明廚

营业中

休息中

好不容易約好一行八人去晚飯飲杯，一早經openrice訂枱，知道而家只可以食到十二點，所以諗住一早六點食可以坐耐啲，點知飯前20分鐘明廚打嚟話要九點鐘交枱，而且態度非常之惡劣，本來想轉場，但臨急臨忙去邊度搵地方吖，加上我哋八個人，可能明廚就係諗住咁樣焗我哋，無耐唯有去到埋論，最後應承我哋十點交枱，但到九點又要埋單九點半就被趕走，仲要話從來無應承十點交枱，呢種做生意手法真係有問題。最後有個類似老闆嘅女人，話因為我哋係用openrice訂枱所以係有時限，但我話我扒晒文都見唔到有時限喎，咁佢更係無理我啦，仲叫我下次電話訂枱喎⋯⋯癡線，仲有下次咩！不過想問下而家係咪用openrice訂枱會有不公平待遇呢？咁明廚仲做乜join openrice呢，咁樣會影響openrice嘅聲譽喎，希望openrice可以正視問題，如果唔係仲有仲點會有人信openrice 嘅內容呢。

一入去安排我們坐另一間鋪位，坐抵好大陣廁所味，本身有D想走，但又諗住一塲嚟到就試吓。想叫野，等極都冇人行入嚟，要去另一個舖位叫人入嚟先可以叫到。茶都冇杯飲，只俾D勁熱的滾水比你。只好叫支啤酒飲下，叫左三個字都冇嚟，要再叫先嚟到，服務真係冇！兩個人點了五個餸，D餸都好細碟，小炒皇勁咸和勁油，重話係必叫的食物，真係唔係好啱食。豉油皇炒麵勁油，吃完勁口渴，D蜆好少，但算係最好食！兩個人吃左七百元，極唔抵！

夜晚放工行到上海街明廚，佢做開夜市但係現在夜晚禁堂食，見佢門口擺咗個推介食品睇落好似海南雞飯，但係個名就叫夜鬼雞飯，事事旦旦就買來醫肚，點知喜出望外，啲雞飯好香軟、啲雞好嫩滑，最正係啲汁，老闆話係泰式味道，食剩唔捨得倒！仲有個魷魚好值得一讚，以前細個喺灣仔食過好入味嘅魷魚，之後搬咗嚟九龍去過好多餐廳食魷魚都食唔返個味道，30年了居然俾我响明廚搵返個味道，很入味好食，真係非常感動，所以今日喺度一定要俾個讚你！

經過呢間餐廳好多次，一直以為係簡單嘅小炒菜館，但係完全超乎想像，實在太過驚喜！首先要講嘅就係我食蟹食得多，奄仔蟹亦都食好多，但好少見到咁大隻嘅奄仔蟹，而火焰奄仔蟹真係見都未見過，以為係gimmick嘢，完來係好堅，酒香令到成件事昇華，正宗太監騎駱駝🐫！10/10再嚟一個瑤柱扒豆苗，啲瑤柱係靚嘢，仲多到爭啲連啲豆苗都睇唔到，性價比高👍🏻 9/10最尾嗌咗個乳鴿，皮脆肉嫩，正！不過等咗好耐，個waiter話因為爆場🤷🏻‍♂️ 8/10整體嚟講喜出望外，一定會再返嚟幫襯👍🏻

今日天氣凍凍哋，去咗明廚食羊腩煲同金湯雞煲翅。最近試咗好多唔同嘅羊腩煲，佢哋嘅羊腩煲足料好味，羊腩一啲都唔「蘇」，正！金湯雞煲翅餐牌寫係四位份量，我哋五個人食好夠食。雞湯夠晒濃郁，牙楝翅真材實料，又抵食又好食，推介👍🏻

結果明廚真係變咗飯堂，差唔多個個禮拜都去，就算唔堂食都會嗌個外賣食吓。我覺得最近嘅出品仲越嚟越出色，忍唔住問吓個夥計究竟係咩一回事？係咪轉咗廚房班底？原來最近有新股東加盟，進行大改革，推出好多新菜式，又大大提升廚房出品嘅穩定性，難怪越嚟越好食。不過呢個都係題外話，進入正題。我自己好鍾意食海鮮，尤其係蟹。奄仔蟹食過好多，一般都係食流浮山奄仔蟹，唔會好大隻，不過蟹膏夠多。點知佢哋最近推出酒糟火焰A級奄仔蟹，我嗰日得自己一個，本來想嗌外賣，但係個夥計話外賣冇火焰效果，堂食先好食，我就二話不說坐低咗，要一試佢嘅真偽。佢哋嘅奄仔蟹係喺菲律賓拉戈諾伊灣空運過嚟，原來嗰度嘅蟹產量唔多，香港佢哋獨家，聽落已經相當吸引。上到枱真係非常誇張，係大得誇張，我粗略估計有十一、十二両！膏，全部都係膏，我食蟹食咗咁多年，依家先知道乜嘢叫做真正爆膏！但原來表演仲未正式開始，個夥計攞咗三支唔同嘅酒過嚟，每一支都落唔同份量，斟埋一齊喺一個玻璃壺入面，再倒入個奄仔蟹煲入面，然後點火！酒香撲鼻，火高三丈，非常精彩！幾隻酒嘅香味薰落蟹膏度真係好夾，極之好味！我再問夥計究竟佢落咗啲咩酒？點知老闆過嚟同我傾偈，話成份唔可以透露，

朋友話呢度嘅羊腩煲好好食，推介我過嚟食呢間，服務同食物質素都比我想像中好好多。🤩侍應會不斷幫我哋斟茶，服務我哋嘅時候都好有禮貌，係一間好貼心嘅餐廳。😍食物質素真係唔錯，羊腩煲唔單止冇蘇味，羊肉嘅味道都非常出。加上佢嘅汁都唔會太濃，為羊肉增添味道之餘又唔會搶味，送飯一流，非常推介！！！ 🥰我地都叫左其他小菜，都好有獲氣總括嚟講都推薦大家食呢間，唔單止坐得舒服同服務都好貼心，食物質素都非常好👍🏻

當日無book枱，膽粗粗走去walkin試下，好好彩最尾有位，但就要9:30前交。有一位四眼哥哥帶住上樓，佢仲介紹一啲嗱手小菜，最後叫咗四個小菜就過左一個晩上。先黎一個冰火魷魚，好爽口彈牙，越食越辣！十分野味。再叫左一個冰震花甲，食落好有泰式風味。再者叫左份黃金魚皮，上枱已經嗅到好大陣蛋黃味，食落不得之了。最後當然點小得第一炒，送酒一流！

喺朗豪坊行完街同班朋友去食宵夜，喺OpenRice search 到呢間明廚，就係朗豪坊斜對面，即管試吓。同行6人，一致認為好食。食海鮮、廣東小炒，飲返杯冰凍啤酒好地方。佢哋嘅火焰奄仔蟹係必食推介，大大隻爆哂膏，油鹽煱再加酒香味，真係好食😋之後再給叫咗幾個小菜，馬友煎肉餅好香口，好彈牙我估計應該係加咗墨魚膠。唔會太鹹，不過缺點係要等好耐，吹左兩次先有得食。佢哋個明廚第一炒（即係小炒王）都好有特色，加咗炸銀魚仔，足料。最尾仲叫咗個蒜蓉粉絲蒸扇貝，一個字正！簡單得來夠晒大隻，新鮮好味。🤤 不過又係等得比較耐，可能星期六晚人多，我哋又趕住去下場係咁催菜，啲侍應都好有禮貌冇黑面🤣。係整體來講非常高質，價錢合理，會再返嚟幫襯👍🏻

呢間嘢成日爆我建議一定要book位。Book位嘅時候我順便留定奄仔蟹同埋筍殻魚，因為上次嚟兩樣都賣晒，今次終於食得到。首先叫咗個加拿大A蚌刺身，真係好新鮮，食落好爽甜，好好味。諗起都有啲想再食😋10/10奄仔蟹佢哋轉左做法，依家變咗火焰奄仔蟹，不過都係油鹽焗。初時以為呢個只係噱頭，食落原來真係有分別，香好多！我俾佢9.5/10筍殻魚亦都係佢哋嘅招牌菜，完全冇失準，夠晒大條又脆口 - 9/10。最後仲叫咗隻乳鴿，之前佢哋用BB鴿，今次大size咗好多，皮炸得好脆好好食，都係高質，不過可能大隻咗入面啲肉唔係好夠入味 - 7/10。

最近搬咗去旺角，試咗好多間區內嘅餐廳佢真係一般般，好想搵啲有大排檔風味有鑊氣嘅小炒，終於皇天不負有心人，俾我搵到呢間明廚！本來睇到下面個劣評有啲淆淆哋，戰戰兢兢咁入去，原來完全冇問題，仲正到爆！我哋八點未夠去到，全場爆滿，我一見到諗住呢次死啦冇得食，點知我個friend舉手話book咗位！原來佢嚟過，知道成日都爆棚，好彩有佢！坐底失嚟咗兩個「醉佳伴侶」（佢餐牌係咁寫）冰火辣味魷魚同冰鎮花甲，諗住未齊人送吓酒，點知已經有驚喜！上海街冰火果然有料到，凍凍哋辣辣哋好過癮！冰鎮花甲已經飛咗半殼，方便！酸辣適中，一啖啤酒一隻花甲，一碟眨吓眼食晒，忍唔住encore多一碟。之後叫咗五隻椒鹽賴尿蝦，成$268一隻本來覺得有啲貴，點知嚟到手臂咁粗，我諗最少有一尺長，夥計仲幫我哋拆埋肉！彈牙、鮮味、香口、真係冇得彈！小炒正宗夠晒鑊氣，啫啫通菜煲上到枱仲「揸」緊，滾熱辣，色香味俱全！不過同枱有個朋友話略嫌有少少鹹，但可能自己飲開酒重口味啲又覺得啱啱好。豉椒炒蟶子皇，蟶子皇大大隻，恰到好處唔會韌。最後芝士龍蝦煎米底仲精彩，隻龍蝦靚夠新鮮爽口基本嘢一定要，但係個煎米底先至係亮點！又香又脆又乾身，不過缺點就係要

重點😂😂:登登登登, 竟然呢間爛9茶餐廳要收加一真係吹到啤一聲😂😂 第一次嬲到寫食評經過旺角， 見佢門口好多生猛海鮮， 於時walk in入去， 見價錢中規中矩叫了1. 1小隻避風塘瀨尿蝦 $268貨真價實真係有尿味， 非常細隻，空心的2.蒜蓉粉絲蒸聖子$168 4隻擦子膠口感 ，沒有鮮味3.蒜蓉粉絲蒸扇貝 $116兩隻沒有鮮味 咬落去 只有霉爛的感覺總結: 海鮮食材差都算重點:登登登登, 竟然呢間爛9茶餐廳要收加一真係吹到啤一聲

朋友提議食呢間小菜, 仲同我講要指明坐樓上因為無訂枱, 原本安排唔到樓上座位, 但最後侍應都應我地要求代為安排如果坐樓下近魚缸位置，　非常腥臭，　有點難接受侍應推介咗幾款海鮮比我地，有凍蟹，瀨尿蝦同花螺，凍蟹佢話比出面潮式鋪抵，＄800　隻，佢 show 咗比我地睇, 都好大隻嘅，但由於太貴，我地無叫揀咗2隻瀨尿蝦　＄298　同花螺　＄250瀨尿蝦果然巨型，　仲會幫手剪開方便吃, 避風塘做法夠香口花螺侍應推介用鹽焗做法，　之前一直未試過, 估唔到又不錯，好大隻，　食到鮮味又帶輕微咸, 比起其他做法蓋過咗原味來得更恰當最後埋單都有點意外，　佢地嘅材料的確靚，但如果呢個價錢，　我會選擇去酒樓，　至少都坐得舒服Ｄ

好食既地方，一定要介紹比朋友，gogogo今次一行五人，我哋決定慢慢吹吹水，慢慢食，所以每次叫三兩個餸。叫左鮑汁豬皮鳯瓜，靚女老闆娘解釋咗，見唔到啲豬皮係因為已經煮溶咗，所以食既時候就感受到啲gel 口😆網炸春卷，乾爽、唔覺油。小炒皇，多料、大碟、惹味，好送酒。乾煎花竹蝦、好好味、好香口，連殻都脆😋筍殼魚、大大條、香口、唔過火，正。

朋友介紹，一於去試試。訂咗枱，去到全場都坐滿人，好在有空間，都唔太嘈。預咗一邊食一邊飲下啤酒，所以食物都幾個幾個咁叫，分段上菜😉椒鹽豆腐，炸粉唔厚，不過不失。小炒皇，多料、夠味、夠份量，好送酒。炆鳳爪，好入味，好食，有驚喜👍🏻干炒排骨河，正正常常，唔太油利棉醬唐生菜，唔錯上湯娃娃菜，嫩口炸豬手，皮脆、香口，好味炸魚皮，鬆化，正。筍殼魚，肉嫩、外皮炸得剛剛好👍🏻椒油皇炒麵，夠乾身，加上芝麻，好香口最失望嘅食物係麻辣水魷魚，好淋、口感一般。侍應生都好禮貌、有耐性介紹食物，一間外觀一啲都唔特別既餐廳，整體都唔錯。