旺泰特食

营业中

休息中

Weekend 心情特別輕鬆, 和老婆渣車入西貢就係為左食他的海南雞飯同生蝦海南雞飯一路都keep住他的水準, 配埋個海南雞汁, 正到無論, 我最喜愛就是他跟海南雞的湯, 好重胡椒味, 岩曬我, 生蝦都ok, 不過再凍d就會更好, 同樣地, 他我生蝦辣汁一樣咁正

本身我話食【松記食車仔麵】，因為未試過，次次去到都準備收鋪，係唔係真係唔休做呀？晚上８點就打烊！艾～～～唯有食返【旺泰】！【豬頸肉粉】以前我好鍾意食呢度既雞粉，至從試過一塊豬頸肉後，就對豬頸肉粉情有獨鍾，豬頸肉係燒出來的，又唔肥，岩哂我呢ｄ唔鍾意食肥肉既人，而湯底好清甜，其實唔加配料都好夠，我通常食到一半先再加埋泰式粉麵用既配料，咁就有２種食法。【酸辣鳳爪】一碟細細碟，但係入面有好多隻鳳爪架，味道好正宗，酸酸辣辣我至愛。【芒果沙冰】旺泰既沙冰整得特別好飲，味道真係調較得岩岩好架，所以一定要飲！

在西貢遊蕩了一個下午，晚飯時間來到高富樓巷仔內的旺泰特食，試試食友們推介的海南雞飯。窄巷內放滿摺檯，人頭湧湧幾熱鬧，衛生環境也不算太差，老闆更在店外放了一把大風扇，幫客人消消暑，認真體貼。由於我們不太肚餓，只簡單點了海南雞飯 ($30) 和脆肉炒椰菜苗 ($45)，另叫了椰青 ($19) 和青檸水 ($15)，為累透了的身體降降溫。先來的是海南雞飯，雞件雖然切得不夠徹底，但連皮的部位的確幾滑溜，而雞肉的質地也比平時吃到的結實。這兒的酸辣醬也挺特別的，酸度十足，再勾起小小辣感，吃起來會很開胃。油飯則煮得夠乾身，份量不少，但相信要清掉一整碟也沒甚難度，以這個價錢來說，水準的確不俗。脆肉炒椰菜苗的調味明顯太過濃烈，幸椰菜苗勝在爽脆幼嫩，脆肉亦不失香口感覺，但小小的一碟竟然要收四十五蚊，又真係貴咗少少。女友的椰青夠凍夠新鮮，椰青水味道清甜，比我的青檸水更為解渴，而且藏有不少椰子肉，相當抵飲！埋單免加一 $109，價錢不貴，來西貢不一定要吃海鮮，這間泰菜也是個不錯的選擇。另外，西貢有不少西餐廳／扒房，其中 Anthony’s Ranch 的和牛 dinner set 配搭相當豐富，遲些一定要試試

二月上旬•灰矇矇 很久沒有搞海鮮局了，今年的第一局，就選了在六福。飯局在周五，還未有野撈的我，當然要早幾天來看看，要吃好的海鮮，也要早幾天來訂好。行了一轉，吃飯時間已過，在想吃什麼。記得有這一間泰菜小店，假日來到，人多到不得了，不願等的我，準是望門輕嘆。今天來到，水盡鵝飛，正好一試。 話說西貢不止一間「旺泰特食」，不過我來的就是高富樓這一邊，要了一味泰式雞飯。 先來的是一碗例湯，飄著油份，喝起來清甜，不錯。雞飯送來，做得乾身，有點香料味，是及格的。雞肉都是拆了骨的，做得夠滑，非常不錯。醬汁酸中帶辣，下飯也很不錯的。 雞飯三十元，連一杯青檸疏打，埋單是五十元有找，加一串串燒，吃得飽飽，很滿足。去海邊，看看有什麼西貢海魚，買條回家加菜。 來這裡有多一點這裡的資料：http://gourmetkc.blogspot.com/2010/03/blog-post_24.html

星期日到西貢放狗, 又撞入去碼頭小巴站附近巷仔的旺泰特食.每次來到我一定要湯金邊粉, 就算明知佢既濃味來源係勁重味精香料, 但每次總係忍唔住要食返碗. 如果未來過, 一定要來試下.呢度既串燒都唔錯架... 不過要記住唔好太夜來, 最好係下午前, 咁就食到剛剛燒起, 肉香四溢既串燒.呢度環境就麻麻, 始終係後巷, 乾淨程度一般.

來到西貢，就好像去了離島，很有假日feel，不過最近的星期六，為何這麼多人?擠得像身處旺角。來到那兒，也不忘找東西吃，上次覺得好吃，今次又來吃兩口串燒，為釣墨魚前打底。點了雞肉串和特色泰式腩肉腸，雞肉串份量很細，汁不算辣，夠香夠惹味，肉不會韌，燒得香，就會好吃。腩肉腸就比較新奇，只有很短的一條，就收了十元，也都要一試。咬下去中間的餡是肉碎加膏粒，令我想到好味的煎肉餅，鬆身一點和肥一點，這條腸本身已經夠鹹夠香，個人覺得這個不用點什麼醬也可以。不錯，閒時入來又一串。

同蝦子餅去完位於橋咀洲嘅香港地質公園, 又攰又肚餓, 要喺西貢市中心搵D野食完先有力氣返出去市區.喺巴士總站附近兜左個圈, 呢間旺泰特食Sawaddee Thailand似乎最吸引. $8一串串燒 - 我叫左一串雞肉; 夠滑, 不過唔係我鍾意果隻沙嗲醬 $30一碟豬頸肉飯 - 我碟飯唔係普通白飯, 又唔係雞油飯, 唔知佢落左D乜, 味道OK, 仲送一碗湯, 不過佢碟醬就有D辣, 係食嘅時候唔覺, 飲熱野果陣就散出來果種 $39一碟香葉肉碎炒飯 - 蝦子餅碟飯叫左少辣, 試左一啖, 不過不失, 意料之內; 呢個無湯送入到西貢可以一試, 唔需要專程入去試

今早係西貢做完野，剛好一點幾，第一次一個人平日係西貢市中心搵食。快餐店？ no way 中午時份都好熱下，無乜胃口想食雜糧，左思右想就決定去巷仔食腸粉，去到檔口前面又覺得太熱喇，都係搵間有冷氣唔洗食到一身汗。咁啱有一聲「四碟海南雞飯」從身旁亮起 就你啦海南雞飯好容易就搵到個位，刻不容緩叫小二落 order - 海南雞飯飯到想俾 $ 先，不過個疑似老闆叫我食完先俾碗例湯(水)有粒冬瓜加一條芫茜(希望無寫錯別字啦)正合夏天飲用，一飲而盡覺得味道略鹹個飯係黃飯，有雞味但唔係好油，正 ~夾件雞先，夠滑 + 無乜肥膏 + 去骨，正 ~第二件雞點黑醬，酸酸地又有小小桂林辣椒醬味，正合胃口最後唔洗十分鐘就照鏡，坐多一陣走人繼續下午的工作 飯後感：味道唔錯，可以有下次，不過對我呢 d 食力強，份量真係唔係好夠

一入巷仔, 已好多摺枱, 坐了好多人!少許口痕, 叫左串雞.8蚊都幾貴, 但真係好細串!阿姐放了串雞在爐上, 一分鐘便食得.加d 辣汁, 真係好好食, 唔乾, 多肉汁, 點的汁又惹味.但8蚊... 不會成日食o羅...

之前幾次在旺泰都覺得幾好味，尤其是海南雞和蝦刺身。不過今晚嗰餐真係唔掂，相片都廢事影。1.蝦醬炒飯: 濕淋淋，仲無蝦醬味。2.白灼螄蚶:不熱，樣子又不乾淨，味淡。$483.青咖哩雞:最慘烈，撩幾下，只得幾片雞肉，一大堆豆和茄子， 水汪汪的。$554.海南雞:最後叫番碟穩陣d的菜，不過等了好耐。幸好水準能保持。結果，兩人才緊緊飽(只是不餓)。 飲品是之後去七仔喝汽水。

很少平日往西貢，今次找朋友"御用"的理髮師剪髮，完成後已經十點鐘，本想去滿泰吃雞頸飯，可惜那條泰菜小巷的餐店已關門，唯獨是旺泰仍客似雲來！成了晚間的「獨肆生意」。兩個人order了以下幾種食物：1)海南雞拼豬頸肉飯-　可能食開滿泰的雞頸飯，所以總會拿來比較，其實旺泰的都不錯，只是比滿泰的稍遜，但跟飯的醬汁同樣咁好吃，頓時提升了雞肉及豬頸肉的味道，加了不少分2)雞及牛串燒-　燒雞串的肉比海南雞的雞肉好吃，沙嗲醬都不錯，以$8一串來說，算是物有所值3)炸蝦餅-　good！彈牙的，炸得剛好，比在別的地方吃的size較細件，但迷你有迷你的好，可以一口吃完！4)馬拉盞炒通菜-不知為什麼食泰菜總愛叫這個通菜炒得香，夠惹味！5)椰青-　真的要給0分，可能飲椰青飲得太多，經驗得出，這個椰青不是泰國or印尼，應該是大陸的吧，上面還貼著一張中文招紙，甜還是很甜，但不是清甜，喝了也不覺得解渴，內裡的肉還十分實...吃的好，服務也不錯，環境和一般屋村那種小食店無異，下次除了吃滿泰外，旺泰也會是我十點後在西貢的開飯點

尋日行完山6幾點鐘周圍搵野食 搵到黎呢間~嘩~ 咁早都咁多人啦~ 咁就入去試下啦~ 首先叫左四樣野:椰青: 多水 d肉又娕 不過d椰味少左d ja~ 都好唔錯啦串燒(豬,牛,雞) : 三串都好正路 不過d沙嗲汁好甜 好好味 岩哂我唔食得辣ga魷魚沙律: 見咁特別咪試下lor d魷魚唔難咬 好淋的呀 仲要辣tim~ 食得辣的應該會十分鐘意啦~香葉海鮮炒飯: 佢話係辣的 好彩食落唔係辣咋~ 不過甜甜地好香 好好食呀~ 推介~之後見人地隻雞全亦好好食咁wo~ 食左隻~ 食左隻 唔夠再食多隻 $8 隻唔貴呀~ 埋單 $14x 都叫抵食呀~

01-10-09國慶跟友人去了西貢hea時間, 正當唔知想去邊食野之時, 行過呢條巷其實友人已即用手機search有咩好食, 發現「旺泰」, 原來就係呢度但回家看看, 最高分的「旺泰」唔係呢一間, 不過都可以一試呢度真係好多人來食, 我們六點幾, 都冇位了, 得返坐在廁所門口的位, 幾唔願意!但為左要食, 又唔想等, 就忍一次, 好彩廁所唔臭!我們點了:1. 海南雞飯($29) : d雞好滑, 去左骨, 冇咩肥膏, 但d飯唔夠香, 唔夠油, 賣相唔夠泰妃雞吸引, 但都ok好食~2. 冬陰公湯($50) : 好辣, 只有蝦和草菇仔. 冬陰公海鮮湯先有其他海鮮. 好有去泰國食過的冬陰公的味道. 但有點貴.3. 辣辣鳳爪($32) : 呢個真係冇得頂, 勁好食, 去左骨的鳳爪. 雖然好似好大碟, 但只係伴菜多, 冇咩肉食~4. 泰式汽水芬達($8) : 其實只係普通芬達, 但又賣到好似好特別咁~5. 串燒牛肉和雞翼($16) : 串燒就真係好普通了, 唔好食, 只係個沙嗲汁有點特別, 其實都唔係好值成晚消費只是$138, 都幾抵, 在遊客區而言食特色野, 算

15-8-2009又到西貢行吓, 同朋友不約而同無食 lunch, 5:xx pm 到步先搵地方醫醫肚. 沙爹串燒一律 $8, 要了雞肉 x 2, 豬頸肉 x 2, 牛肉, 雞腎及雞全翼各一, 再一人一杯凍飲.我飲龍眼水, 夠晒凍, 不過甜得過分, 要等 d 冰溶咁 d 先叫可以入口. 朋友飲椰青, 比我的清甜解渴得多了, 不過又好似唔多夠凍...多款串燒以雞肉最好食, 肉嫩又入味 豬頸肉都唔錯, 爽口又夠香, 不過同食開的金泰 (http://www.openrice.com/restaurant/commentdetail.htm?commentid=1962002) 比, 又差唔少; 雞腎就最唔掂, 溫吞又好韌, 咬到牙骹軟 沙爹汁杰身, 唔辣, 但太甜, 個人而言唔太喜歡, 不過當時都食得算滿意的, 鬼叫餓得發慌麼 唔好睇呢度「柄」埋巷仔內, 環境又麻麻甩甩咁, 人流好多阿姐又幾友善的.每人約 $40, 路過都可以一試的.

我們在“旺泰美食”order了五支串燒（各款一串，每串八元）、海南雞飯（廿九元）、脆豬肉飯（廿九元）和三罐泰國汽水（每罐八元）。不是不好吃，不是不對版，但吃過後便甚麼印象也沒有了，是否尋常了一點？還有一點印象的，便是他們的油飯、清湯及似藥水的士多啤梨汽水了。在店內張貼的食評得知此店是屬於泰北菜，很少用椰汁，而木瓜沙律亦較辣一點，這次沒有嘗試，下次有機會一定order，這亦是一次經驗嘛！