昇麵館

营业中

休息中

🌟餐廳：昇麵館📍地址：土瓜灣土瓜灣道237號益豐大廈地下B號舖💰價位：$51-100📱電話：84819840去開土瓜灣做facial，順便約埋住附近既朋友一齊食返個車仔麵下午茶，佢推介屋企附近既昇麵館，下午茶時間都幾多街坊支持～除咗車仔麵外，仲有飯類、日式炒烏冬、湯麵系列、小食，都幾多選擇！———————————————————🔹 沙嗲牛肉、酸齋、牛丸、油麵配秘制辣汁沙嗲牛肉份量足，沙嗲味香濃而不死鹹，牛肉腍滑富牛味，仲好有嚼勁～酸齋味道酸甜適中，口感煙韌～牛丸牛味十分濃郁，彈牙之餘仲有牛肉鮮甜味～油麵掛汁一流，配秘制辣汁，嚐辣人士必試！———————————————————🔹 必食豬手、柱侯牛腩、菜脯蛋餅、菜心、腩汁豬手富含膠原蛋白，外皮爽滑，豬肉香軟～柱侯牛腩燜至軟腍入味，醬香味濃厚！菜脯蛋餅煎得好香口，咬落有粒粒菜脯，好有口感～唔太餓所以無叫粉麵底，揀咗菜心，鮮嫩爽脆～———————————————————🔹 瑞士雞翼瑞士汁味道香甜，雞翼醃得入味，滑溜多汁，真正皮滑肉嫩，好高質！———————————————————🔹 凍檸茶、熱檸茶車仔麵可以加錢配凍/熱飲，檸茶甜中帶點酸味，酸

細個成日都會食車仔麵 🤣一定係腩汁幼面～感覺上市面車仔麵嘅舖頭好似冇以前咁多，咁啱經過就試吓呢間昇麵館。車仔麵正常發揮 可惜豬腸賣晒，秘製辣汁幾好食👍🏻👍🏻👍🏻👍🏻👍🏻另外，滷水豬手飯好有驚喜😚😚，豬手好淋好入味，又唔會太鹹~💸💸🌟必食滷水豬手飯 $46三餸車仔麵 $51腩汁加秘製辣汁 幼麵 辣菜脯咖喱魷魚 魚皮蝦餃 酸齋腐乳通菜 $17 📍昇麵館地址：土瓜灣土瓜灣道237號益豐大廈地下B號舖

朋友係個車仔麵控，知道土瓜灣昇麵館有好食嘅車仔麵，就叫埋我一齊去試吓，麵館地方簡潔，座位寛敞。主打車仔麵，亦有飯餐供應。車仔麵：豬紅、豬皮、豬大腸、墨魚丸，幼麵，咖喱汁。豬紅爽滑，豬皮吸晒汁好惹味，豬腸洗得乾淨，無多餘嘅內臟味， 腍滑軟身，又不失嚼勁，墨魚丸彈牙。幼麵爽口，咖喱汁風味更獨特，香辣惹味。車仔麵：豬手、豬大腸、蘿蔔、煎蛋，河粉，秘製辣汁。豬手件件細滑帶彈性，好入味而且唔肥膩。蘿蔔清甜冇喳，重點當然係個醬汁啦，辣得嚟又好有層次，醬汁濃郁，配滑溜嘅河粉好惹味呀！菜脯蛋餅：菜脯加上鮮美的雞蛋煎製而成，脆脆的口感和甜咸鲜的味道，無論下飯或送酒都一流。瑞士雞翼：瑞士雞翼的精華在於醬汁，味道甜甜的，肉質嫩滑又入味。自家製辣菜脯：餐廳更有招牌自家秘製辣菜脯配搭車仔麵，味道更惹味豐富。

土瓜灣地道車仔麵
店鋪：昇麵館 
地址：土瓜灣土瓜灣道237號益豐大廈地下B號舖

今晚去完土瓜灣搵朋友，晚餐時間行過見到呢間車仔麵店😚
見到啲餸幾特別同多款，就入咗去試，點知幾有驚喜😛友人都大讚高質🤩
我地叫左兩碗車仔麵一個小食，另外仲叫左碟菜心

兩碗都叫左腩汁😀其中一碗仲加左秘製辣汁同自家製辣菜脯，超級過癮😋D菜脯令每啖面都多咗口感，食得辣嘅朋友不妨一試▫柱侯牛腩 🌟炆得非常腍同入味
▫必食豬手 
▫蘿蔔 🌟炆得非常腍 無渣
▫沙嗲牛肉
▫靚靚豬腩肉 🌟厚切 啖啖肉
▫冬菇 🌟炆得非常腍同入味
▫蝦條
▫秘製鳳爪煮得非常入味！食得出店家既用心☺️ 
呢間鋪真心推介😝每樣餸都整得好好食 好有心思
希望大家平時經過或者住附近嘅朋友仔到去支持下小店啦！🤓
• 整體•食物: 𝟺/𝟻環境: 𝟺/𝟻

平時都好少食車仔麵，但食過呢間之後真係對車仔麵改觀，事關佢啲餸好好食，整得好有心機，老闆又勁有人情味，用餐嘅時候見到老闆對啲街坊同老人家都超好，係久違嘅香港味道啊！❤️❤️⭐️三餸麵車仔麵首先，佢可以揀嘅餸好多，唔係剩係得丸丸丸😬。推介一定要叫必食豬手！肉質超級彈牙，膠得來又唔會太癡口，個豬手汁超好食，令個蘿蔔清湯更加精彩！麻辣汁係佢舖頭秘制既，不過佢都幾辣，落少少吊味就已經好夠😬。另外叫咗蘿蔔，豬大腸，菜圃蛋餅同魚腐都好好食，蘿蔔好林又入味，豬大腸仲要一啲膻味都冇，勁乾淨！💕菜圃蛋餅好家常，菜圃唔會太咸，都好好送麵❤️。⭐️蟹柳雞扒炒烏冬個炒烏冬鑊氣都幾夠，炒得到算乾身，唔會太油。味道夠，又唔會太咸❤️。不得不提，塊雞扒真係好脆，煎得好香口。👍🏻⭐️炸鮮奶 同 鹽酥雞個炸鮮奶勁好食‼️外脆內軟，入邊嗰炸鮮奶又唔會太甜，我同個friend都話炸鮮奶好值得encore！四條唔夠喉啊‼️😆另外鹽酥雞都好正，佢炸到細細粒咁，唔覺唔覺，食下一粒食下又一粒，話咁快就食晒！佢仲配左個泰式酸甜醬，超級夾！💕⭐️ 荷蘭唂咕最驚喜係竟然會飲得返唂咕，後生仔女應該未必知咩係唂咕😂。其實即係可可粉沖嘅嘢飲😊。佢味道冇朱古力咁甜

家姐搬左去土瓜灣 今日去探佢佢話一定要帶我食呢間街坊小店 仲話係區內水準極高嘅車仔麵😙見到鋪頭叫昇麵館，緊係叫返碗麵試下啦，老闆仲好細心，見到我好苦惱咁揀食咩餸，就推介左我叫一個乜都有嘅大雜麵！🔹大雜麵 $52 / 加菜脯+$2 我就揀咗米粉，秘製辣汁湯配菜脯成碗份量好大，計埋菜總共有七個餸！分別有：豬大腸，豬紅，冬菇，蘿蔔，豬皮，生菜，仲有陳皮魚蛋！湯底好惹味，全部餸都好好食，最令我驚喜係個白蘿蔔，好入味，仲要完全冇渣！七個餸咁大碗，先$52真係好抵食！唔怪得喺區內咁受歡迎！家姐就叫左個飯同小食🔹招牌豬扒蝦條蛋飯 $48豬扒食落唔韌，蝦條餸飯都好好食！🔹鹽酥雞 $32我呢啲相機食先嘅人，影完相食都仲係好脆，咬落去又嫩，加埋七味粉好好食呀🤤 （比我搶哂黎食）由於呢間街坊小店實在太抵食，我地兩個都叫左特飲😂家姐叫左杯凍檸賓我就貪得意叫杯「荷蘭唂咕 」，味道同朱古力差唔多，不過飲真啲佢係比較苦澀濃郁

I would say it’s a must-try for 車仔麵愛好者對我而言，呢間車仔麵店絕對係食過數一數二好食嘅車仔麵，已經無限再訪🙈呢度嘅湯底真係好好味，特別推介佢嘅「秘製辣汁」我試過兩溝「秘製辣汁+麻辣汁」，都好正，講起又掛住佢哋嘅湯底！配料方面，呢間車仔麵店都有好多特色選擇，最少揀三款起特別推介佢地嘅「菜脯蛋餅」、「蝦條」同埋「酸齋」「蝦條」好好味，食得好過好過癮🤭😋😬另外加$3就可以有杯熱飲，都算物超所值！

當32°C 的星期日要外出，真係需要一間能提供快捷簡單午餐的餐廳。今日心思思想食飯，所以去左昇麵館叫左《招牌豬扒蝦條蛋飯》再配汽水，合共$54。豬扒不算大件，但佢的豬扒醬汁好味，好易送飯。而且上菜時間好快，餐廳唔多人，環境企理。

中意食辣既朋友，小編非常之推薦你去土瓜灣食佢個秘製辣汁湯底車仔麵！小編食過好多次，食極都唔嫌，好彩唔係開係我家樓下唔係都唔知點算😂😂😂😂餸類好多款都有勁有心機整，包括牛栢葉、必食豬手、雞翼尖、酸齋、咖喱魷魚等等！實有款岩你心水又岩口味！😋3餸麵，轉埋凍飲，再叫多碟菜都只係人均$60幾，超滿足！❤️❤️❤️分數：（10分滿分💛）味道：9價錢：9環境服務：9（以上評分只是小編個人口味而已）

今日黎到叫左一碗車仔麵，餸揀左陳皮魚蛋、牛丸、魚片頭同埋煎蛋。丸類都幾好食及有咬口。麵底揀左米粉，呢間揀既米粉都掛到湯，湯底係蘿白湯加秘製辣汁，辣汁幾好味。另叫左杯齋啡都好飲。

年青人開的車仔麵湯夠濃配料夠正，惹味！環境舒適！佢嘅juicy豬扒係好好食真係好juicy架！估唔到炒烏冬，飯类同樣出色！住附近真係可以成日食，正呀！本人對車仔麵都好有要求，因為發現出面好多都係好求其咁嘅三餸面！無乜誠意咁！但佢呢度嘅車仔麵食得出好有水準！💜●‿●💜🏡：👍🏻👍🏻👍🏻👍🏻😋：👅👅👅👅💵：平均$60🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️🙋🏻‍♀️

常常下班不想煮飯就去這間簡單吃點，幾乎都是點的豬排飯，但今次有少少失望，半生熟的蛋拿開，嚐了一口飯，感覺油有點多而且還是翻榨油的味道雞爪同雞翼都不錯的，不過這個油飯一下子減分了好多，店裡服務還是很好的還是會去吃，希望下次有進步吧

今日去食咗一間好抵食嘅麵館，雖然唔係食麵，但都唔錯。其實之前都食過佢嘅蘿蔔牛腩飯（$50內有找），不過上次就鹹啲，今次好欣賞佢哋有進步、味道都有好明顯嘅改善。另外，一入到去店員都好有禮貌去建議我哋坐比較涼啲嘅位置同上菜都好快手。好適合趕時間嘅都市人去食一餐，都好多選擇。仲有一定要試佢嘅谷古飲品，係其他地方少見啲。（阿華田味帶有啲朱古力）局格嚟講，日系風格裝修、以木色為主，都相對闊落，幾好架。付款方面，提提大家只有現金、支付寶同PayMe。希望嚟緊有八達通啦，不竟多人用啲嘅。

今次我推介左熱愛車仔麵既友人黎品嘗呢間年青人車仔麵店。湯底強烈推薦：秘製辣汁！餸類好多款都有驚喜：必食豬手、雞翼尖、酸齋、咖喱魷魚、蝦條,etc.【 秘製辣汁米線 +咖喱魷魚 + 必食豬手+酸齋】配可樂 $55咖喱汁好好味，三樣餸各有唔同味道，睇得出店家用心炮製，唔係就咁淥熟就算。秘製辣汁真係冇得頂，不過食得辣嘅我都覺得好辣。唔食得辣嘅你要三思啦！【 秘製辣汁油面麵+蝦條+魚皮蝦餃 +牛柏葉+豬皮】配可樂 $59魚皮蝦餃麻麻地。蝦條好正好香口！【 瑞士雞翼】$32雞翼好滑，食碗咁辣嘅米線配搭雞翼既瑞士汁嘅甜味好夾！

我一個月至少會幫襯一次🤣如果收工諗唔到買咩外賣，我就會行去呢間～因為佢哋啲車仔麵真係又大碗又足料，好抵食㗎！而且佢哋有啲餸係岀面好少有㗎，例如黑松露丸👍🏻仲有佢哋啲魚蛋係陳皮魚蛋嚟❤️My favourite～另外都Recommend豬大腸，一啲腥味都冇，口感又腍，好入味好好食👍🏻如果你食得辣，我會Suggest你加埋佢哋個秘製辣汁，溝埋落本身已經好香濃嘅湯底，再加埋好索湯嘅餸，例如牛柏葉，真係好正！