片皮鴨, 話明片皮鴨, 個重點應該響塊皮度, 呢度就將個重點放左響D肉度, 所以片出黎係肉多過皮, 唔係話佢唔好食, 不過變左食鴨肉, 鴨肉比較實, 皮都香但唔算脆, 但由於片得太細, 食唔到幾多味.另外加30蚊有兩食, 茄子炆鴨, 呢個鴨肉炆到好鞋好老, 反而茄子就腍晒入晒味, 仲好.

屋企人比較中意食中菜所以晚飯首選酒樓於是就去左附近嘅明星食去酒樓多數吾會叫set因為set多數整定曬再翻熱質素麻麻所以一定係散叫吾逐一介紹喇相信大家去酒樓都會叫嘅不過最值得推介係乳鴿小女子一向都好中意食但真係吾係間間整得好呢間吾錯夠脆又吾會乾爭爭！吾知係咪我好彩？希望下次再去會保持水準

雖然食物唔係特別好食服務又好一般但係陪老人家飲茶佢哋最緊要抵食見到＄9咁大隻字唔使諗一定要 order孖寶都係廿幾蚊勁抵食我自己飲茶其實真係飲茶睇下雜誌陪佢哋吹下水但鳳爪排骨飯確實唔錯鳳爪炆得腍排骨好甜肉餅飯淡左少少但我感覺夠晒健康最緊要多豉油鮮竹牛肉味道較傳統經典食十年都唔會厭蝦春卷熱辣辣脆卜卜好好味