旺角海鮮菜館

营业中

休息中

上星期同屋企人去慶祝阿婆生日，就去左呢間旺角海鮮菜館。門面唔算好起眼，但係入到去睇到好整齊乾淨，成個感覺好舒服。佢地餐牌唔單止有好多款海鮮既餸菜，佢地仲有好多其他款式既餸～咁我地黎到呢間海鮮菜館，當然就要試佢地既海鮮啦！咕嚕肉咕嚕肉啲肉炸得非常好食，外脆內院，肉汁完全鎖左係入面，而且啲肉一啲都唔韌！另外配料方面，有三色椒同菠蘿，重點係啲菠蘿超級甜，令到成碟餸食落更加好食！沙巴龍躉條魚非常新鮮，啲肉蒸得啱啱好，唔會太生，唔會太熟，非常嫩滑。連一向唔食魚既我都食咗好幾舊魚肉！避風塘炒蟹蟹要煮得好食非常講求材料新唔新鮮，呢度啲蟹幾大隻，而且佢哋啲蟹炒得都幾惹味，不得不提嘅係蟹下面嘅炸蒜粒好脆好好食，仲可以撈飯食，不過味道就有少少偏鹹。豉椒炒聖子王啲聖子大大隻，食落好有口感，而且洗得非常乾淨，所以完全食唔到有沙！另外，佢哋用煎米粉鋪底，啲煎米粉索晒啲豉椒汁同埋聖子王嘅鮮味，令到米粉食落惹味！黑胡椒波士頓龍蝦龍蝦size尤如手掌咁大，成碟龍蝦雖然無用任何配菜，淨係用左胡椒去炒，但係正因為咁，龍蝦既鮮味唔會比其他野蓋過，而配以胡椒唔重唔淡既味道，要煮得好食，真係幾考功夫！海鮮炒飯最後，我哋叫左碟海

朋友一行8人，想傾耐d計，但又唔想去cafe, 中式餐館就岩哂朋友推介左呢間海鮮菜館門口有好多海鮮！首先叫2 碟前菜，係豬肚同豬利。唔好睇佢細細碟，但其實份量都幾多嫁兩樣都煮得超soft, 又好入味！非常易咬，無豬內臟既怪味，很好。然後叫左個海蜇頭，個人覺得係必吃通常食海蜇都係冷盤，但呢到既海蜇係熱既，食落去咸咸地，脆卜卜，感覺好新鮮呢到既蒸魚都係一流！蒸得岩岩好，唔會太老，肉質超級滑係海鮮菜館點可以唔食炒蟹，叫左個避風塘炒蟹，辣辣地超惹味蟹肉好甜，如果隻蟹再大隻d就好啦哈哈！我地都叫左個杏汁豬肺湯，一d都唔油，個湯超香

同家人一齊食飯，都冇咩其他選擇，因為佢地鍾意食中菜，就去左呢間"旺角海鮮菜館"。一睇個MENU就叫左呢個"六小福"，因為係其他地方好少睇到有得食！六小福白灼豬肚 ＋白灼豬脷估唔到白灼既野都可以咁好食，其實真係好有難度！豬肚好"林"，好快就清左成碟喇，好好味！豬脷就夠哂入味，保留左豬脷原先既果種味，5星推介！鮮魷魚+海哲頭魷魚夠哂鮮，海哲頭好有𡁻口，不錯！韮菜花＋白灼粉腸韮菜花夠哂鮮甜，最重要係冇渣<<重點！呢個粉腸就真係要大讚！洗得好乾淨！食落係夠"林"，"林"得黎又有𡁻口！係我食過最好食既粉腸！咕嚕肉個汁做得幾好，唔太酸，唔太甜，味道岩岩好，菠蘿就夠哂鮮甜，咕嚕肉唔會"林"哂，做到"外脆內軟"既效果！一品炒飯呢個飯做得太好了，10分我俾滿分，炒飯既緊要係乾身，乾得黎又唔可以太乾，唔係就要成日飲水，呢個炒飯正正做到呢點，再加上足料，值回票價！

上星期日同母親大人、男友book位食海鮮，聽人講呢間唔錯！咁我就揀左呢間啦入到去第一個感覺係幾有privacy, d 間格唔錯，唔會望到/聽到其他食客，食相核突點都唔怕啦呢餐有湯有飯有海鮮，勁飽！！！前菜：我叫左六寶之中嘅 豬肚同豬脷豬脷勁淋！！味道啖啖的，點辣辣豉油食真係幾開胃的豬肚比豬脷爽口，好滑口，媽媽話好鐘意呢味！杏汁菜膽燉白肺原來好大盅我地飲唔晒，早知叫一位位上啦！ 圖中已經係我地每人飲左2-3小碗淨番嫁啦！一開始我望見奶白色，以為佢俾錯魚湯我，哈哈個湯好濃郁，唔似有味精，勁多豬肺好足料豬肺洗得好乾淨呀，係屋企最怕就係要洗豬肺 太繁複，呢盅無腥味，甜甜地黑椒波士頓龍蝦胡椒味唔嗆喉，溫而不辣，食落帶有甜味。肉唔算多，但龍蝦鉗真係好正啖啖肉避風港炒蟹比起龍蝦，我更愛呢碟！！蟹肉多而且嫩，肉汁依然保留其中。最正係佢嘅蒜香D蒜我用黎撈炒飯食菠蘿咕嚕肉用新鮮菠蘿大粒切，好甜。咕嚕肉皮脆而不厚。酸甜度適中。份量都幾多一品炒飯呢碟炒飯望落平平無奇，本來都唔特別期待。食落飯粒分明，好有咬口！ 有蝦、瑤柱、菜心我食左兩碗加埋避風港嘅蒜仲正呢餐價錢中上，但好享受！

今日嚟到旺角一間海鮮菜館，見到門面裝修得幾靚，好有氣派同埋高雅，聽聞米之蓮二星嘅大廚過咗嚟幫手，所以專程過嚟試吓。一坐低先上六款「旺角滋味六寶碟」嘅小食頭盤， 分別有白灼韭菜花， 深海魷魚， 豬脷， 豬肚，粉腸同埋丹山海蜇等等，全部都配上佢哋特製嘅麻油， 同埋椒絲豉油， 每一碟小食都好好食，特別係水魷魚好爽口。「傳統杏汁燉豬肺湯」入面有好多一大舊嘅豬肺，加埋娃娃菜，呢碗燉湯非常之濃郁入味，杏仁味配合豬肺味道，估唔到都係好鮮甜、好好飲嘅湯，好想再飲多幾碗。「黑胡椒波士頓龍蝦」份量十足，賣相已經好吸引，大大隻蟹鉗，好大舊嘅龍蝦肉， 加埋佢特製嘅醬汁， 每一件龍蝦肉都好鮮甜、爽口、入味，而且有少少辣辣地，非常惹味，好正。「招牌避風塘炒辣蟹」大大隻既肉蟹放喺我前面，廚師炒得非常靚，雖然香料好香，但係仍然掩蓋不到辣蟹嘅鮮味， 蟹蓋還有很多膏，蟹鉗啖啖肉， 蟹腳亦都很鮮甜，基本上隻蟹好多，而且好新鮮。除此之外，配料嘅蔥同埋蒜蓉炸得非常脆卜卜可口，好似食緊薯片咁，真係惹味可口。「避風塘炒大蜆」每一隻蜆肉都有我手指公咁大隻，一食落去就食到廚師炒嗰種鑊氣，蜆肉相當鮮甜爽口，再加埋特製嘅避風塘辣汁，是一碟

海鮮⋯⋯是一種比較特別的食物⋯⋯清清地蒸也好吃，濃味一點也好吃。 這天與一大班舊同事又男又女，想重溫以前放工啤一啤的生活，來到了位於旺角的旺角海鮮菜館。 這裡以海鮮小菜為主，最好真的是一大班人食個飯，飲下啤酒來盡興一下。 先來招牌六小碟⋯⋯不過我喜歡的有這個白灼的魷魚同海蜇，十分爽口，沾一點辣椒䜴油提鮮就更美味啦！ 傳統杏汁豬肺 愛它是因為杏汁味不太濃，但又同時可以喝到清潤的湯水，對於我這些外食一族，這些湯水完全是極品。 之後來的都是濃味的海鮮，用來送啤酒汽水絕對是一流！ 黑椒波士頓龍蝦 波士頓龍蝦厚肉，相信是泡過油來的，所以外層帶一點點脆，一口咬下去肉質爽甜。加上外層沾滿了香濃的黑椒醬汁，很惹味，差點想連殻都吃下去。 避風塘炒辣蟹 避風塘炒法勁香口，個份辣勁一口辣蟹一口汽水只有一個爽字可以形容。加上隻蟹好厚肉，吃下去每一口也是新鮮爽口的肉啦！ 旺角脆皮吊燒雞 一班男人，只是海鮮好像是不夠⋯⋯我們還點了旺角脆皮吊燒雞！真是脆皮的，肉還是嫩口的！ 一品炒飯 最後來個一品炒飯，熱辣辣的砂鍋上，每一粒飯也是金黃乾身香口的，實在是有驚喜。

係！無錯，的確係去旺角食海鮮^^"唔知係咪我個人認知出現左障礙，我覺得食海鮮一定係要去海邊XD不過其實唔係海邊都有海鮮食既。★ 招牌六小碟一坐低前菜就到，有海蜤、魷魚、粉腸、豬肚、豬脷，仲有碟係韮菜花，好似無上到，不過都無人食既，所以無特別追。 個人覺得邊吹水有D野咬下，味道不過不失，無乜特別。★ 傳統杏汁豬肺 湯品一向係我最愛，呢個湯既味道岩岩好，杏汁唔會太濃，我幾Like。 個人唔太鐘意杏汁個味蓋過個湯既味，會覺得自己唔知係飲緊湯定食緊糖水XD ★ 黑椒波士頓龍蝦 有睇開我Blog既朋友都知我好注重海鮮既來源，盡量都只食可持續海鮮。根據WWF既《海鮮選擇指引》波士頓龍蝦就係建議可以食用既海鮮。 嗱嗱嗱，淨係呢點都大大加分啦：） 黑椒幾惹味，味道偏重，肉質厚實，但個人是幾喜歡既：） ★ 避風塘炒辣蟹 蟹係我勁愛，又幾經常食既海鮮，暫時係得中國既青蟹要唸清楚先食，其他都無乜問題。 避風塘炒我勁勁勁鐘意，非常香口，而且炒得幾入味，隻蟹好夠份量，咬落啖啖肉架。 我鐘意每啖都加少少炸香左既蒜一齊食，超正：） 不過食多兩舊係會有D太鹹XP ★ 避風塘炒蜆 我心目中既避風塘係好似蟹咁充滿蒜既

食海鮮這回事，當然是即興啦，星期五晚約，星期日晚食，幸得身邊有一群好友陪我癲、陪我喪、陪我到處找美食，今次就來到位於旺角洗衣街的「旺角海鮮菜館」，這邊的位置並不算多，大概可以坐到4-5圍人吧。作為中式餐廳來說，它是比較少的，幸好星期五晚預約定，也很好運地，有一張吉台可以供我們一行九人去品嚐海鮮。 我們今次點了共十一道菜，有幾道菜是我喜歡的，就讓我在這篇文章跟大家分享我喜歡的幾道海鮮吧。 傳統杏汁豬肺 對於開始作病的我來說，這個湯就是我的補充品啦。杏汁豬肺有夠滋潤的，淡淡的杏汁甜味，豬肺本身沒甚麼味道的，所以這湯品還是以杏汁的味道為主，清甜滋潤，喉嚨不適飲到它實在是福氣，飲過以後，就連痰涎都減少了。 黑椒波士頓龍蝦 波士頓龍蝦也蠻大隻的，我選擇了比較多肉的蟹鉗部分，廚師也超好的，早早已為我們弄開了龍蝦殼，只需輕輕一咬就可以把龍蝦肉取出。龍蝦的外層沾上了極惹味的醬料，龍蝦肉鮮甜可口，沾上點點黑椒以後，更是美味，把龍蝦的鮮味進一步突出，不錯。 油浸沙巴龍躉仔這道油浸沙巴龍躉仔真的其貌不揚，但食落又發現它味道很好。外皮很香脆，肉質很鮮嫩可口。加上點點醬料之後，令味道層次更豐富，先是鹹香

邊個話食海鮮一定要去三聖、西貢架? 今日朋友就帶左我地去一間旺角海鮮館食大餐，食材新鮮、菜式新穎，真係色、香、味俱全。仲有店員熱情ge推介同招待，地方亦都明亮寬敝，價錢實惠，一家人去食真係一流。店內ge門面並不算豪華，但內裡裝修令人驚訝，有一種低調ge古樸之風，餐具亦非常講究，同一般食海鮮ge地方好唔同，並有驚喜。避風塘炒辣蟹大大隻避風塘炒辣蟹原碟上，蟹身掩沒係爆香ge金黃蒜碎中，極具氣勢之餘，亦都香氣四溢。最難得係隻蟹好入味，蟹肉亦唔會乾巴巴，香辣濃郁，風味十足。蒜碎亦係焦香惹味，脆而不糊，用來配送白飯，一流!傳統杏汁燉豬肺湯天氣炎熱，有時令人無甚胃口，必須來個潤肺ge滋補湯水。好多人都會驚豬肺處理得唔好，會有腥臭味，但呢到ge杏汁燉豬肺湯清甜可口，特別係淡淡ge杏汁味，飲落都令人脾胃舒暢。個豬肺湯更係用料十足，豬肺稔滑結實，香濃可口，絕對係誠意之作。新鮮菠蘿咕嚕肉我係一個好鍾意食菠蘿ge人，所以一定要點呢碟試試。咕嚕肉軟腍鬆化，多汁濃郁，但無過份油膩的感覺，而鮮菠蘿ge清香味無被肉香壓過，值得推介。店內ge負責人亦非常在意食客ge意見，不時詢問 ; 店員亦會詳細講解，關心客人ge需

「濃」情海鮮餐。旺角海鮮菜館前幾時同班舊同學行過就入去試下呢間位於旺角洗衣街的旺角海鮮菜館菜館內地方不算大, 幸好等了一會已經安排好位置 我們一行六人, 男多女少先上「招牌六小碟」不過其中四碟都是內臟, 本人不太好, 就只吃以下兩款土魷同好香麻油味的海蜤都是熱騰騰的, 幾爽口天口咁熱, 即時叫左可樂, 係支裝啊~飲完透心涼傳統杏汁燉豬肺湯杏汁咪不濃反而我喜歡豬肺湯好清潤, 不太咸, 幾鮮甜黑椒炒波士頓龍蝦看著加了重味的龍蝦感到好可惜不過男士們就是喜歡重口味~哈哈~龍蝦經過高溫炸過, 所以食既時候覺得殼都好脆口肉質嘗算彈牙, 不過鮮味就被外層的黑椒汁蓋過了油浸沙巴龍躉仔賣相相當唔吸引, 但味道卻是整晚最佳的皮薄而脆口, 外脆仍然保留肉質鮮嫩而滑避風塘炒辣蟹愛辣朋友會覺得不夠辣, 我就覺得剛剛好外層辣而有點濃味, 蟹肉新鮮爽口, 而且隻蟹超大隻, 肉蟹超新鮮新鮮波蘿咕嚕肉點了幾款海鮮, 也要點些肉來飽肚一下咕嚕肉切得非常均勻, 炸得幾香脆, 粉漿不算厚, 不過有幾件都是肥膏最愛新鮮波蘿, 酸酸甜甜, 醒胃又好味~吃完之前的濃味海鮮再吃酸甜波蘿咕嚕肉, 讓味蕾休息一下旺角脆皮吊燒雞真的皮脆,

早幾日開完會，諗住同班同事去食晚飯，係大家苦無頭緒食咩既時候，突然平時都唔係點好出聲既同事推介左我地去旺角一間菜館食野，本身都以為伏伏地，因為佢平時都好出聲，不過今次就比個面，試下佢介紹既菜館係出面睇間菜館好似唔錯，入面裝修都幾"試正"，個心都即刻定晒好喇，開始大餐，我地先黎左個六寶碟前菜，海蜤、魷魚、粉腸、豬肚、豬脷、韮菜花魷魚都算係幾爽口；豬肚軟韌適中；海蜤口感非常好，咬落去十分彈牙，再加小小辣椒油調味，正再黎個超一流杏汁燉豬肺湯，成班同事都搶住黎飲，點解？因為個湯超級入味，就連湯入面既娃娃菜都成為大家爭奪既目標！經過一輪爭奪之後，上左個避風塘炒辣蟹同避風塘炒蜆，炒辣蟹辣度適中，又夠入味，炒蜆都多肉，同埋真係冇沙，都算係幾好食！跟住仲叫左個風沙雞，都幾香口，外皮十分酥脆，肉質嫩滑！最後仲食埋個綠豆沙先走，總括黎講同事都冇介紹錯既，環境又夠舒服，可以再食

放工大家想食好西，但遇着滂沱大雨，想去鯉魚門食海鮮又唔得🤦🏻‍♀️，點攪呀？同事提意去旺角食海鮮，的士到門口落，遮都唔洗開，夠曬方便 ！我心諗，旺角都會有好野咩?大大張留名紙，簽名我當然無份，但驟眼見唔少名人黎過，希望同事唔會介紹錯啦！不過，見到門口魚池都甚有水準，加上一入店招呼都唔錯，都放了一半心！班唔返屋企食飯的職人，一坐低梗係整碗湯！老實說，碗湯質素唔錯，拍得住專賣湯品嘅店舖，如果去鯉魚門食海鮮，一定飲唔到呢碗靚湯！想食海鮮，梗係首選避風塘炒蟹，一試就知道間鋪頭有冇料到、足唔足料！如果以為避風塘炒蟹就可以用死蟹俾我哋食，甘就以後都唔使再嚟幫襯！肉蟹超新鮮，掂！最正係佢果避風塘啲蒜頭同蔥炒得超香，同時用你送飯，食咗兩碗，好痴線😱！龍躉一邊炸一邊蒸，好考功夫！位上的白松露炒蛋，好特別，松露齒頰留香！食飯總不能單食海鮮， 其他小菜都炒得夠鑊氣，好惹味，送酒一流！總體而言，整頓飯都係高質中菜，價錢雖然拍得住鯉魚門食海鮮，但絕對值得一試，至少唔使入鯉魚門咁唔方便，而且地方又乾淨企理！

與太太和她的幾位識食的朋友吃晚飯，第一次走進位於旺角的一間中菜館吃海鲜，太太的朋友點了幾味精美的菜和一個湯。傳統花膠杏汁燉豬肺湯首先來了湯，這個傳統花膠杏汁燉豬肺湯十分清甜潤喉，用料豐富，豬肺乾淨爽口，沒想過小店竟有此有質感的湯，盡見心思。第一道菜是白松露西施炒蝦球，還未吃已被它的白松露香味吸引住，蝦球煮得香滑，烹調時間洽到好處，充滿白松露香味的蛋白既白又滑，簡值色香味俱全的極品。第二道菜是鴛鴦大沙巴龍躉，這條龍躉的前半是傳統清蒸的，而後半條是用油炸的，整條龍躉上枱時很有氣勢，很能吸引眼球。這條龍躉頗大條，入口意外地性嫩滑，可見厨師烹調時間控制得很好，質感一流。第三道菜是菠蘿咕嚕肉，這是後加的，亦是我最愛的一道菜，菠蘿非常甜又多汁，而咕噜皮脆肉嫩，口感一流，甜甜酸酸，美味可口，令人吃不停口。真的要多謝太太的同事介紹了一間極有心思的海鮮莱館。

今日班朋友帶我黎呢間旺角菜館食飯好耐無食中菜喇 所以都帶點期待🤤朋友話佢以前食過 最近裝完修重開所以要帶我地再黎試下！朋友發辦食咩 而我就係負責等食嘅😂😂⠀旺角滋味六寶碟- 白灼韭菜花: 好新鮮嘅韭菜花 好爽唔會有渣👍🏿- 白灼舟山海蜇 :超爽口海蜇 第一次食圓憂碌嘅海蜇 口感好滑好得意😆⠀- 白灼鮮豬肚: 都幾爽脆 不過自己唔好呢味😅- 白灼鮮粉腸: 因為自己唔鍾意食內臟🙈所以都麻麻地⠀- 白灼鮮豬脷: 厚肉但唔韌 唔錯- 白灼深海魷魚: 魷魚非常新鮮 爽口彈牙😋⠀傳統杏汁燉豬肺湯 湯燉至奶白色 非常濃郁 飲落去有淡淡嘅杏汁味 非常醒胃😙 而且好足料 豬肺燉得好林 吸哂湯嘅精華 正😍😍⠀黑胡椒波士頓龍蝦黑胡椒龍蝦好少食 炒得好香 辣味都幾重😱⠀避風塘炒大蜆蜆肉好多好肥美😋隻隻都好巨大 蜆肉慢慢嗒落帶微甜 而且對於我呢d好鍾意辣嘅人黎講 辣炒海鮮真係好惹味💕⠀新鮮菠蘿咕嚕肉咕嚕肉可以話係我嘅最愛 酸甜度係取決呢道菜嘅成敗 呢一碟會酸左少少 不過抵讚粉漿唔會太厚 食落成舊都係粉 肉都大舊 酸酸甜甜好醒胃❤️⠀旺角風沙雞皮未算炸得好脆夠乾身 帶林身嘅皮有少少油膩感😣但肉質嫩滑 同埋夠多蒜 岩

約了幾個朋友食飯，朋友S之前試過這間的避風塘海鮮，說味道不錯，帶我們來試下。避風塘炒大蜆多收蜆肉都無沙，蜆肉很大隻，肉質鮮甜，避風塘炒感覺似落了辣椒醬，比較濕，不算太辣。避風塘炒辣蟹唔係個個食蟹所以叫了一隻，所以份量不多，食得辣的我認為辣味不夠，但蟹肉味鮮肉實。杏汁燉豬肺湯杏汁味香濃，但豬肺有陣SO味，湯內有娃娃菜，煲得非常甜而且無油。旺角風沙雞雞肉嫩滑，雞皮香脆，油份不多，雖然不是新鮮雞，但吃不出有雪味，加上炸蒜味，味道不錯。松露野菌炆伊麵係時候食返D飽肚野，店員介紹食伊麵，我見隔離枱都好多人叫，所以試試，松露味香，還有很多菇，但伊麵有些腍，整體味道不錯。綠豆沙一上枱已經聞到好香的臭草味，綠豆沙煲得很綿，不會太甜。