明星海鮮酒家 (已結業)

今天是父親節, 原本想帶他到意大利菜館享受一頓豐富的晚餐, 但爸爸突然想到用膳, 因此隨他意思, 想不到卻換來十分不快的經歷6時20分到達, 人流剛開始湧現, 但櫃檯服務員的態度已極為惡劣, 說話, 顯得非常不耐煩. 有一位老人家因找不到其家人, 便向那服務員詢問其家人是否有訂位, 但那位服務查看沒有後, 便聲大夾惡地叫他打電話, 老人家打電話後仍找不著其家人, 顯露出十分無助地走回櫃台, 但那服務員卻置之不理, 老人家唯有自行往酒樓內尋找其家人, 其實服務員可作出一點綿力, 例如在酒樓內作出廣播.等了約45分鍾終於有枱, 我們分別點了4道菜, 另有一道菜是送的:第一道菜–燒雞半隻, 肉嫩但皮唔夠脆, 亦唔夠熱.第二道菜–鮑汁野菌扒勝瓜, 味道很怪, 勝瓜唔夠熟亦唔入味.第三道菜–魚香茄子煲, 色香味樣樣皆無, 沒有魚香味, 豬肉味又太重, 茄子又唔夠稔, 亦唔夠熱, 失敗之中的失敗.第四道菜–薑蔥炒菲蟹, 是送的, 更加不敢對它有其望, 果然上枱時只有半隻, 肉大而不肥美, 更加略帶苦味.最後一道菜–清蒸大青班, 魚是夠大, 亦夠熱, 但蒸過火了論服務, 不談原先那服務員, 其他侍應

以前我好鬼死憎去飲茶,因為我怕嘈,茶樓食物冇特別又肥,同埋通常要坐好耐(特別係同屋企人).但係呢次我真係改觀,果日我同我男朋友山長水遠,諗住坐車去大埔再啋單車玩,我男朋友好鍾意去飲茶,我諗只好陪太子讀書. 上到去比左個兩人位我地,坐得都幾舒服.我見到好多張點心紙.我一開始叫左碗皮蛋雞粥同埋個印度芝士薄餅,兩樣野我都覺得好好食,平時既我對出面既粥都唔多喜愛,因為做生意一定做生滾粥,無乜味道,但係呢到就好正好有味,因為太好味所以我叫多左個鮑魚雞粥,一樣咁好食仲有兩隻鮑魚仔添,個薄餅都好正有幾款味道,下次一定要試埋其他味.跟住有排骨蒸陳村粉,雖然細碟但係好好食,排骨好腍d粉好有味,仲有粉果,都ok(本身我唔食既,但見之前d野咁好食我都嘗試去食) 食左兩碗粥.兩碟點心,一個薄餅,埋單$73.我覺得好抵食,下次再去我一定拉大隊去食.不過真係要好有耐性,d人忙都叫左三四次都唔斟水><

超抵，只限午市供應，雖然扇貝唔係好大隻o個種，但蒸得恰到好處，加上炸香了的蒜蓉同蒸，滋味無窮。我跟妹妹最好拚著肥死o既心態，吃了那堆索了精華的粉絲，雖然好油，但超好味！

每次來明星飲茶都好開心，因為選擇夠多。是次來試了特價o既泥粥，雖然不是真的很鮮，但勝在有新款，唔駛吃來吃去都係豬、皮蛋、滑雞、魚腩…咁悶。另外還叫了雪菜火鴨絲湯米，米粉過硬，湯唔夠，差點要乾哽；點心方面都係大路o既叉燒包、南瓜餅…同每次必點o既雷沙湯丸，湯丸依然好掂，粒粒飽滿，芝麻餡不甜不膩，非常好味！

明星啲野出名抵食,而打邊爐就特別平,材料新鮮,種類多,不過我有段不快經驗,就係繁忙時間點嘅火鍋料成日黎錯,服務員問都唔理

日跟婆婆來飲下午茶，貪佢款多，又夠平。細恅一坐低就即刻要了特價的蒜子滑雞籠仔飯，跟妹在點心紙猛剔︰雞扎、蒜蓉印度薄餅、雷沙湯丸、皮蛋豬粥、煎堆…十多樣點心。 飯真是喜出望外，好大籠，但因為是雪雞，炸過後再翻蒸，雞肉勁，他很油，但整體味道尚算不俗；點心今次失色了少少，尤其是雞扎，竟然有蟹柳和芋頭，食咁多次都係第一次見，薄餅餅底厚了一點，有點韌；粥就不錯，粥底軟綿，豬夠鮮，加上皮蛋獨有的香味，很好…但婆婆說下次不要再來，她說淨俾茶錢都成$30，唔抵。雖然我都有同感，但飲茶係一種樂趣，一星期才得一、二次，還是豁出去吧！

05年1月20日----我同兩位朋友諗住食番餐好,就諗住去明星食.入到去見到有電視位,我o地就同果o的著黑色衫阿姐講,點知佢話(真係比部電視累死,果個場要收,阻住我o地執o野)仲係大大聲咁講,佢就好唔願意咁比我o地坐,我o地坐o左一陣著黑色衫果o的阿姐就熄o左部電視,我o地冇出聲,隔離果檯客就自己開番部TV,點知個阿姐又熄o左,我地忍不住出聲,我o地就要佢叫經理出黎,佢又話要等,當我地話要走佢話又可以開TV,簡直係不知所謂,咁大間公司居然為O左少少O野同O的客嘈,唔憂做就唔好開門,咁大間公司好心請番O的質素高O既員工,我O地顧客係食O野唔係受氣,就算環境同食物質素幾好都冇用.......

中秋節翌日，好耐冇試過一家人出來飲茶。所以我一早就去位，點知原來好少人，可能有很多人都未起身o卦！其實去明星多數會吃晚飯，從未試過飲茶，今日一去，我決定將她與稻香梅花間竹，因為兩間都好好，而且明星比稻香更多選擇。除了點心紙外，還可以到大排檔自取，款式多得眼花撩亂。最正係有印度薄餅同京式包點，很難得。這個早上，我們吃了10多籠，值得推介有擂沙湯丸、泰式拼盤、生滾粥，其他不過不失。雖然假日的價錢較平日高好多，但都值得，因為份量都頗足夠，記謹要拉多人一齊來，可以多試幾款美食啊！

上星期約埋班朋友去食火鍋，點左好多野食，難得係果d 料樣樣都好新鮮，一d 都唔馬虎。而且由點食物至送到給我地都不用等太耐，服務唔錯~

來跟媽媽慶祝生日，因為買了生日蛋糕，恐怕吃不下，所以只點了數個菜。部長建議我們點一個海鮮孖寶︰有清蒸美國多寶魚和一斤白灼海蝦，一個冬瓜盅、薑蔥焗蠔、炒通菜、和錦江豆腐煲。海蝦鮮甜美味，就算不醮豉油也很甜；焗蠔走油後加薑蔥爆香再焗，yummy！多寶魚嫩滑鮮味，有點似左口；錦江豆腐煲很多配料，最驚喜是有翡翠蚌和海參，才28元，認真超真，而且味道頗佳。冬瓜盅就有點失望，因為瓜肉淡而無味，明顯只是將熬好的湯倒進瓜盅，燉熱上枱，不過料很足，湯也十分清甜。埋單才600元，7個人最終只是吃了1/3個蛋糕，因為實在太飽…總括來說，來這裡吃晚飯也是不錯的選擇。

近日跟家人飯局,到了這家酒家論環境..是開陽..舒適.服務員十分友善,換碟亦快.菜式方面我們選了貴妃雞,海蝦....等等.其中一道"蘇媚魚皮"幾特別..厚身魚皮..助酒之選.而貴妃雞煮得比較熟..可能是禽流感影響喇.總括來就服務是同區食市之冠~~ok

大埔明星海鮮酒家下午茶真係幾抵,點心都數四蚊至八蚊!又有八蚊大大碗粉麵,就算其他時間d價錢都好合理,服務又唔差,環境又幾正!