影片
食记 (11)
安格斯牛腩捞丁，好得意㖞﹗从未见过又未食过安格斯牛腩，肉眼、西冷就食得多。牛腩炆得好软棉入味，但大旧既就有少少渣啰。连安格斯牛筋都有？哈哈，真定假呀？爽爽滑滑。丁面无过腍都满意，西汁份量足够捞整个面，只系味道略甜了一点点。整体几好食，可以试试。梨山骨，咩黎架？新菜色梗系要试啦。起初估系凤梨，点知职员话其实只系个汁叫做梨山啫，莫非个原创人叫做 Lisa？梨山清甜，配排骨都几夹。排骨猪味浓，骨少肉多又唔会肥腾腾，够腍滑有赵口。清炒什菜，又炒得几好㖞。白菜、菜芯、西兰花混炒够镬气，爽甜多汁，靓菜！杨州炒饭，终于食到个有质数又足料既杨州炒饭喇﹗有叉烧真系差好远，味道香口好多﹗炒得干爽够镬气，蛋香非想，落足蛋无揾苯。味道调得刚刚好，好味道 ﹗无生菜丝真好，唔会搞到湿淋淋，不过无虾仁啰。捞埋个梨山汁，半咸半甜仲食得过瘾。咖哩牛腩，咖哩味香浓，味道好鬼似合味道咖哩杯面，劲得意。不过咖哩汁就浓郁过合味道多倍，而且更加芳香，味道始终离唔开港式茶记咖哩胆，香料组合都差不多。哗，用上靓牛霖做牛腩㖞，松化中富弹性又无渣，滚上大量咖哩汁微辣带甜，满意满意。鱼香茄子炆伊面，伊面煮得非常好，咽韧富弹性，完完整整无过腍又无断开。沾满肉碎咸鱼够香口而微辣，茄子亦棉滑入味，色香味美。倒落大量咖哩汁捞得均匀，卷住软棉牛腩塞入口。依个组合无与伦比！咖哩鱼香炆伊面，味道精彩绝伦，香辣惹味又黏黏滑滑，美味神奇兼有趣！间间都唔肯煮咖哩牛腩伊面比我食，好巴闭咩！我咪叫一个鱼香茄子炆伊面、一个咖哩牛腩自己捞啰，哼！揾左几间都唔肯煮咖哩牛腩伊面，点解大埔既餐厅变成咁架？早年我系大埔墟苑记都成日 order 净咖哩牛腩，另外再叫个净伊面底捞黎食都得啦，又或者直接 order 咖哩牛腩炆伊啦﹗今次打去昌运苑记话无咖哩牛腩？但系外卖纸上面明明有架㖞。现时只揾到上水骏明苑有咖哩炒粉面，连捞伊都有得食啰。
继续阅读
猪扒包X薯仔沙律 $28希望在他结业前食一次 今日终于有幸试到佢既下午茶👄👄 猪扒包身烘至脆卜卜 夹住香煎猪扒,蕃茄片,沙律酱 冲击我既味蕾👅沙律份量十足推到成座山感 加了青瓜,红萝卜和红腰豆 颜色更丰富 带俾你视觉上既享受 食落几fresh😆 下午茶自由配搭 一款$22 两款$28 三款$34 自由度十足!! 点了奶油脆猪 鸡脾和司华力肠😁😁先讲脆猪猪🙆🙆 坚系脆唔会好似有啲茶记感硬掘掘🙊 炼奶牛油虽有罪恶感 但食果阵太好味已忘一切 磅数甚么的...鸡脾皮炸得香口脆卜卜🙋ps小店做多一 两个月就会执🙈🙈 要食衬早啦!!👣👣
继续阅读
「如果~~命运能选择~~」无错，命运是唔到我地去选择。但食D乜，就绝对系由我地自己去选择！今日下午茶来到『明新焗饭小厨』试一试它的下午茶。近来香港很多茶餐厅、快餐店，因为食材、租金等因素，以往最经济实惠的下午茶都变得不再「抵食」，而且选择更愈来愈少。好多时付出了二、三十元，却完全没有满足的感觉。但『明新』可算是比较花心思、动脑筋，懂得做生意的食店。一看下午茶餐牌，最顶的一栏已经立即吸引了我的目光！可以在13款食物入面任选，1款$18，2款$24，3款$30！「有得拣先至系老板」最先吸引我的当然是「鸡脾」啦，下午茶叹返只脾，真的是人生一大乐事。但单单一只鸡脾绝对不能够饱肚，于是将目光投放到一众面包多士类，最后决定来一个「厚多士」！多士可以自选酱汁，我点了一个「奶酱多」！人是贪心的动物，我当然不甘心只吃两款食物，一吃就要吃三款！最后决定了「薯条」！下午茶餐是包热饮的。三分钟后，食物送到「奶酱多」、真系好多奶酱。因为够多酱，所以味道一流，不过多士其实唔算特别厚，而烤得也不够脆口，整体都算唔错！「油鸡脾」，无揾笨，真系大大只！啖啖肉，正！不过D汁唔多够味。只有鸡皮有些许味，去到鸡肉就比较淡，不过都食得过。「薯条」系我最喜欢的「肥仔薯条」！无咩特别，间间都系咁样味。不过要注意支茄汁D味怪怪地(唔够酸)，可因个人口味而唔落。一餐好的下午茶，最后用一杯好的奶茶来画上完满句号。食野系要食「色、香、味」。见到个黑色杯忠实咁反衬出奶茶o既浅啡色，真系视觉享受~这里的奶茶适合喜爱茶涩味的朋友品赏我个人觉得OK!总结：$30 食一个下午茶，唔算贵，又唔算平。但系过程入面有咁多选择而且食物整体质素中上，所以绝对适合贪吃、又想食一个饱肚下午茶的朋友！
继续阅读
星期天与另一半外出食 Lunch. 唔知食咩好, 去咗一直未有机会去的大元村. 美食广场平台有好多食店, 但另一半见到有门口餐牌有 Laksa, 所以二话不说就入去食. 普通的茶记, 但有好多焗饭同碟头饭可供选择. 一坐低就已经送两碗足料例汤, 是日系 ::青红萝卜煲猪骨::, 好甜好好味. 另一半叫了 ::肥牛 Laksa::, 味道系okay嘅, 但当然唔系好正宗啦, 不过我唔会话佢差, 因为你唔太认真当佢系 Laksa, 佢系一碗有 Laksa 影子嘅汤粉, 味道唔错. 我就叫咗 ::什肉肠黑椒汁焗饭::. 汁好香好味, 炒饭底亦干身, 如果个炒底可以再多少少蛋会重香口. 汁嘅份量足够, 唔使就住就住咁去捞饭. 因为价格合理, 味道唔差, 好过去大X乐比$40几蚊食焗猪扒饭, 绝对会有下次!! 最重要系好想试埋其他汁~~
继续阅读
温习过后，在大元村附近揾野食。见到美食广场四个字，咁就不如上去揾下啦。上到楼上，有好多铺头都已经关左门，就入左去「明新」试下。一入门口，一位应该系老板嘅人即刻走左出黎招呼我，带我到座位坐，仲讲左句「向E边坐吧，有电视睇」。刚坐下去，即刻有人拎左碗汤比我啦。(服务态度真不错)看看餐牌，就叫左个茄子肉酱焗饭，加杯冻菜蜜。之后，就慢慢品尝果碗南瓜煲猪骨汤啦。饮落去几清甜，不过就冇咩南瓜味，似饮猪骨汤多啲。不过饮得出系冇咩落到味精嘅，几健康，几好饮。最后，试埋碟茄子肉酱焗饭。一食落口，热辣辣，发觉啲肉酱真系我前所未试过咁好味，普通茶餐厅可以做到咁嘅味道，真系唔赞都唔得。茄子份量唔算多，细细条，啲肉酱入哂去都几好味。啲饭就好有咬口，我个人就很喜欢。总括而言，就真系啲酱汁系成碟饭嘅精髓所在。最抵赞嘅系，员工都能保持笑容，而且非常好客。老板见到有人系门口停低，都会出去招呼人，真系一个好老板。下次有机会我一定再黎食，茄子肉酱焗饭同你地嘅招待。
继续阅读