明廚

营业中

休息中

朋友知道我好鐘意食海鮮就推介我黎呢間老字號明廚平時真係冇諗過響旺角區食海鮮..最多都係小菜打冷..今晚一於同朋友黎食下..呢間餐廳有兩邊..仲有閣樓可以坐..好適合三五知己食小菜飲下啤酒一坐低就有店員好熱情咁招呼我地同埋介紹呢度既招牌菜..聽到我地都流哂口水仲見到有佛跳牆食果然唔簡單油浸野生筍殼魚首先原條放枱，之後會由店員幫手切開..切落去果下嗦嗦聲，炸得勁香脆店員切好後再幫我地淋上煮過既蒸魚豉油..平時小食呢款魚..估唔到淡水魚原來都咁好食冇平時怕既草泥味..Size大大條，食落啖啖肉，肉厚鮮嫩，好滑連埋魚皮食..勁香脆鹽焗泰國野生海花螺海花螺大大隻平時出面都小見呢種size 店員介紹煮既過程係用鹽焗熟海花螺過程冇加水..係利用海螺既水同鹽將佢既鮮味逼出嚟真係需要食材新鮮先做到好鮮味 又唔會死咸..食落鮮甜爽口重頭戲就係呢個火焰油鹽焗奄仔蟹喇用既係泰國𝗔奄蟹,比一般奄仔蟹再大隻啲由於係生焗，所以落單後製作需時約35分鐘店員介紹仲話保証開蟹後係隻隻爆膏先會上枱..黎到後，會倒入2款酒，倒一圈後再點火利用酒既香味將隻奄仔蟹既膏發揮到最香奄仔蟹既膏真係好香好爆..蟹肉鮮甜..雖然價錢要$4

位於旺角上海街的「明廚」，係一間鑊氣中菜館；餐廳主打多款招牌菜及鑊氣小菜，選擇多元化。無論係朋友聚餐或家庭飯局都適合招牌油鹽焗火焰A級奄仔蟹餐廳招牌名菜之一，每隻$438，選用A級菲律賓奄仔蟹，約10兩重，質素最高！以油鹽焗再火焰🔥視覺效果極佳～奄仔蟹肉多膏多，蟹膏相當豐腴且鮮甜，青膏黃膏都有，多膏之餘啖啖肉，蟹肉格外鮮嫩鮮甜油浸野生筍殼魚同樣係餐廳招牌菜式之一，選用泰國野生筍殼魚，每條約1斤半重，比一般筍殼魚更大，骨刺極少，肉厚又嫩滑，非常鮮味！用油鑊炸煮而成，外脆內嫩，淋上秘製醬汁及拌勻炸蔥絲一齊食，甘香惹味西蘭花炒帶子新鮮翠綠西蘭花，口感爽脆，加入大大粒珍寶帶子一齊炒，有鑊氣，鮮甜味美

今日去開旺角睇波鞋，行到攰喺附近搵嘢食，望嚟望去，都係呢一間中菜最為吸引，一於入去試吓先！先叫左一道主打菜：招牌油鹽焗火焰A級奄仔蟹，蟹身絕對係貨真價實，肉質實淨鮮甜，唔需要過分嘅調味都食到舔舔脷😋😋而且仲有埋視覺效果觀賞，記住預備定部手機啦！另一碟同樣叫左海鮮：油浸野生筍殼魚，不得不佩服師傅嘅功架，炸得金黃香脆，魚肉嫩白，亦都冇任何嘅油益味，食落可口滋味。無飯不歡嘅我，當然要叫多一碟瑤柱蛋白炒飯去配一配今晚啲餸菜。炒飯炒得乾身，瑤柱一絲一絲，非常之有鑊氣，而且份量都幾多。最後當然唔少得叫返一碟金銀蛋時蔬，湯汁清甜，當日蔬菜為白菜仔，食落爽甜。餐廳仲有好多海鮮款式，可以睇睇以下嘅菜單️

約咗成班靚太去食飯，朋友介紹明廚， 果然有驚喜，道道小菜都好出色， 絕對係香港人嘅味道。訂位時介紹有幾樣野要預訂，本身想訂佛跳牆但佢哋話我哋太少人食唔哂，然後推介金湯雞煲翅，真係冇介紹錯。仲未等齊人老闆話叫d小食先，冰火辣味魷魚好好食，仲有好驚喜有涼伴魚皮，而家真係好難揾到，好開心。我自己推介油浸筍殼魚，黃金涼瓜， 火焰奄仔蟹。朋友鐘意小炒王，豉汁蒸白鱔，避風塘粟米，其實樣樣都好好味，食物質素真係好有驚喜，真心推介俾朋友。下次一定要揾多啲人一齊去食佛跳牆😋

📎餐廳類別：中式小菜👉🏻👉🏻適合：朋友飯聚👭👫一家大細家庭聚餐👨‍👩‍👧‍👦🍽🪴餐廳環境：位置雖然都多 不過坐低有少少迫👨🏻‍🍳👩🏻‍🍳味道：基本上所有菜式都非常夠味📍推薦📍金銀蛋菜苗😍呢一個真係好出色 金銀蛋配埋肉碎滾出嚟嘅湯好正 配搭埋鮮嫩菜苗一流👍🏻椒鹽九肚魚個炸粉做到超薄 上到枱擺咗幾分鐘仲係熱辣辣熱到出現嗰隻😻咬落外邊超香脆裏面好軟身 比滿分👏🏻係我食過嘅少有好食另外魷魚都唔錯糯米飯都係誠意之作 配料好夠🤟🏻🤟🏻呢間小菜餐廳真係幾唔錯😻好食到一定會encore

雞煲&火焰奄仔蟹雖然價錢唔係好平…但係都值得一試👍因為啲菜式都炒好好味個雞煲真係好正arrrr～～～～雞肉好嫩🤤外皮煎到焦焦地🤤🤤超香口！！！！！！奄仔蟹第一次食！一啖咬落去🫣🤤🤤齒頰留香蟹肉飽滿 肉汁鮮嫩清甜👍👍👍👍啲蟹黃仲多到漏油🤣🤣🤣食到成手都係

好耐冇同d friend 去食晚飯，喺OpenRice見到食評幾好搵咗間叫明廚，大家聚一聚，到咗後唔知啲袋擺係邊，餐廳唔係太大，諗住擺喺凳背，有個員工即刻攞張凳俾我哋，叫我哋可以擺上去跟住攝喺枱底，唔好坐得咁辛苦。當我哋諗住叫餸嘅時候，有個夥計即刻介紹餐廳最拿手嘅小菜，我哋就揀咗好耐冇食過嘅，冰火辣味魷魚，唔係周圍都有得食嘅，油浸筍殼魚，胡椒膏蟹，我哋再加咗幾個小菜，見到雞煲翅好平$368 4 人份，即刻叫兩煲試吓。啲餸又幾好食喎，冇一樣嘢失望，食飽後仲要有個靚仔行過嚟問我哋啲餸得唔得，個個都話好掂，最鍾意就係雞煲翅，又平又足料，下次想食都可以再去encore，好耐冇去過一間又好食，又好服務嘅餐廳，掂啊

有朋友介紹去旺角明廚聚會，因為大家鍾意飲餐酒又知道明廚有靚杯啲小菜又好食梗係落去幫襯下啦。我同我啲朋友好鍾意食蔬菜，老闆就介紹水耕菜，台灣快菜炒新鮮牛肉同埋豆豉蒜蓉炒蕃薯葉，好少食到啲菜咁有味同埋咁嫩。佢話喺香港出品添，好好味！同埋唔少得用了十足嘅小炒王，啲腰果同埋炸銀魚多到滿瀉。最好味就係佢嘅油浸筍殼魚，好少喺出邊食到游水嘅相學語又滑又香口。老闆非常好人又靚仔送咗兩磯煮凍鮑魚我地食。鮑汁雞腳超級正，個煲仔熱辣辣啲雞腳入晒鮑汁味好難形容咁好味。佢嘅脆皮黃金涼瓜一啲都唔苦啲鹹蛋黃好香煮得啱啱好。最後嗌碟避風塘茄瓜，老闆話啲滑係大埔振興嘅墨魚滑，啲避風塘蒜蓉夾埋啲墨魚滑茄瓜真係超級正送走一流！

有一次凌晨揸車經過，見到佢仲有做外賣，就叫咗個乾炒牛河同鼓椒炒花甲返去宵夜。反屋企沖埋涼，隔左30分鐘食，個炒河都仲係好好味，由於有錫紙包住，個炒河唔會凍晒，而且一啲都唔油，炒得好夠鑊氣，我好鍾意食乾炒牛河，佢做得想當唔錯，好有驚喜！！花甲都好食，肉厚亦都無沙，連d配菜青椒洋蔥都好入味，我食下食下都唔覺意成盒清唒！老細話外賣到凌晨一點半，如果夜咗想食宵夜，真心推介！下次我一定同班朋友去食晚飯👍🏻

回味只因真係好味道同夫君都覺得要一去再去出咗羊腩煲更係要試啦唔單之好食仲要啲羊皮整得好乾淨出面好多餐廳整嘅都無清乾淨啲毛毛好多都唔會食個皮因為太多毛毛要扔呢間食得好安心再要試埋冰火尤魚上次見到好多人叫已經好想試不過眼闊肚窄未食到今次唔係唔食呀！尤魚好爽囗不過對住我哋兩個辣人下次要試下叫佢再加辣先得再辣啲就更完美啦仲試埋個辣花甲同炸多春魚可惜掛住食又唔記得影個多春魚比大家欣賞其實仲有好多嘢都想試又要等下次機會由東涌再出城先得啦

本身住香港區，我個朋友極力推薦明廚，呢個朋友非常腌尖介紹得嘅一定有啲料到。老實講我不嬲都好怕去小炒大排檔，因為全部都用垃圾袋做枱布，坐膠櫈又冇得挨。不過呢一間真係有驚喜，雖然位置唔大但係環境非常乾淨，用白枱布，張凳仲有得嗌添啱晒我。一坐低個夥計就介紹佢哋嘅名菜，我個心笑出嚟呢間咁嘅餐廳都會有名菜佢就指咗張枱墊介紹我食涼拌花甲，鹽焗花螺同埋油浸筍殼魚，又話乜嘢水耕菜。不過呢幾樣嘢我都冇喺去過啲大排檔度食過。真係有驚喜啲花甲一啲沙都冇，味道好醒胃，有少少辣送啤酒一流。鹽焗花螺，呢個仲犀利唔知道點樣搵到啲咁大粒嘅花螺，我都冇喺街市度見過咁大粒嘅何況喺食肆。鹽焗真係好好味因為保留左海鮮嘅味道咁大粒又唔會韌有咬口幾好味，真係覺得好神奇。筍殼魚亦都做得好出色，出邊卜卜脆入邊就好滑好鮮甜。佢哋話唔係間間都有游水嘅筍殼魚食。真定假我就唔知啦但係我見到佢真係喺出邊有幾條活魚喺度。夥計仲幫我開埋條魚，啲服務態度我從未試過喺第二間大排檔度遇到咁好。水耕菜夥計話香港種值，有機唔化學肥料，食落我覺得同一般出邊食開嘅菜冇乜太大分別佢話健康啲心理上覺得好啲囉。不過我都未聽過食肆有得嗌水耕菜。下次一定會再嚟希望香港區

我諗呢間野真係一間疫症底下嘅奇葩。咁樣服務咁嘅質素咁嘅價錢真係希望各位食市老闆學習一下，首先我買咗一斤賴尿蝦一斤花螺諗住入去加工。呢間嘢開6:00PM,我5.59pm入去。佢啲夥計話未夠鐘開門喎。咁我唯有喺出邊等, ok因為係高檔食肆呀嘛所以咪早一分鐘都唔俾入囉。好啦終於有機會入到去坐低拎咗兩樣嘢俾佢加工。 出到嚟啲賴尿蝦咸到爆炸。啲花螺用水灼熟冇投訴啦因為都冇味。好啦咁另外叫多幾樣餸一個炸豬手得幾片一大浸油嗌味。一個酥炸生蠔我唔知佢係的粉係出現問題。抑或係唔識做個脆漿。隻生蠔難食到爆嗰啲脆漿我吐返晒出嚟 另外叫咗個椒鹽豆腐啲豆腐可能有少少為有一浸酸味。我哋三個人兩個加工再食三個餸飲咗五罐忌廉最後埋單$1011唯一值得一讚係佢嘅忌廉真係有忌廉嘅味道同埋都真係凍嘅。呢間嘢真係好嘢絕對係一個逆市奇葩難怪可以喺旺角屹立不倒咁多年咁樣嘅疫情底下都仲可以生存到所以我要寫呢一篇食評第一個good呢個老闆

爸爸生日就帶佢去食好西啦，揀咗呢間明廚，係openrice見到啲相已經好吸引，去到完全係我最愛嘅環境同食物。叫咗五個餸再外賣多個炒飯攞走，火焰蟹（超大隻初初以為BB蟹點知仲食剩要打包，一人半隻已經好夠），雞煲翅（真材實料超甜，啲翅分開比你見到唔怕貨比貨），鹽焗花螺（好爽口味道剛好），芝士龍蝦伊麵（呢個都好正幾舊水抵食到爆），外賣多個闊少爺炒飯（雖然未食但開蓋見到個樣已經好正有蟹膏係上面，老闆話有翅添呀!）。樣樣都好好味，所以不得不叫多個外賣。除咗食物有水準，服務一流員工又勤力成日換碟，老闆仲好nice好多親切，人性化local店舖已經攞哂分!下次一定會再黎食過，東涌專登出黎都值得～

推薦：⭐黃金涼瓜厚厚的金沙完美的包裹著每一件涼瓜，一口咬下去，鹹香，非常鬆軟，感覺入口即化！裡面的涼瓜熱辣辣，仍保持清爽脆口，非常輕的甘味，和香口的外皮剛好作中和，不油膩。⭐薯仔牛柳粒先吃口薯仔，外表蜜糖般甜，內面軟熟熱騰。牛肉外面也是甜甜的，燒烤般的香口，絕對吃出鍋氣！可一試推介：👄冰火魷魚水魷一貫爽口彈牙，調味濃郁，是不錯的佐酒小吃。其他：⚜️麻辣雞煲偏鹹，但還不錯。⚜️木耳青瓜正常發揮。⚜️白鱔不算肥美，但也可以。⚜️椒鹽九肚魚九肚魚沒有其鮮甜，有點失望。

明廚已經變咗做我哋嘅食堂，每個禮拜都一定去一兩次，啲食物水準高，服務一流，喺旺角區基本上係獨一無二。適逢朋友生日，問吓靚仔老闆有咩特別推介。老闆話原來可以訂佛跳牆！不過要五日前預訂，我哋二話不說即刻叫佢幫我哋訂。佛跳牆其實而家好少地方有得食，之前食過富臨都係一般般，所以非常期待。眨吓眼就已經一個禮拜後，大家都興高采烈參加佛跳牆的約定。訂咗12位點知臨時有個friend確診，我哋11個照食。我只可以用三個字去形容 - 正正正🤤。不單止非常足料（超過20種材料），啖湯原來燉足五日，清得嚟又充滿膠質，會黏住個嘴！好有層次，真係非常好飲！我飲咗起碼五碗🤭 再食埋啲海參、魚唇、乾鮑、花膠、真係一支支嘅排翅，都飽咗七成！之後再叫咗幾個小菜餸吓酒，大家都非常滿足🥳 雖然唔係平，但係真係物有所值，落足心機嘅手工菜。食過返尋味，下次有friend生日我哋一定會再捧場🙌🏻