旺泰特食 (已結業)

為兩位朋友慶祝生日，選擇食泰國菜，因為開胃d 嘛，一行四人叫到成枱都係，點了豉油皇炒河、青咖哩跟豬肉、蝦餅、串燒、冬陰公湯等等等等....要讚一下冬陰公湯，做得很正宗，同侍應傾左幾句，先知大廚係正宗泰國人，所以先做得咁好。侍應服務同態度都好親切，會再去食!

每個月都會同屋企人揸車去食一次晚飯。最鐘意呢度既冬陰公湯...真係好好味。仲有菠菜苗... 真係好正。而家人就最鐘意咖哩炒蟹，又平又好味。順帶一提..西貢有幾間旺泰，上次問個侍應先知原來佢地係唔同老闆ga... 只係佢地出左名之後有人用同一個名開。大家千祈唔好去錯呀。而我自己同家人去開果間就係屈臣氏對面過少少果間。

我去親都係小巴站7-11條巷仔入面果間，老實講佢ｄ碟頭飯好正,海南雞飯,豬頸肉飯,碟頭炒飯都係$20-$38,我通常再加幾串串燒,$7串.西貢隨左海鮮,西餐等貴價食府以外的另一選擇.

That was a good afternoon, we went to saigon for a walk.It was already 3:20pm when we have arrived this restaurant.ordered assorted appetizer. Overall was good, except the deep fry spring rolls, i thought that was a bit too dry.Chicken rice was fair, and cheap. Rice was nice. I like chicken rice so much, till now I couldn't find a overall good chicken rice in town!!

特別的同學聚會, 基本上是不可能, 但快樂時光下, 科學止步, 理性失效.行完山, 既累且餓, 長輩提議上泰國菜館, 當然無人反對.人齊至點菜. 一行七人, 點了火車頭炒飯, 酸辣椰汁雞湯, 燒牛肉沙律, 蒜蓉包, 青咖哩雞, 咖哩蟹, 兩三個白飯.火車頭炒飯, 用上芥蘭不當造, 死死實實, 飯亦炒得夠不香.酸辣椰汁雞湯, 一味辣, 個人不好椰汁, 還是覺得椰汁下得不足, 酸味可以, 但香茅, 金不換, 似乎下得太輕手, 是本地化了嗎?燒牛肉沙律, 牛肉又是香料太少, 惹味欠奉, 雖說是燒牛肉, 但怎說也過乾.蒜蓉包, 香脆, 只是蒜蓉味略淡.兩道咖哩同有一弊端, 就是偏甜而不香, 但同學指咖哩蟹用料是非常新鮮, 自己卻未有一試.服務方面, 初入座時, 人尚未齊, 叫侍者先給幾杯水, 要多叫遍才辦, 不過飯後侍者都會詢問意見.結帳70零, 西貢區都叫便宜.全程自己一直陷於於語障, 聽著他們笑笑說說.OK臉只是給這段或者可一不可再的快樂時光.

是日下晏去到位於觀塘嘅總公司開會，同顧問相討一些合約問題。本來嘅打算係個會大約會開到七點鐘，之後可以同阿K入將軍澳睇樓。不過個會提早完成，睇樓活動亦提早進行。睇完樓夠鐘食晚飯，我就提議不如入西貢食。响冇異議嘅情況之下，我地長驅直進西貢。聽阿K講西貢有一間食泰國嘢嘅地方，啲泰式雞飯幾好味，而且頗經濟實惠，於是我地繼西環泰式食之旅之後，再嚟一次西貢泰式食之旅。以下就係我地所嗌嘅菜式，包括「泰式雞飯」、「白灼獅蚶」、「咸魚炒芥蘭」及「冬蔭公」。「泰式雞飯」嘅醬汁辣中帶酸，蘸在新鮮雞肉之上，十分醒胃；雞肉肉質嫩滑，但稍欠雞味，雖然係咁，但我覺得應該都係新鮮雞。「獅蚶」雖少，但蚶肉清甜，如加上酸辣汁，則有另一番風味。芥蘭除咗用咸魚增加咗味道嘅層次感之外，廚師仲加咗糖落去炒，令菜本身食落更加甜美。「冬蔭公」湯底好濃凋，用料十足，唔會好似一般市面食到嘅一樣「水liu liu」，與响泰國當地食到嘅不枉多樣。廚師放棄用數隻蝦仔做湯料，改用一隻大蝦搭夠，不過蝦肉本身在濃湯底之下已失去不少味道。响一輪風捲殘雲之後，我地已經準備好結賬，一共一百五十蚊，十分公道。要留意嘅係响西貢有兩間「旺泰」，一間係响萬年街嘅

me also 誤打誤撞選o左旺泰, cos there are almost full house at 6:45pm, so i guess they must good!爆炸大頭蝦$118 - 2 蝦開邊- good! but i feel a bit expensive - 冬陰功湯$40- great柚子沙律$38 - as good as thai orchid but much cheaper!豬頸肉海南雞飯- $38 - good !very full dinner for 2, 飽& 回味到2:00am!i think the service is ok too!

My girl friend and I visited there on Sat 12th May, around 7pm for dinner. Food = A Service - A-, restaurest = B+, Price = A. Overall rating is A by us.

果日去完朋友屋企睇碟,諗唔到食咩咪落左去旺泰食飯囉~落去果時都8點幾,好多人,要等位.等左十幾分鐘就有位,不過等食既時間真係等左好耐,足足等左一個鐘至有得食,追左2-3次架啦,都唔想再等落去,點知個朋友話等多一陣啦,再等唔到佢上菜至走.最後都等到,但係頭尾等左一個鐘頭零兩個字囉嗦!我地叫左香矛蝦沙律,蝦膏炒飯,串燒(豬,牛,雞每樣2串),冬陰功湯~香矛蝦沙律個汁好濃味,唔夠清唔夠開胃,加上太多泰式沙律料,口感好怪,但係好多蝦同埋d蝦都幾爽口.串燒好咸,由其是係豬同牛,咸到不停飲水,反而雞就幾好食,個汁好香花生味,燒得岩岩好.蝦膏炒飯炒得唔夠乾身,冇蝦膏味,似一般炒飯,加上冇乜料,唔係咁抵食.冬陰功酸酸地辣辣地幾開胃,算係好飲,而且有一隻大蝦係入面,冬陰料夠足.埋單百六蚊,算ok啦,至少2個人食都覺得飽~不過下次就一定唔會特登去囉!因為比以前,佢既水準差左好多~

我食過幾次佢地既串燒,又平又好食, d 泰式炒河有泰國風味,佢仲有個泰式雞飯, 非常ｏｋ, 我最怕食到嗰d 自稱係泰個菜,但係一d 都唔似泰國味既舖頭, 佢就好有泰國味啦!

1.生蝦刺身$42九隻~ 不太鮮味,而且可能剛在雪櫃拿出來,像未完全解凍.2.海南雞飯$28 ~ 雞幾滑,油飯亦香,醬汁也非常合我胃口.3.香芧豬扒飯$35 ~ 從來未試過這款豬扒飯,因飯面鋪滿醬汁,豬扒藏在內.汁料很香很野味,但豬扒就不太好了,因炸得很乾.4.馬拉盞炒通菜$28 ~ 不是太大碟,味亦不太濃.5.蒜香炒椰菜苗$30 ~ 其實形狀似小棠菜.6.雞絲金邊湯粉$22 ~ 都幾大碗,很多芽菜添.7.火車頭炒飯$30 ~ 其實是泰式炒飯,有點菜粒,肉片...8.串燒$7/串~ 雞,牛,豬各一串,肉質麻麻地,但醬汁OK.9.春卷$42 ~ 一碟五條切件,即叫即整,不錯的選擇.

今日行完山同班朋友嚟醫肚。都好耐冇嚟啦，今次由朋友發板order咗以下表食物。1) 串燒共八串(雞翼、豬頸肉、牛肉、雞肉各兩串) ($7/一串)味道幾好，好香花生味。雞肉和豬頸肉比較滑，D牛肉就燒得太，好乾。2) 泰式生蝦刺生蝦略為細隻，雖然唔係太新鮮，冇嗰種脆口嘅口感，但蝦肉尚算通透。一隻蝦伴一片蒜片和辣椒來吃，加上個辣魚露汁，都算好味。3) 泰式炒河($30)即係泰式炒金邊粉，炒得好夠鑊氣。加埋D青檸汁和花生碎粒，好好味。4) 海南雞飯($28)跟個清冬瓜湯上，幾窩心！D飯味道一般，D雞有雞味，但屬一般水準，不太突出。5) 馬拉盞炒通菜味道好，不過炒得好油。埋單$15X，都係好平、好抵食。

人開始長大(即係..老?)開始唔鐘意同人迫大除夕與人群反方向而行目的地又係西貢西式餐廳不是被包場就是開天殺價這間平時必爆的泰菜反而有位與一般旺場泰菜一樣巷仔開到地舖再霸樓上單位樓上地方也不小還有電視看而且即使人手不太夠但也能保持乾淨難得矣先來一個餐牌上沒有的生蝦刺身蝦身飽滿肉質通透吃下也十分對辦滿滿的辣油四處游走也掩蓋不了蝦的鮮味紅咖喱海鮮焗椰青以為一個椰青內的海鮮也多不了怎知青口、魚塊、魷魚、蝦等等竟然多得兩個人吃不完不太辣但香口的咖喱汁配蒜蓉包還要再加白飯才可跟進完成很有意思幸好燒魷魚沒有釀飯燒得也很香否則肯定滯死炒通菜油了少許老了少許就當通通腸胃也好食完飯在西貢海傍漫遊驚濤骸浪一塌胡塗不知所謂的一年就咁過去了新年第一天出現了罕見的藍天白雲至今也再未遇到象徵藍天行動尚未成功希望仍是好兆頭吧

二十號晚和太座去食晚飯, 是晚是太座為我誕下愛女坐完月後第一次出外吃。我們叫了抄耶菜苗, 豬頸肉, 泰式春卷和火車頭抄飯。火車頭抄飯和泰式春卷只是一般, 其餘都很好, 服務亦稱職,吃罷馬上回家看女兒。

行完山4點幾, 鬼咁餓又怕松記車仔麵人山人海,於是黎左呢間試下.串燒($7串共十串. 唔掂, 有2成到黑色, 要咬返出黎lur, 好論盡):-豬頸肉-雞(都幾滑-雞腎(當中最好味)-牛肉-雞翼泰式炒椰菜苗($3x, 偏咸,亦好油)濕炒雞河($3x, ok啦,不過怕漏的朋友唔好食濕炒, 個汁係好杰好漏既)椰青($15) + 汽水($6)真的, 同九龍城是但一間比一比都會比下去...以後有心食有水準的泰菜都係去番九龍城穩陣.