昇悅漁港 (已結業)

好耐無食過d咁難食既點心，$ 9.80 既特價蛋散， 睇落黑黑灰灰， 似係用萬年油整， 唔脆都算， 仲要係諗既。 咸薄撑本身諗住係咸既， 點知咩味都無， 煎蘿蔔糕， 都係特價$9.80, 點知真係難食到不能下嚥， 快餐店都好過佢。 3個人假日飲茶160蚊有找， 平就平呀， 不過一d都唔enjoy ...

好差... 如果我一早睇左review先我就唔會嚟。 我叫左蘿蔔糕, 菠菜餃, 炸兩, 燒賣, 上湯津菜, 同埋干炒牛河。 講真, 我覺得算做好味D嘅只喺燒賣同干炒牛河, 不過干炒牛河好油。 蘿蔔糕超粉, 菠菜餃果皮好厚。 仲要個干炒牛河係漏單之後吹左兩次先黎。 總之我一定唔會再黎!

對上一次幫襯呢間酒樓, 應該都係1年多前的事, 每次嚟的目的都係一樣, 就係有同事走....................不過經過今次之後, 就算再有同事走, 都唔會再幫襯呢間, 因為d嘢好難食, 但都唔知點解仲有咁多人幫襯?? 可能成個火炭工廠區只有呢間酒樓掛??? 佢呢度好得意, 又有推車仔, 又有大排檔, 又有點心紙, 但我冇深究過有冇重複食物, 因為一大班人食嘢, 當然你有你劃點心紙, 佢又佢去點心車拎, 好快已經放到成枱都係食物~~~食物方面雖然全部都熱辣辣, 但質地唔係幾好, 蒸果d又蒸得太耐, 炸果d又油淋淋, 連冷盤都一食吐出口, 所以天氣熱氣真係要小心食物, 佢呢度就冇做好呢樣, 搞到d海折變咗質~~仲有, 會漏單, 當你追果陣又冇人理你, 之後又答會追, 追咗好耐都係冇出, 終於都唔等埋單走, 當等緊埋單果時佢先嚟~~

因為婆婆家住附近，所以每逢節日或她與公公的生日都在這家酒樓吃飯，從不改變！ 今年的冬至照例也在這兒，吃的是一席十二人的套餐，有老人家在就沒好意思拍照，請見諒！ 上湯焗大蝦球伊麵底：蝦球是一貫酒樓的處理方法，爽脆不缺可蝦味不濃，伊麵浸在上湯里，索了味當然好吃。 鴻運燒味拼盤：乳豬、燒鴨、醬油雞三樣，乳豬不過不失，燒鴨就乾扁了些，醬油雞倒還不錯，只是份量少些。 茸素寶盒：身為家庭主婦知道這道菜在家里很難做得好，一來炸物要油多，二來茸盒又要搓芋頭又要包餡，功夫特多，因此我連吃了兩個。 西芹珊瑚鳳片：除了西芹其它兩樣都是急凍貨色，個人不好吃珊瑚，雖然知道它是海參的內臟，零膽固醇，可是吃進嘴裡像在咬橡皮筋，一點味都沒有，而西芹又沒中芹的香，一個脆字

呢日同四個同事去昇悅食午飯, 就叫午市套餐, 有炒粉麵, 加三個點心, 另叫雞翼及灼菜.瑞士汁雞翼, 個汁好咸.灼通菜, d菜無味. 鮮竹卷個汁好油, 得個燒賣幾好, 另什菜伊麵, 肥膩到死.牛腸送到個枱唔熱.總體午市時間, 水準唔ok..d價錢拍得住美心貴得嚟有唔似美心d食物水準好食.

火炭工業區係冇酒樓, 好似得呢間做獨市生意, 果日lunch有成十幾人食, 所以就嚟呢間酒樓試下, 原來lunch時段係自助形式, 喺中間位置自己去拎點心, 如果唔係就有排等的..............我地叫到成枱都係野食, 大部份味道都ok............. 蝦餃 -> 超大隻蝦, 雖然係雪蝦, 但都有少少蝦味...........但個皮就唔夠彈牙 燒賣 -> 唔會太肥膩, 咬落口都係瘦肉同蝦肉為主 流沙包 -> 個包都夠鬆軟, 但d餡唔係好夠味 咖哩豬皮魚蛋蘿蔔 -> 一d都唔辣, 想食辣果d會失望, 唔食得辣果d就啱哂............d豬皮幾爽口, 魚蛋都唔會好粉同好腥, 但就唔夠彈牙 楊州炒飯 -> 炒得好乾食, 唔會油林林, 味道都好好 6菜 -> 完全啱哂d減肥人士, 因為佢一滴油都冇其他食物我實太飽食唔落, 但聽d同事講都唔錯, 而且我地冇食淨野, 咁證明d水準都ok~~雖然係酒樓, 但一d都唔嘈, 因為冇乜人食...........