明廚

营业中

休息中

今日黎到旺角一間好有心思既小菜館，係正朗豪坊斜對面，夠曬方便。餐廳唔算大，但都算舒服！點解話佢有心思呢？睇菜牌見到食材介紹，都知道老闆係用心挑選過，蔬菜都係選用香港既無公害水耕蔬菜。🔹火焰奄仔蟹 $438菲律賓既奄仔蟹，蟹身非常大，膏多肉厚。首先用鹽焗熟先，上台時加入玫瑰露酒，點燃火焰，整道菜色香味俱佳，讓人十分驚艷。火焰都唔係普通效果，而真係可以逼左玫瑰露酒既香味入蟹身度！🔹 油浸野生筍殼魚 $380餐廳每日新鮮到店的泰國野生既筍殼魚，肉质厚实鲜嫩，據稱係河魚界既石斑。野生筍殼魚肉厚沒有骨。油浸的方式令魚肉更加鮮美，口感極佳。🔹涼拌花甲皇 $168店家只選用花甲公，肉質非常嫩滑，沒有筋，搭配上酸酸辣辣的調味汁，口感非常開胃。🔹鮮牛肉炒台灣快菜$168快菜遮係潮州白菜，水耕既菜菜味比較濃郁，而且好爽脆！牛肉都好大塊，好食的

相信大部份人都會經過這間店鋪, 然而鋪面沒有五光十色奪目耀眼的招牌, 亦沒有長長的人龍排著隊, 餐廳內當然沒有讓人心動的裝潢, 所以被忽視也是理所當然 😅大概因為我們人較多, 侍應帶我們去另一間店鋪的上層, 上面有兩張可容納八人的桌子。油鹽焗火焰奄仔蟹 $438一隻奄仔蟹上桌時相當驚豔, 侍應點火時, 大家嘩然, 我更退後了一步。看著熊熊烈火, 視覺效果一流! 😁 蟹肉, 蟹膏都非常多, 而且鹽焗使蟹殼都略有咸味, 很美味, 很滿足! ☺️脆皮牛坑腩 $128牛腩外皮脆炸, 儘管如此肉質仍然很淋🥩, 部份牛腩黏上少量肥肉, 非常均勻。本身牛味濃, 普通吃一口已經很滿足, 加了蛋黃沙律醬倍加滋味!!👍🏻金磚脆皮豆腐 $88豆腐外脆內嫩滑, 咬下去會有咔察咔察聲音, 滿有口感。下單後師傅即煮, 送上來時還是熱騰騰的, 椒鹽份量剛剛好, 帶點辣味, 至今仍是再三回味。闊少太子炒飯 $238飯跟松露醬分開上, 松露醬都未免太少了。炒飯乾身且粒粒分明, 加了蝦, 魷魚等材料, 味道可算不錯。瑤柱蝦乾粉絲雜菜煲 $108不知道是否剛吃了鹽焗蟹, 雜菜煲味道偏咸, 而且雜菜煲沒有什麼賣點, 感覺一般般

踏入夏天，又到蟹季，被🔥火焰鹽焗爆膏奄仔蟹🦀吸引，呢隻🦀奄仔蟹相當大隻💪🏻，用油鹽焗嘅方式整。用♨️鍋上，然後上枱時有🔥火焰效果， 過程賞心悅目之餘，🔥火焰後🦀奄仔蟹有酒香☺️青蟹膏甘香軟滑，入口柔軟細膩，滿口膏香，香不膩，蟹肉細嫩鮮甜，絕對是我的至愛🥰涼拌花甲皇👑呢個花甲好好食，冇沙，同埋份量都唔小，賣相唔錯，味道酸酸辣辣的醬汁加上涼拌， 非常開胃😋香煎鹹魚肉餅 鹹香惹味、 唔會太乾仍然有肉汁🐮牛肉炒通菜🐮牛肉分量都唔少而且通菜好有鑊氣🔥

成班朋友聚埋一齊去邊度晚餐好？依間主打海鮮小菜嘅粵菜餐廳有好多獨特同少見菜式，最吸睛一定係招牌油鹽焗火焰A級奄仔蟹，嚴選A級9-10兩重嘅靚蟹呢！上枱有驚喜嘅點火效果，蟹肉鮮甜厚肉，蟹膏仲好甘香。另外油浸野生筍殼魚好大條，炸到超香脆的，魚肉好滑又保持到嫩度！愛酒香嘅一定要試火焰斷片海中蝦，除咗上枱會淋上玫瑰露酒外，煮之前都浸過酒所以愈嚼愈香，蝦肉又新鮮夠爽彈。另外脆皮牛坑腩都係超少見，炸衣內係好腍嫩又重牛香嘅牛坑腩，仲有特製嘅芥末醬蘸完減膩，味道更昇華了。酥炸美國桶蠔每隻都十分飽滿，一咬爆汁又鮮甜，一食就知用料新鮮。招牌九制陳皮骨味道又係好特別，陳皮味都幾出，無乜違和感。小食必點冰火辣味魷魚，小辣過癮肉質彈牙。冰鎮花甲王調味好開胃，酸辣好惹味啊！避風塘粟米香甜滿滿港式風味。每道菜都做得好好，部分仲驚艷到我地，唔馬虎㗎！唔怪得見到同場都好多熟客啊！

我朋友好中意今中菜，今日佢生日，一於食中菜！明廚主打海鮮同鑊氣小菜，我地叫左1️⃣油鹽焗火焰奄仔蟹呢個菜式製作需時，上菜時都令我哋好驚艷，首先隻蟹勁多蟹膏，店員點火嗰一刻，我哋都嘩咗一聲，視覺效果一流，太啱打卡啦奄仔蟹超過二分一都係膏，好香濃，入口綿密微甜，正！蟹肉都好細嫩，帶鹽焗嘅微鹹，好美味，下次食都要叫！2️⃣油浸筍殼魚估唔到條魚咁大條，炸得金金黃黃，店員會幫我哋用匙羹開咗條魚，等我哋可以好容易食到裏面鮮味十足嘅魚肉，口感清甜，好嫩滑，入口即化。魚嘅外皮好香脆，令到呢道菜式食落有多重口感3️⃣豉椒炒花甲皇上菜嘅時候熱氣騰騰，好有鑊氣，蜆肉鮮甜彈牙，帶微辣，好惹味4️⃣椒絲腐乳小唐菜 份量好多，每一條菜都裹滿咗腐乳，撈飯食一流5️⃣白飯叫左咁多美味嘅菜式，叫碗白飯撈汁食都正6️⃣飲品方面揀左加多寶，清熱解毒7️⃣前菜係花生，好香好脆，我地食到一粒都冇剩🤣餐廳啲食物質素真係好OK，仲有勁多款小菜同生猛海鮮想食，可惜今次得兩個人食，下次要約齊班friend嚟食大餐先得！

餐廳位於旺角上海街，與朗豪坊只係一街之隔，地點都算幾方便。主打海鮮及粵菜，尤其有幾款特別推介嘅海鮮都幾吸引，包括我都有點選嘅火焰奄仔蟹及野生大荀殼魚，另外，避風塘炒泰國瀨尿蝦及鹽焗野生花螺都係重點推介菜式。招牌油鹽焗火焰A級奄仔蟹 ($438): 視覺效果一流，雖然奄仔蟹一早已鹽焗好，但最終加上料酒再點火，燒大概一分鐘，香味四溢之餘，仲非常搶Fo......奄仔蟹出名多膏，呢款仲要大大隻爆曬膏，火炙後非常鮮香，蟹膏及蟹肉均鮮甜，肉質亦夠爽實。油浸野生大荀殼魚 ($380): 話係油浸不如用「生炸」一詞，荀殼魚並不常見，我都係第一次食，查找資料後發覺其貌雖一般，體型圓厚但外觀好比鯰魚。重約一斤半，荀殼魚魚肉較厚身，但魚骨相對較少，經油炸後，外脆內嫩，魚肉幼嫩鮮甜，魚頭連半點腥味都無，兩個人食呢條魚都食到半飽。順德生煎白鱔 ($198): 白鱔有十多件，全為白鱔嘅中後段，並唔係頭頭尾尾，自己去街市買都要一百幾十蚊唔係講笑。白鱔外層微脆，肉質爽滑，夠新鮮，亦唔需要太複雜嘅調味，味道鮮甜，原汁原味！

支持小店系列！今日有慶祝活動，黎番個全海鮮宴獎勵下男朋友☺️ 餐廳乍眼一睇，裝修簡單，其實五臟六腑俱全，仲有打卡同味道兼備嘅特色菜式🤤🦀招牌油鹽焗火焰A級奄仔蟹🔥-來自菲律賓嘅A級野生奄仔蟹-油鹽焗再加玫瑰露酒作火焰，打卡效果💯-大量蟹膏，鍾意食蟹膏的人有福了～-蟹肉味道鹹香，鮮味突出🦀油浸野生筍殼魚🔥-來自泰國嘅野生筍殼魚-份量十足，啖啖肉-外層香脆鹹香，內裡肉質仍保持鮮嫩香滑-配上秘製醬汁，味道更佳-影相後店員會幫手切件，食得方便🦀涼拌花甲皇 -集鮮、香、辣、酸於一身，複雜味覺享受-重口味人士適用🫣-個人口味，酸度減多一兩分比較好🦀蒜蓉粉絲蒸蟶子皇🔥-超級多既蒜泥😍每啖都係享受！-粉絲吸收晒醬油同蒜蓉既精華，極邪惡😍見到隔籬枱叫咗醉蝦，視覺效果更驚人🤯 海鮮用料新鮮，款式齊全，適合一家人聚會。

喜歡吃海鮮的朋友有福了，位於旺角的明廚搜羅各地海產，由當地直送香港，多種活海鮮等待海鮮控來品嚐，明廚把野生筍殼魚和菲律賓拉戈諾伊灣奄仔蟹做成一道又一道美味佳餚，讓人留連忘返。明廚的油浸野生筍殼魚採用泰國的野生筍殼魚，野生筍殼魚碩大無比，足足有一斤半重，野生筍殼魚肉厚少刺，肉質細緻，最適合油浸烹調。油浸有別於油炸，不是一口氣將野生筍殼魚炸熟，而是在油燒至七分熱時，將輕敷薄粉的野生筍殼魚下鍋，即刻熄火，讓野生筍殼魚在油中浸泡，待油溫變低，再開火加熱，再油溫回升時再度熄火，如是數次，把野生筍殼魚浸熟，鋪上蔥絲，均勻澆以熱油，那就完成油浸筍殼魚。油浸野生筍殼魚油浸成漂亮的金黃筍殼魚橋，油浸後，香脆的外皮襯托魚肉的鮮嫩，油浸野生筍殼魚沾上特調豉油，鹹甘鮮香，下飯一流。油浸野生筍殼魚魚肉厚實，外酥脆內柔嫩細膩，嚼感毫不乾硬，朋友直言很久沒吃過這麼好吃的魚。招牌油鹽焗火焰A級奄仔蟹店員開始先倒入英國玫瑰酒及中式的玫瑰露，讓奄仔蟹更加香氣撲鼻，接著以火槍燃點火苗，達到火焰的效果。不誇張，專人在桌邊服務的時候，別桌的客人都會投以羨慕的眼光，所以大家來明廚的時候，記得先點招牌油鹽焗火焰A級奄仔蟹，這樣到時

成日聽到身邊朋友介紹明廚，但咁耐都無去食過，早兩日去搬新居嘅朋友，咁岩就係明廚對面，我地點會放過依個機會。一坐定已經俾佢地嘅四大名菜餐牌吸引住，四大名菜都以海鮮為主，我地問店員有咩推介，佢話油浸野生筍殼魚一定要食，另外我地再點左招牌油鹽焗火焰A級奄仔蟹。兩款招牌菜式製作需時，所以大家要盡早點。招牌油鹽焗火焰A級奄仔蟹餐廳用上菲律賓奄仔蟹，有無蟹膏？都唔洗我多講，上枱後店員加入花雕同特殊玫瑰露再點火，有視覺享受之餘，同時提昇奄仔蟹的香味，肉質更鮮甜。油浸野生筍殼魚原條上枱看似平平無奇，但其實每樣細節都好對版，包括佢送上枱嘅豉油，在店員為大家切開期間，會聽到魚皮嘅酥脆聲，見到魚肉嘅滑嫰程度，就知道你將會食到一道美味嘅招牌菜，佢地用上泰國野生河魚，鮮味定必十足，但佢地煮法極之出色，用少量炸粉都可以令魚皮炸得非常酥脆，同時保持到嫰滑嘅肉質，而佢地嘅秘製豉油同依道菜相當之夾，入口唔鹹。金磚脆皮豆腐店員問點解我地會識點依道菜，依道都係佢地另一道拿手小菜，佢地係用壹品豆腐製作，外脆香脆之餘，裡面的豆腐都特別香口細滑。豉油王炒麵炒麵係我最愛，炒面最緊要炒得夠乾身，有鑊氣，色香味俱全。啫啫通菜煲煮得好夠

今日出旺角搵朋友，朋友帶我去食好西，雖然地方細但都坐得舒適，燈光又明亮。火焰A級奄仔蟹，奄仔蟹來自菲律賓出面買唔到，制作需時需要耐少少。奄仔蟹超多膏一見都流口水，店員淋上玫瑰酒之後再點火，提升蟹的鮮味，蟹肉好結實，蟹膏好香濃，蟹好大隻，好新鮮又鮮甜。油浸野生筍殼魚，筍殼魚原條炸炸到好香脆，再淋上蔥花，配上自家醬油更加突顯筍殼魚的鮮味，魚外層好鬆脆，魚肉厚嫩滑又鮮甜，店員好細心幫我地切一塊塊方便食，切落去果下卜卜脆又香噴噴。黃金魷魚，外層粉唔會太厚，加上用咸蛋黃炒好香好好味，魷魚又爽口又新鮮。牛肉通菜，通菜炒到剛剛好，牛肉嫩滑牛味香濃，又夠味道。前菜花生好香又鬆脆。

朋友介紹我嚟呢間位於朗豪坊附近嘅中菜館，話佢地個招牌菜式「上海街火焰蟹」同「油浸野生筍殼魚」都係同樣咁出色；餐廳環境潔淨，光鮮企理，估唔到上海街都有咁企理嘅中菜館，果然無介紹錯。食得鑊氣中菜小炒，啤一啤自然係不二之選，啤酒夠凍，爽皮；花生亦都非常香脆，等朋友嗰陣用嚟解饞就最好不過。涼拌花甲王，花甲隻隻都好大隻，而且非常之新鮮，肉身飽滿，涼拌汁本身帶有微酸，相當開胃，以花甲本身嘅鮮甜味嚟襯托蒜頭辣椒同埋芫茜，非常出色。麻辣雞煲，雞肉嫩滑，醬香味濃，配以芹菜、紫洋蔥、芫茜同埋辣椒，非常惹味。上海街火焰奄仔蟹，呢道招牌菜以油鹽焗A級嘅野生菲律賓奄仔蟹，每隻約10兩重，蟹膏鮮香，質感軟棉 creamy，侍應放低咗隻巨型奄仔蟹之後會倒啲酒再點火，具賣相之餘亦都能夠令到酒香更加揮發，令到啲酒味入落啲蟹膏度，餐廳用酒混和咗天津玫瑰露同埋英國嘅玫瑰酒等等嘅好幾種酒，嗰隻香味真係前無古人。油浸野生筍殼魚，餐廳用上泰國野生筍殼魚，每條重約斤半，比一般筍殼魚厚肉，再配上秘製醬汁，廚師巧妙地用咗一個拱橋形嘅劏魚方法，令到魚嘅肉身更加舒展，賣相更為吸引，就咁用筷子撩開已經感受到佢嘅炸漿係幾咁薄幾咁香脆，係食到最

呢間旺角小炒有多款招牌菜，海鮮、肉類樣樣都大碟又好食😋 餐廳菜式小炒有大排檔風味，但係呢度嘅環境就舒服好多。叫咗兩款呢度嘅四大名菜，另外再叫咗其他特色小菜。▶️招牌油鹽焗火焰A Cup奄仔蟹🦀呢個奄仔蟹相當大隻，用油鹽焗嘅方式整。用鍋上，然後上枱時有火焰效果，火焰後奄仔蟹有酒香☺️蟹有好多金黃嘅膏，好好味。蟹多肉鮮甜。▶️油浸野生筍殼魚🐟店員話呢個筍殼魚係每日新鮮即整，所以魚味特別鮮甜。油浸方式整到魚嘅外皮脆脆，入邊魚肉綿滑，大條抵食！▶️豉椒炒蜆好耐冇食過豉椒炒蜆，呢度嘅蜆用上花甲王，而且一啲沙都冇。大隻又鮮甜。非常惹味，而且越食越香辣。▶️蒜蓉炒白菜蒜蓉味超級香，白菜爽口有鑊氣。

第一下聽到去上海街食飯，心諗嗰邊有什麼好東東食呢？但朋友們都鍾意食，總是捐窿捐罅揾好野食，所以大家都投信心一票，帶個人，準時出席。明廚裝修設計不起眼，但地點勝在方便近地鐵站。一行8人閒日7點半到，餐廳竟然滿座！！！好彩有訂位!!!冰火辣味魷魚那濃稠的醬汁好惹味，魷魚沾滿汁，口感冰凍爽脆，辣味慢慢滲出。金磚脆皮豆腐小小一粒，外皮做得輕盈薄脆。豆味好香，豆腐質感嫩滑，炸得熱辣辣，令人食唔停口！聽店家講係一品出品的特製豆腐。避風塘粟米夠鑊氣，炒蒜粒香口帶辣，粟米清甜，好食！冰鎮花甲王肥美鮮甜，夾雜麻油香、玫瑰露香，小小一粒，精華所在。酥炸美國桶蠔好有驚喜，每粒炸得圓渾有致，外皮鬆化薄脆，咬開聲音清脆。入面蠔肉肥美濕潤，好好食！鹽焗泰國野生海花螺粒粒肥大，主要食其鮮味，花螺預先醃過，簡單用鹽焗迫出鮮甜味。油浸野生筍殼魚是這裏招牌菜，差不多人人都點一條。筍殼魚雖經油浸，但毫無油溢厚重口感。整條魚炸得彎曲，魚皮、魚骨甚至魚頭都非常香脆。魚肉雪白嫩滑，非常出色！蘸少許薑葱加上秘製豉油，鮮香脆集一身，被大家秒清。鹽焗火焰A級奄仔蟹是此行的重點，必須預訂。一大鍋橙黃，睇到都興奮！隻隻足両上枱而且爆膏。倒

出咗糧就同屋企人食返餐海鮮盡慶下🍻🍻🍻今次嚟咗位於旺角上海街既“明廚”～位置喺朗豪坊附近，都好就腳，店內企理舒適！！職員有禮貌又快手，仲會同我哋介紹下啲熱門菜式添💕✨火焰油鹽焗A級奄仔✨呢個差唔多係每枱必點既招牌菜！！！呢度既奄仔蟹份量十足，仲要爆曬膏架！！！由職員即場倒上混合咗法國玫瑰露酒既調酒喺油鹽焗既奄仔蟹度，再點上火焰，香氣四散😚😚😚滿滿既蟹膏固然甘甜，而蟹肉都係實在鮮甜，仲會食到淡淡既酒香，真係無得輸🌟✨油浸野生大荀殻魚✨呢款亦係職員推介既菜式，平時都唔似見到有咁大條既荀殻魚，仲要係野生既添，真係好足秤！！！原條炸至金黃香脆而保持魚肉鮮嫩，的確係出色之作💕✨椒鹽鮮魷✨惹味既椒鹽鮮魷份量都唔少，附上既醬汁微辣帶酸，沾上後食就更覺滋味😆😆✨脆皮牛坑腩✨除咗海鮮之外，呢度既脆皮牛坑腩都好有水準～外層酥脆，坑腩肥瘦得宜，食落香而不韌❤️香口惹味既海鮮小炒同啤酒合拍之餘，同冰涼夠氣既肥仔水都係好朋友嚟架🤣🤣好開心搵到間咁正既海鮮小炒，下次要試埋其他菜式先得

作為一個吃貨，在明厨的用餐體驗真的是太棒了！這個餐廳環境整潔，服務也非常出色。當晚點了多道菜品，其中四款是我強烈推薦的：油浸筍殼魚、德國鹹豬手、椒鹽鮮魷以及火焰斷片海中蝦。油浸筍殼魚非常鮮美，魚肉鮮嫩，沾上香油，蔥絲，入口香脆鮮美（內脆外軟）讓人難以忘懷。德國鹹豬手肉質鮮美，配酸辣醬，更是滋味無窮。椒鹽鮮魷 鮮嫩有彈性，味道鮮美，而火焰斷片海中蝦均勻地預先淋上了酒6-7小時。所以令蝦肉鮮美入味，一口咬下，有微微酒味 甜香甜香 讓人非常過癮。不過都有少少燶味另外都少少驚架成個火係隔離，建議可以比d 紙巾 之類比客人遮擋一下 都有少少彈除了美食，明厨的服務也十分出色，服務員非常熱情和細心，在用餐過程中一直照顧著我們的需要。總而言之，明厨 (旺角) 是一家實力強大的餐廳，食物非常好吃，服務一流。如果你正在找一個適合與摯友共度美食之夜的地方，這裡絕對是最佳的選擇。