影片
做完body check，抽完血有少少晕，返公司途中见到间茶餐厅即刻仆入去食个早餐先。想食鸡扒，但系冇得配沙嗲牛肉，阿姐话改咗餐牌。咁唯有食雪菜肉丝面。块鸡扒几香脆，又厚肉。如果以早餐嚟讲，佢都算几大块，亦食得出个肉有腌过系唔错。平时去茶餐厅多数都系试沙嗲牛肉好少食雪菜肉丝，个雪菜又唔咸都几好，同埋个份量都几足。不过个煎蛋就冇㶶边有少少失望。咖啡都正常水平，唔会饮到苦涩味。食完个早餐当堂成个人回咗血。下次朝头早经开要再试吓佢个沙嗲牛肉。
继续阅读