明星皇宮

平時同老友都好鍾意去明星食晚飯，之前都有好多唔同嘅優惠，好似夜晚8:30後會有八折，不過今日就冇晒呢啲優惠了而家夜晚唯一優惠就係呢四項，但係只要選其中一項又要叫佢一款正價嘅菜式所以有啲覺得麻麻地低，喺樓下就睇唔到，上到去嗰張紙先知道嗌特價嘢要叫多一款正價小菜:(:(我同老友叫咗呢款$20嘅片皮鴨，味道還可以😌加咗呢個正價小菜蒜香一字骨都幾多肉呢個$88蒜蓉粉絲蒸蟶子都幾新鮮呢個又係$88蒜蓉開邊蝦，份量都幾多，只係淡味咗少少我哋總共叫咗四樣嘢埋單$449…查看更多

最近去左間酒樓食晚飯 ，整體來說，味道中規中矩，普普通通。京式片皮鴨片皮鴨是重頭戲，鴨皮烤得金黃酥脆，油光發亮，搭配薄餅、青蔥等等，口感豐富。蒜蓉粉絲蒸魚貝香味俱全，蒜蓉既香氣撲鼻，粉絲吸左啲湯汁，入口滑嫩。魚貝新鮮，蒸得恰到好處，肉質ok。蝦醬通菜炒牛肉蝦醬濃香，通菜爽脆，牛肉切得薄都嫩，火候炒得幾好，口感不錯。只是蝦醬既鹹度略高，食多左有啲膩，建議會搭配白飯中和下。咕嚕肉咕嚕肉酸甜可口，外皮炸得酥脆，內裡豬肉軟嫩，配撘青椒同菠蘿，色澤鮮艷，賣相不錯。總括嚟講，今餐既菜式表現穩定，味道都符合預期，適合想吃傳統餸菜的朋友，但如果追求創意或者細膩既口味，可能會覺得平淡。價格合理，服務都算周到。…查看更多

今日星期六，早上出去買點東西，然後見時間尚早走去明星飲茶一入門口就見佢哋晚市好多唔同嘅優惠，好似真係好抵食😆😆最震撼係$10.1隻乳鴿😆 $38/一條魚最緊要，原來夜晚早少少去，兩個人仲可以$168套餐，睇落真係好鬼抵🤣🤣當然要食過先知😛😛早上飲茶食佢特價蝦腸$18，睇落去好似好大份其實得兩條另外叫咗一個$18嘅鹹魚肉餅蒸飯，細細碗味道唔錯最抵食係呢三粒燒賣特價九個九總括嚟講計埋茶錢食物都係$59…的確抵食嘅..同埋早上見到好多公公婆婆去飲茶…而且都差唔多坐滿..所以質素應該唔錯…查看更多

原來成日黎明星飲茶，但無寫過佢食評？是日就寫下先。母親節黎左明星飲下午茶，勁少人完全唔使等位就直入，唔知係因爲部𨋢壞左，定因為今日正價啦…開壺茶後掃code落單，無晒特價之餘仲無晒小點😂算啦節日都預左。⭐皮蛋叉燒酥一碟有三隻，食第一隻時幾正常，叉燒甜甜地皮蛋軟綿綿，食第二隻時一陣酸味，明濕係個餡壞左，但同一批貨唔應該喎🤔⭐香煎蝦米腸煎得幾香口，點醬食正。⭐香煎家鄉糭煙煙韌韌，煎得外脆內軟，但糭只有紅豆為餡，味道偏淡。⭐蟹籽燒賣肥肉好多的燒賣，食落唔香同太油了。坐下傾下偈ok啦，因為真係好少人，勁靜幾好傾偈😂…查看更多

優惠推介上湯焗開邊加拿大龍蝦伊麵（一至五）$168／隻（六日假）$198／隻，轉芝士焗加 $40，記得一定要轉芝士焗，因為芝士焗既伊麵實在係太好味，小朋友可以食完一碗又一碗！今期推介酥炸一口蠔 $83 都係小朋友好鐘意，外皮炸到金黃色脆卜卜，入面既蠔唔算大隻但係都算幾肥美。最近 25 週年仲有超值大優惠，超值價 $10／款，有 4 款，揀左醬皇翡翠炒龍躉球（例牌），優惠條款：每款優惠必須配一款以下指定正價小菜，有 16 款，揀左鮮鮑魚滑雞煲 $218。鮮鮑魚滑雞煲整得好惹味，仲有好幾隻鮑魚，鮮鮑魚完全唔會韌小朋友一樣食到；醬皇翡翠炒龍躉球真係超值大優惠，估唔到 $10 都有咁多舊龍躉，唔錯！…查看更多

心血來潮想飲茶，明知星期日去飲茶要排隊都堅持要去，除左因為想食點心，仲好想食芝士焗龍蝦伊麵﹐好彩既係大檯先排得耐，中檯唔係排好耐就有位。一直都覺得明星皇宮既芝士焗龍蝦伊麵好出色，已經食過唔少次，但係其實價錢都唔平，不過成日食既話都有少少肉赤。咦！芝士焗蝦仁伊麵？突然發現原來有得食平DD，蝦仁平過龍蝦唔少，無論芝士焗蝦仁伊麵定芝士焗龍蝦伊麵都係一樣咁出色，因為最出色既係芝士，大量芝士焗既伊麵真係好食到不得了！…查看更多

本身覺得呢啲平民飯堂好平，但係原來過咗早茶時段好貴！比平時食開嘅海港仲貴款式都幾多！早上想食粥嗌咗碗肉片皮蛋粥，但係超小了唔怪得$30一大部！只有兩至三片好少嘅肉片 腸粉唔好好食，第一碟上枱我哋肚餓嘅時候食都覺得麻麻地金錢肚其實係牛肚但係我都幾鍾意，有啲硬但係好多份量油咗少少 🤏潮州粉果$27.3粒，本身覺得有啲貴，但係原來好足料，雖然個皮唔係咁好食冇彈性 油雞飯32 啲雞我覺得麻麻哋，但係人哋覺得OK豬皮鴨紅好大碗，但係好油膩，而且調味麻麻哋豬皮好大浸梳打粉味 同埋佢落咗好多味可能唔新鮮 鴨紅就好碎眉豆大大粒好飽肚幾好味，但係有啲飽，蝦餃$15.2粒幾好味喎環境幾大，呢度都有獨立廁所，估唔到咁舊式都幾乾淨…查看更多

元朗歷史悠久酒樓每到夏天就好想食冬瓜盅！近近地去左呢間歷史悠久既明星皇宮食，訂位時候好搞笑，姐姐話唔會幫我地留瓜盅🤣 有就有，無就無…所以為左個瓜盅，我地都算好早，估唔到6:15 已經坐滿左大半個場咁滯🤣 又話市道唔好既 ?🌟 $168原個八寶冬瓜盅｜熱辣辣，份量多，加埋夜香花好香又清甜～！呢D係屋企唔會整得到～ 所以每年都要出街食返夠本🌟$78 清蒸沙巴仔 | 晚市優惠，都幾抵，平時自己唔識處理魚類，出街有機會就食❤🌟 $78蒜蓉粉絲蒸元貝(4隻) | 元貝就蒸得過哂火了，麻麻地🌟 $68 滷水掌翼 | 八角味太搶，整體味道偏甜！不太喜歡🌟 $48紅燒妙齡乳鴿 | 一Ｄ都唔妙齡，炸到老哂，又鹹 😭價錢其實都算大眾化，五樣入面有三樣都麻麻地，不過好在今次主要目的係食冬瓜盅，所以都唔算太失望既～環境就都好大下，不過就不太衛生，食食下見到有兩隻小強走黎走去～服務就正正常常，係聽電話個到唔幫人留瓜盅搞笑D 🤣🏠店名：明星皇宮Star Palace🚘地址：元朗阜財街34-36號光華中心2-3樓…查看更多

最近明星做晚市優惠，京式片皮鴨$88，上湯焗龍蝦伊麵$168😋原本早一日打咗電話去book位，職員叫我唔駛book，walkin就得，點知去到勁多人，結果等咗一個鐘先有位😑，建議大家預先book位！特價片皮鴨$88，雖然唔係一隻係一份，但都算抵食。片皮鴨部位偏瘦，唔會太油膩，好啱我哋😝上湯焗龍蝦伊麵$168，如果鐘意芝士焗，要另加$40，龍蝦肉好新鮮爽口，可惜伊麵勁碎濕濕，下次嚟應該唔會再叫。…查看更多

星期一至五$88片皮鴨及$168上湯龍蝦麵，大貨，即點即上。💟片皮鴨少於半隻片皮鴨，全皮及半皮肉兩款都有；配料有青瓜&大蔥，特別有子薑，大槪是吃完再吃一口清口腔的，挺不錯的，其他地方暫時未見過有；粉皮是半圓型的，包起來沒那厚，包一至兩片鴨啱啱好。💟上湯龍蝦麵龍蝦好細隻~麵有少少駝，味道正常，龍蝦肉也彈牙新鮮的。💟乳鴿唔夠熱，但調味ok&係脆皮嘅。💟陳皮紅豆沙古早味紅豆沙，煲出沙沙的口感，但有點太甜。…查看更多

平時想食片皮鴨就嚟呢度，因為真係好抵好多時做特價$88但係新年期間就$98唔緊要啦，我哋都照叫因為子薑配埋片皮鴨真係好好食😋我哋仲叫咗龍躉糧食同埋燉湯添🥳🥳🥳…查看更多

之前都有來這裏食飯 今晚黎提早做節食餐飯 一開頭都好地地不錯 最後追加芝士焗加拿大龍蝦伊麵 龍蝦不新鮮 係削的 之前不是這樣 很有可能不是新鮮的 因為平時食咁多龍蝦新鮮的話，一定是彈牙的 。不可能這樣 於是諗住投訴一下 但是該名員工大大聲話我哋啲龍蝦伊麵差不多吃完咁滯先講 大佬！ 龍蝦仲有半邊 啲面有一半左右 四個人每人夾啲係咁㗎啦，態度極為差劣 唔試點知咩質素？!然後再找一個類似高級嘅人再敷衍我們 說波士頓龍蝦是削係正常的 真係吹脹 然後就走咗去 呢間嘢真係黑名單 唔會再幫襯！食餐飯一肚氣…查看更多

為咗响應財爺提議嘅香港夜繽紛，今日同老婆講唔好煮，出去食。揸車去元朗，行過阜財街間明星皇宮(即以前明星海鮮酒家)，見到佢有一個全港首創嘅菜式，一於入去試吓。呢個菜叫蒸氣糯米雞，喺湯煲上面有一個穿窿嘅圓碟，上面放咗糯米同埋雞喺度蒸，湯底用咗蘿蔔、蟲草花、雞同埋五指毛桃熬嘅，蒸雞嘅汁滲咗落去啲湯度，飲落好鮮甜。跟住叫咗半隻片皮鴨同埋上湯龍蝦伊麵，味道不過不失。原來呢度8:30後入座，仲有全單八折添，非常之抵。…查看更多

慶祝家人生日,近近地就在家附近的元朗明星皇宮,試下報紙宣傳新出的"黃金全包宴" , 周六晚飯全包宴不另外加收費用,很不錯了。最滿意是炒龍躉球及蒸頭躉頭腩,份量十足,其餘的項目是厚料的,可參考圖片。…查看更多

晚飯於明星皇宮酒樓，雖然預約都要六點半入坐；六點半嚟到人山人海！差不多可以坐嘅地方都坐滿人，背脊對背脊，十分之擠迫！本來訂咗12人！但就只比一張十人枱！而我哋嚟到就有13位！所以真係坐得好迫好迫！點咗個二千四蚊嘅全包宴，食物還算可以；但係就真係坐得唔係好舒服！你最值得一讚嘅就係個壽包，熱辣辣外軟而啲白蓮蓉甜度適中！至於服務員方面，雖然全廳爆滿，但係服務態度都還可以！只係出餸嘅次序完全亂曬籠！最尾嗰兩個燒雞同埋荷葉飯，催幾次先至出到嚟！但整體來說食物還可以，只係坐得比較迫夾和唔舒適！…查看更多