旺角海鮮菜館

营业中

休息中

想找個地方和朋友小酌幾杯，但很多地方都收很貴的開瓶費，剛好找到這家旺角海鮮菜館，預訂時店員說可不收開瓶費，所以就選了這家之後才知道這裡的大廚大有來頭，曾仼多家避風塘名店大廚，又曾在米芝蓮二星餐廳任廚師。吃完過後，我對這裡的大廚的廚藝是絕對認可的。「牛油芝士龍蝦」龍蝦肉質鮮甜嫩滑又彈牙，而且份量也多！芝士味非常濃，能吃岀是卡夫芝士「蒸沙巴龍𧄌」蒸的時間掌握得非常好魚肉剛熟、非常嫩滑！每一處的魚肉都被我們吃光了！「避風塘瀨尿蝦」唯一要挑剔的是價錢貴（$388一隻）。我常常怕避風塘會很油，炸蒜多但不新鮮，但這裡絕對沒以上問題，不愧是專於避風塘煮法的大廚！這道帶點小辣，非常香口惹味。瀨尿蝦做到外脆內嫩，肉還保有肉汁！很好吃！「炸子雞」是侍應推薦的菜式，皮烤得非常香脆肉也不會乾，很好！也是必點之選！最後店員送上了免費的「糖水」，是喳喳，甜度剛好

廢話唔講咁多 即刻同你地入正題 呢間餐廳果然夠水準即使宵夜時段一D都唔馬虎 我最鍾意食避風塘炒蟹 跟住見到佢地寫住招牌就係避風塘炒蟹 我諗都唔諗就即刻嗌左個炒蟹 果然無令我失望 避風塘既炸蒜頭香到不得了 仲未諗到枱上面已經係佢既香味經已撲到埋黎 仲要係超級脆口 蟹膏又多 新鮮就更加唔洗多講啦然後再黎就係呢到既咕嚕肉 酸甜汁加埋鮮菠蘿 包住下面炸到脆哂既豬肉球 好地道好惹味！！ 搞到我仲要嗌多幾碗白飯! 陰公!無計啦!最多做多d work out la haha

係灣仔收9點，乜都收晒，真係無咩好食所以約個左死黨出mk 搵食無意中俾佢係moko 附近搵到間消夜，門面好光鮮，又未試過，所以入去試試叫左個二人餐 2 前菜 2 main 2粥 巧抵吃 前菜自選，揀左個粉腸同油魚，初初見到「白灼」兩字都覺得怪怪地，但上菜見到，又唔似係白灼，而且食落麻香味極重，又幾正，送酒一流到2 main ,個龍蝦粉絲煲無得輸 😍😍蜆仲要係大蜆黎，肥既 😍最後叫埋泥猛粥。意外地綿 甜 😋😋 食埋個甜品紅豆沙 巧滿足☺️☺️☺️

本人經OpenRice 訂座預約用餐，訂座日期當天準時到達餐廳，但餐廳方以沒有收到訂座信息為由，拒絕為我們安排入座用膳，導致當天本人及另外11名親屬在當時時值團年飯高峰期無法如期用膳，並於旺角東奔西跑臨時尋找食肆安排用餐，本人於訂座後至用餐當天期間亦重覆收到OpenRice 的提醒用餐信息，及後去信OpenRice 查詢，亦證實餐廳是收到訂座信息，對於餐廳員工當天辯稱沒收到訂座信息，否認自己安排不當的回應十分不滿，懇請OpenRice 對餐廳方作出適當懲處，亦希望餐廳方正式對本次失誤作出道歉

年幾前食過一次，今次決定翻兜！農曆新年前夕晚餐，成間餐館都滿座！今次嗌左5款野食：☆蒜蓉粉絲蒸蟶子皇首先一人一隻蟶子皇，好大隻😍😍蒸得岩岩好，粉絲金菇吸晒啲味，好好食😋☆白胡椒粉絲蟹煲佢係fixed price既。一上檯見到好大隻，好香！粉絲又係吸晒味，好正！睇下個蟹鉗幾大隻～～😍肉質好實淨～☆紅燒炸子雞上次黎都有食，今次食依然雞皮好香好脆！☆蝦醬蒸豬腩肉個肉唔會太林，不過鹹咗少少，可能係因為蝦米？如果有嗌白飯我估可能好啲。☆啫啫唐生菜肉碎煲屋企人覺得肉碎鹹咗啲，但整體味道都係唔錯～☆紅豆沙餐廳送既，足料！我本身唔食紅豆沙，但呢個屬於唔錯，我都食左好幾啖👌🏻呢間既海鮮真係唔錯！係會再有下次既餐廳～

今晚同朋友行左陣買下年貨之後去左宵夜朋友話有間米芝蓮旺角海鮮菜館,所以一起去食去到門口見到9:15有宵夜時段入到去就叫左個宵夜餐美國波士頓龍蝦餐芝士焗.仲有白灼海蜇頭,白灼深海魷魚,咕嚕肉,懷舊泥孟粥,沙田雞粥美國波士頓龍蝦餐芝士焗-好香芝士味,,焗出黎幾好食白灼海蜇頭-爽口彈牙,用埋辣椒油去食正白灼深海魷魚-爽口有咬口,咕嚕肉-除左肉質唔錯外,新鮮菠蘿都係超正呀懷舊泥孟粥-有果皮絲帶起個魚香味道沙田雞粥-雞都幾滑幾好食綠豆沙都OK

旺角這家宵夜店非同凡響，酒家的格局，舒適的座位。店內有養海鮮的位置，保證新鮮~~超推薦宵夜套餐，晚上9時15分後供應，套餐份量夠大，足夠2至3人食用。前菜6選2，選了我最喜歡的海蜇頭和魷魚，海蜇頭夠爽口彈牙。魷魚的調味適中，兩樣都令人非常開胃。油鹽水浸蜆味道夠鮮，蜆沒沙，不算很大隻，但烹調的時間剛好，所以蜆的口感很嫩。另外，加入了大量的薑絲，吃起來帶著薑的辣味，很暖和。碗底有很多粉絲，吸引了湯，味道很讚。主食有龍蝦，瀨尿蝦，蟹，三款海鮮可選，因應選擇而令套餐收費不一樣。我就選了避風塘炒蟹，份量十足，蟹肉夠實，口感一流，加上避風塘炒法，蒜米香脆美味，用來配飯或粥都很不錯。所以套餐中最後的粥就最適合不過了~泥猛粥是很多小時候最愛吃的宵夜，在這可以吃到這樣美味的泥猛粥，超開心。粥加入陳皮同煮，所以有很香的陳皮味道~~食完超飽~滿足。

見好少人寫晚餐的食評 , 今天book左位食晚餐, 18:45 到場 , 已是第2次幫襯, 我很喜歡食蟹, 這家店蟹肉結實, 又大隻 , 好有水準 (只是價錢.......)但一分錢一分貨是永恆的道理, 其它的款式都很有水準, 希望下次不要我食得太趕, 要我8:30 交檯就好了, 畢景不是吃快餐.

今晚去食團年飯 一早已book好2130我朋友九點三到左態度好西咁話要等夠鐘 要執好張枱。。點知到九點半再入去 竟然hea我地比一張四個人坐都會迫既枱 然後咩都無執好 再放啲圓櫈仔hea我地坐住先。。。大佬 成七個人點坐啊 仲要隔黎張枱貼住我地張枱食櫈佢可憐門囗有張大枱，侍應話有人book左 但眼見半小時都未有入座 為何不可比我地先？佢解釋係有人book左？難道我地無book?唔通無流利普通話就坐櫈仔？員工既arrange十分差 希望你地多加訓練員工如何booking處理同對答 咪啲野再好食都無用我舖頭請著呢啲員工真係喊三聲

今天晚上同家人吃團年飯～～～全程由姑仔一家安排，話呢間「旺角海鮮菜館」超級好食，已成為她們的飯堂，每次食完都話想帶我們來，今次團年「飛雲，機會來了！！」令我非常期待「旺角海鮮菜館」名稱非常普通，位於旺角洗衣街～～～但原來好難訂位原本想訂19:30, 但這菜館真的太受歡迎，一早爆滿！！最後訂了20:30～～但等多一個鐘，都值得的！！菜館內裡空間不大，所以座位不算多，而枱與枱的距離很近～～～我們一行七人，他們都只可以安排到六人枱加櫈，所以都有少少迫每枱也有「花生」同「辣椒豉油」(連這些味道都很好）我們七個人，點了一個「六人餐」HK$2988 (另外加佐一隻鮑魚同一隻扇貝）加必點的「避風塘炒蟹」HK$698六人餐的「頭盤三小褔」1. 海蜇頭 - 上枱是暖暖的，好爽、好好食！！絕無平時食到的添加劑味2. 白灼豬脷 - 味調得好好味，好林 3. 韮菜花 - 味道都很好，不過有點老、有渣「杏汁豬肺湯」超級好飲！！一共可載九碗，勁足料，碗碗最少都有兩舊豬肺，豬肺好乾淨；杏汁非常香濃，稀杰度適中，味道很純不會太咸，無味精，必點！！「避風塘炒蟹」HK$698一上枱，真的忍不住「嘩！～～～」價錢唔平，但份

想食海鮮，所以決定搵左呢一間旺角海鮮菜館。呢度環境都唔錯，有大魚缸養住海鮮，海鮮都好生猛不過見到佢有個宵夜套餐好抵，所以決定試下。叫左個398蚊既龍蝦套餐，叫咗個白胡椒粉絲煲，前菜叫左海蜇頭同鮮豬脷，2個都好爽口，特別係鮮豬脷，用黎開胃啱啱好。之後再嚟一個小菜，叫咗個豉椒炒蜆，得不讚下佢嘅汁，好香，每個蜆都好入味，而且冇沙，值得一讚！最後重頭戲黎左，白胡椒粉絲龍蝦煲，粉絲勁多，又香又入味，用黎撈飯一流！重點係龍蝦，又厚肉入味，好鮮甜，個蟹鉗好大隻，啖啖肉。下次要試下其他食法最後黎左泥猛粥，粥入邊有成條細泥猛，本身以為冇乜特別，食落好香好甜。粥好綿，值得推薦！最後菜館送咗個綠豆沙，有個甜品食下，呢間菜館會再嚟食！走嗰陣先發現原來菜館係米芝蓮大廚！買單千四百幾蚊，建議大家可以試下！

自從搬進旺角後、發現好多餐廳都營業至凌晨、深夜外出覓食完全無難度。今晚夜了回來、就乾脆一試家附近的旺角海鮮菜館新推出的夜宵磨宵夜餐。難得今晚家人過來、點了很久沒吃的避風塘炒蟹套餐 $698。白灼韮菜花每條都好嫩滑啊白灼海蜇頭晶瑩透白、沾上豉油麻油吃冰凍爽口。豉椒炒蜆大小適中、爽滑惹味、加上青紅椒更添香甜。沙田滑雞粥 粥底夠綿、雞肉嫩滑、有雞粥應有的甜鮮味。重頭戲來了- 避風塘炒蟹！份量很大、被滿滿的炸蒜覆蓋、聞到都覺得好香啊～ 蟹肉好鮮甜、啖啖肉、尤其是蟹鉗、辣辣地好惹味😍 雖然好怕拆蟹肉、但每次還是愛上蟹的鮮甜。晚餐附送的喳喳糖水、好多豆。另外見到隔離枱點的燉雪梨好吸引、我們又另外再加一個、限量發售～乾燥的冬天吃這個感覺很滋潤呢。

我家住太子，這飯店裝修前食過一餐晚餐，感覺不過不失，裝修後沒有太大衝動再試。今日行過見到$398有隻波士頓龍蝦食下，雖然要9:15後，反正食左tea，夜點就夜點，反正價性比幾高。夠鐘再到飯店，看到打左米芝蓮大廚牌頭，估計裝後可能有新班底，點了$398餐，白胡椒波士頓龍蝦粉絲，灼豬粉腸，灼豬脷，豉椒炒蜆，泥鰍粥，食評睇圖片。重點是胡椒煲一上，一開蓋再啫起來，香味已令人好想熱住都想食，可想而知大廚功力不錯。服務員好主動換骨碟，亦不時窩心問你味道如何，有需要再叫佢地。埋單兩位茶錢$20，花生$20，加一$40，$480埋單，味道十足，份量足夠，吾可以話好平，但質素合理，今次令我有回頭的衝動。

收工搵吃，又不想吃太飽。隨便走到這小店。前菜有我喜歡的水尤。目標是很想吃炒麵。好吃的炒麵很難找啊。雞粥很滑及軟綿綿。細細碟的炒硯。可以過下口引。仲可以食埋蟹。份量剛剛好。

在旺角行街食宵夜 朋友食過話呢間宵夜幾正咁 所以就去試下啦 餐廳喺旺角洗衣街 十分方便我們已經是9:30到 想不到還是滿座看來真很受歡迎😋宵夜套餐有三款 分別係398蚊龍蝦套餐 ，598蚊瀨尿蝦套餐 ，還有698蚊的蟹套餐我地選左龍蝦套餐😆宵夜套餐包括兩款小食我們分別點了豬肚和魷魚豬肚很有驚喜大家也可試試相比之下 魷魚便較淡味了~粉絲非常入味 食落有淡淡胡椒香 仲有龍蝦嘅香味 大大嚿龍蝦肉 鮮甜味美 十分新鮮 啖啖肉真係好食到要用手黎食😋仲有避風塘炒蜆 隻隻蜆都非常之肥美炒蜆的醫汁非常惹味 正套餐最後一擊 泥鯭魚粥 💛真係有成條泥鯭魚魚粥很鮮甜 但食時要小心魚刺 最後再送糖水~~ 喳咋🤩好多豆好多芋頭粒😋好好食三人食 一個餐加多碗粥Total 537蚊 食海鮮黎講真係好正好抵 推薦!!