影片
同事成日都话要黎食鸡煲，但自从转了工作地点真系好少入粉岭，衬住听日端午节放假，今晚就入一入黎吧。去了祥华邨的旺记，晏昼食过几次，夜晚就未试过。是晚跑马，店内有两部大电视嘅关系，全场坐满马迷。老板好好人呢，斋坐不食，仲可以凉冷气睇直播，拎住叠报纸同周围同僚吹水讨论，现场气氛热闹。先开壶普洱饮下，茶味一般啦，胜在老板眼利，一拎起个滚水壶就知我地想加水，倾下偈食下野，前前后后饮左五、六壶水，呵呵。落完单即刻送上一大壶汤，是晚系莲藕红萝卜猪骨鸡脚汤，汤头又甜又浓，好好味。同事讲左n次要食嘅鸡煲无理由唔点㗎，先黎重庆鸡煲半只，要全熟就会好似小菜咁上碟，半只鸡都几多㖞。鸡肉扎实有口感，但唔系件件鸡都入味，不过个酱汁又真系几正，辣中带鲜味，唔系一味死辣㖞，越食越过引，连配菜嘅青椒洋葱都食哂，吸左个辣酱太正了。第一次唔系用打边炉嘅方式食鸡煲，咁食都几好㖞，唔怕个身一阵鸡煲味。再黎系街头炸蚝饼，哈哈，想食好耐啦，终于揾到人陪我食。大大份香喷喷，超猛火炸到卜卜脆，蚝仔鲜嫩多汁，虽然炸得脆口但一啲都唔干，最正系多芫荽，劲香芫荽味呀，正～埋单净系收左鸡煲＄148同蚝饼＄78嘅钱，免茶免加一，仲任坐唔嬲，抵到烂呀！
继续阅读