旺記冰室 (惠芳閣)

营业中

休息中

因為常常見人有排隊，所以遲遲沒有去試，今天公眾假期，路過見沒有人排隊，立即入去食早餐。叫了一個通粉餐，及沙嗲牛肉麵餐🍜。希望越大失望月大，番茄五餐肉通粉，番茄🍅湯底唔夠熱，午餐肉粒有炸過，唔錯，可惜個通粉煮到爛晒，未食都已經爛晒，如果自己喺屋企煲通粉，要煮到呢個程度，我估計要煮20分鐘，在擒蓋一直焗到佢爛晒。沙嗲牛肉公仔麵，沙嗲牛肉唔知係切得唔好定煮得太耐，有啲咬唔開，而且好鞋。個麵亦都唔係咩好野，中等貨都不如。雞蛋係比較香，但是煮得唔夠滑滑。奶茶勁多奶，冇茶味。多士亦非常普通。去廚房問題唔係材料問題，最後都係果句: 冇下次。

星期六都要番工咁鬼灰，梗係嘆番個早餐先至開工啦！去左旺記外賣，叫左個旺記烘麥包三文治四重奏($32)，餡料揀左午餐肉x雞蛋x架央x生菜。-三文治餡料好豐富，食落啖啖都有餡。午餐肉係厚切有口感，加埋蛋汁同生菜，好juicy。架央唔係好搶味，有少少甜同埋令到麵包較濕潤。🍘👧🏾Jam最驚好乾嘅麵包嫁啦，所以lee個岩哂口味！三文治分量都幾多，食完都真係唔使食lunch。-提提大家三文治製作需時，堂食就要耐心等候，外賣就可以預早打去落單先，咁就可以唔駛等咁耐。

尼間之前一直都好想試既常餐長期都排長龍，店內專用日本🇯🇵靚蛋整既滑蛋飯或炒滑蛋多士做招牌吸引左好多人排隊等候嚐靚蛋平日上班💼時間都要排隊輪候，而今日假日差不多下午一點鐘🕐都亦已經差不多滿座，去到剛好有位吾洗等，落單吾洗五分鐘已經上碟好有效率午餐有7款，選擇不多但已經足夠滿足大家因爲來得食都是為了滑蛋最特別係午7，每日不同，有時可以轉換心情試試今次第一次食所以心大心細揀左個午5 $48《特濃番茄湯午餐肉粒通粉配鮮牛油麥包多士 4.3牛奶🥛炒日本🇯🇵滑蛋》通粉煮得恰好，番茄🍅湯吾會好似出面咁鹹，濃度剛好又吾會無晒湯，配埋通粉一齊食又健康又美味，午餐肉粒厚切煎香左，好有口感牛油多士用麥包厚切好少有而且好健康，牛油好香滑蛋用4.3牛奶炒加上用日本🇯🇵靚蛋一啖已經滑入喉嚨去了薑汁奶茶☕️店鋪特色，加$4離遠已經聞到陣陣薑既香氣，見到奶茶面上有薑汁不過又蓋過左奶茶既味道朋友叫左午3 $58《日本🇯🇵滑蛋叉燒蝦仁雙拼飯》見到個樣已經洗晒口水啦忍吾住試左一口蝦🦐仁好大好滑，叉燒半肥瘦好嫩肉質配埋個蛋真係好快一啖一啖食晒啊，同埋佢個秘製旺仔鼓油吾會好似出面咁鹹，感覺上都健康一點不過份量就比出面餐記少一點P

由於係鰂魚涌返工，所以成日見到門口有好多人排隊，今日決定一試！12點鐘已經有好多人排隊，需要排隊攞位，如果食飯時間有限制嘅朋友，可能就要識得有啲趕急！係排隊嘅時候，店員已經幫你落定order ,方便你一坐低就有得食！門口貼左，限時30分鐘成，認真誇張🤨「滑蛋叉燒飯+熱檸水=$56」，上菜速度非常快！有圖片可見，每塊叉燒都好大，佢嘅日本雞蛋真係滑蛋，配上少少蔥花，淋上甜豉油，望落已經非常吸引啦！識落都一樣，蛋汁加上豉油汁加上軟綿綿嘅飯，果然係越簡單越好食👍🏽叉燒好熱咬口，每一舊叉燒都有啲叉燒汁，非常好食！果然，多人排隊係有原因㗎！

上個星期午餐時間，去到鰂魚涌這間旺記冰室，終於食到傳聞中的美味的叉燒蛋飯。午餐時間的確好多人，要排隊攞位，等大概十到十五分鐘，就安排入坐。其實，個豉油同叉燒蛋好夾。蛋生熟度剛剛好！等一等係值得的！奶茶都整得好好飲，有水準。在這區返工多年，茶餐廳多的是！但有水準的並不多。旺記冰室我會列入可番食茶餐廳！除了食物好食之外，分配坐位的阿姐，好好笑容，雖然要等位，但條氣都順返！仲有收錢的阿姐，雖然近門口較熱，做到成身汗，仲好鬼好笑容同禮貌，敬業樂業！給力給力！拾卜拾卜！

他們很有新派餐廳的風格，提供的三文治，也有秘製醬汁的，會令每一件食物都成為一個特色。其中他們最受歡迎的是滑蛋牛肉飯，或滑蛋牛肉蝦飯。 日本雞蛋秘製甜豉油帶出另一個茶餐廳驚喜。一啖雞蛋，飯，同甜豉油實在太好味了。我亦曾經試過他們的早餐，三文治早餐十分好味， 而且份量也是十分大， 難怪會賣40多元。這間餐廳，由朝到晚都十分多人，我也是兩點半去到才有位置。

6月4日約了舊同事等一行4人去試試旺記！見舖外人山人海，心諗今次一定要食到！等咗10幾分鐘終於叫我地....先落單，都仲要等多陣！到最後坐低都1點多鐘，好彩食物都快到！不過差不多食完碟飯，凍飲都未掂，伙記姐姐已催促我地話你地已經超時....用餐時間只得30分鐘，😱冇人同我地講？佢就指指牆上告示，態度極不友善。我地真的不知道佢地給予客人的用餐時間只得30分鐘，唔緊要，但由落單起計....我仲係出面等緊？！既然佢有明文規定，我地喇喇聲捯哂啲凍飲入囗(好彩唔係熱飲)....但盡責的姐姐仍然送多一句，你過咗好耐時間，出面好多人排隊，你阻住人地做生意....難道我地唔係客，心諗鰂魚涌唔係得你一間餐廳‼️況且你都係靠味精，可以永不光顧之餐廳！😡

難得忙內偷閒同佢喺哩頭附近做gym,就過左哩度食不錯又平價嘅一餐哩間係企理新式茶記，所以坐落舒服，環境簡潔乾淨哩度嘅款式以日式滑蛋為主，見到相都吸引他說哩度嘅滑蛋叉燒飯出名，不過佢哩度sell新鮮，所以6點後就會賣晒，保證高質所以佢叫左滑蛋牛肉飯，份量多，飯底係秘製豉油底，加埋嫩身滑牛加滑蛋，絕美配搭奶茶正常水準。我就叫左野菜蕃茄湯讚岐烏冬，湯底好特別，麵豉醬撈埋番茄醬味道真係好出色加埋招牌滑蛋，冇得頂雖然哩度選擇不多，但係食物質素高，而且價錢合理兩人各自叫飯，一人一杯野飲，都係＄110，晚飯值得一去

6月4日約了舊同事等一行4人去試試旺記！見舖外人山人海，心諗今次一定要食到！等咗10幾分鐘終於叫我地....先落單，都仲要等多陣！到最後坐低都1點多鐘，好彩食物都快到！不過差不多食完碟飯，凍飲都未掂，伙記姐姐已催促我地話你地已經超時....用餐時間只得30分鐘，😱冇人同我地講？佢就指指牆上告示，態度極不友善。我地真的不知道佢地給予客人的用餐時間只得30分鐘，唔緊要，但由落單起計....我仲係出面等緊？！既然佢有明文規定，我地喇喇聲捯哂啲凍飲入囗(好彩唔係熱飲)....但盡責的姐姐仍然送多一句，你過咗好耐時間，出面好多人排隊，你阻住人地做生意....難道我地唔係客，心諗鰂魚涌唔係得你一間餐廳‼️況且你都係靠味精，可以永不光顧餐廳之一

番工咁辛苦放飯緊係要食餐好啦今次就黎到旺記冰室試試佢既自家製叉燒滑蛋飯啦！🤤🤤份量算大滑蛋佢地強調係用日本蛋炒得好滑叉燒又唔會乾身醃得入晒味配埋個豉油撈飯好食！

自從呢間旺記冰室開左係我公司附近，我就深深愛上佢的叉燒炒滑蛋飯，間中都會探下佢。而佢最出名嘅亦都係呢個叉燒炒滑蛋飯，每到lunch時間門口一定水洩不通，勁多人等位。為何一個普通嘅叉燒滑蛋飯可以有咁大嘅吸引力？重點係佢嘅雞蛋係日本新鮮雞蛋， 果種鮮甜你係食得出，仲要真係炒得好滑好嫩，係我最愛嘅半熟蛋漿狀態😍。啲叉燒唔係隔夜叉燒，食得出好新鮮，切薄片方便入口，連埋蔥花同埋佢特製嘅甜豉油，所有和白飯一齊食，每一口都係非常幸福美味👍😍，嫩滑非常，忍不住一口接一口，當你把叉燒炒蛋吃完，白飯也剛好吃完，所有野都係啱啱好😋配埋佢杯超正熱奶茶，成個餐簡直無敵！😋👍吃完後會完全被那幸福感充滿，下午工作也會特別醒神給力😎😝💪 旺記的叉燒炒滑蛋飯其實我覺得我可以一次過食五碟，不過毎份餐不算平要成＄54一份，所以每次只點一個，身為窮L我唔知幾時先可以達成呢個宏願了🤦🏼‍♂️ ———————————————————環境：8/10服務：8/10 價錢：6/10 （$54以佢份量來說其實都有啲貴，雙拼仲貴，其實都只係多三隻蝦😕所以我建議唔使雙拼）食物質素： 9/10整體：8/10

平時lunch的時間，旺記門口總會有一大群人群等候，每次我都望而卻步。有次試過等了半小時才能入內，午膳時間不多的情況下我勸大家不要等候了。難得今天早左放飯高峰期前到來，我們一行三人不需等候前接入內，心中萬分驚喜，不禁yeah了一聲。搞笑的事，職員竟陪著我yeah，哈哈！回到正題，我叫了滑蛋义燒飯賣相討好，义燒份量十足，沒有根，口感一流。有少量蛋香，蛋十分滑，不負滑蛋之名。另有葱花點綴，加了點香氣及色彩，讚！整碟份量足，女士吃完一定會飽飽。整體好吃，lunch速食的好選擇。離開時正是lunch time開始，人群已出現，幸好早了一步！

旺記既叉燒滑蛋飯之前已經外賣過好多次，今次堂食下午茶試埋其他野食。友人經我介紹叫左最出名既叉燒滑蛋飯。黎到既時候友人嚇親：哇！咁大碟既，因為分量實在係一d都唔孤寒，我平時自己都一般都會叫小飯，一如既往炒蛋好滑，薄切既叉燒一d都唔鞋口，加埋甜豉油同蔥花冇得輸啊！另外仲叫左個特濃蕃茄湯午餐肉粒通粉，跟餐有多士同炒蛋，我地將加5蚊轉做奶油豬。我冇食到個通粉所以就不作評論啦！奶油豬既豬仔包係屬於薄皮個種，我自己偏好於厚皮既豬仔包因為食落去會更加脆，但旺記既奶油豬都好香，值得加5蚊去食！最後係芝士洋蔥豬排豬仔包豬仔包中間夾左咁多野都keep到脆口，芝士並唔係港女最愛拉芝既個種芝士亦都唔係好多，咁樣令到個芝士唔會搶走曬主角豬排既味道，洋蔥甜，豬排鬆軟，而且新鮮炸出黎，熱辣辣，不錯！

這是一個去行山的假期，待朋友們都到齊了後就開始商量去哪兒吃午飯好，我提議附近有一家冰室可以吃很好吃的叉燒滑蛋飯，一家我每逢想起滑蛋叉燒飯都會想起的茶餐廳。我們一行八人雖然很多人，但是等了不夠十分鐘，便可以在這個繁忙的午餐時間裏坐下來。而在等待座位的時候侍應已經幫我們下了單，所以食物上菜的速度很快，而食物的水準亦保持得一貫地高。叉燒和蛋的溫度很相近，叉燒的味道很濃。叉燒中鎖住了肉汁，滑蛋炒的時候炒得很好，在蛋的表面保留着的蛋液，加上了蔥和店舖自家製作的豉油簡直是一個令人吃了多少次也想再吃的配搭。而朋友們吃了後亦覺得這家餐廳很好吃，我沒有介紹錯🙂然後我們便高興的行山去了

一共八人準備由柏架山行去大潭水塘，準備出發之際就喺側魚涌先醫肚。中午嚟到旺記門口，雖然已有唔少人在排隊，但我地八個竟然好快就入得去啦～知道旺記最出名係食日本叉燒炒滑蛋飯，所以我都叫咗，仲加多杯凍奶茶～本來會以為只係普通屋企食開嘅叉蛋飯，但估唔到咁出色！由日本蛋炒成嘅滑蛋好香好滑，而叉燒份量亦好多。另外亦加分嘅必定係淋喺飯上面嘅甜豉油，令到每一淡食落口都好香好香。而且佢每一碟都好大份，正因為佢咁好食，我食哂成碟都非常滿足！