旺記冰室 (建利大廈)

营业中

休息中

雖然我好港女，但有時都會陪男友食茶記冰室ge今日佢帶我食呢間旺記冰室，位於灣仔都幾易去午餐都幾多野食 我選了午5係特濃蕃茄湯配午餐肉粒通粉加4蚊配了薑汁奶茶仲跟多士同炒蛋個湯底真係極濃好香的蕃茄味帶有少少酸，食得出係真蕃茄湯底咁正，真係逼我飲曬佢通粉唔會話太硬太霖午餐肉大大粒幾香配埋真係一流仲有個薑汁奶茶，茶好香，奶好滑薑汁唔會話太辣反而有陣陣的香味成個奶茶好香好特別，我自己就好鍾意喇呢餐唔算貴，好味的野食配飲品真心大滿足我估我之後都會試吓唔同ge冰室！

又到港島區搵食啦！好耐無試新野！見到有冰室！門口個滑蛋好吸引，一於試佢！款式都唔算多！但有特式同有質素，同其他冰室一樣有香港人最愛既茶餐，揀下揀下都係滑蛋啦！自家製叉燒日本蛋飯，睇到啲蛋汁嗎！睇個樣都覺得佢好滑，蛋味好香，識食一定連埋蔥食，賣相已經得到我既歡心，第一口當然要試下個蛋先啦！同個樣一樣！好滑，好香蛋味，加埋蛋花仲香口！叉燒睇樣都唔係乾個啲！食落一啲都柴口，有肉汁跑出黎！飯粒分明，軟硬岩岩好，加上甜豉油，夾到一個點，將所有野一口食既時候有幸福既感覺！雖然係茶餐廳好普通既飯！但係呢到食即刻升左一個層次！重點灣仔區黎講佢既價錢係值家！呢間有下次呀！

灣仔 謝斐道142號建利大廈地舖而家茶餐廳都乾淨企理，因客人要求高。因為出銅鑼灣購物，先去附近食個lunch。$46鮑魚火腿絲米粉,配4.3日本牛奶炒蛋，牛油麥包吐司典形常餐組合，個忌廉雞湯好香好滑，米粉亦都附住湯。連埋鮑魚同火腿絲咬下，就咁食碗食曬。個包有用心，是麥包比白麵包多左陣麥香同實心d，牛油就增添鹹香用。另外個炒蛋好滑，加左日本牛奶而當中油份令到多更滑嫩多汁，夾埋多士一齊吃超正。飲品特別在有有其他茶餐廳小見架特飲，好似薑味奶茶。我點左凍朱古力呀，回暖又濕架天氣，點可以缺少凍飲。

经常看到同事到这家餐厅买午餐，今天经过了一定要试试。我必须要说，份量其实并不算很大，不过个人认为用料尚算不错，该店所谓的秘制酱汁在这个配搭上也是恰到好处。味道不错，我下次一定会回来再帮衬。可惜的是这个价钱的茶餐厅应该可以提供再好一点点的进食环境，大概$60的一个午餐加饮品其实不算太便宜，如果我是店主的话我会花多点功夫在餐厅的环境里面。不过也正是因为味道不错所以纵使过了午饭高峰期还是很多食客在那边。

是日約左小胖女去灣仔睇show,由於要趕入場,所以就搵附近餐廳食個lunch,黎到呢間旺記冰室,就抱住食快餐既心態去食啦,餐廳牛市已經有好幾個set比客人選擇,所以唔洗諗到頭痕食咩,岩哂我地趕時間既人,我地叫左一個自家制叉燒日本滑蛋飯餐同濃蕃茄湯午餐肉粒通粉餐睇相頭都知份量好夠,先黎係通粉,一食第一啖已經有好香好濃既蕃茄味,配埋大大粒午餐肉食送真係正到加零一,跟餐仲有一份靚炒蛋同加左錢轉做奶油豬仔包真係茶餐中不可缺少,當然大食既小弟再叫既滑蛋叉飯都唔會執輸,食落又香又滑,配埋燒汁既滑蛋叉飯真係另有一返風味,飲品整返杯咸檸7簡直係簡單又好味既一餐

今日去左灣仔申請護照，預先攞定籌都要排好耐，搞左好耐又到中午時間，搵間餐廳食個午餐。經過一間茶餐廳見到好多人排隊，就去食個午餐旺記冰室！餐廳無散叫餐牌，只供應套餐選擇。見到人人都食滑蛋飯我都叫一個試一試餐廳用上日本雞蛋，見到都好吸引呀雞蛋炒到半熟有蛋漿，蛋味濃郁香滑，入口蛋漿口感極佳。雞蛋加香蔥炒香，最欣賞餐廳秘製甜豉油，撈飯非常滋味。半肥瘦叉燒入口鬆軟帶點油香，肉質鬆化不會鞋口，份量都非常套餐包奶茶/咖啡。

lunch time一個人好快有位，叫左a餐，义燒滑蛋飯加熱啡。因為巴西肉事件，門口大大隻字寫明用荷蘭豬，唔洗2分鐘飯已到，賣相唔錯，都有80分，荷蘭豬半肥瘦，大大塊，咬落仲好juicy,蛋又滑，加上蔥花正呀！可惜飯既份量少，唔係好飽咖啡就係普通即磨啡，一般啦！

聞說灣仔開咗間人氣食店，因為用上日本蛋，同優質食材，咁啱嚟到呢邊，就嚟試下先。鋪頭6點後打佯，早、午餐只有6、7樣選擇，簡簡單單，唔使諗，第一次嚟梗係熱選推介👍🏻👍🏻呢度鋪頭細細，如果星期一至五，午市光臨會等得耐....dd😏😏my choice：叉燒日本滑蛋飯+熱鮮薑汁奶茶$58用上4.3牛奶炒嘅日本滑蛋，哇，賣相一流😬好味，滑一滑，而且呢度起碼有2、3隻蛋，good！近期巴西🐷風波，小店特地寫明，用荷蘭入口豬肉整自家叉燒，食落叉燒係軟淋淋，又香口，正！新鮮薑汁奶茶，辣味恰到好處，同奶茶好夾！

最近常常都出門，四周籌備酒席宴會的細節，朋友得知都紛紛過來幫我，有時都會頻撲於婚紗展，過去灣仔會展睇吓還有什麼還未準備，去之前都不敢吃太多，朋友就建議去冰室食少少野，又係落車的巴士站附近入了這間餐廳冰室通常一般都不大，有別於茶餐廳乜都有得食，通常都係吃一些常餐或者下午茶。而我和朋友來的時間是午餐，見到枱面上的餐牌已經有七款餐讓我們選擇。見到餐牌後，其實是想食豬潤的但因為那個來了，所以選擇了午餐六的鮮忌廉湯鮑魚火腿絲通粉，這個餐配有牛油麥包多士和4.3牛奶炒蛋。賣相很好，立馬第一時間吸引我的是牛油麥包多士好少見餐廳會用麥包來做餐的多士，可能成本貴啦，但是麥包的營養價值比其他包高，而且係口感亦很豐富，比其他包來說，更脆口、更香。蛋好滑好香，煎到好似玫瑰花咁靚通粉的湯底好濃香，帶有點雞湯的味道，但不會俗氣，就好似放咗牛奶去煮一樣，很喜歡他的湯底當日是有少少感冒的，見到熱檸樂煲薑都是加＄8就可以點，朋友說熱檸樂煲薑對感冒有偏方的幫助，就試吓點來試試，我自己就好少飲這些偏方，這杯薑味唔算好重，容易入口，飲完真係舒服左好多，之後都無作感冒了。

本人灣仔反工，12點放lunch 都算早喇，但鋪面好細，最多坐唔超過30人，所以都要排隊，1個人食都要about 5 mins。第一次去食左番茄通，湯好濃，但一般般啦，炒蛋好正，多士都係。第二次叫左滑蛋叉燒飯，好好食，葱可以少反dd，54蚊跟野飲。滑蛋真心好滑好嫩好好食，加上甜醬油，2分鐘吞左一個飯，值得推薦。不過夜晚唔開，又無分店，其他人好難搵時間周末食。晏就食飯甘趕都唔會睇服務質素架喇，manager 手腳好快，其他無評價。

In份工又係喺灣仔，面試前梗係要食飽飽，先有氣力in💪🏼💪🏼💪🏼喺地鐵站附近搵食，見到依間裝修OK，又多差唔多年紀嘅年輕人食，坐到full晒，好彩我一支公好易有位，就入左去食。依個價錢真係唔平，但係灣仔食野無法，真係好食少少嘅飯都要依個價。個飯比我想像中好食，蛋好滑，好多蝦仁同叉燒，好足料，咖啡都好好飲。質素對得住個價

早排同小胖男友去開灣仔睇展覽當然做乜都好 吃貨既我首要係先醫飽個肚先有力量去做任何野上open rice search左一輪 揀左一間係灣仔區門面比較新同價錢相宜既旺記冰室呢間冰室Lunch時段主打幾款午餐 其中最吸引就係佢既特濃蕃茄湯系列同日本滑蛋系列 由於兩樣都太想食 所以迫小胖男友同我happy sharing先黎既係特濃蕃茄湯午餐肉粒通粉 + 4.3牛奶炒日本雞蛋為食既我地加錢將厚多士升級左做奶油豬仔包Yummy 個特濃蕃茄湯超足料 啖啖都食到濃濃既蕃茄味午餐肉切成一粒粒 煎得額外香脆點知原來一山還有一山高 個自家制叉燒日本滑蛋飯更加好食 炒蛋香濃嫩滑 米飯一粒粒軟硬適中 配埋果個汁真係食到停唔到口講起都想再食再嘆多杯咸檸7 簡簡單單既一餐 已令我充滿力量

令我再三回味嘅冰室美食！茄通嘅湯底勁濃郁，好茄！！奶油豬好脆好香口！奶茶又香又滑！紅豆冰好重椰汁味，紅豆好有咬口！唯一美中不足係炸脾略嫌乾，唔夠多汁同滑，但好有南乳味！下次想試埋個好邪惡嘅豉油滑蛋叉燒飯呀！！

其實間餐廳並唔係大街到 所以要行多幾步搵下嫁經過餐牌會俾佢既4.3牛乳炒蛋吸引😍😍至起碼我諗都冇諗就入左去食😝早A餐 茄通+餐肉粒，多士轉豬仔包（+$5），熱薑奶茶熱薑奶茶😗好香既薑味😎😗好滑😋😗初頭以為好苦 但入落真心有陣回甘味😂蕃茄通粉同一般既茶餐廳唔同🤔佢係好濃好足料既🍅蕃茄🤗d餐肉粒😆唔少 又唔碎 份量好足料嫁近睇餐肉 😂😂真係好大粒食落去唔鹹😌蕃茄冇酸味😶d通粉啱啱好4.3牛乳炒蛋+好大個既豬仔包牛油搽得好均勻 好香 唔過硬😳😳4.3牛乳真係好正豬仔包既邊邊明顯見到烤到金黃色好脆💞炒蛋好滑🙈平時一d茶餐廳會整到唔熟俾人一種滑既感覺🤔😂😂😣但今次係熟得啱啱好💞食幾多都得另外嗌左個沙嗲麵😂講真 有少少鹹 可能我個人唔太仲意個麵係公仔麵 正常水平😂😂😂不過d牛肉真係大塊同唔韌 好好味😆😆佢餐牌寫既樽裝奶就係e隻la

經過好多次，但每一次都以為係普通茶記，所以無入去。灣仔D餐廳試到無得試，終於入場。首先講下個環境，地方乾淨企理，有細緻音樂。跟著等我評一下食物，食物賣相吸引係高質素既义燒炒蛋。餐牌上選擇不多，但主打炒蛋配搭。每日有個特別餐保持食客新鮮感。我仲見到有好多員工食餐廳D野食，證明有衛生保證。我建議試义燒拼蝦仁炒滑蛋，佢D义燒同甜豉油係自製既，所以味道比較獨特。佢仲有推一些懷舊野飲，推薦薑汁奶茶同愛爾蘭咖啡。