旺記冰室 (鴻輝大廈B座)

营业中

休息中

今日我哋嚟到油麻地，去咗間冰室食晚餐！我哋叫咗下面兩個套餐：即煮鮮牛肉蕃茄蛋花丁麵 $50有牛肉、蕃茄、蛋花同埋出前一丁麵。牛肉好滑，好重蕃茄蓉，麵煮得剛剛好，蕃茄湯清清地唔太酸蝦仁叉燒雙拼日本滑蛋飯 $64有蝦仁、叉燒同埋蛋。蛋果然係好滑，叉燒都唔會太嚡，佢仲有落甜豉油，夠晒味道熱鮮薑汁奶茶 $22原本係$22，跟餐就加$4。同一般奶茶差唔多，不過多咗啲薑味，幾有新鮮感熱柚子蜜 $18跟餐就唔使加錢，係一般嘅柚子蜜地址：旺記冰室 (鴻輝大廈B座) (旺角)旺角通菜街2Q-2Z號鴻輝大廈B座地下7號舖

今日同大家介紹吓呢間位於旺角通菜街嘅冰室旺記冰室，近AEON對面，性價比高抵食又好味👍🏻蝦仁叉燒雙併日本滑蛋飯$64 一間茶記嘅炒滑蛋就最考驗廚師嘅功力，呢個滑蛋飯用咗日本嘅雞蛋，叉燒同蝦仁都比得好足，燒得唔錯，抵食即煮鮮牛肉蕃茄蛋花丁麵$50 超濃茄汁湯底撈牛肉，啖啖蕃茄味，鍾意蕃茄味嘅朋友唔好錯過😎🏠環境：7/10🌟味道：8/10💰性價比：8/10🙇🏻服務：8/10旺記冰室📍旺角通菜街2Q-2Z號鴻輝大廈B座地下7號舖

呢間茶餐廳用料好唔錯下，真心推一推👍🏻出街食飯平平地有時都幾劣食，呢間平民價位高質食材👍🏻鍾意食炒旦嘅朋友更加要探店。豬潤通粉 豨潤超厚身，超級爽口彈牙，仲有啲juicy !!必點系列。仲好足料！個湯底重薑味，無腥味，無味精好鮮甜。蝦仁滑蛋飯又係好足料，有好多蝦仁，爽口彈牙，好新鮮！滑旦無得輸，配埋啲葱花個味好夾！順帶一提嘅係，呢度雖然好多人，好忙，但係啲員工服務態度好好，依然好有禮貌值得讚👍🏻

平時黎旺角都唔知食啲咩好，因為係旺角實在係太多野食啦🍜今日落雨又想求其食啲，係香港又快又親民既肯定就係茶餐廳😚真係好中意香港既茶餐廳文化。🐒鮮薑汁豬潤鮮雞湯通粉💰$58👉🏻轉奶油豬+$5👉🏻炒蛋👉🏻熱薑汁奶茶+$4🐒大滿足啖啖肉豬扒印尼雙撈麵💰$68👉🏻熱華田今次黎到雖然係晚餐時間，但竟然都仲可以order到豬潤通粉同奶油豬🫶齋係呢點我已經俾佢100分🤣而佢仲有埋印尼撈麵食，相信無人抵抗得到呱佢呢到選擇雖然並唔係好多，但係就貴精不貴多👍🏼野食無論係擺盤定味道都好impressive，而入面仲佈滿住貓貓既壁畫🐱成間茶餐廳都充斥住可愛既氣氛

鮮忌廉雞湯 鮑魚火腿絲公仔麵 $49配煎蛋& 奶油大脆豬 +$5好味指數 4/5 🍭🍭🍭🍭{整個餐很不錯 忌廉雞湯好香濃 火腿和鮑魚絲都很多 麵很彈牙 熟度剛好 喜歡食炒蛋既朋友 可選炒蛋 +$5可配奶油大脆豬 真的很值得加 很大很香脆}日本滑蛋 叉燒 蝦仁 雙併飯 $54(旺記秘製甜豉油)好味指數 3.5/5 🍭🍭🍭🍬{蛋既熟度剛好 入口又香又滑 蝦仁大隻彈牙 但叉燒較薄身和瘦 秘製甜豉油配上整個飯不錯 令整體味道更有層次 不會太鹹太甜}🌟以上所有套餐配 絲襪奶茶 或 忌廉即磨咖啡

叉蛋飯，之前就同大家介紹過九龍城既炭火叉燒蛋飯，今次黎到旺角，同大家介紹既系另一間以高質滑蛋聞名既茶記 一 旺記冰室 @🌟自家製叉燒 日本滑蛋飯 (配 旺記秘製甜豉油) $60叉燒吾會過肥過瘦，蛋有蛋香，而滑蛋亦炒得夠滑身，配埋個秘製甜豉油，甜甜地，送飯一流🤤👍🏻📍旺記冰室 (鴻輝大廈B座)地址：旺角通菜街2Q-2Z號鴻輝大廈B座地下7號舖#旺角 #旺記 #茶記 #叉蛋飯 #旺記冰室 #覓食旺角 #旺角食乜好 #叉燒滑蛋飯 #自家製叉燒日本滑蛋飯#ʜᴋɪɢ #ʜᴋɪɢᴇʀ #ʜᴏɴɢᴋᴏɴɢғᴏᴏᴅɪᴇ

行開旺角想平靚正食個茶記，首選推介呢間旺記。有茶餐廳既效率，但環境好坐、新淨、衛生、整潔，d座位好好，唔會太迫，唔似其他會背貼背咁有壓迫感。最正係佢牆嘅兩邊好多本地特色既貓貓插畫，可以一邊食，一邊觀賞埋靚畫！呢度嘅炒蛋亦係水準之上，好好食。叉燒蛋飯亦值得一試。🥢 日本滑蛋叉燒蝦仁雙拼飯 $64一大片富有蛋香既滑蛋鋪喺飯上面，叉燒半肥瘦剛剛好，蝦大大隻，配埋特製嘅甜豉油，的確不錯。香港地道既熱奶茶，呢度都沖得不錯。天氣熱，飲杯椰汁紅豆冰爽！唔同其他茶餐廳 ，紅豆冰上面加左好大pat cream，正！🥰

開心發現呢間高質茶餐廳，以後多咗一間食肆選擇，一定會經常到訪！樣樣都好有質素，絕對唔hea!推介叉燒旦飯！叉燒唔係普通嘅叉燒，佢哋自家製，所以唔係得個甜字嗰隻，而係好重豬肉香味，出色！呢度原來出名炒旦系列，唔怪之得咁香滑！連個飯底都好乾爽！唔錯！另外亦推介佢個豬潤通粉，啲豬潤厚到一個點，彈牙爽口到極點😮😮😮真係大愛，仲要比足料，有六件大厚豬潤，通粉又爽口，加埋個薑湯真係講記都想食👍🏻👍🏻配個滑旦牛油多士真係一絕，又豐富！

好耐無食旺記喇，又系時候回味下常餐的味道難得下雨天無人排隊，落單一陣就上齊野食，唔駅等一輪叉燒滑蛋飯$60可以免費加大飯量，不過兩個女仔正常飯量已經好夠叉燒份量勁多，充滿甜醬加埋滑蛋同甜鼓油，送飯一流鮑魚絲火腿通$52鮑魚絲火腿湯配滑蛋個通心粉冇咩特別個滑蛋就好Juicy好creamy ，果然旺記嘅滑蛋係唔會令人失望轉奶油豬+$5奶油豬好大個，香香脆脆$5好值得加飲品叫咗朱古力同埋熱奶茶，熱朱古力好夠味，唔會好似出邊咁水汪汪

😙放假想食個常餐, 搵咗間出名滑蛋的冰室🥚📍位於旺角通菜街小巷內, 廣華醫院對面🏥🔦店內環境整潔鮮明, 牆上更有猫猫繪畫🐈🔸鮮薑汁豬膶鮮雞湯通粉 $58 6/10多士｜4.3牛奶炒滑蛋半份金黃微脆的牛油多士🍞🍳放上滑溜炒蛋, 自製蛋治😋雞湯的🫚薑味不太濃, 通粉軟硬適中👌🏻豬潤有4大塊, 每塊都好厚身🤏🏻, 鮮嫩爽口🥰🔸自家製叉燒日本滑蛋飯🍚 $60 6/10✅滑蛋選用🇯🇵日本雞蛋及4.3日本鮮奶🥛製成🍳炒蛋果然好滑溜creamy😍薄切叉燒偏瘦配自家製甜豉油, 超好餸飯🥳～🔸熱檸水🔸凍奶茶

香港眾多茶餐廳，可是能吃到豬膶的寥寥可數，而煮得好吃的更是難得。今日在旺角吃了碗很好吃的豬膶通粉，值得紀錄一下。餐廳在通菜街，由登打士街轉入去很容易就會見到。餐廳裝修雅致，有卡位，座位闊落。牆上還有很多貓咪掛畫。🏅鮮薑汁豬潤鮮雞湯通粉+4.3牛奶炒日本滑蛋+鮮牛油多士（$58）多士轉為奶油大脆豬（+$5）豬潤有六片，有一定厚度，新鮮爽滑無異味，湯底清甜不濁，帶有濃濃的薑汁味，可以一飲而盡。最怕煮得太腍的通粉，這碗軟硬適中。加$5轉奶油豬好值得。日本滑蛋嫩滑有蛋味。🏅自家製叉燒日本滑蛋飯叉燒+滑蛋+秘製甜豉油+粒粒分明的白飯=必勝！吃到盤底朝天。

旺記冰室地址：旺角通菜街2Q-2Z號鴻輝大廈B座地下7號舖黎到旺角緊係食旺記冰室啦！地方乾淨企理唔在講，食物質素一啲都唔差！香港地道美食，誠意推介俾大家呀😆😆同朋友叫咗一人一個餐，份量已經飽到暈！D餐 招牌沙嗲牛肉 雞湯 公仔麵 轉出前一丁 + $5我就叫咗間店既招牌沙嗲牛肉開始我美好既一日，牛肉配上佢地自家製醬汁，非常惹味😍用黎送麵真係一流！！😋E餐 鮮忌廉雞湯 五香肉丁 米粉 轉出前一丁 +$5鮮忌廉雞湯搭配五香肉丁的出前一丁，五香肉丁大大粒！湯濃郁鮮美，肉丁香氣十足，口感豐富！享受享受厚多士轉奶油豬 + $5奶油豬加$5有大大份，其他餐廳既奶油豬只得一半，依間有全個！鮮薑汁咖啡 +$4口味，風味都獨特既薑汁咖啡！可以一試熱鮮奶 +$8熱辣辣既新鮮鮮奶，開啟我美妙既一日😋

同朋友👩🏻‍🦰一齊嚟咗呢間冰室食早餐🤣呢度有幾款早餐可以選擇，咁我哋叫咗 $46「特濃蕃茄湯 午餐肉粒 通粉 配 鮮牛油多士 + 4.3牛奶炒日本滑蛋」同埋 $45「招牌沙嗲牛肉 雞湯 通粉 配 鮮牛油多士 + 4.3牛奶炒日本滑蛋」🤣「特濃蕃茄湯 午餐肉粒 通粉」：蕃茄湯 勁厚身勁濃郁🤣「招牌沙嗲牛肉 雞湯 通粉」：大大碗👍𨍭「奶油大脆豬（+$5）」：要咗2份，奶油豬脆脆哋，大大個開邊，幾好食「薑汁熱奶茶（+$4）加大（+$3）」：要咗2杯，熱辣辣，大大杯，幾好薑味👍

今日是公眾假期的第一天，我一早約同好友出去遊玩，順道去位於旺角通菜街2Q-2Z號鴻輝大廈B座地下7號舖的旺記冰室食早餐，環境闊落開揚，坐得舒服。我點左個特濃蕃茄湯午餐肉粒通粉$46，配鮮牛油多士＋4.3牛奶炒日本滑蛋；好友點左鮮忌廉雞湯鮑魚火腿絲米粉$46，配升級奶油豬仔包＋$5（跟餐）；另旺記烘三文治四重奏（鮮免治牛肉＋雞蛋＋咖央＋生菜）$42。餐飲係熱咖啡和熱奶茶。午餐肉粒煎香好脆口，濃蕃茄湯好味；奶油豬仔包配滑蛋，熱辣辣好食👍；三文治四重奏口感豐富，好味又好食；咖啡味濃好飲。

聽講呢間港式下午茶好平又好食，我特登嚟試下啦💕店姐個態度好好，令人覺得舒服好似自己屋企咁。我叫咗下午茶A同下午茶B，分別係$46同$40。仲加咗$1轉奶油多士，奶油好足夠，食落鬆脆又好味。我仲叫咗火腿通粉，真係好爽口，通粉咬落有彈牙嘅口感，湯底濃郁香口。而啲奶茶都冇得輸，值得推薦嘅喲💕仲有啊，佢哋嘅餐肉茄通真係有驚喜！炸好嘅午餐肉好脆口，啲茄汁都好好味，真係好值得推薦嘅。整體而言，呢間港式下午茶店真係冇令我失望。平價又好味，加埋好服務，真係一個好滿意嘅用餐體驗。推薦比迷戀下午茶嘅你哋💕🍵🍽️