影片
路过肚饿，谂住去买串鱼蛋同埋牛柏叶食吓，点知阿姐话要$50。我就话吓，咁贵呀，咁我净系要串鱼蛋算啦。佢话鱼蛋要$30，不过牛柏叶就落咗啦，冇得唔要。我俾咗$20买一串牛柏叶嘅。点知食落超级难食，串牛柏叶好似橡筋咁样咬极都咬唔烂，虽然抌咗落啲汁度煮，但系完全冇味。而且仲食得出串牛柏叶本身疑似系用啲碱水浸住，从来冇食过咁难食嘅嘢。我买咗咁难食嘅嘢，算我唔好彩，食咗一啖即刻抌落舖头附近嘅垃圾桶入面，相都唔想影。最惨系间嘢个位咁旺，有好多旅客经过，等人哋以为香港嘅街头小食系咁嘅水平 就唔好啦。
继续阅读
呢间铺位唔大，但买咗好多唔同种类嘅小食🤪🤪，有煎酿三宝、鱼肉、烧卖、萝卜、鱼蛋、牛肉同埋各种串烧，仲有格仔饼、鸡蛋仔、小丸子，加埋各款饮品同沙冰。当你肚饿想食少少嘢，一定有啲嘢啱你口味嘅。🍢🥟🥚🍧佢哋有提供自助酱料🤠🤠，有辣酱、芥末酱、豉油同甜酱，你可以自己加啲酱汁👍🏻。⭐️ 烟肉肠 $20烟肉包住芝士肠 🌭 🌭，用竹签串住，有五粒一串。即叫即煮，拎到手都热辣辣🙌🏼🙌🏼。食落去有阵阵烟熏嘅香味，咸咸地好好食😚😚。见到都有好多人食咖喱鱼蛋、烧卖捞面🤓🤓，似乎系大受欢迎嘅选择😋😋。旺角嘅呢啲店预咗卫生状况可能唔太理想🙈🙈，见佢地嘅食物都系就咁放出嚟嘅。格仔饼同鸡蛋仔就放喺个发泡胶盒上面，无太多包装🧐🧐。🍄 总括嚟讲如果你想尝吓香港嘅街头小食，呢度系一个唔错嘅选择。不过要留意卫生问题同环境嘅简陋🥴🥴。📍旺津菓汁小食 Wangjin juice snacks旺角山东街40P号地下A1-2号舖Shop A1-2, 40P Shantung Street, Mong Kok
继续阅读