삼삼뼈국

4人行去吃韓燒或鍋物就最好不過，到訪三就可以一次過滿足兩個願望了！旺角分店環境寬敞，食物和服務亦不錯👍🏻🥩三三烤肉(2人份) $390肥瘦均勻的五花肉和豬肩肉，由店員親自烹煮，表面燒得焦香，入口多汁軟嫩又惹味！配上沙律菜、泡菜、蒜片和秘製醬汁中和油膩感，叫人吃過不停😜🧀追加芝士炒飯 $70和一大班朋友來到的話，記得追加芝士紫菜炒飯一同玩芝士拉絲！店員會即席炒飯，最後用火槍灸燒芝士，怎會不好吃？🤤🥔清湯土豆脊骨湯(3人份) $420薯仔脊骨湯味道鮮美濃郁，看得出沒有油脂，喝得出沒有味精！脊骨和薯仔都非常大件，但比想像中容易拆肉，肉質軟熟；薯仔、西洋菜、金菇和隨湯點選的娃娃菜亦吸盡了湯底的精華！嗜辣的朋友更可點選辣味湯底，應該更為惹味🌶️🥟清湯餃子湯 $100湯底跟薯仔脊骨湯相似，味道清純；有五顆餃子，每隻都非常飽滿，盛載着菜肉餡😋🍶青葡萄燒酒 $70🥤雪碧 $25🍐梨汁 $25青葡萄燒酒不會有可怕的燒酒味，無溝雪碧一樣容易入口，帶清新香甜的青葡萄味！不飲酒的朋友亦可點選特色的韓國梨汁😊…查看更多

第二次黎食，今次試左燒肉，服務好好，店員仲會幫手燒肉，二人份對兩個女仔黎講啱啱好。Lunch set 都好抵，個湯麵好大碗。小菜款式都好多，環境好好，歌好好聽，好啱同friend黎！…查看更多

有人幫手燒肉嘅餐廳！又有好好食嘅燒肉 ！仲有排骨湯 好好味好似去咗韓國咁 ～最驚喜係跟餐嘅泡菜餃子 本身冇諗住嗌 因為跟餐有送 就揀咗佢 煎炸得超好食 下次一定要再嗌多次！！！！…查看更多

個朋友生日，所以就趁返工午飯時間去左呢間韓國餐廳食個快飯，反正未食過，試下新口味先。lunch menu款式唔多得幾款，我同朋友分別叫清湯二三脊骨湯同辣湯二三脊骨湯，麵同白飯係同價嘅。落完order之後，店員會先上幾款小菜，有泡菜，芽菜，茄子，認真都幾好食，我朋友清晒d芽菜🤣🤣，茄子就偏甜，所以我鍾意。好快湯飯就黎到啦，好大碗湯，好大舊骨，好細碗飯，巨大反差😅😅以為今餐肯定唔夠飽，好彩lunch set包埋一隻餃子做小食，泡菜餃or肉餃。咁指定動作當然飲下個湯先啦，唔錯啵，牛骨味都幾香，少鹹，但ok飲到嘅，朋友個個辣味反而比較淡，辣味遮蓋左牛骨嘅味道，反而無咁香，亦都唔會好似泡菜湯咁辣，原味牛骨湯好食d🤓唔敢恭維我d筷子功，筷子係典型韓國筷子…好重…連埋舊巨骨…超級重，食得有d論盡，不過d肉連軟骨夾埋湯，好好食，肉都唔鞋，未到散爛，可以筷子撩到落黎食（其實我係屋企係唔食湯渣，點知黎到呢度食晒🤣🤣） 個飯偏硬，可能for你浸湯，驚過爛？但我個人唔太好，會頂胃。肉餃似菜餃多d，有韭菜餃嘅感覺，唔細隻，足料，飲湯後先食餃子會過飽，寧願食唔晒d飯，蠢左🙃…查看更多

如果要為「幸福」找一個味道，那麼我最近在這間隱藏於巷弄的韓國餐廳裡，找到了最完美的答案。這不僅僅是一頓飯，更是一場穿越到首爾的感官旅行。🏮 環境氛圍：溫馨與熱鬧的完美交融推開門的瞬間，耳邊傳來輕快的K-pop音樂，空氣中瀰漫著烤肉的焦香與大醬湯的醇厚。裝潢並非華麗的宮廷風，而是採用了簡約現代的工業風，點綴著復古的韓文招牌和暖黃色的燈光，營造出一種彷彿在梨泰院某間人氣小館的輕鬆氛圍。無論是好友聚餐還是情侶約會，這裡的氣氛都拿捏得恰到好處。好吃…查看更多

之前去開尖沙咀分店食過無數次SamSam韓燒，今次嚟到旺角分店先發現, Menu完全唔同款！😍 超多選擇,可以一次過滿足晒BBQ同埋熱辣辣湯底嘅願望！清湯土豆脊骨湯、牛肉烤肉、香煎韓豚肉片、酥炸餃子同韓豚肉片冷麵, 款款都水準之上！🤤✨重點要讚嘅係佢哋個「清湯土豆脊骨湯」！真係好飲到癲呀, 咁大煲我居然可以自己一個人飲得曬😂 難怪我成日都瘦唔到啦～ 啲嘢實在太好味, 完全忍唔到口！✨最正係呢度嘅牛肉！品質超出色, 仲有專人全程幫手燒, 唔使驚燒過龍或者燶咗, 坐定定就有得食～👏 仲可以同時燒住肉、飲住湯！旺角分店嘅環境同服務都好貼心, 絕對係同朋友聚餐傾計飲酒嘅地方！…查看更多

Nice food & service. The Pork Bone Soup is so delicious. Staffs were very polite and welcoming, Will come visit again👍.…查看更多

依間韓國菜，野食味道好正宗，仲會有韓國人侍應幫手燒肉😝，仲有好多韓國特別嘅菜式任君選擇，佢係旺角同尖沙咀都有分店，好就腳😌⭐️招牌清湯土豆脊骨湯⭐️，豬脊骨煮到特別軟吾柴，一咬就食到大大啖肉，成個湯底燉到乳白色，飲落清清地，湯會包埋薯仔、金菇、西洋菜，每樣配料都勁吸汁🤤三三烤肉🍖（二人份量），會有韓國人侍應一路食一路幫手燒，全程好貼心吾洗自已燒🤣烤肉有三大片五花肉，肥瘦適中，煎到外皮少少金黃焦香，再包埋生菜、韓式醬汁一齊食特別香口😋我地仲叫多左份韓牛，牛肉味濃又香油脂味，夾埋蔥食好滿足三三炒辣豬肉定食🐖（需2人份量起落單）定食份量十足，配料小菜足足有6️⃣碟，仲要有個牛肉紫菜湯，辣豬肉片腌制得入味，少少甜辣，食落好惹味👍…查看更多

第二次嚟依然服務良好服務員態度良好野食都大份 二人餐可以三個人食 甚至食唔晒！野食唔只大份 味度都非常好！個牛好入味 個炒飯辣但又夠味只需要加50蚊 兩個人食超飽強烈推薦…查看更多

這間餐廳在網上較難尋找，因為是全韓文名，英文名又不易找到這間餐廳，希望食落都是如此地道韓國風味。我們一行三人，叫了一個「三三烤肉」套餐，試試不同的韓式豚肉部位。 三三烤肉套餐：豬肉、3人  ($520) ★★★★✰叫烤肉的話有一位店員為我們服務，嫺熟的為我們烹調所有套餐的肉類及蔬菜，雖然可能因我們食得較慢，所以部分豚肉感覺比較熟韌了一段，不過肉味很重而且沒有豬臊味，配以甜辣醬+生菜或紫蘇葉是很經典好食的韓式配搭。途中豚肉出太多油，店員會用麵包塊往爐中吸油，以致整體沒有太油膩的感覺。略嫌不足的是這個套餐的份量較少，而且豚肉的部位似乎只有兩款(五花腩及類似豬肩的部位)，三人套餐對一般三位成年人也肯定食不飽，雞脾菇、泡菜、葱條等蔬菜配料也不多，而且味道正常。香煎韓豚肉片 ($100) ★★★★★這碟很有驚喜！煎得微微焦香的蛋餅，入面夾着豚肉碎，表面配上一點酸蘿蔔絲，是非常合襯有層次的配搭。這道菜非常有韓國家庭的家常味。整體而言，燒肉套餐肉質還好，但份量偏少感覺不太抵食；店員彬彬有禮，當日客人不多我們坐在舒適的卡位，因此整個用餐體驗還算不錯。…查看更多

平時好鍾意飲湯，呢間嘅排骨湯真係驚喜！湯底足足燉足幾個鐘，出嚟係乳白色嘅濃湯，飲落好香骨味，但又唔會覺得油膩，反而帶少少清甜，飲完成個胃都暖晒。入面啲排骨超級軟淋，輕輕一咬就骨肉分離，肉質鬆化又爽口，完全唔會「鞋」。仲有薯仔、西洋菜、金菇呢啲配料，全部都吸晒湯汁精華，食落去又甜又入味，完全唔係配角。份量都幾足，兩個人share 都啱啱好，而且仲可以添湯，真係抵食！同朋友一齊飲，邊傾計邊食，感覺好舒服。總括嚟講，呢碗排骨湯又暖胃又有料，味道有層次，價錢都算合理，無論一個人想醫肚，定同朋友食飯都係好選擇。之後一定會再嚟飲！…查看更多

呢煲薯仔牛骨鋪上枱已經見到重手用料：大件帶骨牛肋配兩大粒粉糯薯仔，旁邊鋪滿金菇、蔥花同水芹。湯色奶白但唔油，入口係骨膠原嘅黏口感，鹹度收斂，走清甜路線；滾多幾轉，牛骨嘅骨香會慢慢滲出，尾段更厚實。牛肋炆得入味，靠近骨位啖啖啖膠質，咬落軟而不散，帶少少牛味回甘；如果點少少海鹽，層次更突出。薯仔煮到綿滑，吸晒骨湯精華，夾一口金菇同蔥花，口感由軟糯轉到爽脆，唔會單調。水芹落鍋之後帶微苦清香，正好幫成煲提鮮同解膩。整體屬於耐喝型嘅牛骨鍋：味道由淡到濃，好啱邊食邊滾；最後落麵或飯吸湯，滿足感再升一級。…查看更多

已經係第三次嚟呢度食韓式脊骨湯，骨頭炆到腍晒離晒骨，好入味又容易食。 辣味嘅土豆脊骨湯好味啲，本來只是叫二人份，但欲罷不能🤪，加西洋菜加土豆加脊骨，打邊爐實在是大滿足，三個人捧住個肚走😋😋😋最尾嘅三三炒飯，吸晒湯汁才是靈魂🤩 非常圓滿。…查看更多

之前喺尖沙咀開到要排長龍嘅韓國過江龍脊骨湯品牌店，以濃郁薯仔脊骨湯同Oppa幫你燒到juicy嘅燒肉爆紅！依家終於進駐旺角，加開分店，新店同樣係韓國食堂風，坐落彌敦道瓊華中心，地點超方便！🥔🍲 必食 1：薯仔脊骨湯湯底用大量豬骨熬，非常濃郁，辣辣地入口暖笠笠又香氣十足；薯仔粉糯入味，脊骨炆到輕輕一夾就骨肉分離，若果薯仔更多會更好9（本人係薯仔控）🍳🍚必食 2：韓式炒飯（+$50 加配）炒到微焦帶飯香，酸辣開胃，最後加上海苔碎點綴，食到停唔到口。🥩 必食 3：韓牛燒肉全程由 Oppa 幫你烤，唔使自己動手，燒到外層微焦，內裡鎖緊肉汁，每啖都鮮嫩juicy!🐖 香煎韓豚肉片蛋餅煎得好香，之前未食過，估唔到幾好食!!❄️ 韓式冷麵冰涼湯底加彈牙麵條，配上酸酸甜甜嘅蘿蔔絲，炎夏食一流。…查看更多

位於旺角一帶，$360 二人清湯土豆脊骨湯，肉好淋，湯好入味，配其中一款菜，我地追加 面$30 好夾 仲有酥炸餃子，好大隻。就算星期六都有午巿套餐，抵食，下次會再回訪。…查看更多